《突然又已一年》
疫情以來，我嘅人生方向變得更「無定向」。好似今趟咁，明明打算只留喺香港一個月，拖吓拖，hea呀hea，終於輾轉都留咗7個月！
喺意大利屋企嘅box (即係車房)，留低奶奶自己種嘅薯仔都生哂芽，用嚟早餐食嘅牛奶都準備過期要姑拉攞去飲費事嘥……好似無傷大雅。但最近，發現我哋仲留低咗…大半年冇見，頭髮就算點染，都遮蓋唔到佢臉上皺紋嘅奶奶。
早兩日意佬望住呢張一年前嘅相，再對比一下姑拉send過嚟奶奶同B女嘅近照。意佬手踭傍著窗邊，長嘆了一聲。
佢呢一嘆，我諗大概包含以下內文：桑田滄海，上年還細細粒嘅姪女，轉眼間已變為美少女，舅父（意佬）喺香港買買埋埋嘅Frozen禮物準備返去時送俾佢，點知原來依家B女已經唔再鍾意Frozen，啲禮物真係可放入雪櫃be frozen。
而奶奶每隔日都會打俾阿仔，永遠都噓寒問暖，向我爸媽問好，但就永遠擺到自己喺最後，就連今日係佢生日，都要發住燒咁過。喺電話，佢只弱弱問一句：「仔呀，都知你留喺香港一定有你嘅原因，不過睇吓你幾時返嚟，但係你未返嚟住唔緊要㗎，我都係得個知字……」
奶奶，掛到條腸都出埋喇～得個知字咪即係想個仔返屋企囉～
留低可以有一萬個理由，但唔可以再咁自私了，盲嘅都睇得出，意佬好想念佢母親。
雖然好唔捨得，寫到呢度sorly我真係忍唔到啲馬尿，但係係時候要還返個仔俾佢母親。
P.S. : 我問奶奶仲想唔想食我整嘅蛋糕，話我幾時返去，佢都會等我再整遲來的生日蛋糕過佢吔，嗚嗚～
My IG @misi_gipsy_italy
My MeWe @嫁到意大利 生根唔落地
👉🏻www.mewe.com/p/missgipsy1👈🏻
#嫁到意大利
#幾時先落地
#奶奶生病了
#生日快樂
#媳婦蛋糕
#太耐冇整應該唔記得哂
#女大十八變
#成日問住舅父舅母幾時返
#突然又已一年
#homemadecake
#iwillmisshongkong
媳婦蛋糕 在 波蘭老婆甜點屋Polish Wife's Desserts | Toufen - Facebook 的推薦與評價
原味波蘭起司蛋糕只需50 / 65NT一個！ 如果您購買更多蛋糕，那麼價格會更少！ 請務必提前幾天訂購，因為我們沒有儲存太多食材！！圖片上提供了口味、蛋糕細節和更多 ... ... <看更多>