【 資深配音員曾佩儀傳不獲無綫續約已離職 】
「月稜鏡力量，變身！」
「雞蛋六隻，糖呢就兩茶匙，仲有啲橙皮𠻹！」
以上兩段經典對白，年過25歲或以上的讀者必定聽過，其實都是由資深配音員曾佩儀 （Jingle）聲演，不過來到2020年，這把熟悉的聲音將從此成為「絕響」！
早前收到讀者報料，指入行經已30年的曾佩儀，在去年12月合約完結前突然收到無綫通知不獲續約，報料者謂：「（無綫）係直接唔續佢，『老人約』（一年12個Show）都冇得俾佢揀，於是Jingle決定退行唔再做配音，就連自由身都唔做！」關於離開無綫的消息已獲「創意動漫聯盟」的facebook專頁確認，《香港01》亦有相關報道，但至於是否退出配音行業，就暫時無法求證，而今次Jingle離開一事，未知是否因為無綫為節省成本有此決定，但據知無綫配音員工作向來都是多勞多得，但人工多年來都沒有明顯增加，資深配音員翟耀輝幾年前受訪時說，當年他入行，90年代入行，為長度為每半小時的影片配音，不論配音需時多久，酬勞為$150，稱為「一個Take」：「但而家都係，有啲新人入行仲要冇呢個價錢𠻹！」（http://bit.ly/30WjQBp）
曾佩儀於1990年參加第一期「無綫電視粵語配音藝員訓練班」而順利入行，同屆同學包括聲演《叮噹／多啦A夢》「靜儀／靜香」的梁少霞、木村拓哉御用配音員蘇強文、 小日向文世的御用配音員兼百變「聲」君招世亮，以及翟耀輝。多年來，曾佩儀聲演過的經典角色不計其數，包括《美少女戰士》第一代月野兔（之後一度離開無綫，為愛子動畫的《美少女戰士》月野兔配音，無綫版本改由黃麗芳聲演）、《娛樂金魚眼》的千歲、《魔神英雄傳》美子、《喜羊羊與灰太郎》系列的喜羊羊；此外她亦是宋慧喬、石原里美和李多海的御用配音員，但2018年在J2播出的日劇《不自然死因研究所》，石原里美飾演的三澄美琴竟然改由陳皓宜配音，Jingle反而獲安排為市川實日子飾演的東海林夕子配音，一度引起配音迷不滿。（http://bit.ly/3aJqAqU）
至於當年為「通訊事務管理局」（前稱廣告事務管理局）宣傳片聲演（http://bit.ly/36ylvhT），她在2015年接受《東張西望》訪問時透露為何會說出「雞蛋六隻，糖呢就兩茶匙，仲有啲橙皮𠻹！」這段對白（http://bit.ly/37taqjn）。「其實錄音嗰日呢，我就係間Studio度錄緊啲Drama嘅Job，咁啱個領班就話：『Jingle，你過嚟幫手做兩句呀！』咁樣，原來就有條政府嘅宣傳片，佢就需要搵一個卡通人物，就係《美少女戰士》呢想講一句變身，於是入到去我就錄咗：『等我變身先！』，咁之後就見到個畫面，就去咗個家庭主婦煮緊餸，跟住我就話：空咗喎個畫面，不如度啲對白囉，當時見到畫面就有啲雞蛋呀，有啲調味品呀咁樣，我就提議話，不如話雞蛋幾多隻，糖幾多茶匙啦，佢（領班）話好啦，咁試下雞蛋六隻，糖呢就兩茶匙，就度咗呢兩句對白，之後見到下個畫面見到個主婦揸緊橙汁，咁佢就話加啲橙汁啦，我就話加個橙汁會煮個咩餸出嚟呢？後來我哋決定就話，仲有啲橙皮呀，於是就咁樣錄咗呢個廣告。」
（26012020）
＃游大東 ＃游大東影視筆記 ＃月野兔 ＃美少女戰士 ＃配音員 ＃宋慧喬 ＃石原里美 覺醒配音組 Awakening Dubbing 香港配音員同好會-聲色藝直播室 周良鴻 -配音員睡前故事 葉一知 快樂的 美少女戰士銀月水晶城堡 蒸糕包大本營-曾佩儀
娛樂金魚眼粵語 在 娛樂金魚眼tvb、鯨魚卡通、金魚注意報在PTT/mobile01評價與 ... 的推薦與評價
娱乐金鱼眼粤语 版是由梅澤淳稔导演，曾佩仪,郑丽丽,黄丽芳等主演的搞笑,动画电影。电影简介：就读于贵族名校——都会学院的少女藤之宫千岁（宫千岁）高傲蛮横， ... ... <看更多>