【蓋世運程 內有玄機】
農曆新年就快到，又係時候睇下命理術數。好高興請到蘇師傅，為大家分析十二生肖嘅豬年運程，等諸君萬事小心，逢凶化吉！
先講屬豬嘅朋友，新一年要留意健康，例如踎低起身係咪見頭暈？唔夠瞓係咪見攰？有需要就檢視吓自己嘅醫療保障；
至於屬鼠嘅朋友，如果諗住豬年出國行大運，但又唔睇實自己嘅財物，好大機會唔見嘢，出門前宜備旅遊保；
屬牛嘅朋友，冬天著唔夠衫就可能會凍親，化解方法係睇睇份醫療保嘅門診保障夠唔夠；
屬虎嘅朋友，响財運方面，如果後生時候唔儲錢，老咗就會唔夠錢洗，宜考慮延期年金對抗長壽風險；
屬兔嘅朋友，如果新一年要請家傭就要負責家傭嘅醫療開支，師傅會建議你選擇合適嘅家傭保；
屬龍嘅朋友，豬年遇到嘅意外都係意料之外，宜全面檢討自己嘅保險組合；
屬蛇嘅朋友，嚟緊七、八月打風唔閂窗，就有可能會浸爛晒屋入面啲野，年頭就諗諗係咪要有家居保傍身；
屬馬嘅朋友，今年可能會遇到一個問題，就係做運動唔做熱身，好容易會整親，化解方法係睇睇份醫療保有無包中醫跌打；
屬羊嘅朋友，過埋呢年你就會大一歲，宜按自己嘅人生階段檢視自己嘅保障係咪足夠；
屬猴嘅朋友，如果你架車嘅第三者保險過咗期都仲揸架車出街，你就有機會惹官非，化解方法係即刻去續保；
屬雞嘅朋友，豬年想投資但唔做功課就好容易會出事，買分紅保單前宜先了解咩係保證同非保證回報；
最後到屬犬嘅朋友，如果出街唔熄火就有機會釀成火警，除咗小心啲之外，宜買定份家居保傍身。
最後都要提提大家，運程嘅嘢信則有，不信則無，預祝人人豬年行大運，恭喜恭喜﹗
#催吉避凶 #左吉右凶 #燕嗦日常
官非化解 在 化解官非- Explore 的推薦與評價
#化解官非 · 黄海城 is at 慈航陽地生基Universal Memorial Park 慈航山莊. · 六壬伏英舘- 真言堂 · Master Tham is with 法莉. · 李應聰【風水．八字．命理．算命．擇日．改名】. ... <看更多>