話說人妻先生岩岩喺大學畢業，仲係一個好pure好true的小薯仔（其實我現在都是好pure好true），當時係2010年，我就幫襯左個朋友喺安達人壽度買左一份名叫「匯財智保投資萬用壽險計劃」，說白點就是一個人壽加買基金計劃，大概就是可以透過安達人壽購買一籃子的不同基金。那時候我剛畢業人工才不過九千，但是投資這回事，越早開始就是越有複利率優勢，所以我也咬緊牙關，每月都撥一千多元出來供基金。
大家要記著，那時候的人妻先生是個入世未深的純情小寶寶，我當年簽約時就幻想自己十年後，一定會多謝自己當日呢個決定。結果係去到第三年，我已經想擸把刀坐時光機返去斬死我自己：我朋友是個盡責的經紀，他每半年也跟我review張單一次，但好景不常，在第二年佢因為傷病所以辭職，我張單就交託了給他上司，從此，我再沒有見過呢一間公司任何一個人：約佢唔得閒，但在電話裡卻有空sell我做儲蓄plan；同佢講想轉組合但我自己唔記得左密碼，佢叫我上網自己apply；去到第六年我先醒起要cut rider，佢叫我自己上網填表格。結果？結果我係搵個做美國萬通的保險朋友幫我填表cut rider。至於清明重陽新年聖誕，梗係乜都唔會有啦，唔好話賀卡，就連一個whatsapp都冇。
呢間安達人壽，係一間佛系保險公司：不跟客、不跟單、不提供服務、不回顧理財組合表現，時機到了，客戶就會每月交錢。
沒錯，雖然無提供過任何服務，但呢間公司的服務費卻沒有停過，在我供了八萬六左右的股票基金裡，有一萬一千元都是他們的手續費。到後來我睇返合約，才發現原來第一年抽22%手續費、後續每年5%手續費，即是說只要那一年基金表現差過5%，別說賺錢，連本也會虧掉，而基金要跑足10%升幅才能抵抗通漲，條件之苛刻，還是令人咋舌。
在第三年，我才認真回顧一下這些投資的表現如何，結果發現蝕了足足四成，你沒看錯，在巨額的手續費和環球市況向下的夾擊下，別說保本，連止血也成問題。正常人在這個時候應該想要壯士斷臂Cut單了吧？我收到的Whatsapp回覆是：可以啊，不過我們收退保費用就是了，如果想要零退保費用，需要供足十年(120期)先得。
那麼退保費是多少？
76%
不是你能拿回76%，而是對方收你76%。三年來供了合共三萬六千，俾市場同手續費蝕左四成，即係得返兩萬一，再扣埋76%退保費用，即係收得返… 5184元正。
我留返俾你全公司睇醫生啦！係愛呀，＿你！
難怪對方唔怕我cut單，因為腦部正常的人真係唔會Cut單。白先勇在《驀然回首》曾說過「去國十年，老盡少年心」，人妻先生認為十年太久了，要是你幫襯了安達人壽，不出三年，你已經可以看到真理之門了。所謂回首已是百年身，在第三年，人妻先生受到打擊後突然覺醒，透過一系列的神級操盤和努力鑽研各國經濟，重整旗鼓急起直追，加上全球股市大牛市相助，截至今日供到第86期 (第七年)，我合共交了86,190港元保費，現在保單價值是：
88,101港元
搞足七年，死一大堆腦細胞，還差點一夜白髮，就係賺左兩千蚊？！林鄭俾乞兒都五百啦！
名義上是賺了，但計埋通漲、機會成本，根本蝕到入肉。世間最慘嘅事唔係投資失敗，而係明知投資失敗都仲要每個月繼續投落去，仲要投多34個月先可以零手續費退場，而每個月望見張月結單、又望下我老公恥笑我的樣子，我就超級不爽了。
真的，遠離月供基金，是智慧的開端，賺埋賺埋都唔夠你買驚風散。
#一人一留言分享月供基金中伏
#來互相傷害啊
#以下萬千星輝地雷基金計劃現已接受提名
#長年期陰魂不散希特拉都cut唔到單大獎
#苦海無崖蝕到hihi倒完又倒鄉愁大獎
#扔西瓜落海上尋碧落下黃泉閃靈agent大獎
保單條款傳送門:
https://www2.chubb.com/hk-en/_assets/documents/nb266a.pdf
安達人壽電話 在 Chubb Life in Hong Kong 安達人壽 - Facebook 的推薦與評價
安達人壽 香港推出新型冠狀病毒電話理賠服務>> 因應新型冠狀病毒感染情況，安達人壽香港為懷疑或確診感染新型冠狀病毒的現有客戶，推出電話理賠服務。 ... <看更多>