【跟風回顧2018】
其實回顧要打咁多字真係好攰，
但我發現近來記性越黎越差，
我就知係時候記錄定啲野俾我嘅後人。
-
望住呢九張相我發現睇人pk真係幾開心，
因為有兩張都係著住白色tshirt面青口唇白就黎死咁款，
就係當日玩發呆大賽同埋踢波拗大柴坐輪椅。
-
同時呢兩張相都紀錄左「搵野搞」今年嘅片，
再加埋右下角同翻版張曦雯張相都係。
今年產量比往年多，
因為食正世界盃，
嗰期都出左兩條片，
一條「彌敦道踢波」已經夠痴線，
仲有條「球員爛gag題」被各界人士瘋狂些牙，
希望下年繼續有貨。
-
根據非正式臨床人體實驗顯示，
有故事嘅相都會引起人地興趣。
無謂嘅機場打卡相係因為當日帶錯舊護照差啲上唔到機而post；
同彭秀慧導演嘅合照亦因為好想紀念呢個相認一刻，
多謝佢無意中放左我當年做輕談嘅一段節目內容入去佢套《29+1》。
-
而明星效應係勁嘅，
你見劉德華同陳奕迅都被追捧就知，
反而啲女嘉賓無份？
實在太可惡，
新一年唯有再請啲再正啲嘅女上黎《我是你的後援會》！
-
但講green嘅，
今年做左唔少覺得滿意同合格嘅訪問，
從來都係一個唔叻問問題嘅人，
所以都要多謝咁多位嘉賓俾面肯分享。
訪問參與度增加係因為今年經歷一個大變，
《gimme 5》由三個變兩個，
好多野都唔同要重新適應，
將過去四年幾見到嘅學到嘅用返出黎。
亦因為咁試左幾個新環節，
「憂國憂民丘國盛」用五日去試一件事，
亦有「gimme 5 幫到你幫到你幫到你」去實現聽眾願望等等。
雖然今時今日都仲有人DLM,
但都只能夠講，
「盡做啦！」
-
今年仲有一啲事件無出現喺呢九張相入面，
例如考左個潛水牌、學人開直播打機、去玩open mic、學打碟，
又去左關島同紐約兩個未去過嘅地方，
開心嘅。
仲有啲已經拍左嘅MV同電視節目陸續年頭會出，
所以我都好期待......
快啲放假呀好L攰呀！
#寫寫下發現都有好多精彩片段 #可惜都無紀錄低 #等遲啲放假搵返出黎先 #例如喺節目唱泰文歌 #同聽眾參加歌唱比賽 #個人平時太懶過左就算 #加上電台得聲音無畫面 #唔特別保存就無架喇diu #唏噓L上身 #寫咁多當做個紀錄咁囉 #第時個仔問起都可以搵返出黎講 #但我無諗過生 #都係助養下啲小朋友算
