『#溫馨晚餐系列』
✔️鮮淮山瑤柱肉丸雞粥
有鮮淮山的雞粥就是正！今日臨煲粥前先知自己無冰米，但冷藏格仲有d珍珠米，就用個d黎煲，無浸米過程，唔洗急最緊要快，米水比例今次有啦，因為今次用不銹鋼湯煲，有刻度可以睇！😂 我係用4L水，2杯米ge比例，大火煲水滾先至落米同瑤柱，煮滾後轉小火煲1.5小時。
雞件預先用鹽、胡椒粉、薑絲、米酒醃一陣，鮮淮山切片，肉丸另外淥熟，煲好粥底後，鮮淮山、肉丸同雞件放落粥底度，煮熟，用鹽調味（如果你想食d好夠味ge家庭版味精粥，落粒家樂牌雞湯粒落去啦，成件事昇華哂！😂）撒上葱花，完成。
