【為結婚而慳錢的攻防戰】
結婚、買樓，都係兩個字！
一橫一直，每一撇一點都係錢。
與其怨天怨地，不如實實際際儲錢仲好啦。
於是我同女友展開左一次痴線既慳錢攻防戰！
每次我買嘢，甚至連食飯，女友都同我計住數。
佢話：「你知唔知你呢餐壽司，可以買到半個微波爐啦！」
「仲有你呢隻玩具啊！我可以租多半件婚紗啦！」
從此我生活受到諸多阻礙，就連我飲緊嗰杯咖啡，喺佢眼中都變成將來屋企嘅其中一件傢俬。
所以我決定展開反擊！
「妳知唔知妳一日使費幾多錢？」我。
「咩啊！我今日帶飯返公司咋！」豆姐。
「但你朝早飲嗰杯果汁，廿幾蚊。放工去做嘅Gym除返月費又十幾蚊、做次facial又幾百蚊。仲有！你戴緊隻1day con幾蚊，化妝品、香水加埋又要幾蚊，你每日使費其實好大㗎！」
結果，我同佢都進入咗斷、捨、離嘅生活…連返屋企開燈都計住電費。
但經過一個月之後，發現根本無效果，點樣慳都擺脫唔到心理壓力。
因為我同佢根本對結婚有咩使費都冇乜概念，又點會計到結婚要幾多預算，冇預算又點知要使幾多錢，同確實需要儲幾多錢。
幸好，最近發現左「錢家有道」網頁有得下載「婚禮開支預算表」、「裝修開支預算表」、仲有「迎接新生命開支預算表」，去到退休都有～
有咗呢個預算表，就知道自己有邊啲項目想做而邊啲可能負擔唔到，再同豆姐坐低攤開盤數有商有量，傾下佢嘅夢想婚禮想點搞，攞到共識就朝住墳墓…啊唔係，朝住婚禮前進，儲錢都唔一定要過住修行僧嘅生活嘅！
「話時話，你今個月入咗錢落我哋個結婚儲錢戶口未﹖」豆姐問。
（結果：我唔敢將新買嘅Game拎出黎，希望豆姐見到呢個post會原諒我…）
錢家有道理財工具: http://bit.ly/2Lc4fIt
婚禮開支預算表 在 #婚禮開支預算表 - Jelajah | Facebook 的推薦與評價
explore #婚禮開支預算表at Facebook. ... Log Masuk. Terlupa Akaun? #婚禮開支預算表. Terokai. #婚禮開支預算表. ... <看更多>