人，對一啲未發生嘅嘢總係充滿幻想。例如我小學雞嗰陣成日都想自己第時個女朋友/老婆會係短頭髮，但事實上，唔係(因為大個之後覺得長頭髮仲正，btw阿太長頭髮🤷🏻♂)；
細個嘅時候，我話自己大個一定要做消防員 - Obviously，冇發生到；
人人都話三十而立，喺三張嘢之前，我以為自己真係一到三字頭就會突然間嘭一聲變到好成熟；到真係三十歲嘞，就連自己都覺得自己其實冇乜長大過🤦🏻♂。
See？未來，永遠都喺充滿變數，所有嘢都可能喺意料之外，係冇人可以預計得到嘅；我哋能夠做嘅，就係做好喺自己控制之內嘅嘢。買份保險，為未知嘅未來買份保障，可能就係其一。
嗱，絕對唔係sell你買保險呀下，我係想提提大家，喺買保險嘅時候一定要睇清睇楚。而家嘅保險產品實在有太多太多，到買咗之後先發現冇用咁就同倒錢落咸水海冇分別；正話啱啱講到自己過咗三張都未成熟，咁真正大個仔係幾時呢？我覺得男人嚟講有兩個轉捩點，一，結婚；二，係有細路仔之後。小怪獸s未出嚟，我同阿太已經幫佢哋睇緊有咩bb保險啱佢哋；幾年前結婚，有咗自己屋企嘞，先開始接觸家居保險；呢條短片就正正講家居保 - 咩係「樓宇結構」保障？「家居財物」同「第三者責任保險」又保啲乜？早少少了解多啲，就可以更有信心面對多變嘅未來啦。
#保聯同學會 #問愛戀易學難精 #Ep2 #家居保險 #火險 #第三者
