Question 1

存到100萬之後龔成 在Facebook 的評價

Accepted Answer

【龔成問答信箱】（Q20161-Q20180）Q20161：Hello龔sir 我用緊你課堂派既企業評估表做388分析，有一點想請教。請問點解佢總債項除股東股益去到715％咁高？ 咁高負債係咪會影響佢既優質度？龔成老師：你無計錯，的確是700%，在表面上，負債是高，但這其實只是一個表面的指標。因為公式是總負債÷股東權益，而港交所（0388）的股東權益並不高，因為佢本身資產不多，並不是利用資產去創造財富，同時，佢一直的派息好多，當一間公司不斷派息，加上折舊等因素，就會令股東權益的數字較細。這就會令除出來的數，負債比率變到好高。另一方面，佢有足夠的現金流，佢現金流強、穩定，這就可以減少負債方面的風險。其實企業我地都會這樣分析，如果佢本身的現金流較強勁，就有更大條件去承受較高負債。當然，這始終都會扣分的。當我地見到總債項除股東權益去到700%，我地就要深入分析，先能確定佢的風險程度。如果你睇翻佢的「資產負債表」，你會見到佢的「流動資產淨值」，多年都都能保持正數。佢雖然流動負債較大，都有足夠的流動資產，因此，其實不用擔心。而佢長期負債其實是不多的。這反映佢的風險程度不是過高。------------------------------------------------Q20162：龔Sir，小弟9月才開始炒股，倉內全是購證，小米 比廸 中海油 平e ，但錯過了美團 比電 騰訊等大升幅（都買過，賺過，都好早放左），但睇返轉頭全倉係贏左30%（都好似覺得自己幾叻，但其實係因為牛市）而家大市調整，輸返10%。其實想問龔Sir，我想買正股，但得廿萬，做唔到投資組合，只可買三隻日日見您講買價值，點先知合理價係幾多？可否直接講幾錢以下先可以買，因為我真係唔識...多謝龔Sir！龔成老師︰記住，短炒和這些衍生工具，都唔係一個好架投資方法。短線可能有機會賺少少，但長線多數係輸，這是經驗之談。我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。若你係年青至中年人士，應用平穏增長股 + 潛力股作組合。月供方面，你可以選擇投資在平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、領展（0823）、希慎（0014）、太古地產（1972）或潛力股︰小米（1810）、中生（1177）、福壽園（1448）、安碩恒生科技（3067）、港交所（0388）、阿里（9988）、騰訊（0700）。現時平穏增長股都在合理區，而潛力股只有安碩恒生科技（3067）、阿里（9988）、中生製藥（1177）、福壽園（1448）勉強算在合理區頂部，可分注慢慢入貨，其餘都略貴，想買就要等一等。但留意，現時大市是合理水平，資金唔建議咁快用盡。要留有部份，等大跌市機會，可以用來掃貨。------------------------------------------------Q20163：另外我想月供40k應該20k 2800, 20k 3067好定係40k 3067因為覺得恆指被大隻科技股（700）壟斷左⋯⋯2800 同3067會唔會重複左？龔成老師︰盈富（2800）和安碩恒生科技（3067）的確會有部份持股，出現重覆架情況。但問題不算大。盈富（2800）係相對架全面架一個ETF組合，當中包括52間不同行業和種類的股票。佢會係一個較平穏架選擇，月供時你可用佢做重心。至於你者比重，要睇翻你年紀，如果你係較年青，可以盈富6: 安碩恒生科技4。越偏向中年，安碩恒生科技比重就要相對減少。現時大市只在合理區，每月資金唔好盡用。最好留有部份，等大跌市出現時，可以用來掃貨。------------------------------------------------Q20164：Hello，龔成老師，本人37，上次看了老師建議，我已經開始買左少少股票，亦因資金有限，希望老師幫忙睇睇組合問題，謝謝9988 15股   每月平均$10003067  100股  成本價17.511810   250股  成本價28.46993  500股  成本價15.522158   100股  成本價58.61）以上股票暫時只想月供2-3隻，請問哪些較為合適？2）2158 是暗盤買的，現價跌咗好多，是否等佢上回去才賣出？3）6993 如放長線，合理價大約幾多？4）發現組合沒有舊經濟股，請問需要配一些嗎？有哪些推介？感謝老師回答龔成老師︰1） 阿里（9988）、小米（1810）、安碩恒生科技（3067）都可以，但由於佢地都係潛力股，風險較高，只宜佔組合4成左右。其實部份，你應該供平穏增長股，好似盈富（2800）、金沙（1928）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、領展（0823）、希慎（0014）、太古地產（1972）。2）醫渡科技（2158）提供基於大數據和人工智能（AI）技術的醫療解決方案。集團主要向醫療行業的主要參與者（如醫院、製藥、生物技術及醫療設備公司、研究機構、保險公司、醫生和患者以及監管機構及政策制定者）提供服務和合作。根據安永報告，於2019年，集團收入在中國所有醫療大數據解決方案提供商中排名第一，在中國醫療大數據解決方案市場中的市場份額為5.0%。睇翻大行對佢2020-23年預測，收入和毛利增長分別為73%和83%，增長力唔錯。佢平台有一定擴張性，長遠受惠更多醫療保健客戶使用平台。不過公司客戶過度集中，以及依賴公共部門。佢整體係有質素，但上市不久，很難去估值。只能說投資係可以，但要注意風險，唔好太大注。如果你持貨不多，可守，如太多就可能要減。3） 你只是小注，可以長線持有。佢上市唔耐，好難有個較準架估值，以佢2019年純利10億計，現時市值達900億，現價絕對唔平。4） 需要加入一些舊經濟股，我1） 所提及的都可以。------------------------------------------------Q20165：你好，想問問我持有884@$7.04 & 1755@$23.1 可以繼續持有嗎？可以溝貨嗎？呢幾日跌了好多。。。謝謝龔成老師︰廣泰國際控股（0844），佢係一間功能布料及內衣製造商，提供嬰幼兒以及成人之功能布料及內衣，包括黛安芬、安莉芳、曼妮芬等等。睇翻佢市值同收入都好細，再加上佢多年出現虧損，暫時睇唔倒有投資價值，建議沽出。新城悅服務（1755）在內地提供物業管理服務及相關增值服務，當中包括住宅、寫字樓等。此股質素只算係一般，你可持有，但唔建議過多。------------------------------------------------Q20166：龔sir.您好我今年30歲，以前係月光族，而家先開始想認真儲錢。。請問如果我有＄3000做月供，以下安排會分得太散嗎？要減1－2隻？定有其他更好嘅長線股？1093石藥集團＄50000941中國移動＄10002800盈富＄5000823領展＄5000788中國鐵塔＄500龔成老師︰你算年青，投資策略應以增值為主。中國移動（0941）主要係收息，無乜增長力，唔適合你。另外，如果手續費去到本金的1%，就開始高，會對你長遠的回報有一定的影響。我會建議你集中$2000，只供盈富（2800），由於盈富本身是一個52隻股票的組合，因此有分散風險的作用。所以，就算你只集中在這一隻，都無問題。餘下$1000就先儲起，等大跌市機會，才動用。之後，可再慢慢增加翻潛力股。------------------------------------------------Q20167：阿sir, 現時股票 3成， 現金 7成，股票包括有66， 1177， 823， 788， 1928，1810， 2845。現時想買既1211， 285，388， 700，968都貴，請問係咪等佢地到合理價位先入市比較好？因為近排都升得太誇張，但佢地又離合理價好遠，如果一直等跌又會唔會miss左入貨機會？定係我地作為價值投資者要耐心等待入市時機先買優質股？謝謝龔成老師︰你現金與股票比例適合，持股可長期持有。比亞迪（1211）偏貴，要回到$120才較合理。其餘4隻，都要回起碼3,4成，才算合理水平，才可以開始慢慢分注。我建議你月供2845。其實作為投資者，買入股票除左要優質外，價位都好重要，佢會影響你長線回報。如果你完全無貨，怕錯失機會。可以考慮係唔算好貴架水平，先入一小注。又或者，現時開始做月供，去慢慢儲貨都得（比亞迪除外，因太貴））。另外，現時大市在合理水平，現金和股票最好各一半，所以你現時入多少少貨都係可以的。------------------------------------------------Q20168：龔sir, 你好，我是58 歲的退休人士，想用50 萬買一些隠健的收息股，請指教。謝謝你！龔成老師︰作為退休人士，投資目標應以賺取現金流為主。因此，你投資「收息股」係正確的。現時的$50萬，暫時只能動用$30萬，因為大市唔算平，你要分注投資（慢慢咁入，唔好一次過入晒。）。留下的20萬資金，就等大跌市機會，才大手入貨。收息股的組合，目標是5%、6%股息率︰港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）都可以。另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。由於你目標係收息，所以佢股價上出現波動，你係唔需要理想（除非係本身長線質素，出左大問題。）。------------------------------------------------Q20169：龔成老師，我今年27歲，最近升職人工約有50K一個月。我想增加月供金額，請問應該供多隻還是增加現有月供的金額？謝謝。現時持股:0066 2144@42.1600823 937@75.5421211 780@50.1012800 4908@26.7519988 100@173.093現時月供:0066 $2,5000823 $3,0001211 $5,002800 $3,000龔成老師︰現時比亞迪（1211）己經偏貴，月供要停一停。現時你月供中股票，比較少係潛力股類。或考慮：GX中國電車（2845）目標是扣除費用及開支前，與Solactive中國電動車指數NTR「相關指數」表現緊密相關的投資回報。持股中最重就係比亞迪A股（002594），中國因為能源問題，長遠一定要發展電動車，這是大方向，故此股有一定投資價值。由於近期不少車股被炒起，此股現價略貴。無貨可以現時入少少，到有明顯回調才再慢慢加注。潛力度是有的，但會比較波動，如投資宜慢慢分注，可長線。未來你可以加入一些潛力股，去提升組合的增長潛力。但由於佢地比較波動，以你年紀，最多佔4-5成左右會較理想。潛力股︰安碩恒生科技（3067）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園（1448）。現時大市只在合理區，每月儲唔好盡用。要留有部份，等大跌市機會出現時，可以用來大力掃貨。------------------------------------------------Q20170：老師 883 可以進場嗎 現價 想入3萬股 7.9龔成老師︰中國海洋石油（0883），質素都算有，但不是最高質類別，佢對油價較為敏感，所以，如果長遠油價向上，佢都會增值的。雖然佢都有一定的規模及質素，但卻不是最高質素的企業，這是由於佢地的產品自主力較弱。石油是商品，當中沒有差異性，佢地要將石油賣出，只能跟國際油價，這令佢地處於被動狀態，沒有價格自主的能力，這令佢地的獨特性有限。現價算係合理水平，可分注。但這類商品企業，你可投資，但就要明白不是最高質的企業。------------------------------------------------Q20171：你好～唔好意思呀 ， 希望可給予少少意見：現在手持 1800 有10手 ， 同 0005 有5手， 1800 係平均 $8.9入 ， 而0005平均$53入 見1800 不斷有負面新聞出現 我應該繼續手持嗎？ 感謝感謝龔成老師︰中交建（1800）不是全無質素，但近年賺錢能力有所減少，這股不是高增長股，之後只會平穩增長。暫時都唔好對股價有太大期望，目標只是收息，你預股價上得較慢，負債較高，因此市場估值都不會太高。持有係可以，只要唔係佔你組合好多，就無問題。而匯控（0005）同樣主要係收息，如果你係將近/已退休人士，或者係好保守架投資者，此股適合你。------------------------------------------------Q20172：Sir唔知我嘅策略是否正確呢，2O2O年3月趁個市低入貨，但因為新手所以只敢買地產股1972,405,823銀行股2388收息股548之後開始入咗1177 ，2382。但因為資金有限所以今天放咗啲地產股1972,823,405銀行股2388（大概有萬幾元利潤）因為見它們行得好慢，所以想轉碼去1448,1177,1830等低位入。我這做法正確？謝龔成老師︰你投資架股票都係有質素，但策略上唔正確。我地投資股票，係希望買入一些優質企業，透過佢自然增長，達至財富增值目的，所以係要長線持有。而組合中，我地唔可以只係買晒一些潛力股，好以舜宇光學（2382）、小米（1810）、中生製藥（1177）、福壽園（1448）等。佢地的確增長力高，但風險同樣大，唔可以持有過多。若你係年輕人，大約佔組合一半都可以，再年長一點，就要調低個比重。其餘部份，應配置一些平穏增長股（好似盈富（2800）、金沙（1928）、長建（1038）、中銀（2388）），佢地升得無咁快，但相對穏健。用這樣配撘，才會令成個組合有穏中求勝架效果。而越秀房產（0405）和深圳高速公路（0548）這類收息股，只適合將近或已退休人士，創造穏定現流之用。------------------------------------------------Q20173：龔 SIR，我是你的忠誠讀者, 由第一次接觸理財書時到澳門圖書館排隊借書, 到現在毫不猶豫買你的書學習, 非常多謝你慷慨傳授理財概念! 我一直在等澳門開課, 希望可以深入學習! 我一直想在澳門買樓, 由4年前月入17,000澳門幣及沒有首期的情況下, 我膽大購入買菲律賓賭城區的樓花期房, 因疫情關係未收到樓, 所以未有租金產生現金流但我沒有後悔, 反而在股票上沒有概念, 用僅有的存款高價$2入了22萬股1383 (太陽城) , 至現在沒有沽出, 此後才接觸到你的FB專頁, 今個月我剛完成房子供款後, 手上只有5萬元現金, 之前以$30.2購入1手 00175 (吉利汽車), 我現在月入37,000澳門幣扣除所有家庭開銷、健康保險及保險月供基金後, 每月儲得18,000, 請問我應該如何配置股票組合重新出發 因為我並未放棄在澳門置業的心願, 想盡快上車, 謝謝!龔成老師：其實我地最重要是做好「財富組合」，當中在物業、有股票，你投資外國樓都是資產項。至於股票方面，你要選較優質的，長期持有，太陽城（1383）質素不太好，要找機會賣出。而吉利（0175）有質素，可長線。你現時要開始加大儲蓄，有基本的現金，同時分注投資股票。由於你打算之後置業，因此現時投資股票不能太過進取。你可以投資「平穩增值股」+「潛力股」，不過，由於潛力股小注好了。你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。如果想增長力高少少，可考慮：安碩恆生科技ETF（3067），但就要明白波動性比上述會高左，同時風險大左，你要自己平衡。最好分注慢慢買入。同時只能小注。現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。------------------------------------------------Q20174：老師你好，本人90後，新手。1.13買入 838，8.6買入1108，1.33買入2038。共投資十萬，錯過了止蝕位，請問可睇長線嗎？謝謝🙏🏻龔成老師︰我係唔會定止蝕位，如果係優質股，下跌反而造就入平貨機會，重點係個企業有無質素。億和控股（0838）主要從事生產模具和零部件以及自動化組裝服務；以及從事小額貸款業務。睇翻佢盤數，盈利都幾唔穩定，上落都幾大，加上股本回報率處於低水平。再睇翻企業本質，公司獨特性唔強，同埋規模唔算大。整體來說，投資的價值只屬一般，不宜太大注。洛陽玻璃股份（1108）為內地最大的浮法玻璃生產商和經銷商之一。主要從事光電電子和信息顯示超薄基板玻璃的生產和銷售。佢盈利波動好大，而且負債都唔少。若你想投資都可以，但只宜小注。富智康集團（2038）質素只屬中等，如果佢佔你組合唔多，可以守住先。------------------------------------------------Q20175：你好 請問你對857中石油有咩睇法？龔成老師︰中石油（0857）都算有質素，但這始終是商品企業，產品沒有差異性，只能賺取合理的利潤，不算是最高質的類別，投資價值中等，這類股不宜持有太多。石油是商品，當中沒有差異性，佢地要將石油賣出，只能跟國際油價，這令佢處於被動狀態，沒有價格自主的能力，這令佢地的獨特性有限。這類商品企業，都可投資，但就要明白不是最高質的企業。由價佢會比較受油價影響，自主能力不強，加上油價中短期可以好波動。長遠增長力只屬中等，現價合理，小注持有可以。------------------------------------------------Q20176：龔sir, 你好. 本人現時28, 與父母同住, 月入1.5K. 你說當市場進入大升期的最後階段，亦是遠離市場的時候。若果現時持有以下資產應該繼續持有/轉投其他產品/離場？可以給我一點意見嗎？ 另外1448同285算是潛力股嗎？ 有沒有投入市場的空間？0002   81.95@5003988     2.69@10002800     26.18@5006690     25.55@200          31.90@2003067      20.48@1001810       29.10@200從網上平台認識你數個月，你比坊間的分析師好好多, 別的只會說那隻好，可以炒賣賺多少。你是難得一遇的一位，經常勸喻大家不要炒賣賺差價，要有心理準備接受股價的波動。很高興認識你，剛看完你的作品「大富翁致富藍圖」，令我明白到自己與富翁的距離是有方法拉近。現在準備看「股票勝經」，接著就是「選股勝經」真的十分期待。希望將來有機會上你的股票班，見你真人一面龔成老師︰我地投資股票，係希望買入一些優質企業，透過佢自然增長，達至財富增值目的。所以，策略上一定係長線。現時大市算係合理區，雖然部份新經濟股有輕微過熱，但整體大市未算狂熱水平。你現時持貨，可持有。中生（1177）和比亞迪電子（0285）都係潛力股。由於你年輕，投資應以增值為主。持股中，中行（3988）和中電（0002）增長力較一般，唔建議持有太多，主要原因是你年輕，未必最適合你。海爾智家（6690）畢竟係新股，不確定性較大，同樣不宜太大注。未來時間，你可以用平穏增長股 + 潛力股，去創造一個月供組合。用每月5成儲蓄去做月供，其餘先儲起，用一邊月供一邊儲蓄的策略。月供方面，你可以選擇投資在平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、領展（0823）、希慎（0014）、太古地產（1972）或潛力股︰中生（1177）、福壽園（1448）、安碩恒生科技（3067）、港交所（0388）、阿里（9988）、騰訊（0700）。至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。------------------------------------------------Q20177：老師你好，本人睇咗你嘅著作好幾年，30多歲，之前喺樓市賺咗接近200萬，之後係2018年, 接近高位既時候買入左幾隻銀行股，諗住可以收股息幫補吓計劃讀書嘅生活費之後再分別買入唔同嘅股票，經歷咗上年嘅大跌市之後，都冇重整過，而家想睇下可以點部署。因為賺咗錢之後，想增值下自己，所以報讀咗一個碩士課程，因為先生係外國人，我亦都移民咗去外地現時係全職學生，生活簡單，冇乜支出，上年開始每月供2000蚊盈富基金暫時只有小量既股息同基金收入（大概二萬蚊一年）同埋10萬蚊現金，但係儲到嘅錢唔多，想重整下個組合，發掘下資產增值嘅機會，所以想請教下老師你：005 x 12001398 x 5000939 x 6000175 x 1000006 x 1000 778 x 300011 x 200 2800 x 619 1137 x 5000 2869 x 2000 950 x 3500謝謝解答龔成老師：當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。你30歲，其實應著重增值，現時你持有的部分股，只是收息股，例如上述銀行股及電能（0006），你應該等佢地上翻D時賣出，轉較有增長力的股，就算轉盈富（2800）對你地長遠財富都較利好。至於其餘股票，問題不大。現時你保持月供盈富，以及餘下部分現金，等入一些優質股。可考慮：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。如果想增長力高少少，可考慮：安碩恆生科技ETF（3067）、阿里（9988）、騰訊（0700）。------------------------------------------------Q20178：阿sir你好，屋企人2014同2015年間買左3隻股票，一直都返唔到購入價，應該點處理？謝謝01668(華南城) : 本金$50,000 00261(中建置地): 本金$10,000 08198(新濠環彩): 本金$15,720龔成老師：華南城（1668）不過不失，不過增長力比過往略有減弱，現價合理，但潛力度不足。這股唔建議持有太多。最好賣部分，餘下守住先，但預佢的增長力不強，要上翻去較難。ＧＢＡ集團（0261）已經無乜投資價值，賣出較好。樂透互娛（8198）已經無乜投資價值，賣出較好。------------------------------------------------Q20179：龔成你好睇咗你的page幾年，第一次向你請教意見，想知如何善用手上資金。月入2萬，儲到6成。手上流動資金：保持住有15萬長期做定期：90萬 （約2.3%）股票持有：（投入成本約35萬，市值約負5萬） 建設銀行（939），買入價$6.5 中國銀行（3988），買入價$3.3 阿里巴巴 （9988），買入價$260打算1-2年內置業，估算花70-80萬1）現在做定期的資金該繼續做定期嗎？還是撥一部分去投資股票好？2）帳面負數情況下，該繼續持有每年收息好，或是加持減持好？好感謝你肯睇同比意見大家龔成老師：1）因為你打算1、2年內買樓，而買股票，要長線先有回報，中短期則要睇到時市況，所以，建議你保持定期，等買樓。除非你見到大市有明顯下跌，就投資小部分，到時買一些風險較低的優質股。如果現時想買股票，只建議動用$10萬。2）最重要不是睇「賺蝕」，不是睇「買入價」，而是睇質素。你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。你要分析你的投資目標，你想潛力股的比例多少？平穩股的比例多少？組合風險程度如果？即是你想設計一個怎樣的投資組合？長期、優質、平衡、適合你。------------------------------------------------Q20180：龔sir你好，有問題想請教下。今年30歲，月入24000，儲蓄20萬，無任何投資經驗及概念，畢業出黎做月光族，最近先開始留意下，希望5年左右存到首期約60萬投資大灣區物業，可以未來收租，退左休有長遠收入。本金唔多，現時係銀行月供緊RMB，另外每月大約可攞4000出黎作投資用，有2個想法，考慮一部份月供一隻可長線投資的股票，一部份做中風險投資請問建議可如何分配?網上太多資訊自己都有D混亂，第一步係咪建議可先滚大個本金再作計劃?龔成老師：當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。你這個年齡，是財富增值的黃金時期，要好好把握，盡你一切的力量去儲蓄、投資、學投資知識。你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。做月供股票，每月$4000。你可以考慮盈富（2800）$3000。安碩恆生科技ETF（3067）$1000。現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。----------------------------------------------若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

Question 2

存到100萬之後龔成 在Facebook 的評價

Accepted Answer

【龔成問答信箱】（Q19121-Q19140）Q19121：老師，我係你學生，做左700-Tencent既估值，希望你望望睇下做得岩唔岩。10年合理市盈率為10.75/45.39/47.5/57.35由於其中一年10.75欠代表性，公司質素上大大提升所以改用2017年57.35既市盈率所以，合理市盈率為 (42.39~57.35)，平均值為48.23而過去5年既每股盈利為 3.71/4.9/8.98/9.46/10.96平值值為7.602根據老師上堂教中機構評級，大行預算有20~30%增長個人認為太高所以改為預算Tencent有10%每股盈利增長所以用作估值既EPS為7.602*1.1=8.36估值範圍為:8.36*42.59=3568.36*48.23=4048.36*57.35=480由於區間唔夠cover大部份股價，所以加10% buffer位比佢估值範圍320-528蚊而公司會有新既游戲推出以及發展正面，所以係上/下限各自加10%既增長位比佢，所以最新既估值係352-580.8，大約係350-580蚊，可以cover 大部份。投資策略:今年熔斷低見325蚊，325-350蚊係便宜區。合理區中間係460蚊左右，現時550附近處於合理區頂部。早前高見600蚊係昂貴區域。所以最好等佢500樓下先買入。不過追問多兩個問題:1. 如果其他企似好似tencent有D極端/過時數據，應該改用邊一年數據，你上堂話例如疫情就tick除佢，但係好似tencent反而仲受惠，而且高增長咁點算?同埋每股盈利最近都有高速增長，特別2016 2017年既3.71/4.9都比現時10.96以及黎緊預測既14/16都低好多，咁應該tick除? 定係改用大行既預期每股盈利?市盈率都係，由小至大排後10.75唔岩用，我用最高果個會唔會太進取?2. 你筆記話如果正確既估值係包到股價既一半或以上，想問下係包到圖表1年/3年定係5年既股價?謝謝你啊~龔成老師：你對騰訊（0700）的估值做得不差，企業估值沒有絕對的答案，而我見你已經能掌握到概念，同時有邏輯，運用這個估值方法時，最重要是分析「可比較性」，你懂得那些數據較有代表性，那些數據會刪去，以及怎樣調整，已經是明白了當中的原理。因此估值有主觀成為，所以沒有絕對的對與錯，最重要是數據背後所代表的邏輯。你的估值我認同的。至於投資策略，可以。當我地計算完估值後，就配合這股的質素去進行投資，你的策略適合。1）最重要是「可比較」，即是有無代表，如果說年的情況，不能反映這企業之後的情況，就不應該用，但如果這年根本對佢無乜影響，就應該用這年。另外，有些行業的變化較大（騰訊都有這情況），就未必適用太多年份，可能用5年，或用7年都得。至於每股盈利方面，如果是高增長股票，就不能單以平均數，要多用預測數據。2）大約是5年。其實所謂的一半以上，都只是一個方向，沒有絕對的，因為估值只是一個概念，不是絕對實數。------------------------------------------------Q19122：成哥你好，關於感謝比亞迪嘅話你都聽到厭了，但都係要多謝你。再要多謝你教我們月供股票，這是比較容易立於不敗之地的股票策略。另外想請教你0178莎莎國際熬過左最艱難時期未？可以試試嗎？0388港交所會否因越來越多內地公司來港上市而更加受惠？謝謝你龔成老師：太好了！比亞迪（1211）值得長線的，點都要有d貨在手。至於莎莎（0178），我相信已過左最難時期，但仍會弱一段時間，唔會太快好轉，加上佢的質素，比過幾年前略減，哈然仍有投資價值，但就唔值得太過大注。現時你預佢處合理區中下部，中短期弱，慢慢會好轉，但未必及過往咁強。港交所（0388），會因為較多公司上市受惠，因此長遠正面，不過，股價都反映了相關因素。------------------------------------------------Q19123：老師 之前睇完你條影片分析9988, 我本身280入左一手 我手上仍有8萬資金 依加組合係823 3手 3331 一手 1177一手 9988我應該係咩價位再入多手比較好? 我意向230左右龔成老師：你組合的股票，都有質素的，可以持有，但如果想較平衡，可以加入盈富（2800）阿里（9988）長遠仍是有發展，賺錢能力雖然有少少減，但長遠會同政府同議一些監管方法，以及找到合理的賺錢模式，你預阿里$250以下是合理區的頂位，這股可長線。不過，中短期會波動。如果有貨，可持有，但就唔需要太急加注，$230以下先加是可以的。------------------------------------------------Q19124：老師，我買左你幾本書研究中，請問ROE 盈利/股東權益 x 100%,  同ROA盈利/總資產 x 100% 的算式中， 是用盈利增長還是每股盈利計算？我不明白，可以教我嗎？另外，股東權益是股東應佔溢利嗎？還是盈利是=毛利嗎？那福壽園的ROA是30.92 嗎？對不起，問題太多龔成老師：ROE，盈利÷股東權益，反映股本的回報率有多少，分析點從股東角度出發。ROA，盈利÷總資產，即是資產所產生的回報率，從整個企業的角度出發。用總數計算。股東權益不是股東應佔溢利。前者是股東在會計上，佔這企業的賬面權益多少。後者就是本年度，股東賺了多少錢，同盈利十分接近。毛利是扣除直接貨物成本的數，而盈利是扣了所有成本的數。------------------------------------------------Q19125：多謝阿sir。其實我之前一直都比較負面，人生無目標。自從學習投資後，終於搵到自己有興趣嘅人生目標，由學習、實行、到開始有少少成績，真係好有成功感，而且成個人正面左好多，我相信吸引力法則的，思想正面真的好重要。我睇書聽講過一個講法，當一個人有能力給予/幫助別人時，其實佢唔只係付出，佢同時都會得到一些收獲。而阿sir你正正係做緊呢樣野，相信有唔少人因為阿sir你而改變了自己的人生，希望他朝有一日我有能力時，都可以做一個能幫到別人的人。龔成老師：對！當一個人有能力給予/幫助別人時，其實佢唔只係付出，佢同時都會得到一些收獲。我20年前，住公屋，一心想致富，但連買書的書都無，我只有去圖書館。當時我已同自己講，如果我有一天累積到財富，我都想幫翻人。到而家，我不停寫書，其中一個目的就係回饋翻比個社會，我過往睇書好有得著，都係免費得到知識，我現時有能力，就幫下其他人，而我相信，我幫人的同時，可能社會都會有某些東西回饋比我。你的方向正確，要保持進步，日後要幫翻其他人，加油！------------------------------------------------Q19126：Hi Sir, 我現在每月供股0003煤氣$2000 想停供再轉供 2382 舜宇光學 或 1211 比亞迪 $3000 重點問題:1) 請問舜宇光學 或 比亞迪適合我53歲人士嗎?? 會否太進取?? 2) 我目標3-5年內能夠擁有100百萬之後再邁向200百萬及300百萬會太遲嗎??3) 另外我昨天開始睇你的書80後百萬富翁(避免追不上進度). 接住會報名上堂向你學習.以上問題你點睇?? 可否比d意見小妹及萬分感激龔成老師：1）比亞迪（1211）的風險較高，未必適合。至於舜宇光學（2382），可以，但都唔能夠佔組合比例過多，你要從整個股票組合的角度去分析。2）我唔建議你太進取，反而集中平穩增長較好。你唔好太心急，一步步累積財富，先累積左第一個$100萬先。3）好，我會建議你同時睇《股票勝經》，遲D見！------------------------------------------------Q19127：阿sir你好，我想請教一下、 同埋可唔可以畀咗啲意見…… 我可以點做……本人近半百、 單親家庭、 有一個女兒 中五、 要照顧獨居媽媽……沒有 物業、 租住單位每月 11500…… 本人做多項兼職、 每月大概有兩萬五 收入…… 現金大概十零萬…… 有少量股票揸手但 大部分係蟹貨分別為瑞聲科技、 長飛光纖、 建設銀行 、黃金etf……你覺得我仲可唔可以買 到樓？定係疊埋心水輪候政府 公屋?  終此一生??感謝 老師專業分析龔成老師：理財要一步步，唔好太心急，現金十萬，應該都足夠基本的需要，但如果要置業，要求你的現金及持續供款都有一定數量，考慮公屋都是一個方案，始終可以減少你租金的負擔。不過我唔太清楚現時申請的入息資格，以及單親家庭會否有調整，你可了解下先，如果入到公屋，可以令你的每月支出減少，能儲到多少少現金。至於投資方面，以你的年齡情況，可以投資平穩增長股，你可以考慮盈富（2800）。另外再加1：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。分注或月供投資都得。至於你原有的貨，暫時就守住先，不是無質素的。你這樣保持滾存資金，累積財富，到了有一定的財富，可考慮轉去居屋，這都是方向。另外，你女兒可以叫佢過1、2年，做下兼職，幫補下自己生活費及家庭開支，令佢明白佢都是家的一份子。加油呀！------------------------------------------------Q19128：龔老師，想請教下我現持股票：京信（2342）$3.3入，瑞聲（2018）$55入，工商銀行（1398）$4.6入，鐵塔（788）$1.56入，這幾隻股票應否繼續持有？龔成老師：京信通信（2342）主要從事研究、開發、製造及銷售無線電訊網絡優化系統設備、提供相關工程服務，以及提供電信服務及相關增值服務。5G的發展，都會對佢有利，但這股規模唔算好大，質素不差，而現時投資價值，算是不過不失，這股可長線，但考慮到佢平貴及規模後，這刻唔建議大注投資。瑞聲科技（2018）不差的，本身有一定的規模與技術，長遠發展正面，不過，佢增長力不是好強，只能視為平穩增長類別。你有仍可以守。鐵塔（0788）都可以持有，不用擔心。工行（1398）你預佢只是收息股，增長力不強，持有都可以，但要睇翻你本身的投資目標。------------------------------------------------Q19129：你好，如我有一千萬作退休，有什麼方法可以賺取每月3萬的利息？當然前題係要低風險龔成老師：你可以將這$1000萬，分成5部分。第一部分投資收息股，你可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。第二，投資債券，你可以選擇A評級的債券，年期較長都可以，但利息卻不高。你可以到銀行問問。第三，投資年金，你可以睇睇，這是適合你的產品，零風險，可以有穩定回報。第四，你亦可投資銀行低風險類的產品，你可自行到銀行了解下，總之是「低風險，持續現金流」的。第五，持有現金，除了可做定期外，現金亦可以為你的後盾，以備不時之選。同時，若投資市場大跌，你可以在這時買到更多的收息股，股息率會進一步上升。你可以將$100萬資金，平衡地分配在上述的項目上，對你來說是最好平衡風險，同時有穩定的現金流。我相信$30000每月絕對不難。如果你唔想風險太高，收息股坒例就唔好過多。------------------------------------------------Q19130：Hi，龔成老師我是24 歲股票初哥 有 1m 現金 如何選擇龔成老師：當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。你24歲，是財富增值的黃金時期，要好好把握，盡你一切的力量去儲蓄、投資、學投資知識。你可以投資「平穩增值股」+「潛力股」，不過，由於潛力股要求你有一定的投資知識，而你只是初哥，因此這刻不用急著投資，你可以集中在平穩增值股先，潛力股小注好了。建議你暫時只動用$20萬，分注投資，到你有一定的知識與經驗後，再動用餘下資金。你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。如果想增長力高少少，可考慮：安碩恆生科技ETF（3067）、阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。部分要等回少少先入。現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。------------------------------------------------Q19131：龔老師，好多謝你的分享！我係澳門的粉絲，67歲退休人士。你的意見對我很有幫助，給我信心。去年買了年報勝經閱讀，受益良多。請問老師，有那些收息股可作為平衡內銀股的收息股配置？期待老師明年新書早日到澳門，也期待老師在澳門開班授課！龔成老師：你可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、置富（0778）、陽光（0435）、高息基金（3110）都可以。總之唔好過份集中在同一類別，所有股票都有一些不可預期的風險。其實我之前都有開過澳門班的，不過現時疫情，所以暫時停左，之後會再開翻的。你或者可以預早留位，只要whatsapp 852-55457212我同事講，打「留位澳門班班」就得。我地有具體資料就會 whatsapp你。因為現時已有好多澳門人留左位。------------------------------------------------Q19132：成哥你好，其實我follow作你既page都年幾，你可以話係我既明燈，點醒作我，完全改變固有思維，並且開始行動既人。想請教你一個問題，我啱大學畢業無幾耐，之前讀既專業係finance做作幾個月理財行業，雖然學到野，但發現並不適合自己，由於受到你既影響下令我對投資尤其對股票特別感興趣現在想轉做相關行業，你會建議我去證券行，定係一d大型既投資公司做比較好，亦或有其他相關選擇，希望你花幾分鐘回答小弟，感激不盡！龔成老師：其實以你這個年齡，最重要是試多D，我會建議你先去證券行試下，因為大型既投資公司，你有可能入職後較穩定，之後未必轉去其他地方試。反而你應該不斷試不斷學，這是最重要，所以你可以先去證券行，有可能有突破，之後可以考慮再轉其他地方。你唔需要想得太多，如果從長遠角度睇，最重要是這刻的學習，未必是該工作的發展。------------------------------------------------Q19133：你好，我今年30歲，為自己定左個目標要2022年7月要有3百萬資產，希望你可以俾啲意見。現時總資產有1.5M ，包括:1. 現金: 300k2. 股票 : 1m （60% 1211, 14% 1928, 7% 1038, 4% 2382, 小量嘅 3,2800, 1398, 1810）3. 基金加MPF : 300k月入 30K ,扣除供樓及基本消費，每月可儲10K我分析過自己嘅情況，知道要達到目標有三方面要做:1. 投資2. 增加收入3. 減少支出而投資係最有效，因為我就算轉左工，人工多10-15K ，都係唔足夠去達到目標。我計劃做以下嘅野:1. 重溫重溫基礎班及進階班筆記2. 月供計劃 - 5k    - 2k 1177    - 1.5k 27    - 0.5 k 1928    - 0.5 k 3     - 0.5 k 28003. 每月寫一份企業評估表（ 包括睇5年年報，比較兩間競爭對手，計算估值）4. 重溫思考致富及秘密，嘗試用書入面嘅技巧5. 每月睇一本投資書6. 控制每月消費支出在6千以下7. 不停揾工希望你可以俾啲意見，例如仲有啲乜我可以做？另外，1211原先只佔組合3成，但大升後佔了6成，我需要減持嗎？還是要買其他股份，去降低1211佔比？謝謝龔成老師︰比亞迪（1211）近期升左唔少，令你組合佔比重左。但由於佢優質，你唔雖要去沽出佢。只要未來資金，暫時唔好加注係佢身上就可以。但你現有持股中，工行（1398）只是收息股，無乜增長力，唔好加注。同時間，你未來應以盈富（2800）做重心，咁個組合會平衡些。月供方面，比例上有點集中在博彩股（金沙1928和銀娛0027）。同時，部份股票的月供金額過低，這會令月供成本增加。你可以將佢地集中係盈富（2800），咁可以減少你月供成本。我見你的計劃及方向都是可行。你只要堅持做就得。成功好多時都是一步步，無一個特快的方法，只要你保持做上述的要點，成功是遲早的事，不過，好多人都無法堅持，所以，關鍵是「堅持」！如果想我比意見，可以在「怎樣增加長遠收入」加強，你不止要找一些短期收入上升的工作，同時要想一些對你長遠最有利，長遠才是核心，加油！------------------------------------------------Q19134：老師，我覺得中國航空業在後疫情有前景，對以下企業有興趣並且想建倉，請問現時股價合理嗎？694 北京首都機場1055 中國南方航空670 中國東方航空龔成老師︰航空業在疫情過後，會慢慢回復較正常水平。但你預要些時間，唔會係一年半年架事。而且航空業本身都有些改變，發展前景已經無以前咁好，唔建議投資太多資金在此行業。北京首都機場股份（0694），首都機場有佢地位，但近年賺錢能力減少左，整體只屬中等的質素。現時的估值合理，但由於本身有風險，因此不建議太大注。南航（1055）質素算是中等，最近因肺炎影響，股價跌左好多，這出現了投資值博率，但由於企業本質唔能夠稱為好高質素，因此，唔建議投資得太多。中國東方航空股份（0670）於1995年4月在中國成立，主要經營民航業務，包括客運、貨運、郵運及其他延伸的航空業務，為中國三大航空公司之一。睇翻企業本身，盈利就十分波動，而且賺錢能力出現下跌情況。再加上負債不輕，此股質素不高。長線計，投資其他優質股會較好。------------------------------------------------Q19135：你好呀龔sir, 我最近計算緊八年後我大概會草到幾多錢現金儲蓄方面就易計d我預期每月草$5000所以八年就$480000但股票方面個每年增長率我應該係用咩數？我持有既多數都係平穩增長股 另外有一手吉利 total 有十五萬股票投資方面我有冇方法可以大約知道八年後會增值到幾多？ 謝謝你龔成老師：可以用10%（股票增長+股息）作為計算的基礎。如果你每月能儲$5000，一年$6萬，投資8年，預期滾存到$68萬。如果你現時股票為$15萬，假設10%滾存，8年預期滾存$32萬。因此，大約合共為$100萬。------------------------------------------------Q19136：多謝龔sir 解答！而家睇緊財務自由行，見到第四章提到大富翁背後的舞台，裡面有御藥堂，呢隻股票之前都有買過，阿sir 對呢隻股票點睇？以下係我之前ge投資組合，是否需要改善？0003  3000股@10.92939。 5000股@5.481398。5000股@4.211928  1200股@30.91128。2800股@12.11310。10000股@9.572800。2500股@24.9526823。2000股@10.129988。200股@2511810。1000股@20.751177。5000股@7.87如果睇完財務自由行，跟住應該睇邊本書？唔該曬！龔成老師︰順騰國際控股（0932）即御藥堂，其生意無增長，年年虧損，加上2019年的核數師意見有少少問題，這都反映企業本身的投資價值唔高。當我地選擇投資項目時，應參照自已人生階段。年輕時，可以用平穏增長股 + 潛力股，到中年潛力股比重要減少，到近退休應集中在收息股上。你以上持股有點雜亂，不同類型都有。我建議你因應自已年紀，去作出調整。潛力股︰阿里（9988）、小米（1810）、中生（1177）平穏增長股︰煤氣（0003）、金沙（1928）、永利（1128）、盈富（2800）收息股︰建行（0939）、工行（1398）、香港寬頻（1310）、香港電訊（6823）如果你睇完財務自由行，可以睇股票勝經。------------------------------------------------Q19137：老師 有個問題想問，我地計完合理價錢，通常同市場價格相差較大，大多數現價會略貴。好似小米 阿里巴巴咁 小米合理價大概係17 依家係25 阿里巴巴250係合理價頂區，咁佢地會唔會 不一定跌返落去合理價，然後繼續升？還是時間問題，一定會跌返去合理價？龔成老師︰佢地會唔會回到合理區，的確無人會知。因為不少優質股，佢地質素太高，經常會維持在高位。如果等合理區才入貨，有機會真係一直入唔倒。在理論上，長遠的股價會回歸翻合理價值，不過，有時市場長期睇好，又或該股的實質價值不斷向上，都有機會令佢較長時間貴。又或同一價位，因為價值提高，由貴變合理。所以，有時我地都會係偏貴少少架時候，入小注，去平衡入唔倒貨架風險。另一個方法，就係用月供去儲貨。------------------------------------------------Q19138：龔sir 國內物管2020排名top 1-4 分別係6098,2869,6049,3319 ，不過top 4 之中只有6049跌穿3月低位，想問下你點睇？龔成老師：上述4間都是有質素的物管公司，加上行業發展正面，都有投資及長線持有的價值，只是平與貴的問題。唔好太著重中短期的股價，最重要是企業長期的價值。------------------------------------------------Q19139：想問老師你一直同我地分析香港股票rather than美股或其他國家股票係咪因為只係focus係香港市場已經足夠？定係怕我地handle吾到美股等資訊？同埋想問Tesla同apple 2隻股票係咪值得長期持有？有時見老師你成日都會講市盈率去作為其中一個分析現時價錢係平定貴，想問點分析到e個index？龔成老師：我地投資，最重要是選「優質股」，以及「自己熟識的股票」。香港及美國及其他地方，都可以選到優質股，但在資訊及認識上，我會偏向港股。如果你能了解美國公司，當然可以投資，而你上述講的兩隻美股，都可以長線持有。長遠來講，我相信中國與美國是兩個好強的國家，相關企業都值得投資。恆指的平貴，可以用市盈率作為入門分析，一般以10倍市盈率以下開始平。要留意，由於近期鴐入了多隻高市盈率的新經濟股，因此原本24000點以下就是平，現時大約去到22000先算平。------------------------------------------------Q19140：多謝啊Sir你每次既耐心教導。我忙到年尾，就會係下年報讀進階班另外，睇左啊Sir 10本著作，上左初階班，小弟真係非常欣賞你。唔單止係投資上，更重要係心態思維上。小弟係一位90後，24歲開始從事保險事業，現有一條30人團隊。有幸兩度置業、年收入$250萬。今年開始拜師啊sir開始學習投資。小弟明白如果可以更上一層樓，有一位伯樂指點是非常重要。小弟有個冒昧請求，希望可以請阿Sir你食餐飯或飲杯咖啡。知道你時間非常寶貴，亦都非常繁忙，如果你答應真的萬分感謝。唔知你會有空嗎？龔成老師：見到你咁成功，太好了！你這個年齡已有這成績，相信這行好適合你發展，你保持著「THINK BIG」就思維就得。要不斷令自己進步，更上一層樓！至於食飯，先多謝邀請，但實在抱歉，始終我實在太忙，未能出席。你加油，保持進步！----------------------------------------------若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

Question 3

存到100萬之後龔成 在Facebook 的評價

Accepted Answer

【龔成問答信箱】（Q16221-Q16240）Q16221：老師你好， 昨晩跟朋友討論那類股票值得投資和持有，但係有個問題諗唔通，想請教下：如果購入股票後假設股票價格不升跌又不派息，這股可以帶收益給投資者嗎？ 公司賺錢與否，跟股票帶給股東的收益有甚麼互相影響呢？假設股票不派息而公司收益向好 為什麼股價會上升呢？不派息的股票有什麼的吸引力？ 盼回覆～謝謝！龔成老師：首先你要明白，買股票就是買入一間企業，即是買入一盤生意。如果一盤生意，年年賺錢，但不派息，佢所賺到的資金，就會滾存於企業內，令企業的價值向上。中短期股價只受市場情緒及資金流向影響，但長遠來說，就會回歸到企業價值，所以，理論上，企業價值會向上。如果你買入股票後，股價長期不升，同時又無派息，反映這盤生意根本不賺錢，你作為投資者，即是股東，無法因此而得到利益。所以，我地一定要從生意的角度著手，如果是一盤好好賺的生意，就算不派息，當中的利益都會滾存在企業上，從而令企業價值向上，令股價向上。------------------------------------------------Q16222：你好龔成老師，透過朋友認識你專頁，想請教一下如何投資現時財政狀況如下流動港幣：50萬美元：13,000澳元、歐羅、英磅：各1,000日圓：20萬沒有其他股票及資產每月可用收入：25,0001. 會否都建議先做月供股票？應該每月投資多少？2. 除月供股票外，會建議用餘下的錢做何種投資？3. 如擔心香港市場，可考慮美股嗎？4. 以現時經濟，值得投資香港或外地樓市嗎？謝謝！龔成老師：1）你現時只有現金，長遠只會令財富貶值，因此，你應該投資股票。你可將每月的部分資金，去做月供股票，供盈富（2800）。原理如同儲錢，不過就不是儲現金，而是儲股票。計劃要長期進行。你可以每月供$5000盈富。2）可以，但如果你只是初階投資者，建議你過一段時間先一手手買，這刻先開始月供，同時，你要在這段時間，增加投資知識，之後先開始一手手模式投資。同時，初期只能動用$10萬-$15萬現金，唔好心急。3）可以，但最重要是熟識該美股。你亦可以考慮在港交所買入美股基金，例如領航標普五百（3140），就是追蹤標普500指數之表現。4）如果你有自住的需要，可以。但如果純投資，要等經濟轉弱，樓價有下跌才考慮。------------------------------------------------Q16223：龔成你好想請教我38歲，儲錢唔多。只有10萬。打算7成買股票，3成留作現錢，合理嗎？我已買2手匯豐 （$51.8及$49時買入）想問下如果再買，應該買友邦，騰訊，還是盈富好？我又想供月供股，每月$1,000，是否應該放在穩陣股，如煤氣，中電？其實月供股 ~ 買碎股好，還是儲起來，一次過買一隻股？之間有什麼分別？另外，請問可以怎樣買財務自由行這本書？龔成老師：首先，你要計算你的日常洗費、負擔、工作的穩健度、備用現金。如果$10萬是「閒錢」，不打算在中短期內運用，你可投資，$7萬投資，$3萬現金，可以。至於你38歲，財富仍有增長力，匯豐（0005）只是收息股，增長力不強，未必是最適合你的投資，你不應以這個作為組合的核心。月供會較好，因為價格會更有效平均，只要時間夠長，風險能有效減少，同時有平穩增長作用。你可以供盈富（2800）$2000，餘下選騰訊（0700）$1000，以及再加多1隻上述股就得。《財務自由行》你去三聯、商務、誠品、天地都有，見唔到，同職員話要訂就得。------------------------------------------------Q16224：老師你好，無意中fb 遇到你，令一直無理財的我改變，並立即行動本身是公屋戶主，未來房署可以優惠買返自己間公屋，依家十五十六唔知到時買唔買好...因為資金暫時只得7萬現金，另每月供股$5000,(823,66,1211,2800)這組合暫時共12萬左右，比例平均，2800供$2000,其他$1000可每月儲$50001)我有2382 ,400股@$125.4(可守嗎？）2)你曾話只要供得起就可以買，我憧憬到時可以利用此公屋放租，現想努力儲首期，當儲夠首期，希望第時可以另置物業，再出租公屋或新置物業以租代部份供款，請問方向正確嗎？還是出售公屋賺取部份首期另置一間私樓？或直接綠表換居屋呢？或不自置公屋繼續租住公屋呢？（假設將來一直不超額）3)以我現在的理財計劃要幾耐先儲到$200萬首期？想加快要怎樣做？改月供$10000,可以幾耐達到？未曾置業真是搞不清怎樣最好，不過已買了你3本書好好學習，謝謝解答！呀，我另外有一份25年銀行儲蓄，現值15萬左右，增長很慢，還有15年完，預計到時取回50至60萬左右，我可否現在取消（已回本），改用來供股票呢？龔成老師：1）這是有質素的股票，可以持有，不用擔心。2）如果你資金足夠，買居屋會比買公屋好，但如果公屋入場費平，你較有負擔能力，會建議你買左公屋先。政府的資助房屋，雖然投資價值不及私樓，但在一定的自住價值，買左先點都是有著數的。3）如果你每月可以月供到$10000，可以進行。只要投資一些平穩增長股已可以，唔需要太高風險，最重要是穩健地助你財富增長。如果要$200萬，相信要7年以上，所以，你可能要加大投入。除了月供外，要儲現金，要把握時機，在便宜價買入一些有質素的股。你可以睇《財務自由行》《大富翁致富藍圖》。至於銀行儲蓄，要每睇你的買樓計劃，如果會在3年內買樓，就不要將這些資金投資，但都可以考慮將當中資金作首期。------------------------------------------------Q16225：老師，我30+歲，有約7000股港鐵，打算趁現在市場稍為緩和既機會改變投資策略。 如果打算中風險投資，可長時間持有（數至十年），應該如何分配現在持有既股票。 30% 保持港鐵30% 盈富20% 港交所20% 油/金股這樣既組合是否太保守？龔成老師：以你的年齡，可以承受中高風險，不過，如果你本身想承受中度風險，其實上述組合，在方向是可以的，始終每個人的風險承受程度不同，你照自己的方向就得。不過，同一隻股票的佔比，最好小過15%，可減少集中風險的情況。盈富（2800）可以增加佔比，港鐵（0066）、港交所（0388）優質，但都唔能夠佔得太多。油/金，唔好多過10%，唔終只是一些商品，投資價值並不是最高質素之列。以你的年齡，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。------------------------------------------------Q16226：老師，為什麼工商，建設銀行比中國銀行好，因從未聽過你提及中國銀行龔成老師：以質素來說，工行（1398）、建行（0939）都比中行（3988）好。分析財務數據，例如資產回報率、股本回報率，都會見到中行較一般，這反映賺錢能力方面，中行唔算好強。加上中行的壞賬問題較大，在中國經濟轉弱的情況下，佢的不利情況會較其他銀行差。------------------------------------------------Q16227：龔成先生，本人50歲，夫婦月收入共11萬。除自住物業外還有一物業在供款中，每月供款額包括保險共8-9萬，流動資金約120萬，未持有股票，請問現時入市策略？謝謝！龔成老師：我地理財，就是要建立一個平衡的財富組合，股樓平衡是常用的做法。你已有物業，之後宜增加股票方面的比例，你可以動用其中的$60萬，分注投資優質股，例如分3-6個月進行，餘下留現金。你可以投資「平穩增值股」+「收息股」。隨著年齡增加，慢慢增加收息股的比例。平穩增值股，例如盈富（2800）、金沙（1928）、長建（1038）、中銀（2388）、港鐵（0066）、恆基（0012）、港交所（0388）。同時，可以建立一個收息股的組合，目標是6%的股息率的收息股，例如港燈（2638）、深高速（0548）、香港電訊（6823）、工行（1398）、匯豐（0005）、置富（0778）、陽光（0435）都可以。------------------------------------------------Q16228：老師你好想請教下：（現年30歲）現持有：盈富3000股     24.78金沙  800股     29.85友邦  200股     68.85保誠  500股      75比亞迪 500股    34.1我還有15萬打算再投放應該如何分配好？龔成老師：你現時持有的，都是有質素的股票，買入價不差，可以長線持有。至於另外的$15萬，你要慢慢用，唔好急，暫時最多用$5萬-$8萬。你可以一半投資盈富（2800），一半考慮投資潛力股，始終你30歲，仍是財富增長的黃金期，所以可以增加財富增長度。------------------------------------------------Q16229：龔老師 想請問點睇Tesla?月供做長線是否可行？現價450算不算合理價之內？龔成老師：Tesla這股，雖然有潛力，但風險高，估值難，這類股月供不是不可，但金額不能太多。因為佢運用較進取的模式去發展，可以大成功，又可以失敗，這是不確定性，所以唔建議投入太多資金。------------------------------------------------Q16230：龔老師你好 唔好意思阻你少少時間 之前平均價68.33買左28手匯豐 而家得返37.8 又無派息 我應唔應該放晒佢買2800 定等幾年好？佢有冇機會上返60龔成老師：首先，匯豐（0005）增長力不強，只是收息股，因此你如果想財富較有增長力，應該轉其他。另外，任何股票，都唔能夠太過集中，如果這股佔你組合比例過多，就要賣部分。匯控並不是無質素，但真的只能當佢長線收息，唔好對股價有太大期望。佢之前宣布取消派發2019年第四次股息，在過往經濟較差時期，其實都無試過停止派息。睇翻佢財務數據唔算話特別差，今次要停派息，主要原因係接獲英倫銀行透過審慎監管局發出的書面通知，要求匯豐取消派息。所以，佢並不是自己好唔得，而去到要唔派息，而是因應翻英國監管局要求，才這樣做，所以，雖然是不好的利息，但不是核心性不利。停派息對收息股從來都不是好事，但在這全球經濟咁差時候，為集團預留一筆資金備用，對集團和股東都是有利的。在全球經濟環境影響下，集團中短情況相信都會維持波動，未來再停派息也說不定。但我地投資應該要集中考慮翻佢長線因素，雖然預期匯豐中短期表現會受壓，但長線質素依然存在。作為收息股係可以，概念上，就是放棄中短期股息，而預期將來慢慢回到正常狀態，只要你投資組合唔好太偏重單一隻匯豐或銀行業就無問題。但記得，唔好佔比太重就得。同時明白這只是收息股，唔好對股價有太大期望。------------------------------------------------Q16231：老師你好 我23歲剛畢業出來工作 月入大約16k 打算用約五萬儲蓄作股票投資 但沒有經驗 不知道甚麼適合我 請問你會建議我買哪些股票呢? 月供盈富還是有另外的選擇? 謝謝龔成老師：你要做三樣野，第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。第二，了解銀行及證券行，去開一個證券戶口，並準備做月供股票。其實兩者都可以，銀行就較方便，但手續費就較貴，證券行收費就較平。你可以先了解下不同的收費。第三，將每月的部分資金，去做月供股票，供盈富（2800）。對初階投資者來說，月供股票是一個很好的累積財富方法，因為可避免你一次過在高位買入的風險。原理如同儲錢，不過就不是儲現金，而是儲股票。計劃要長期進行。另外，盈富是一個組合，適合絕大部分人投資，風險不高，長期儲貨可助你財富平穩增值，記住要長線持有。當你在做上述三件事的同時，開始學下股票，了解下那些股票適合你自己。銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。------------------------------------------------Q16232：老師你好，小弟正讀大學，宜家手頭上有3-4萬現金，正在學習股票，最近想試吓買自己第一隻股票趁着年輕，風險承受程度高，想試吓高少少風險嘅項目，老師有那隻股票推介？龔成老師：你這個年齡，是財富增值的黃金時期，要好好把握，盡你一切的力量去儲蓄、投資、學投資知識。你可以投資「平穩增值股」+「潛力股」，不過，如果你能承受較高風險，集中投資潛力股是可以的。你可考慮比亞迪（1211）、中生製藥（1177）、褔壽園（1448）、小米（1810）、阿里（9988）。另外，以你的年齡，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。------------------------------------------------Q16233：龔老師你好，我有些關於股票問題想請教你，希望可以得到你的解答。最近石油跌了很多，我想購買中石化作長線投貨，請問中石化在油價回升時會跟隨上升嗎？另外，3175這隻石油etf是否高風險？謝謝龔成老師：中石化（0386），當油價上翻時，佢都會上翻D，但不會跟足，升的幅度不及中海油（0883），因為中海油是上游企業，而中石化是上下游都有的。佢質素算是不差，但又未到好好，始終這只是商品企業，沒有一些太大的優勢。生意近5年只是上上落落，無乜增長力，這是受油價等因素影響，反映佢處於一個被動的狀態。如果佢之後的業務，無之前度咁樣，股息就會下跌，而佢過往的股息亦唔算太高。加上佢的股息不太穩定。現價合理，如果不算太大注，其實都可以。至於Ｆ三星原油期（3175），風險較高，因為油價上落大，自己要衡量是否適合。------------------------------------------------Q16234：你好，我想問下如果我只可以用$2000-3000月供股票，應該選幾多隻好？我想選2800 6823 1038，由於唔係投資太多，係咪如果揀得太多隻股票月供，分得太散唔好呢？因為每隻銀碼買得太細，有排都未草夠一手！ Thx龔成老師：如果每月供款太少，你要好長時間先會有一手。不過，如果你打算供好長間，其實都可以的。建議你供盈富（2800）$2000，另外可以加一隻$1000，是否加這股，視乎你能否好長線去月供，長建（1038）可以的。------------------------------------------------Q16235：老師你好，呢兩日買左80後百萬富翁睇，獲益良多.月入4萬，要供樓預算每月1萬投資月供，本身已月供3000長實，現考慮比亞迪，5年內希望有100萬，可行嗎？另外想問比亞迪電子值得入手嗎？龔成老師：比亞迪（1211）這類潛力股，雖然有投資價值，但不能太大注，所以，只建議你月供$3000。反而應利用較多的資金，去月供一些較穩健的股票，作為組合的核心，例如盈富（2800）。至於比亞迪電子（0285），可投資，但同樣，不建議太過大注。如果你每月保持$10000投資，5年後預期會滾存到$80萬-$100萬，要睇這段時間的市況及之後情況，如果近幾年市況差，令你可以買到好多平貨，到4、5年後市況好，就會對你財富有最大得益。------------------------------------------------Q16236：你好老師，本人30歲，人工30000，現股票acct約250000（因為在騰訊470時all in而輸了約100000，加上之前玩牛熊等total 輸了200000左右），cash約50000有不少儲蓄保險但還在供和長時間才能回本。有感30歲還是那麼少錢，有什麼意見給我？現在月供2500騰訊（溝淡）和3000盈富（剛開始），每月供保險約7000，扣除一切開支後每月能儲6000至10000左右，謝謝老師龔成老師︰你其實在投資理財安排上出現左幾個問題︰1） 保險係理財中防守部份，只要買足夠的保障就可以，增值的話用其他資產去做較好。2） 短炒不是正確的投資方法，牛熊證等衍生工具亦好難玩，這都是經驗之談。3） 騰訊（0700）係有質素，但問題你無定平貴能力，所以令你買左貴貨，影響長遠回報。而且，你整個組合ALL IN係騰訊，這樣會造成過度集中風險。就好像現在，當佢一出事，你就成個組合價值大跌。4） 另外，因為股價跌，所以企圖用溝貨去拉低平均價都係一個好錯架做法。這樣事前無計劃的加注，只會令你組合風險有增無減﹐所以暫時唔好再加注此股了。由於你現時組合已經100%騰訊，我建議你沽出部份轉至其他優質股會較好，此股大約下調至佔你組合的30%。未來你需要做的，是開展一個較健全和有增長力的投資組合。你可以用每月儲到的資金，一半做月供，其餘先儲起，用一邊月供一邊儲蓄的策略。月供方面，你可以選擇投資在平穏增長股︰盈富（2800）、金沙（1928）、恆基（0012）、中銀（2388）、港鐵（0066）、煤氣（0003）、港交所（0388）、長建（1038）、粵海（0270）、領展（0823）、深高速（0548）或潛力股︰比亞迪（1211），中生（1177）或福壽園（1448）。至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。------------------------------------------------Q16237：龔成老師你好，請問中國聯塑（2128）你怎樣看呢？剛公報了業績不太差，但股價卻在兩個星期內從最高價跌了兩成多。我分別在$5.43、$9.28和高位$12.28買入。想請教老師你的意見，謝謝龔成老師︰首先，一定要了解股價下跌的原因，基本上，股價中短期上落好正常，但如果上落太大，就要了解翻當中的事情，有無一些影響企業核心的因素。中國聯塑（2128）有一定的質素，這股在我的《50值博倍升股》都有推介，但推介後已升了一倍，投資值博率大減。睇翻佢剛出的2019年財務數據，見佢純利都有合理升幅，同時暫時都唔見佢有質素上有乜下滑。跌2成多股價，某程度只係股價重回翻一個較合理水平。此股質素依然存在，你現貨長線持有無問題，只要你持貨不過多就得。------------------------------------------------Q16238：龔成你好,本人買了你的著作財務自由行、50搏升股、50收息股和年報勝經。跟據你在財務自由行的分析，我可以承受中高風險，7成平穩增值股，3成搏升股的資產配置。現在做保安員，月入$14500，每月可儲蓄$10000。32歲。補充一下，持有現金港幣三萬本人持有組合如下 : -平穩增值股-1928 400股 每股36.52800 1000股 每股27.350066 500股 每股48.7-搏升股-0012 1000股 每股35.51373 13000股 每股1.78平穩增值股部份會增持至35萬，搏升股會增持至15萬，希望5年後會升到100萬。現在有幾個問題希望你能解答 : 1.0012 和1373 是不是不再是搏升股? 見你把0012放在平穩增值股，在網上的文章說1373並不會大幅漲價，我需要為搏升股部份重新選股嗎?2.有點不想再增持港鐵，因為好像跟0012的業務性質重疊了。用澳優和比亞迪股份代替好嗎?經濟下行，匯豐不派息，我買的股會不會全都不派息?3.我想在5年後開始全職建設我的有機農場，為此我希望將$100萬轉做收息股，令自己有每月$8000的營運資金，是不是可以在$100萬之後一之過轉做收息股?有沒有更好的方法分配資產?4.我希望到50歲時擁有$1000萬股票收息，應怎樣長遠規劃資產配置?5.為什麼你要鼓勵別人做生意?有夢想很好，我自己也試過做生意。但香港租金昂貴，經營環境異常艱辛，店面面積少，物價高企，香港人口味掩尖刻薄，精打細算，可能比你還清楚貨物真正的成本。得到的往往是「免睡收入」，最慘的還是要忍受家人/朋友的擔心和歧視。為什麼你的文章一點都不提做生意背後的艱辛和風險?謝回答,龔成老師︰1）恆基（0012）現在算是穏中求勝的企業，穏在其物業租貸。現增長潛力，則在土地儲備方面，當中以其農地儲備發展最具潛力。此股雖有增長力，但不竟已經是一間有一定規模的企業，唔會再有爆發性增長，而會轉向較平穏增長型。國際家居零售（1373）同樣增長力己不強，我地只會視為一般的平穩增長股。2）的確有少少重疊，因為港鐵算係半隻地產股。由於你組合欠缺潛力股，我建議你用比亞迪（1211）代替。在經營環境明顯轉差的情況下，其他股都會有停止派息機會。但重點係只要這個停止係中短期，而唔係一個長遠架派息政策或此股質素改變，其實唔需要太擔心。3）我唔建議你一次過轉晒100萬去收息股，你可以分幾注去慢慢轉換會較好。4）以恆指過去年平均回報10%計（連股息再投資），你每月投資$15000，20年後就可以增值至大約1000萬。策略上，可以用月供股票作增值平台，每月你要儲到最少$15000。那$15000可以5成去做月供，其餘先儲起，用一邊月供一邊儲蓄的策略。月供方面，你可以選擇投資在平穏增長股︰盈富（2800）、金沙（1928）、恆基（0012）、中銀（2388）、港鐵（0066）、煤氣（0003）、港交所（0388）、長建（1038）、粵海（0270）、領展（0823）、深高速（0548）或潛力股︰比亞迪（1211），中生（1177）或福壽園（1448）。至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。5）因為做生意L是一個突破方法。香港，打工的收入很有限，基本上好難有好少少的生活，人工追不到樓價。如果要追到，「投資」「做生意」是其中的兩大方法。我鼓勵年輕人多試，要想方法突破，做生意當然有風險，失敗率高，但都建議一試，都好過成世乜都唔敢做，只懂打工。加上，生意有好多種的，網上的都是生意，有些生意不要太接觸好多人。------------------------------------------------Q16239：老師，以現時香港既不利狀況（1）可以增持股票、繼續月供嗎？ （2）邊d行業現時較為穩陣/值博？（3） 點睇香港未來?我覺得一般般（4）其實有啲內地股如果冇香港業務既話，係咪跟本就冇影響？謝謝龔成老師：1）香港的確有變數，但我相信長遠的價值仍在。只要你保持月供，同時留到一定的現金，就可以進行，只要是優質股，仍可以月供的。2）地產行業現時有值博率，另外，公用是另一個穩健的行業。3）發展能力，的確比過往弱左，但我認為，始終都有獨特性，價值一定仍在。4）對。佢只會中短期有影響，同時只是股價層面，資金流向層面，在長遠發展上，其實無影響。------------------------------------------------Q16240：1:老師，想用借貸投資，大約借十萬左右，想問用借貸投資有咩需要留意。2:想請教下，之前聽你講，股票每跌10%入一注，如果股價係升10%，咁應該點做，照入嗎?3:想問下，因為我之前未經歷過股災，投資經驗只有1年，所以唔係好知以前係點，其實之前股災係咪都係會好似依家咁升升跌跌，就算冇咩突別消息都可以突然升成千點同跌成千點多謝今晚本書，出面賣唔到，今日仲要有折賣比我地，琴日出青衣三聯又未有，今日去灣仔三聯又未有，估唔到今晚突然有，真係等機會就有平貨4:想問隻3319，上堂你講過，呢隻野，現金流咁強，質素咁好，做咩3383要將佢分拆出黎益街坊，自己袋哂唔係仲好咩，定係其實佢既原理好似電能同1083咁5:想問其實你教果套方法，日後如果個個都用，其實個成效係味就變左冇咩用6:想問樓既問題，每層樓最長比你供個期限其實可以係邊到睇?因為我上網搵極都搵唔到龔成老師：1）唔建議，始終風險大，除非是較高階的投資喻，同時大市跌到好平好平，但暫時未見到。2）如果股市升，買入的金額會減，甚至不入，但如果過一段時間都唔跌，會因應當時的平貴，決定是否分注入，即是同時利用時間平均法。3）有時會大升，有時會大跌，但無得估幾時底見，有時以為已見底，又會跌多2、3成，但有時有會在大部分以為下跌的情況下，突破無事，升翻晒，所以，我成日講，唔好估，分注買入優質股就得。4）因為佢都需要資金，同埋佢只是賣出部分股權，佢持是大股東。5）的確會無效。但你要散戶睇幾十隻股票先買一隻？每隻要花幾小時去分析？一般散戶根本做不到，佢地最後只會用翻即食的投資方法。6）因為無一定的答案。出面銀行，通常用「75-樓齡」，去決定最長的供款期。----------------------------------------------若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

關於 存到100萬之後 ，我們在網路上蒐集到這些相關的討論、資訊與評價

「存到100萬之後」的推薦目錄：

存到100萬之後 在 龔成 Facebook 的最佳解答

About author

存到100萬之後 在 龔成 Facebook 的精選貼文

About author

存到100萬之後 在 龔成 Facebook 的精選貼文

About author

存到100萬之後 在 コバにゃんチャンネル Youtube 的精選貼文

About author

存到100萬之後 在 大象中醫 Youtube 的最讚貼文

About author

存到100萬之後 在 大象中醫 Youtube 的精選貼文

About author

你可能也想看看

搜尋相關連結

關於存到100萬之後，我們在網路上蒐集到這些相關的討論、資訊與評價

存到100萬之後在龔成 Facebook 的最佳解答

存到100萬之後在龔成 Facebook 的精選貼文

存到100萬之後在龔成 Facebook 的精選貼文

存到100萬之後在コバにゃんチャンネル Youtube 的精選貼文

存到100萬之後在大象中醫 Youtube 的最讚貼文

存到100萬之後在大象中醫 Youtube 的精選貼文