Search
QR Code組隊
「V」代表返蒙面法及法院判決、「阿包」是關於理大慘案的前因後果、 「721」是追究官警鄉黑勾結、「Chinazi」是關於中共模式對全球民主人權的威脅、「Mr. President」是中美貿易戰下的香港問題。
目前義工團隊已經成，有Marketing丶有IT人丶也有產品攝影師及設計師，大家正日以繼夜、夜以繼日趕工中，希望下星期第一批能夠同大家見面。
香港人暴烈，係對壓迫最溫柔嘅抗爭
Medium Link: https://link.medium.com/XfgP00BFy0
-\-\-
(利申：犯法嘅嘢係唔啱嘅，千祈唔好做，所以我都反對香港警察知法犯法)
2019 年 10 月 5 日，《禁止幪面規例》 (即係「反幪面法」) 喺香港實施嘅第一日。市面比上日平靜，但快閃示威、封路以至毀壞商舖嘅畫面其實持續出現。警民敵對嘅局面，當然冇改變，甚至隨住警察任意搜查戴口罩嘅市民而繼續火上加油。林鄭月娥嘅管治方式，真係舉世無雙。
從社交網絡上嘅相片，可以見到民建聯、工聯會以至十八鄉鄉事委員會嘅辦事處都遭受破壞。中資銀行、中移動、美心旗下食肆以至福建背景嘅零食店優品 360 店舖，都有噴漆、爆玻璃等痕跡。
如果睇返香港人自從 1997 年主權回歸以來，喺中共軟硬兼施嘅統戰之下，民主爭取唔到，自由空間持續收窄，自治程度每況愈下，我會話，香港嘅抗爭者今時今日採取嘅行動，已經非常溫和同克制。
-\-\-
保皇黨嘅嘴臉我哋見過幾多次？佢哋口中嘅歪理荒謬到可以競爭達爾文獎。然後咁多年嚟，我哋如何懲罰佢哋？用選票？你哪撚有票懲罰到洗頭艇吳亮星？人哋功能組別銀行界係公司票嚟架喎！何君堯呢？下屆立法會如果有盤口，我買重佢當選添啦。
而家抗爭者幫保皇黨議員辦事處「裝修」，何君堯喺荃灣嘅議辦甚至真係起一拆十而退租 (未 Factcheck 但間舖吉晒) ，對於呢班走狗嚟講，似乎係比起「血債票償」更加實際、貼身嘅嘅影響。
-\-\-
同樣道理，中資企業，例如國有四大銀行喺香港嘅公司，一方面用飯碗捏住員工嘅咽喉 (or 個袋，咩袋就自己諗啦) ，一方面又要佢哋喺大時大節，例如話議會選舉嘅時候，協助「愛國愛港」嘅候選人拉票甚至投票支持佢哋。
大家能夠轉工或者轉走戶口嘅錢，固然很好，但係針對分行落地玻璃同提款機等 objects 衝擊，客觀效果係令到牛咁大間銀行，要喺咁龐大嘅架構，啟動有返咁上下複雜嘅行政流程，為咗修復而耗用以 man-hours 計嘅人力資源，都真係唔多便宜，絕非都唔係話髹下油或者安返玻璃咁簡單。
-\-\-
去到嗰啲本身係港資企業，但係喺關鍵時候企喺高牆嘅一邊嘅，例如美心太子女伍淑清。喂，去到聯合國撐警喎！唔係冇 take side 下嘛？美心立足香港半個世紀，當年我幾歲嘅時候，喺杏花村商場嗰間分店，啲有椅背嘅橙黃綠三色膠凳、嗰陣鐵板洋蔥豬扒嘅氣味，我到家下仲記得。
但屌你鹵味，你賺香港人嘅錢，掉轉槍頭撐黑警亂用催淚彈及橡膠子彈？除咗罷食、罷買，更加動搖美心業務根基嘅，係令美國 Starbucks 總公司重新審視品牌喺香港嘅獨家代理權，係咪仍然要判畀美心。抗爭者嘅連串衝擊、針對美心嘅「裝修」事件，我相信係值得 Starbucks 深思熟慮一下嘅。又，最低限度，美心集團都要出聲明同伍淑清割蓆、話伍淑清冇參與日常運作囉。
-\-\-
粗淺地舉幾個例，都旨在說明以往純粹「和理非」嘅方法，根本搔不到癢處，對於享受緊規矩徹底地對自己有利、仲可以有權用盡嘅建制陣營嚟講，所有遊行、杯葛、聯署都不過係馬騮戲。你有你做，我有我數銀紙。
香港嘅示威者突破道德枷鎖，用自己嘅方法為心儀嘅店舖裝修、裝飾，係切切實實為企業同政客製造麻煩。同樣地，近日喺香港出沒嘅神獸「鶳」 (港式讀法：獅鳥) ，「以武制暴」，亦開始為以往橫行無忌、大叫「我撐警，你可以打我了」嘅藍絲同鄉黑帶來阻嚇作用。連黑幫麻雀館都貼出告示，支持「五大訴求，缺一不可」，可想而之，信念之於蠅頭小利，威力可以差幾遠。
-\-\-
香港人素來奉公守法，但係政府教識大家，和平遊行其實無用；警察教識大家，報警求助都係無用。經過多年嚟嘅訓練，尤其是 2010 年通過撥款興建高鐵、 2014 年嘅佔領運動，見盡政府漠視民意、官警鄉黑勾結，以極權方式利用普通法作為對付平民嘅工具，先至鑄鍊出今時今日嘅「衝衝子」與「和理非」兩條腿走路嘅抗爭模式。
奉勸其他 KOL 或文妓，唔好再攞西方文明民主社會嘅例子作比較，訓詁香港人應該克教復禮 whatsoever 。香港已經喺林鄭月娥治下變成一個暴烈嘅獨裁社會，相比起政府連幪面都唔容許、建制爪牙無底線嘅起底同批鬥，示威者而家採取嘅措施，其實真係已經好溫柔。
香港人，你會唔會因為林鄭讓一小步，就畀自己退一步跌落山窿？
Medium Link 在此：https://link.medium.com/TEbDmfhZHZ
全文畢錄如下。
//
由 2019 年 6 月 9 日，反對《逃犯條例》修訂嘅大遊行，到 2019 年 9 月 4 日，特首林鄭月娥宣布撤回修訂，歷經 88 日。比起 2014 年爭取雙普選嘅佔領行動，仲多咗 9 日。
88 日期間，過千人被捕、幾隻眼被射盲、幾隻手手腳腳被斬斷，受傷嘅抗爭者，不計其數。仲有好幾位義士為呢次抗爭而殉身。
- - -
大家仲記得每次抗爭都吶喊嘅五大訴求嗎？
第一，撤回送中惡法；
第二，撤回暴動定性；
第三，釋放被捕義士；
第四，追究開槍責任；
第五，落實雙普選。 (另一說法係「失職高官下台」，你鍾意)
我唔知林鄭同大家係咪有代溝，以上五大訴求，係 “And” (及) 嘅關係，而唔係 "Or” (或) 嘅關係。即係，我去食個 five-course dinner ，應該有湯、前菜、沙律、主菜同甜品嘅。就咁拎碗湯出嚟，叫大家飲撚咗佢就埋單走人，唔單止係取巧，直情係違反《商品說明條例》。林鄭如果以為咁樣已經回應市民訴求，容許我學唐英年話齋：「你呃人！」
- - -
咁又咁講， Bloody Carrie 一直都冇答應過五大訴求。佢喺記者會公開講架嘛，政府唔係唔回應五大訴求，係不答應。哇你老闆，幾撚霸氣。完全係「你有你投訴，我有我態度」嘅表現。
但其實，政府由 6 月 9 日開始，每一日都有充份嘅機會 (即係 24 小時) 去考慮市民嘅要求。就好似一個人去考試，第一日肥佬，第二日可以馬上重考 (現實中係要排期嘅，我知) ，但又炒粉，到第三、四、五日⋯⋯一直連續地考試唔及格，足足 88 次。
然後林鄭今日同大家講，好啦好啦，我順應民意，正式「撤回」 (終於唔係「暫緩」同「壽終正寢」， thank god) 條例修訂。吖，不過另外嗰四個要求呢，我係做唔到，或者堅持用我嘅方法去做。例如話，唔成立獨立調查委員會，依賴完撚全唔獨立嘅監警會去處理對警隊嘅投訴。喂大佬，監警會頭關由投訴警察課把守，根本係自己人查自己人；次關嘅監警會審核，亦唔會因為林鄭嘅友好余黎青萍同林定國加入監警會而變得更有效架喎！
至於其他三項訴求，林鄭分別否認「暴動定性」嘅存在，將起訴或釋放抗爭者嘅責任卸咗個波畀律政司 (仲講到大義凜然，要捍衛司法獨立咁樣樣) ，剩低嘅雙普選就話社會氣氛已經好撕裂，唔好搞住。挑，藉口。
於是， Carrie Lam 呢位重考 88 日嘅考生，今日答題五中一，攞到 20 分，考全班第一！因為全香港都只係得一個行政長官啫，第一又係你，第尾，都係你。
問心嗰句，大家作為納稅人，都係林鄭嘅衣食父母，收到呢份成績表，會直豎拇指讚佢好叻巧威威吖，定係會學啲社團人士咁，攞條藤條出嚟 fit 佢？
- - -
我仲未講一樣嘢。林鄭攞到嘅 20 分嗰題，答案係「喺 10 月立法會復會時動議撤回修例嘅議案」。換句話講，呢張支票仲有成個零月先可以兌現。期間，有 9 月初美國國會復會，審議《香港人權及民主法案》，有中秋節 (我知唔關事) ，仲有 10 月 1 日嘅中共建國 70 年。
政治嘅嘢，一日都嫌長。何況呢一次抗爭，警察鎮壓嘅手法，係以幾何級數咁上升？ 612 喺金鐘出催淚彈， 721 有白衣人血洗西鐵站， 831 有防暴警於太子列車廝殺平民， 903 有少年被㩒頸制伏疑似折斷頸椎。暴力行為眾多，不能盡錄。試問邊一個人可以保證，喺立法會復會表決之前，民意同民氣可以頂住警方嘅鐵腕手段？如果萬一，到十月初市面上回復平靜，甚至一片歌舞昇平，政工作者為咗爭區議會議席而各懷鬼胎，林鄭會唔會反口食言，畀修訂議案繼續二讀、三讀？
或者你覺得我呢個問題好蠢、好無知。 But there is no such thing as stupid question. 香港政府乃至警隊而家最大嘅問題係乜嘢？係誠信破產、日日記者會重複自己都未必相信嘅謊言、對民意置若妄聞、對支持者犯法視若無睹、對抗爭者行莫須有！
人無信而不立。政府嘅歪理 (因為警隊唔鍾意所以唔成立獨立調查委員會) 、警隊嘅指鹿為馬 (吖屌你，開學日個學生因為地面濕滑而仆街？唔係畀你個伙記㩒低？) ，都一步一步咁，破壞市民對於政府官員同警員嘅信任。林鄭講嘅唔係人話，律政司鄭若驊行嘅係中式法治，保安局局長李家超只係關心警員子女嘅人身安全，其他市民嘅仔女就可以唔理。咁樣，政府嘅公信力從何而來？警隊如何正當地行做公權力？
- - -
請大家堅持「五大訴求，缺一不可」。林鄭而家攞咗 20 分，但遠遠不夠。我哋冇可能就咁輕輕放過特區政府，英文好嘅朋友，更加要善用社交媒體，向其他地方嘅人解釋點解香港人唔可以讓步。
因為呀，若然香港人對住呢份 20 分嘅成績表草草收貨，咁民望得返廿零分嘅林鄭就會覺得「我已經做得好好，會繼續咁樣『為市民服務』」。呢個冇誠信而且只向中共效忠嘅特區政府，就會靜待爭議平息，然後繼續大搜捕，清算反政府嘅人、推動香港融入大灣區、攞一萬億出嚟興建「明日大嶼」人工島、全面推行國民教育、為《國歌法》立法，而家仲吹緊《蒙面法》，唔爭在第時立埋「辱警罪」。
我唔係危言聳聽。 2014 年佔領行動，民間慘敗之後，發生過啲乜嘢事，制度有幾暴力，《議事規則》如何被修改，港獨、本土及自決派參選人如何喺議會選舉之中未選先 DQ (或者當選後被取消資格) ，大家都應該記憶猶新。 至於官警鄉黑勾結，至今一直無從追究，日後亦只會變本加厲。
你，真係想咁？請各位繼續堅持落去，謝絕任何「階段性勝利」或「見好就收」嘅講法。政府後退一小步，可以係大反撲前嘅預備動作。而香港早已置身懸崖邊，根本無路可退。我哋，都要對得住為呢場抗爭而犧牲身體髮膚嘅同路人，唔能夠令佢哋嘅付出付諸流水。
我講多次：五大訴求，缺一不可！香港人，加油！
國務院港澳辦記者會內容微言大義，中央利用楊光傳達的訊息。冬眠了兩年的張建宗向市民道歉，警怒斥：「張建宗不代表我」。絕望比死亡可怕，香港年輕人寫好了遺書，走上了前線，「義利之辨」在他們身上体驗出來。為什麼香港人愈打愈多人上街？聰明人在元朗製造事端，方便警察在上環天橋開槍射殺示威市民。政府的敗壞在於心術不正，對香港市民背後用計。碟仙不好玩，易請難送。（完整文字版將會在節目後上載至易經講堂網頁）
#送中 #張建宗道歉 #港澳辦記者會 #港獨 #張建宗 #元朗 #官警黑 #黑警 #逃犯條例 #西鐵元朗站 #香港
==========
如若你喜歡「易經講堂」節目，覺得內容有益世道人心，希望你能繼續收看、讚好、「訂閱及推介」易經講堂YouTube頻道，集腋可以成裘，謝謝支持與鼓勵。
易經講堂有限公司
香港上環郵政局郵政信箱33249號
I Ching Consultancy Limited
Sheung Wan Post Office P.O. Box 33249, 1/F West Exchange Tower, 322-324 Des Voeux Road Central, Sheung Wan, Hong Kong
網頁 Website: https://wmwong730.wordpress.com/gift
電郵 Gmail: IChingConsultancyLtd
==========
Wong Wai Man 2019年7月30日 星期二下午5：00
香港的年輕人，寫好了遺書，放在背包，走上了前線。
吃你的催淚彈，擋你的警棍，給你拳打腳踢。
一個多腐敗的政府，一個多麼沒有公義的環境，才令他們視死如歸！
絕望比死亡可怕。
政府愈潰敗，警察愈瘋狂。
幕後操盤的人，有點失措。為什麼和他的認知不同。
在大陸各鄉鎮收地拆屋，什麼核電興建，官民衝突，都是一招——打到你怕。
中共對人民如畜牲，都用棍用冤獄用警權來調教。
為什麼香港人，愈打愈多人上街？
在大陸，說句有外國勢力在搞鬼，示威學生收了美國錢，搞亂香港。國內愚民就通通收貨，點解香港人聽到這些，只會冷笑鄙厭？
寫了遺書的，衝向警察防線的，屈他收了幾多錢好？連說的。都覺得自己低能了。
二千五百年前，孟子說的「義利之辨」，在今日香港年輕人身上，體現出來。
義者；宜也。
有些事，應該要做的，就必須去做。
利，是利害計算。
人生都在盤算，趨吉避凶，心中會計算利害得失，才有進退。
兩者衝突時，就是你的人生價值取向。
政府的敗壞，在於心術不正，對香港市民，背後用計。
往常，遊行終點在政府總部，遊行人士便自行散去晚飯，今次既然沒有終點站，群眾便向西南推進，過了中上環，便是中聯辦。
中聯辦治港，就是九七後香港禍亂之源，但往日警衛森嚴，示威人士很難靠近。
今次，卻刻意撤去所有警崗水馬，引示威者衝擊中聯辦，給警察開槍理據。
在距離上環中聯辦遙遠的元朗製做事端，做成兩派政治意見不同的市民衝突，凸顯示威者是暴民，四處生事。
主要將新聞記者引去元朗，網絡世界。造成全是那些新界民間打鬥。方便警察在上環從天橋開槍射殺示威市民。
先放催淚彈，再無差別射橡膠子彈，不是驅散，旨在傷害。
接下這宗工程的大判何律師固然high爆，二判出去的江湖爛鬼都興奮莫名，攞正牌打人，配合差佬，保家衛族，又正義，又發洩，我們有準備，佢地戇居居。
黑道接order做嘢都是先大吃一頓，吹水認叻，拍照留念。
大判何律師，當然要去工地，打聲招呼，辛苦拜託，你們是我心中英雄之類。
這類江湖爛鬼判上判，不同大佬吹雞call友的行動，點會唔出事？
西鐵血跡斑斑，做不成藍屍黃屍衝突的畫面，只見路人村民下班人士大肚婆記者被打浴血……
主事者不滿，放假火引開注意，變成森林大火；大判慌張了，上面覺自己辦事不力，下面又收不到尾數；打人爛鬼又不開心了，做了事，無錢收，又露了面，給網上起底，要著草……
香港人見到這樣的政府，這樣的警隊，也心碎了。不變，香港無法運作下去。
硬功夫不行，是政府陰柔派做事的時候了。
冬眠了兩年的張建宗，突然出現，向市民道歉降溫。誰知道這激怒殺得興起的警隊——張建宗不代表警察。
武裝部隊只向權力來源跪拜，他們知道，自己不在保護香港市民，只在執行政治任務。所以，對政務司長，就嗤之以鼻了。
倫常綱紀打爛了，武裝部隊不聽命政府指揮，那就是港獨了。
早說過，碟仙不好玩，因為，易請難送。
2019年7月30日星期二下午5:00
你的收看、訂閱、讚好便是對「易經講堂」的支持，謝謝。
