最近公司瀰漫白色恐怖 藍色焦慮
同事們人人自危 唔敢再講任何牽涉政治嘅話題
咁以後講d乜野先唔會畀人report呢?
講下點解... 呢排特別多某地方嘅機 搞到個roster咁爛?
講下點解... 近期一d port嘅機overbooked到突破天際?
講下點解... 最近某外幣匯率跌左 搞到月尾出糧少左?
講下點解... 有d機場成日都delay queuing up holding永冇準時?
講下點解... 出ID去呢度旅行抵d 因為少左d乜税物稅?
以上種種追原溯始 到最後都會掂到唔同國家嘅政策
即。係。話。講。乜。撚。野。都。關。政。治。事
正當我暗自躊躇
以後人地五個鐘rest
係咪淨係可以同同事陳述一下每個compartment裡面有d乜野?
或者朗讀一下每款特飲入面有d乜野ingredient?
我突然聽到耳邊傳黎一句說話...
我以為我已經教左...我以為我已經教左...我以為我已經教左...我以為我已經教左...我以為我已經教左...我以為我已經教左...我以為我已經教左...
原來呢兩個幾月以黎各大媒體上看似混淆視聽 問非所答嘅對話
人生嘅哲理 自保嘅妙策
通通都蘊含其中
各位同事以後不妨睇多d記招 學多兩句旁身
好人一世平安🙏🏻
同時也有1部Youtube影片,追蹤數超過8,440的網紅MemoSonBB,也在其Youtube影片中提到,「聖誕老人」下一句係咩? 因為大家唔同鄉下,所以聖誕歌都會有少少唔同? 你哋嘅版本又係點嘅呢? #Memo子 #聖誕老人 #大部份人只係識頭三句 #唱到成首歌嗰啲係冠軍 #學多兩句 #準備平安夜報佳音啦...
學多兩句 在 Memo子 Facebook 的最讚貼文
【Snapcheck – 報佳音篇🎄】
「聖誕老人」下一句係咩?
因為大家唔同鄉下,所以聖誕歌都會有少少唔同😂
你哋嘅版本又係點嘅呢?
#Memo子 #聖誕老人 #大部份人只係識頭三句 #唱到成首歌嗰啲係冠軍 #學多兩句 #準備平安夜報佳音啦
=========
× 想睇更多精彩內容?即刻上 Addoil.com!
× 記得 follow 埋 Memo子其他 account 呀~
Instagram: memosonbb
YouTube: Memo子
Telegram: goo.gl/eWwqEh
學多兩句 在 CarlosDouh Facebook 的精選貼文
我編訪問出咗啦!! 你地會唔會好似我咁食雞梗要加薑蓉?! New article is out! Gotta have ginger paste with my chicken!! haha #頂理Magazine #Youtuber #笑談廣東話 #潮語 #鬼佬 #語言 #文化
〈食雞梗要點薑蓉〉——訪問「加港Youtuber」 Carlos Douh
喺香港,教人講英文俗語俚語嘅書都大行其道。咁如果調返轉,用英文去教人講廣東話潮語,又會係點嘅景況?黎自加拿大嘅香港youtuber Carlos Douh就喺youtube拍緊片,用英文同大家講「講呢d」,介紹「公主病」。究竟點解呢個鬼佬會對廣東話情有獨鍾?
聽Carlos一口流利廣東話,仲要一聽我地雜誌個名就識笑,唔講仲以為佢係香港大嘅「本地鬼佬」,但原來黎自加拿大嘅Carlos 2005年先到首次因為教會活動來港兩年,跟住返到加拿大完成大學學位。2012年一畢業,又即刻飛返返黎香港生活,仲即刻繼1拍片擺上網教埋廣東話,呢位原產加拿大嘅本地youtuber究竟係一個咩故事呢?
>>youtuber及其他
Carlos Douh嘅youtube channel自2010年開始啟播,初頭介紹比較常用嘅廣東話,但反應平平。嗰陣所謂「潮語」係一時熱話,佢將幾個朋友介紹嘅潮語在youtube上介紹,結果大受歡迎,也定下咗佢channel嘅風格。其中,講解當時熱話「公主病」嘅一條短片,就乘勢獲得超過一百三十萬點擊率,成為至今最高收視嘅短片。不過,Carlos本人最鐘意嘅,反而係佢嘅潮語第一擊,「chok 樣」。「因為我本身就好鐘意chok樣,哈哈」Carlos笑住講。「嗰陣聽完朋友解釋,我覺得呢個字簡直係為我而設。」說罷即刻chok比我地睇,小記都覺得佢chok 過林峰。
短片嘅迥響不只來自本地,仲有好多海外嘅觀眾都十分感興趣,外國觀眾覺得十分有趣,仲有識左香港伴侶嘅外國人話睇左佢。一些ABC/CBC就會驚奇,竟然有個鬼佬講自己嘅母語仲叻過自己,自己反而淨係識讀個名同「爸爸」、「媽媽」,話要下定決心學多兩句廣東話。而香港嘅朋友就更加係多謝佢拍片幫手各世界宣傳廣東話同香港文化。
咁黎緊Carlos又會有咩新搞作?Carlos話會暫時會停一停,搬返加拿大讀埋個master先,但係拍片呢個dream,係唔會停嘅!「呢家比較忙,而且一直以黎拍片嘅事都係一腳踢,拍片剪片到宣傳都係自己做晒。希望第時可以唔使做其他野,專心拍片,開自己studio。」講起夢想,Carlos都特別有神采。
但即使未必會短期內實行,Carlos都有已經有唔少主意在心中。喺中學做過NET嘅Carlos,雖然一直都係教廣東話,但就覺得反其道而行,用廣東話教英文潮語同樣可取。「好多學校都會要求NET全用英文教學,但對於一啲比較弱嘅學生實在係難理解。用廣東話教反而更有趣味。」
可能自細在多語言環境長大,除了母語英文同加拿大一定要學嘅法文,因為Carlos爸爸黎自秘魯,所以佢爸爸嗰邊嘅親戚都係講西班牙話,而佢個名Carlos其實就係佢正式名字Charles的西班牙文版。而佢對西班牙語就係識聽少少,講少少,就好似我地一啲同學識少少佢地鄉下嘅潮州話、客家話咁樣。模仿語氣聲調嘅強項,對於學習音調豐富的廣東話當然是莫大嘅好處,亦令到不少本地人讚佢講廣東話講得好地道。Carlos就話「不過我唔覺得自己係Cantonese Master,只係模仿得好d姐。」
不過,近年有廣東話被邊緣化嘅講法,可能不敵中國大陸官方語言普通話,Carlos就認為每種語言都有佢嘅價值,代表佢背後嘅文化啦,不過佢話最大問題就係,佢唔識普通話,如果無得講廣東話,佢就唔知點樣喺香港過生活啦。
>>香港
咁黎左香港咁耐,Carlos對香港以及香港人嘅印象又係點呢?一如好多外國人嘅印象,Carlos都認為香港人真係好勤力,日日可以做到七、八點,天都黑晒先放工,如果係加拿大,所有人都係五點夠鐘就返屋企。連香港嘅學生都太忙,佢之前教中學嘅時候,見到班學生真係好多功課,無時間同空間去發展自己嘅興趣。「喺外國,興趣係用黎relax嘅,但佢地無呢個時間,亦無地方,即使有時間多數都係打機,而唔係去戶外活動。」更加重要嘅係,無時間空間,小朋友嘅創意都唔會有機會發揮。
喺加拿大,小朋友無咁多功課,一放學就可以去玩,除左同朋友打波踩單車,Carlos其實自大學開始就已經同朋友玩拍片,咩都拍一餐,最初嘅遊戲成就左日後嘅終生興趣,亦令到Carlos成功喺海內外打響名堂,除了上過美國CNN網站文章「十個香港能人所不能的地方」,岩岩仲幫香港旅發局拍左條宣傳片。
回歸基本步,唔好話教廣東話,其實喺香港,唔識廣東話,淨係講英文一樣生存到,Carlos亦十分認同。「尤其係港島啦,唔講廣東話都可以,好多外地人。但我都鐘意去新界同九龍生活,接觸本地人,同佢地講廣東話,嚇下佢地,哈哈。」可見Carlos貪玩嘅性格之餘,亦可見佢積極融入本地社區。
不過Carlos最鐘意嘅本地文化,始終係香港嘅飲食文化。未黎香港之前都知道Chinese會食炒麵炒飯,但黎到先知道有咁多好野食,呢家佢已經唔滿足於「入門級」嘅Chinese Food。Carlos舉例話︰「好似好多鬼佬會話叉燒好食,但我已經識得更多,好似知道食雞可以點『薑蓉』,我特登學識左點整,返到加拿大整比Daddy食,佢鐘意到忍唔住要偷食,哈哈哈。」Carlos又大讚香港太太Natalie廚藝了得。
所謂文化,包羅萬有,飲食呢d大路野適應到,又有無咩生活細節習俗真係好難習慣呢?好似Carlos曾經同一個喺加拿大留過學嘅Youtuber Ming仔一齊拍過嘅香港潛規則系列講嘅,就係「食飯爭住比錢」、「食飯要碟碟有餘」嘅細節。Carlos一笑,傻豬黎嘅,爭比錢呢d面子工程,喺加拿大一樣有,但都有一d習俗係要慢慢適應。「好似我太太嘅媽咪係十分傳統嘅人,節日有好多儀式要做,要尊重同俾d耐性。」
再次感謝CarlosDouh 接受訪問=]!!
學多兩句 在 MemoSonBB Youtube 的最佳貼文
「聖誕老人」下一句係咩?
因為大家唔同鄉下,所以聖誕歌都會有少少唔同?
你哋嘅版本又係點嘅呢?
#Memo子 #聖誕老人 #大部份人只係識頭三句 #唱到成首歌嗰啲係冠軍 #學多兩句 #準備平安夜報佳音啦
![post-title](https://i.ytimg.com/vi/0RByddIhbOw/hqdefault.jpg)