【龔成問答信箱】(Q21601-Q21620)
Q21601:
Hi 你好,睇咗你個page好耐,本人一路想做中低風險投資,只係未開始落手做,因為我知道好大部份財經資訊同新聞都唔係真係教人投資令讀者得到回報同被動收入,
而係好似龐氏騙局咁,呢個觀察令我大學揀商科都選擇咗marketing and pr,冇揀banking and finance,到而家我都係做嘢然後儲錢,冇投資過。
我想由頭開始學正確嘅投資方法,唔係投機或者賭博,我唔想做個啲無基礎知識扮識個類人,請問我可以點做?
如果係咁,我minimum應該預幾多本金慢慢累積呢?
多謝你睇我個msg!期待回覆。
龔成老師︰
你要分清甚麼是「龐氏騙局」,原理就是一個無任何經濟價值的項目,只利用新加入的投資者資金,令初期投資者得益,以這模式一支滾存。
但如果一間企業,本身有實體價值,對社會有長期正面影響,就不是騙局,你要分清「價值」的概念。
其實,坊間你會接受到好多投資資訊,但並不是全部有用。你要學識分辨那些"有用的客觀資訊"和"主觀的個人意見"。
前者係一些你值得參考的資訊,後者對你係無任何意義。
投資絕對唔應該係賭博,因此你需要有相關知識和經驗,去助你判斷每個投資機會。所以,你係投資前,一定要增進投資知識。
我自己會看好多有關投資、理財、股票、成功、激勵、心靈、致富等各方面的書。
我一開始,對投資一無所知,當開始睇,就發現自己過住的投資方法都是錯,更發現坊間的所謂「專家」、散戶,投資方法都是錯!
之後,我開始明白點解香港有9成散戶,投資股票都是輸多贏少,因為佢地無知識!
當我愈睇書,就愈明白真正的投資道理,同時自己的投資實力大升。由多年前輸多贏少,到現時贏多輸少。唔少散戶,可能憑短期市況好而獲利,但如果要做長勝將軍,就只有靠知識。
巴菲特的閱讀就更多,他多年來,絕對不是「睇住個市」,而是不斷睇書增加知識,睇年報了解企業。
我最初睇得好廣泛,到後來會睇較多「分析企業」、「價值投資法」、「巴菲特」類的書。
以下是我認為適合初學者睇的書,部分要到圖書館找的:
《我十一歲,就很有錢》
《經濟蕭條中,七年賺$1500萬》
《富爸爸,窮爸爸》
《思考致富聖經》
《秘密》
《財富金鑰匙》
《有錢人想的和你不一樣》
《世界上最偉大的成功寶典》
《洛克菲勒寫給兒子的38封信》
《解讀巴菲特》
《巴菲特傳-永恆的價值》
《勝券在握》
《智慧型股票投資人》
《非常潛力股》
《彼得林區的選股戰略》
《誰搬走了我的乳酪?》
《人性的弱點》
同時間,你都可以睇我架《80後百萬富翁》、《財務自由行》和《股票勝經》,都適合初學者。
至於開始投資,你唔需要預好多本金。其實只要每月有一定閒錢,就可以用月供股票,去做財富增值。
我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
若你係偏年青,應以增值為主,建議你用「平穏增長股」 + 「潛力股」作組合,去創造一個增值平台。
現在你每月先用5成儲蓄做月供。其餘先儲起,用一邊月供一邊儲蓄的策略。
由於你投資知識不高,因此可較集中ETF。到你有一定知識,對這些股票又有一定了解,才考慮加入其他股票,咁會較好。
至於餘下的現金,就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。
------------------------------------------------
Q21602:
龔sir你好,3年前接觸你的fb及書籍,見你一直推介1211, 思量後跟你買了少少,現在還持有著,真的萬分感激你!
講一講我背景,42歲,月入4萬,單身,與1位退休家人同住居屋(已供完),屋企所有開支我全負責,每月儲1.3萬。手上現金1百萬,但當中30萬要撥備以防不時之需。
因投資知識不足,股票分得太散,成19隻,當中不乏高位買入。曾經看過阿sir說8-9隻股票組合就夠了,所以想向阿sir請教一下我該如何整合出一個平衡及適合我歲數的組合
以下是手上股票數目及買入價-
銀娛,1手,$52.2
金沙,3手,$35
港鐵,1手,$41.2
粵海,2手,$12.28
比亞迪,3手,$40.6
福壽園,2手,$7.5
小米,2手,$22.9
阿里巴巴,2手,$215.8
騰訊,2手,$610
中生,1手,$7.72
平安好醫生,2手, $84.8
京東健康,1手,$112
金界,2手,$7.7
郵儲銀行,1手,$5.82
中行,1手,$2.95
中銀香港,3手,$29.81
中國人壽,1手,十幾年前買忘了價位
長和 及 長地, 各1手多,當年和黃重組換成的,和黃$68買入
今年4月剛開始月供 恆地$2000 及 中生$1000
想請教阿sir-
1)19隻股票內哪些該集中保留?
2)中銀香港,金沙,郵儲,一來高位買入,二來好似增長不大。是不是等到升回買入價後該優先舍棄呢?
3)手上股票市值8x萬,可動用的現金70萬,比例約一半一半。是不是全部現金都留待大市在平宜區時才入貨較好呢?
如果現在想慢慢入10萬貨,該加注哪隻較好?
謝謝你的時間及解答!Thank you very much!
龔成老師︰
1) 你現時有股票,都係有質素和適合你年紀,不需沽出任何一隻,照長線持有就可以。
中國人壽(2628)賺錢能力弱左,質素只算中等,現貨可持有,但不要加注。
但長線計,你要集中翻係10隻以內,否則你好難定期去審視佢地質素。
2) 首先你要明白一個概念,我地持有一隻股票與否,關鍵位是企業質素、前景,不要被買入價影響。因為我地買股票就是買企業。
買入價,你的賺蝕,只是一個心理因素,該企業長遠的發展,才是我地是否值得持有的重點。
如果企業有質素,但股價短期下跌,就不用擔心,照持有就可以。
如果企業無質素,但你現時蝕錢中,繼續持有只會令你財富繼續貶值,因此要賣出。
如果企業質素轉差,就有可能要減持,因為這股佔你組合的比例,未必值得太多。
這3隻股票都有質素,佢地增長力無潛力股咁高。中銀香港(2388)和金沙(1928)有平穏增長力,加一定股息。而郵儲銀行(1658)主要係派息。
雖然佢地增長力唔高,但有助於你平衡成個組合,建議保留。
3) 現時大市只係合理水平,現金佔比重大約3-5成。餘下資金,就等大跌市出現,才加大力度掃貨。
你想再動用10萬,去分注入市,都係可以。
由於你現時組合,潛力股較多,再加上不少潛力股都在略貴水平。我建議你這10萬,集中係一些平穏增長股身上。現價都算合理水平,可分注儲貨。
另外,你月供組合都可以。但我建議加大月供供款,最好用每月一半儲蓄去做($6500),餘下一半儲起,等大跌市機會。
------------------------------------------------
Q21603:
龔成老師,本人一直有追蹤你的FACEBOOK和YOUTUBE頻道,雖然你我不曾認識,但對於你想提升大眾的財務知識水平的大任,我實在深感佩服。
而當中的一些觀點,我卻出奇地認同,所以我想寫信給你。感謝你寫了80後千萬富翁這書,也希望藉此告之你有知音,認同其致富之道。
其實我和龔成老師的背景有點相似,自小在公共屋村長大,家境非常一般,讀書也不是特別擅長,會考只有十五分,大學也是剛剛好的進去,畢業成績也是非常一般。還有一點相似的是,我們畢業後都從事銀行業。
龔成老師在很早便明白為富者,有很多道理並非一般中小大學課程所傳授,反而更多是躲在日常生活中的潛則規。我贊同推廣財務教育,畢竟金錢是我們所有人一生中用得最多的工具,但現今竟缺乏學科教授。
然而現在的教育制度也僅僅是培養年輕人成為一個出色的僱員或專業人士,而絕非是一個創業家或投資者。
我和龔成老師也有一點很似,就是很早已經讀了很多金融及理財書藉,可能在潛移默化下走上一個銀行家之路。
可是現今的銀行家大多變成跑數的代表,亦只是公司的其中一個齒輪,即是離不開僱員的命運,你所有的付出和努力說穿了也只是為公司的盈利貢獻。
你所分得的其實很少,但付出了最寶貴的時間,這點我非常明白,但我之前 沒有老師當初的勇氣逃脫這命運之輪。反而沉醉在大公司所給予的看似亮麗的職位和不高不低的收入。
當然後來我真的離開了創立了一隊銷售團隊,單純為了持續而穩定的被動收入和可持續的事業發展。
所以我看到龔成老師所提及成為富翁的五大範疇時(全職股票/商業投資者,全職物業投資者,知名專家,企業家,擁有強大銷售團隊)突然發覺自己一路走來方向是對的。
雖然我和所有一般大眾一樣不是天才,也不是特別聰明。但我天生對所有學問的追求和強大行動力,令我創造了很多人認為的不可能。
在我29歲時買下第一層物業。在35歲,在銀行事業正處高峰時離開選擇一條不一樣的路。在於39歲時重返中文大學修讀全職MBA,主修創業家精神。
在40歲時選擇創立銷售團隊不再為大公司拼命,而是為自己而作選擇。回顧到此,再看看你寫的書,便明白有知音,所以非常感激你可以將你的想法匯集成書,以簡潔的方式表達出來,激勵大眾。除了堅定了我的信念外,你的點子也給我和同事們訓練的重要材料之一,我實在感激。
你在書本中提及銷售能力的重要性,年少時的我曾對銷售員有種不屑之感。
我不知道是大眾的刻版印象影響了我,還是成長中有植入錯誤觀念。到我認真反思為富者應具備的能力時,我真的認為銷售技巧和投資知識非常重要,
其實每一個人也需要作銷售,包括是向股東或潛在投資者解說的CEO,以及是提出論點和協議的大律師,本質上也是銷售。所以愈快掌握和深入研究當中技巧對將來致富之路會更為輕鬆。
最後,我花了二天時間讀完80後千萬富翁,在此我鼓勵其他人。龔成老師所說的並不是提供股票號碼,而是確實地,有系統地說明致富的潛則規和在正常書本中學不到的論財知識,所以我非常推薦這書。也希望在不久之將來可以和老師好好交流一下。謝謝你。
你的追隨者
龔成老師︰
多謝你的支持!其實我希望將正確投資理念,和一些過往經驗和方法,跟大眾分享。
希望為一班有理想,但未找到方法的人,提供一條可參考的道路。
同時,也為一班對投資理財有誤解,因而到處碰壁的朋友,引領佢地重回正軌。
成個財富增值之路,要透過不斷學習,令自己保持進步,才可以令我們走得更高,更遠。
其實當我寫書、教班時,我除左想賺錢外,同錯會一定想「怎樣貢獻到社會」,這是一個好大的核心,我相信只要這個大方I向正確,所做的事就正確,而錢就會進來。保持努力,加油~
------------------------------------------------
Q21604:
老師,你好呀。最近岩岩睇完你講樓市既書,
有一章講到地區性。我想問最近有好多新樓盤既位置都係新開發。
我想問問老師點睇屯門掃管芴一帶既新樓盤。
呢一區會唔會受惠到屯赤公路,駁去港珠澳大橋。
發展潛力大唔大呀?好唔好係果區上車
龔成老師︰
屯門是大型的住宅區,商業活動少。而且地理位置上,較遠離市區,因此樓價與市區有距離。
但隨屯門港鐵通車,屯門區交通會較以前便利。屯赤公路,可能都會係一個利好因素。
但始終屯門跟市區有一定隔離,而掃管笏雖在屯門﹐但隔離港鐵站較遠,未能明顯受惠。
因此,掃管笏升值潛力係有,但唔會話好高。因為所有利好因素都反映左,預期掃管笏配套,未來都唔會有好大提升。
------------------------------------------------
Q21605:
想請教,我五十歲,看了你的幾本著作!先想學買股票!
(我份工六十歲要退休,我只剩十年時間有收入去投資!)我應該用月供買邊D股票?
(我每月得4000可運用)手中儲蓄有18萬(但唔係太咁動用)?謝!
龔成老師︰
以你50歲的年齡計,其實已開始為退休做準備。你離退休尚有10年,只要好好把握,都可以做到一個合理增值效果。
但財富增長同時,我地不能過於進取。因此,你可以投資「平穩增值股」+「收息股」。
現時的$18萬,暫時只能動用$7-10萬,因為大市唔算平,你要分注投資,同時留下大約一半資金,等大跌市時入平貨,作長線投資。
當然你覺得自己風險承受力唔高,你保留多一點現金,都係可以。但就會令你財富增值效率,會慢左少少。
月供股票方面,你可以先用$1500供盈富(2800)和供2隻收息股(各$750)。餘下$1000就儲起,同樣等大跌市機會。
但就隨著年齡增加,你要慢慢增加收息股比例。到退休時,收息股佔組合100%。因為你到時,需要透過收息股的現金流(即係股息),去支持你退休後日常開支。
以下是一些適合你的選擇,你可以從中參考下。
收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)、高息基金(3110)都可以。
另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、互太紡織(1382)等(記住,股價略波動,不能太過大注)。
------------------------------------------------
Q21606:
你好,想請教你一些意見。我今年47歲單身,同家人同住公屋,自己有銀行儲蓄大約39萬,股票大約11萬,MPF大約55萬。
想自己搬出來住有私人空間,買樓但又唔想全部銀行儲蓄用晒,唔知好唔好租樓 。
又諗過海外買樓會平啲,再放租出去,再在香港租樓。
你有什麼意見?我頗煩惱。
謝謝!
龔成老師︰
如果置業後,會令到你資金儲備盡用,再無閒錢去買優質股,去保持投資增值,係唔理想。
至於租樓,會令你可投資資金減少,減低左財富增值能力。如非必要,我都唔建議咁做。
當然你可以用買海外樓收租,再租香港樓的方法,去平衡個支出。
但你必需對海外樓投資,有全面的認知,才好實行。我地投資的其中一個關鍵,是你有多認識這項目,「不認識就不投資」,如果你真的已了解當地的物業市場、租務市場、法例、經濟發展,那可說是過了第一關。
土地是有限資源,所以長期一定上升,但你都要分析這地方的長期土地供應。另外就是匯價如何,就算物業有穩定租金,以及樓價上升,但若然匯價不穩,都會對你的投資造成打擊,這方面不能忽視,你應該了解當地貨幣過去的變化,以及將來的強弱分析。
若你不懂,就不要去投資了。
以你47歲,要開始慢慢為退休做準備。在財富增值上,你可以集中係優質股身上。投資目標,可以用「平穩增值股」為主。
現時的$39萬,建議動用多$5-10萬,因為大市唔算平,你要分注投資,同時留下約一半資金。長線投資。
如果你每月有閒錢可以儲,你可以做埋月供股票,供「平穩增值股」。比例上都係用一半,餘下儲起,等大跌市機會。
------------------------------------------------
Q21607:
龔sir, 我是一位50歲嘅未婚女士,有男友但未有結婚打算,現獨居在與父親合資的自住物業。
2008年以198萬買入,市值約750萬,按揭尚餘107萬還清,每月用$6,600供樓。
我現時喺政府做合約職員(今年內可能轉制成為公務員),月入5萬,每年約滿後有一筆約滿酬金,佔全年收入15%,收入算穩定。
做呢份工之前一直不懂投資,亦沒有太多儲蓄。入職5年後到現在儲到約55萬現金,另有30萬股票,同埋下年就供完嘅基金投資保險(現值約24萬)。
股票資產分佈如下:
388 (100股)@$362.7
823(571股)@$78.9
1211 (517股)@$168
1810 (1200股)@$27.3
2800(1774股)@$26.8
6618(100股)@$165
9988(107股)@$250.5
每月扣除按揭供款,所有開支和供養父母的費用後,每月大約儲到$15,000現金。
早前follow你嘅post得到啟發,亦都很認同價值投資法,所以用其中$5,000月供2800和823至上述數量,供咗3年左右直到去年因某些原因停咗月供。
現有數個問題希望你指點一下:
1. 根據現時嘅工作狀況,我預算65歲退休,希望用餘下嘅工作年期可以盡快儲到更多錢做退休儲備。如恢復月供股票應該怎樣分佈較適合我?
2. 你對我現時嘅股票組合有什麼評價?由於有啲股票於較高位買入,現時股價回落,是否應繼續持有抑或應趁低吸納更多?
3. 現時嘅資產應怎樣配置才有機會達到每月$30000現金收入嘅退休目標?
4. 明年供完嘅基金投資保險,到時應全數提取作其他投資,抑或繼續存放滾存比較適合?
感謝你嘅耐性及期待你嘅回覆。謝謝。
龔成老師︰
1) 以你的年齡,其實要開始為退休做準備,但同時,財富仍有增長力(但不是進取),因此,你可以投資「平穩增值股」+「收息股」。
現時的$110萬(連同將贖回24萬基金),可動用多20-30萬,因為大市唔算平,你要分注投資。同時留下一半資金,等大跌市出現,用來買平貨,作長線投資。
月供方面,你可以供「平穩增值股」+「收息股」。每月先用$8000供款,餘下$7000就儲起,同樣用來等大跌市機會。
如果你風險承受力較高,又想進取D,可以較集中係「平穩增值股」。相反,你較保守,可以較集中係「收息股」。
但你要留意,隨著年齡增加,要慢慢增加收息股的比例。到退休時,收息股應佔100%。
平穩增值股,例如盈富(2800)、金沙(1928)、長建(1038)、中銀(2388)、港鐵(0066)、恆基(0012)、平安(2318)。
收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)。收息基金(3110),都可以。
另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、互太紡織(1382)等(記住,股價略波動,不能太過大注)。
緊記,月供係一個長線計劃,唔好供下停下。咁樣會影響到平均價格風險的效果,會對你造成不利。
2) 你組合的股票,都係有質素。除左京東健康(6618)真係買入價偏貴外,其他都唔係太貴,算係貴左少少。
部份投資,雖然帳面上有虧損,但由於企業係有質素。長線佢地價值,都會慢慢提升,所以你長線持有就可以。
盈富(2800)和領展(0823),未來再有明顯回調,你可以考慮加注。
但其他持股,因為風險較高,以你年紀不應持有太多。故只建議你持有現貨,不要再加注了。
3) 由於你自住問題已解決,也算持有一物業。故未來增值上,都係集中係優質股,令成個財富組合更平衡。
如果你希望退休後,每月有3萬蚊現金流,以股息率6%計,你需要本金600萬。
我假設投資回報有8%(連股息再投資),你每月投資$15000 + 現有110萬資產,15年後大約會增值至830萬,故這樣安排相信很大機會達至你的財務目標。
4) 你要睇佢扣除費用後,回報係多少。如果佢整體係優於大市,而風險又唔算過高,你可以考慮繼續存放滾存。
否則,你就按以上計劃。將贖回資金,分注咁慢慢投入「平穩增值股」和「收息股」中。
------------------------------------------------
Q21608:
龔sir,感謝感謝,你之前的回覆得好詳細好用心,老公說很有參考價值,我一直都想供盈富。但考量澳門銀行手續費問題所以未實行,聽您說完更安心了。
我真的要盡快決定投入同開始草貨了。
我老公說:
1.上堂時您提出的‘佐丹奴、粵海投資、大快活、六福‘,當時係優質股,依家隔左咁多年還值得投資嗎?想您俾點點意見,因他說這幾隻文中冇提到。
2.佢見組合內沒有內銀股,如滙豐,這些股票適合繼續持有嗎?
3.科技ETF市面上還有幾隻,是否因為呢隻手續費平D所以選呢隻?
4. 另外是關於我自己的,當時藍月亮發行抽新股時,我抽中左一手,那時睇中它是獨市生意及大陸龍頭,所以冇放,在$13蚊多時更入多了一手,現在這情況你認為適唔適合溝貨或繼續持有?
5. 之前我幾心儀想入手必瘦站,5蚊既時候吾敢入貨吾識睇位,最終沒有持有,必瘦站您認為之後喺邊個位我可以入手?
感謝感謝。
————
我近日開始去看股票勝經,但現在我既level睇會卡住唔太明白,老公說睇左再上您既堂效果會更好。如果老公再上多一次堂,有沒有優惠?
我們2個都會一起上,因有他在我應該會更好學習。
龔成老師︰
1)以上4隻依然係有質素,你投資係無問題。佐丹奴(0709)主要係收息,增長力不高,唔係咁適合你年紀。
粵海投資(0270)和大快活(0052)則平穏增長+股息。而增長力,會係六福(0590)較高,這3隻你們都可以投資。
現時都在合理區,可分注。
2) 大型內銀股和匯控(0005)都有投資價值,但由於已經好大隻,未來增長力唔會高,主要係收息。
以你年紀,應以增長為主,這類收息股就唔係咁適合你。
3) 安碩恒生科技(3067)每年收費和追蹤誤差,都係幾隻當中較低,暫時睇會係較好選擇。
但你要留意,由於幾隻恒生科技ETF都係初上市,追蹤誤差只能作參考,實際誤差未必一樣。
4) 藍月亮(6993)有質素的。
佢有「中國P&G」之稱,成立於1992年,擁有衣物清潔護理、個人清潔護理和家居清潔護理三大系列共73個品種的產品。
佢係中國洗衣液有龍頭地位,加上毛利率高,賺錢能力強。睇翻佢之前的資料,以零售額計算,藍月亮在洗衣液市場、濃縮洗衣液市場及洗手液市場的市佔率均為第一,分別為24%、28%、17%。
整體有質素與發展力,若持貨佔你組合不高,長線持有就可以。
近期雖然回左唔少,但都只算係合理區頂,唔建議現時加注。最好回多1,2成,才考慮。
5) 必瘦站(1830)長遠有發展,本身有一定的質素。
睇翻之前的疫情,佢身處的行業受影響,但佢的現金流及財務數據都唔算差,這點可以想象到,當正常的經營環境,佢的生意一定唔錯。
加上佢的野心愈來愈大,本身有一定的技術,同時不斷將香港的業務模式複製到其他海外地區,我見佢加強了發展其他地方,因此發展不差。
這股有長線投資價值。
業績前計佢$4是合理區頂,業績後股價升左好多,雖然我之前好大機會會調高佢合理價值,不過,現價都有少少貴。
所以,如果無貨,又真係好想入。你可考慮回少少,先小注,然後等跌多d先正式分注投資。
6. 上堂前,你先睇左股票勝經,的確係有助吸收課堂知識。但唔明都唔緊要,到時課堂都會再仔細解釋,當中的概念。
如果你基礎不足,可以上多一次基礎班,同時當你地2人一同上,可以有互動作用,增加了學習的進度,打好基礎後,再上進階。
你重讀初班,可以比個優惠價你,你whatsapp 55457212我同事講翻。
------------------------------------------------
Q21609:
阿sir 我25歲,係疫情低下 3月頭我決定祼辭左一份我覺得毫無進升和學到野既工作!
我自知呢份工如同書入面星期一捱 想等星期五,毫無激情,繼續向呢個公司只係浪費時間(我覺得時間好寶貴)我已經考慮半年,
但身邊朋友同事都勸我騎牛搵馬,都唔太認同我辭職,話呢個時勢有咁既工已經算好,但最尾諗左半年決定辭 因為我唔知前面會點 但我知總會接觸新環境新事物
而且想趁冇負擔年齡試多啲 至少收入冇呢份工高 但我辭左好肯定都有兼職收入 經過兩個月一直好積極揾全職 一邊睇書 一邊兼職 奈何疫情下難揾全職
開始質疑自己夠竟係未岩同焦慮呢兩日睇左書阿sir 本書 覺得完全觀念同我想法一樣!令我更加相信自己冇揀錯,得到肯定!
因為我覺得我花更多時間黎睇理財知識 運動 學野是值得的!多謝阿sir !
龔成老師︰
其實,我地做決定,一定係睇長線。
好多人一直安於現狀,唔肯試下離開舒適圈,就永遠只能停留係現時階段。
恭喜你,能突破自己舒適圈。你才25歲,還很年輕,應該把握這個負擔較少的年紀,去作出不同的嘗試。
現時你就要好好計劃將來,到底自已未來10年、20年目標係點樣,想自己變成一個點樣架人。點做,才會一步步接近你想的人生。
你現時把握未有全職工作的時間,去學習、做運動,努力投資在自己身上,這個態度係非常正確。
相信你將來,一定可以找到理想的人生。
------------------------------------------------
Q21610:
龔SIR 你好~本人是投資倍升股課程學生,剛上了第一課,感謝你在課堂上釐清了一些錯誤的投資觀念。本人今年35歲,通常會每儲蓄到一筆錢就會買股票投資, 增值財富。
這個投資組合有沒有問題? 還是需要再執一執?
00388 $478.6 @200-
0003 $14 @3707-
0005 $33.617 @ 1200-
02202 $27.3 @200-
03988 $2.4 @3000-
09988 234.8 @100
另外,知道澳門政府在珠海哪邊建立一個新街坊項目,在橫琴哪邊建立一個屬於澳門的新區。(橫琴「澳門新街坊」項目)
位置鄰近澳門關口, 在此發展中的新區對面亦有新樓盤開賣, 你認為值不值得投資?樓價大約為33平方, 值港幣110 萬左右, 租大約每月可收4000-5000元。
龔成老師:
你上述持有的,基本上都有質素,不算差,但可以優化組合。
你年齡35歲,其實可以著重增值多少少,所以,你持有的煤氣(0003)、匯豐(0005)、中行(3988)只是收息類別,不應佔你組合比例太多。
至於港交所(0388)及阿里(9988)無問題。而萬科企業(2202)負債較高,不宜持有太多。
你在之後的財富配置,可以投資平穩增長股+潛力股。
至於澳門新街坊,我無仔細研究在,但我自己對橫琴是正面的,這地方是中央其中一個重點發展地區,加上澳門地方細,一定要想方法延伸經濟圈。
同時,中央會對澳門的信任度會大過香港,所以會加強澳門周邊地區發展。
當然,你最好實地考察下先,上述只是簡單意見。
------------------------------------------------
Q21611:
老師,我亦很仰慕股神巴菲特,所以我亦有投資brk.b,持有1個半月已有7.5%回報,再加上佢財報穩健,令我更有信心持有。
不過,畢竟他年時已高,有佢隨時退休令股價下跌的隱憂,亦不清楚接任的人會不會處理伯克希爾如股神一樣穩妥。
你又對此有什麼看法?
龔成老師︰
其實巴郡已經係一間大型企業,雖然股神巴菲特真的退下來,很難找一個有咁高能力的人取代。
但由於企業已係好成熟,就算係其他人掌舵,相信大方向唔會差好遠。
此股依然係具有投資價值,值得你長線持有,
不過,回報率點都會比過往略減,但仍然是不差的。
------------------------------------------------
Q21612:
想問老師,一年只買1/2隻股票,是否次次都是賺錢。
如果我這樣做,我心理上會害怕。如果睇錯,整年的儲蓄,會就此蝕了。
暫時都想分散投資,如果不夠資本,可能3067/2833/QQQ/VOO/ARKK便算
請問我的想法是否可行?
此外,你為何會有信心,果1/2隻會是眾多公司中,成長最快的一兩間?
龔成老師︰
唔係,就算股神巴菲特投資,都唔會隻隻都係賺錢,佢都試過不少失敗投資。
但由於佢成個組合做得好,整體成績都有唔錯表現,這就是我成日強調,組合要優質和平衡的原因。
其實只要你有一定經驗,細心分析,加上係合理價或以下,才買入優質股,長線虧損的機會,唔會好高。
至於點解有信心,個1,2隻係眾多公司中,成長最快的一兩間。除左累積不少分析經驗外,我都分析左好多企業,從中作比較,才會知道個別企業,優質度如何。
你5隻股票都有質素,3067/VOO/ARKK係潛力型股票,波動性較大。如果你係偏年長、投資經驗較少、或者風險承受力唔高,就不要持有太多。
現時大市在合理區,記得資金唔好用盡,要留部份等大跌市,才出手。
------------------------------------------------
Q21613:
老師,有評論話如果完美醫療(1830)無左過期套票,必瘦站會蝕錢,可信嗎?
龔成老師︰
完美醫療(1830),這個所謂過期套票,其實是指一些客人已付費,但顧客於合約服務期內並無使用服務確認的收益。
預繳收入其實在不少行業都存在,是一種對企業甚為有利的營運模式,利用折扣價向客戶出售預繳套票,藉此推廣纖體美容服務,多年來令集團收入提升不少。
而這些過期套票,大致維持佔每年入帳之套票2-3成。至於出現原因,可以係客人計錯數買多左,或者好多其他因素,無人知。
但這部份一直多年恆常地存在,佔收入比重每年都大致相同。基本上,佢已經算係恆常收入一部份。
這部份收益,無話好定唔好。但我地計算企業盈利時,考慮這部份收益,才算正常。因為佢真係成個生意模式中,其中一個收入部份。
其實,你試從顧客的角度去想想,當你買產品時,你不會假設自己不會用,而最終總會有一部分客無用,有部分客只用到部分。
正如你食一個飯,都會食剩,如果將食剩的%要退錢,要按比例從收入扣除,相信好多食店都會虧損。
這些「用不到」「食剩」,其實是產品收入的一部分,所以,做生意不可能強行將「過期套票」數目折去的。
------------------------------------------------
Q21614:
龔sir你好,今年33歲。早兩年賣左樓,賣咗樓之後大概有5,000,000現金,現在跟屋企人租緊樓,全家五人,爸爸媽媽啱啱退休,我同老公同細佬做嘢
大家都係搵萬幾蚊,每個月租金$29500,屋企人覺得都係買返樓好啲,自己都有買下股票,手上持有3690,3993,6969,6618,291,都係短炒為主
因為都想幫補租金,每年要供三份合共大約120,000保險,3年前供的,包括一份基金($50000每年),基金已經供咗3年可以隨時停供
一份儲蓄($50000每年)另外一份危疾($26000每年),想你俾啲意見我,啲錢點樣可以運用同埋投資得好啲,可以40歲達致財務自由
龔成老師:
你地首先要決定,是否買翻買,如果買樓,就要預留部分資金,然後餘下投資增值。
如果唔買樓,就可全部用作增值。
如果現時完全無物業,我會傾向買基本的自住樓,但就作高成數按,餘下資金投資增值。
如果想40歲財務自由,你可以投資
平穩增長股:潛力股
7:3
(如果你投資實力較強,可增加潛力股比例)
好好利用7年時間,去進行財富增值,利用股票投資。現時現金,計好多少會買樓,餘下的「可長線投資金」,現時已可分注買入(當然要有一定的現金留低)。
另外,唔好再短炒。至於現時持有的其他理財產品,都可以繼續進行。
------------------------------------------------
Q21615:
老師你好....自己依家嘅方向好迷惘,自己有工作,但債項實在太多,呢個時候我真係唔知點做好.....
我好想去重新好好開始,已經31歲嘅我仲係一事無成,我依家應該要點做好....
龔成老師︰
我明白你此刻,可能有太多不如意事情,同時間圍繞在你身邊,令你好氣餒和無奈。
但其實所有問題,都總會有解決方法。在好多問題圍繞自己時,我地要努力去保持一個正面心態。有系統地,將問題逐一拆解。
首先,我相信你最大問題,係債務方面。你先集中去清理這部份,優先處理利息較高債項。或者可以將較高息債務,先轉到較低貸款利息的地方。
我地先減少你長線還債負擔,再慢慢被這些負債消滅。
至於,人生目標,每個人都不同。唔一定要做到家財萬貫,才算係事業有成。
你要清楚知道,5年、10年、甚至20年後,希望自己變成點。之後,再想下,點樣先可以一步步咁達成。
記住,這個世界無問題係解決唔到。只要你定好計劃,按部就班咁實行,問題總會解決。而你人生目標,都總會達到。
------------------------------------------------
Q21616:
Hi 龔sir! 我年紀2X, 每月都儲到幾千蚊加上本身有少少閒錢,所以想由月供股票開始投資。
我有3個問題希望龔sir可以指點一下。
第一:就係月供股票嘅回報。我傾向長期投資,但係唔知道長期係幾長。簡單啲講月供股應該供幾耐(5年10年?),或者供到有幾多手先夠? 雖然成本平均咗,但回報係咪同時會平均(拉低)咗?
如果股價合適係咪直接(或儲夠錢)買一手長渣好啲?
第二:我諗緊月個股票包括0027 0293 0823 3690
前三隻我覺得喺疫情之下已經係低谷,未來幾年都會升。3690就潛力而言,現時股價係咪屬於合理/便宜區域,或者bottom line (市場消化完美團負面消息)?
第三:揀月供股嚟講成交量應唔應該係重要考量? 抑或其他因素比容易賣碎股更重要?
謝謝
龔成老師︰
1) 如果你定平貴能力不足,一手手買,會有買貴貨風險。月供可以平衡價格波動風險,所以較適合你這類初學者。
月供係一個長線計劃,月供最少維持3年,並持有這些股票5年以上,才會有較理想效果。當然,更理想係一直做,一直維持累積優質股(優質資產)的習慣,對你會最有利。
用月供方法,成本會拉平均左,但同時間,平均回報都會有機會被拖低左。
所以,若你用估值方法,直接1手手係合理區,甚至平宜水平才入貨,的確回報一般會比用月供儲貨為高。
但問題係,用估值方法去入貨,對投資知識要求較高。初學者我唔建議咁做,反而會增大你買貴貨的風險。
記住,我地投資唔係想賺到盡。而係在合理風險下,賺取最大回報。
2) 國泰(0293)的質素只是一般。其中一個風險,是油價,睇翻佢過往多年,油價對佢成本影響好大,令佢盈利十分波動,就算佢利用對沖,都唔係好成功,反而試過因對沖而蝕大錢。
另外,航空業對經濟週期較敏感,收入不穩,同時唔算係一個好賺錢的行業,因此這股的質素只是一般,此股不宜作為月供目標。
其餘3隻,用來月供都可以,美團點評(3690)有潛力的,但不確定性都高,只可小注月供。
3) 成交量,參考價值好低。有無碎股,其實都唔重要。
你要記住,我地係長線持有一些優質股,而唔係短炒。我地著眼點,應該係企業質素、行業發展、財務狀況等。
我建議你,可以睇我寫架"80後百萬富翁"、"財務自由行"和"股票勝經",都適合初學者,可以令你更深入了解成個財富增值的理念。
------------------------------------------------
Q21617:
龔成老師你好!本人(31歲)與丈夫(34歲)共月入7萬,育有1子,現金大約有50萬,持有股票價值約12萬,依家持有友邦、盈富、小米、安碩恆生科技,買左一層公屋自住。
仲有3年供完,市值大約300萬。依家每月大概有3萬蚊流動資金可以用黎投資。
想問下老師,如果想係10年內做到每月被動收入有3萬,可唔可行?應該點先可以做到?
龔成老師︰
由於你已有自住物業,因此在你之後的財富配置上,不用太急增持物業部分,可以利用股票去進行增值,而現時自住公屋,基本上狀態不用有特別變動。過3年供樓完成後,你可以再加大力度投資股票,令財富進一步增值。
要做到每月有3萬蚊現金流這個目標,以股息率6%計,你需要本金600萬。
以你31歲,可以選擇一些「平穩增值股」+「潛力股」作投資目標。現有持股,都係有質素,適合用來增值,可長線持有。
以現時大市合理區狀況,你可以考慮用部份儲蓄,進行月供股票。你可以每月先用一半儲蓄,即先用$15000月供,另一半就先儲起架策略。
如果你投資經驗唔算高,可以先集中係平穏增長股,潛力股只小注(少於3成)。若你有一定投資經驗﹐可以加大潛力股比重,最多佔組合3-5成,視乎你投資經驗多寡和了解這些股票程度而定。
現時大市只是合理區,你現有50萬資金可以先投入多10-20萬,用"分注"形式,慢慢買貨。餘下資金和每月所儲倒的資金,就等大市出現一定程度的下跌,才大力度掃貨,然後長線投資。
我假設投資回報有10%(連股息再投資),你每月投資$30000 + 現有資產62萬(現+股票),10年後大約會增值至720萬,故這樣安排相信很大機會達至你的財務目標。
------------------------------------------------
Q21618:
老師你好,小弟現年31歲手上有20萬資金想入市投資股票。
最近有留意0002, 0003, 0012, 2800, 6823想從中開始投資,不過有部分股黎緊都會除淨,理解到一般情況下股價係除淨日後會回調,
如果我目標係長線持有以上股票的話,請問我係唔係應該等除淨日後先開始入市?多謝老師指教。
龔成老師︰
你對除淨派息的運作,似乎有少少誤解。
如果你要收到股息,必需在「除淨日」前一天,依然持有股票。「除淨日」,其實就是用來確認那些股東收到這權益的日子。等到「除淨日」當天才買,派息就唔會有你份。
「除淨日」那天,股價就會扣除派息部份,例如原來股價$10,派息$1。那麼「除淨日」就會將股價,從$10下調至$9,以反映派息動作。
所以,假設不受其他市場因素影響,單係除淨這個因素,除淨日股價下跌,係正常。
而「派息日」,就係這班合資格股東,正式收到股息的日子。
由於「除淨日」股價會下跌。而下跌比重同收到息係一樣,所以只係左手交右手動作。因此,你唔會在此期間前後做買/沽貨,而出現任何著數。
當我地進行人生財富累積時,會運用「先增值,後現金流」方法。年輕人應著重於增值類資產,而較年長的,就應著重保守類別。因年輕人財富系統未成形,同時負擔較少,可以承受較高風險,所以應以增長為先。
例如初期投資較有潛力股票,令財富增值較快,到一定金額後,可轉較平穩增值的股票。最後有相當財富時,才換成收息股去為自已創造穏定現金流。
以你現時31歲去計,應先集中做好增值部份。你所講的股票都有質素﹐但中電(0002)、香港電訊(6823)增長力較弱,主要係收下息,不建議你持有太多。
策略上,你可以較集中投資在「平穏增長股」和「潛力股」上。如果你覺得自己經驗尚淺,想先保守少少,用中電(0002)、香港電訊(6823)都係可以。
現時大市只在合理水平,你20萬可以先用一半,以分注形式,慢慢入貨。餘下的另一半現金,我地就等機會,當大市出現較大回調,就加大力度掃貨,然後作長線投資。
由於「潛力股」係需要一定經驗,你投資經驗較淺,建議你先小注,大約佔組合3成左右。此期間,你要努力提高投資知識,到有一定水平時,你可以慢慢將佢調升至5成比重。
------------------------------------------------
Q21619:
你好,我由2020年中開始到今年5月在不同的日子持有的股票比例:
00941 10,000股
02628 10,000股
00003 10,000股
03988 5000股
700 100股
另有現金200,000
以上比例會唔會太不平均,比例太重放在0941?
呢幾隻都係股息很不錯的股票我才選上的,但其實這個想法是否錯誤?求解答!謝謝!
龔成老師︰
你現時持有的股票,大體上都有質素,可以長線持有。
但中國人壽(2628)增長力,近年明顯係弱左,你可以考慮沽少少,換去其他優質股。
另外,任何股票、任何行業,我們都不應太過集中,因為一個行業就算更有優勢,也有機會面對行業週期及突發風險,太集中會對你整個財富組合不利。
因此,你要建立一個平衡的投資組合,當中有不同的類別、不同的行業,這是最好的平衡風險方法。相同行業不可佔組合多於30%,而單一企業不要高過15%。
你現時中國移動(0941),佔成個組合一半,明顯係嚴重偏高。你必需慢慢減持部份,換至其他優質股,去平衡風險。
至於以上股票是否適合你,要睇你年紀、經驗和風險承受能力。
好以騰訊(0700)這類潛力股,增長潛力大,但同時間波動性都較高。比較適合年青、有經驗的投資者。否則,不宜持有太多。
至於中國移動(0941)、中行(3988)這類收息股,增長力好弱,但勝在有穏定的派息,風險較細。適合較年長、或者投資取態好保守架人士。
而中國人壽(2628)和煤氣(0003)算係2者只間,有一定增長力之餘,都有一定派息,風險度相對係中等。
你現時組合,算係一個偏向保守的平穏增長 + 收息組合。
若係較接近退休之年的人士,或者投資好保守,想以收息為主。941和3988係合適,但其餘幾隻,就未必太適合。
以下是一些優質收息股,給你參考。
目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)、高息基金(3110)都可以。
另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、互太紡織(1382)等(記住,股價略波動,不能太過大注)。
------------------------------------------------
Q21620:
小妹我已經35歲,工作13年,穩定,但無特破,對炒樓有興趣,想做地產經紀,但家庭有負擔,兩難,但我這年齡又是出去衝的最後機會,點算?
我想做有錢人,但呢刻又好多限制!
同埋我唔夠勇氣呀!
龔成老師︰
要成為有錢人,就不能安於現狀,要有勇氣去突破,你已經存在了第一個條件,因為你已懂得對不理想的現象不滿。
地產代理是成為有錢人的5大方法之一,建立銷售團隊之路。
但從事這條路,不確定性一定比你現時工作高。而且開頭時,收入有機會比你現有工作少。如你選擇好這條路,就要有一定決心,一直走行去。
否則,好大機會會令你成個事業發展,變得進退失據,你要明白這一點。
較好的方法,就是你一邊做現時的工作,一邊尋找一些可以「不辭工但又能創富」的模式(因為我從你的文字,已見到你勇氣不足,如果這刻不足,只能暫時留在原工作先)。
例如你利用投資,好好滾大資金。
然後,到了資金有一定的水平時,你在負擔上較安心,而你又有足夠的勇氣,到時才跳出去。
同時,你可以在這段時間,結識一下地產代理,多了解佢地的工作。(甚至做兼職,當然,你要了解現時正職是否容許,或當中風險,所以你自己衡量,如果真的做兼職,當見到自己這方面真的有發展時,先全力去做。加油啦!
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
同時也有2部Youtube影片,追蹤數超過11萬的網紅部長,也在其Youtube影片中提到,WELCOME TO THE CLUB! 歡迎加入YT線上電影直播節目首選! 電影新聞|近期串流推薦|主題討論 00:00 準備開始 01:21 歡迎收看! 11:43 上週票房冠軍:黑寡婦 14:20 本週新片推薦:叢林奇航 17:45 掰了星爵三度結婚!安娜法瑞絲證實成為人妻 22:42 《楚...
「寶 贊 開發 評價」的推薦目錄:
- 關於寶 贊 開發 評價 在 龔成 Facebook 的精選貼文
- 關於寶 贊 開發 評價 在 龔成 Facebook 的最讚貼文
- 關於寶 贊 開發 評價 在 貝殼放大 Backer-Founder Facebook 的最佳貼文
- 關於寶 贊 開發 評價 在 部長 Youtube 的最佳貼文
- 關於寶 贊 開發 評價 在 遊戲皮卡嚕 PikaLu Youtube 的最佳貼文
- 關於寶 贊 開發 評價 在 看板home-sale - [請益] 請教麗寶的房子 - 批踢踢實業坊 的評價
- 關於寶 贊 開發 評價 在 [請益] 請教麗寶的房子 - PTT評價 的評價
- 關於寶 贊 開發 評價 在 最新趨勢觀測站- 寶贊開發ptt的推薦與評價,PTT、MOBILE01 的評價
- 關於寶 贊 開發 評價 在 最新趨勢觀測站- 寶贊開發ptt的推薦與評價,PTT、MOBILE01 的評價
- 關於寶 贊 開發 評價 在 麗寶集團寶贊開發-福容One | Tainan - Facebook 的評價
- 關於寶 贊 開發 評價 在 八德麗寶大藝術家B區準住戶討論區 - Mobile01 的評價
- 關於寶 贊 開發 評價 在 麗寶建設評價2022-在Mobile01/PTT/Yahoo上的房地產討論 ... 的評價
- 關於寶 贊 開發 評價 在 麗寶建設評價2022-在Mobile01/PTT/Yahoo上的房地產討論 ... 的評價
寶 贊 開發 評價 在 龔成 Facebook 的最讚貼文
【龔成問答信箱】(Q21481-Q21500)
Q21481:
你好! 老師。我今年28歲,疫情問題,搞到我現收入對比之前少左差唔多4-5成人工,現時收入得17000。
而我對於金融知識可以話係0,之前一直都無去接觸投資或者相關知識!
近一兩年我更加體會到合適投資理財既重要性,最近機緣巧合之下我接觸你個page ,所以我忍唔到想問一些有關好新手既問題。
我想問︰
1. 投資是否要有一定既本金,才可以開始。我有朋友一直都叫我合理投資,佢話就算你得幾千蚊都可以!唔一定要幾萬/幾十萬。
而我就覺得本金覺得要有返一定既數目,例如兩三萬不等。
2. 另一個問題係,我身邊有部分朋友佢地投資股票,大部分都係短線投資(我唔知佢地對該股票本身公司既了解程度深淺)
係宜類事上樣,佢地算係投資定算係投機!?
3. 最後我想問一下,28歲先開始慢慢學(本身興趣不大)會唔會係好遲
可能真係問左幾個好愚蠢既問題,但我覺得如果開始要學,更加應該要解決我眼前既疑惑先。
龔成老師︰
「發問」,係學習必經階段,唔好覺得愚蠢,而停步。因為,無人一出世就乜都識,好多野,都係後期努力學習得來。
所以,你想做投資,就要努力去吸收知識。睇財經新聞、睇企業年報、投資書籍、上相關課程,都會對你有幫助。
1) 我地開始投資,唔一定要有一筆較大的起動資金。只要你每月有一定儲蓄能力,就可以利用這筆閒錢,以月供股票形式,去進行投資增值。
以你28歲,可以選擇一些「平穩增值股」+「潛力股」作投資目標。
以現時大市合理區狀況,你可以考慮用部份儲蓄,進行月供股票。你可以每月先用一半儲蓄,另一半就先儲起架策略。
由於你投資知識不高,因此可較集中在平穩增長類股,至於潛力股,只宜小小注。此期間,你最好是努力提高投資知識,才慢慢增加翻潛力股比例。
餘下現金就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
2) 我地買入一隻股票,就等同買入一間企業,一定要知道佢質素、行業前景、財務狀況等,才去考慮否投資。
當我地確認係值優質股後,我地會用平貴定入貨策略,並長線持有。而唔係做短炒,去賺差價。
因為短線股價會受市場氣氛、資金流向等,與企業質素不相關的事情影響。這些因素,我地係不能估計。
但長線,企業價值會係股票上展現出來。因此,優質股你買入後,長線持有,讓其自然增值,永遠都係最有效的財富增值方法。
而你朋友,不論佢地對企業了解多寡,短線操作,必然受很多不能預計的因素影響。因此一定賭博成份,故算係投機。
3) 你28歲,唔算遲,依然有好充裕時間做財富增值。你除了盡力儲蓄、投資、學投資知識外。也要把握你年青優勢,盡力儲錢,做好財富增值部份。
------------------------------------------------
Q21482:
老師,今日隻ASM 近期上升,雖然得一手,我在50值博倍升股中挑選的,1177都有三手,好有滿足感!
但係佢地升咁多,我点加碼再入再長線持有呢?好矛盾
二月開始學習股票,終於睇到威力,都滿足又請教!
等番跌落合理價,又可能冇我入咁低,個值博率咪又低左囉?
龔成老師:
太好了!
ASM PACIFIC(0522)有質素的,這瘓《50股》其中一隻,優質度4分,可見值得長線持有。至於中生(1177),同樣可以長線。
如果你本身有貨,就唔好太急去買入,ASM PACIFIC約在合理區頂,中生就略貴,你都一以耐心少少,等佢地回翻D先加注。
有時就算未到你之前的買入價,只要合理,而你又資金足,買入後仍有現金剩,都可以考慮的。
------------------------------------------------
Q21483:
拜讀完財務自由行後, 有些關於物業投資的問題,想請教下, 先講下本人的資料先:
-女性, 單身, 40歲
-無買過物業, 現住我媽名下之自置公屋, 已供完, 未補地價, 無住屋問題
-現在財務狀況:
*人工$29000, 收入穩定
*基金USD30000 , 月供HKD2000 *股票$450000, 分佈如下:
2 - 15%,
3 - 6.5%,
11 - 14%,
66 - 10%,
590 - 5%,
737 - 0.3%,
823 - 3%, 939 - 4%, 1177 - 6%, 1398 - 1.4%, 1448 - 1.9%,
2382 - 1.6%,
2638 - 0.9%,
2800 - 23%, 2823 - 0.5%, 2828 - 4.9%,
3067 - 1.5%, 9988 - 1.4%
並現在月供
66 - $1000,
823 - $1500,
2382 - $1000,
2800 - $1500, 9988 - $1000
*現金$200000,
*公積金$1600000,
想問:
1. 睇完財務自由行時才發現物業都好重要, 但以我的年齡才買樓會否太遲? 我驚銀行不會做太長年期按揭?
2. 如買樓可以, 要如何儲首期? 因買後打算放租, 要預較多首期, 再要儲幾年錢, 驚按揭難做
3. 還是不買樓了, 買股票儲資產算了
買樓這問題, 我想了幾個星期, 問不同人有不同意見, 都不知怎決定好, 所以都好想聽聽龔老師意見, 謝謝你的回覆!
其實我驚年紀大,現在才供樓負擔太重,另外股票打算長線投資,但如因買樓要賣出,又唔知好唔好
龔成老師:
你現時的股票組合,基本上都無問題,大多是優質股,同時算是一個平衡狀態,而部分持有較多比例的,就不要再加注,你預一隻股票去到15%是上限。
1)在我地財富配置中,應該長遠建立「股樓平衡」的組合,不過,你現時無住屋方面的逼切需要,因此,你在這方面變成了不是「必然」。
但長遠,建立股樓平衡都是方向,但要留意,雖然這是方向,但我地買樓有一個好重要的原則,就是「供得起」,要確保在這方面無問題。
如果太勉強,就未必是好事。
以你的情況,暫時不用急於買樓,因為當你買樓後,財富會太偏重在物業,同時你在供款方面,都會有一定的數目用於供樓。
因為你這刻的財富與收入,並不算好高,因此在置業後,會用了一定的資金同時供樓可能會有吃力,就算收租現時亦未能對消供款,每月都要有支出。
2)儲首期以儲蓄及投資股票滾存,然後到接近買樓時,就要賣出股票去套取現金準備買樓。
3)你可以視買樓為一個方向,但不用一定要完成,同時不用好急去進行。可以等你財富有更大累積後,例如定一個3年的儲蓄投資計劃(試試在3年內,盡全力去儲蓄、投資),睇下到時的財富與收入情況,再作決定。
------------------------------------------------
Q21484:
老師 想請教一下 組合入面想減少一啲質素無咁好既股票套現 可唔可以俾啲意見減邊隻好
405 66 788 1558 823 2342 8083 2806 1980 336 2208 6618 6993 1810
大部份都蝕緊 未返到家鄉 除左823 66 1980 1810 8083有賺
龔成老師:
上述持股的隻數,的確有少少多,管理會較難(但又不是好多)。
而我地決定一隻股票去或留,不是睇賺蝕,最重要睇質素。而我見組合內的股票,其實又不是差,因此問題的確大。
京信通信(2342)、中國有贊(8083)、天鴿互動(1980)、華寶國際(0336),並不是無質素,只是風險較高,又或業務較為波動,可考慮減持部分。
至於其他,無問題,可以長線。
------------------------------------------------
Q21485:
522 ASM 之前公怖第一季純利急升,對估值有沒有提升,現在加注是否合適?謝謝
至於700,1177,9988,等等我直等老師說到合理位置才入,所以700,9988,未有加注,1177就越等越貴,不知如何是好。謝謝你
龔成老師:
ASM PACIFIC(0522)有質素。
佢係半導體和發光二極管行業的集成和封裝設備供應商,為跨國芯片製造商,為獨立集成電路(IC)裝配工廠和消費電子產品製造提供半導管裝配設備及材料。
過往的生意與盈利都有增長,不過盈利有點波動,這都會令股價略有波動。
佢業績正面的,會對估值有少少提升,但我在分析時,會以更長期的角度分析,不能只睇短期業績。因此,雖然現時睇佢業績正面,但都不能太過調高企業價值。
而佢長遠有一定的發展,可長線投資。現價合理區頂位,如分注小注或月供,仍可以。
如果本身不太多貨,都可加小小,加如果已有一定的貨就唔好加。
至於另外三隻,你可以月供的,如資金不多,就停一停,不要急於買入。
------------------------------------------------
Q21486:
你好,我想問下,如果月供股票會否產生很多碎股日後出售比較困難?
龔成老師:
的確會有碎股,但其實不用太擔心。
第一,碎股都可以賣到的,一些大型股,只要價位低少少就賣到。
第二,當你好長期去供的時候,碎股佔比其實好少。
第三,有些銀行提供「你在該銀行月供股票,該銀行比你用正股價賣出」,佢地會提供這服務。
------------------------------------------------
Q21487:
龔成老師你好,我最近開始由讀醫書,放假開始研究投資。想透過投資,為屋企人帶來更穩定嘅退休生活。
但我係投資新手,想問應該如何入手,因為平時鑽研醫書用上好多時間。
我是一位醫學院畢業生,投入職場數年,最近因為打算為屋企人帶來更穩定嘅退休生活,並有出國進修嘅目標,
開始在工餘時間,由鑽研醫書,抽撥時間開始研究投資,因而關注了你的專頁。
我是投資新手,所以把握時間,清楚自己嘅投資能力同方向
龔成老師︰
你讀醫,相信會投資一定的時間去得到專業資格,而這個事業的回報,比一般的其他職業為高,因此,你要好好發展這事業。
因為這個事業可以為你帶來理想的初期本金,之後再配合投資,可以為你帶來長遠理想的財富。
怍為一個位投資新手,你建議你先要做三樣野。
第一,增加知識,你要學理財及投資的知識,記住,投資並不是坊間的炒炒賣賣,你要從書本或課堂上認真學習。
你可以先睇我本《股票勝經》,適合初階投資者的。
第二,了解銀行及證券行,去開一個證券戶口,並準備做月供股票。
其實兩者都可以,銀行就較方便,但手續費就較貴,證券行收費就較平,香港的監管不差的,風險不大。你可以先了解下不同的收費。
第三,將每月的部分資金,去做月供股票,供盈富(2800)。對初階投資者來說,月供股票是一個很好的累積財富方法,因為可避免你一次過在高位買入的風險。
原理如同儲錢,不過就不是儲現金,而是儲股票。計劃要長期進行。
另外,盈富是一個包含55間優質企業的組合,適合絕大部分人投資,風險不高,長期儲貨可助你財富平穩增值,記住要長線持有。
當你在做上述三件事的同時,開始學下股票,了解下那些股票適合你自己。
上述只同你簡單供盈富,當你過幾個月,有知識及少少經驗後,就可以利用你手上的資金,其中一部分,去投資股票。
------------------------------------------------
Q21488:
唉!成哥!好惨!朋友介紹我買輪。買左華虹12479..0.26買,就死得。係米冇可能升返0.26
其實我第一次睇你fd,我已經覺得你好好,好細心幫d網民分析。如果之前我大胆d問下你的介绍同分析,我一定吾係咁結果
龔成老師︰
我20年前,都是短炒者,技術分析者,用左幾年,輸足幾年,之後長線投資,就開始不斷賺錢。
其實我當時,用左幾年時間去學分析技術,我當時不斷睇書、上堂學短炒,但最後都是輸,可能是我能力不足吧。
但我之後做銀行同證券行,見大部分輸錢的客,都是偏向短炒的。
當然,你問我有無人贏錢,是有的。但就我觀察,長線投資贏錢的人,比短炒的較多。
另外,如果你分析全球真正賺錢的投資者、經金經理,佢地都無人短炒,都是長線投資的,巴菲特都是反對短炒的,佢都唔用技術分析。
因此,我相信長線投資,是真正助我地贏錢的方法。
所以,我不停會叫讀者,唔好短炒,唔好用衍生工具,就係這個原因,這都是經驗之談。
以你現時情況,建議唔好再用衍生工具。因為短期股價,主要係受市場氣氛、資金流向等,與企業本質不相關的因素所影響,好難估。
但長線,只要係優質股,企業價值一定會係股價上慢慢反映出來。因此,若你睇好個別企業,你係應該買正股,而唔係短炒工具,並長線持有。
華虹半導體(1347)有質素,發展不差。
佢主要從事半導體產品的生產及貿易,開發及提供晶圓工藝技術組合,包括嵌入式非易失性存儲器及功率器件,以及RFCMOS(射頻互補式金屬氧化物半導體)、模擬及混合訊號、CMOS圖像傳感器、電源管理及MEMS(微機電系統)等多種其他技術。
佢客戶主要為集成器件製造商與系統及無廠半導體公司。中國因為想發展這方面的技術,政策在長遠會對這公司有利,增長正面。
但你現時投資12479這些衍生工具,投資策略與正股好唔同,這些衍生工具當你見到唔對路,就要立刻賣出,無得守,因為佢時間值會不斷減少,你持有愈耐,就愈貶值,你只能等多短時間,現時距離到期有2、3個月,你最好在1個月內,無論升跌多少,都要賣出,否則之後時間值跌得好快。
------------------------------------------------
Q21489:
龔成老師, 同朋友一齊做生意,但係佢叫左自己屋企人黎反工,我就開始有種唔知點既感覺,又唔知點叫佢做野,我應該點處理。
龔成老師:
第一,你要同佢溝通,做生意要多溝通,要大家知道各自的想法,比佢知你想點,同時你都要了解佢想點,要找一個大家都平衡到的方法。
第二,要定規則,要盡早定立營運模式,要向企業化去行不能一個人話事。
當企業化,就大家要守規則,事情就會較易處理。
------------------------------------------------
Q21490:
老師你好,考慮左好耐,始終都係心思思想向你請教一下。
因此近年係FB睇到老師分享資料好有用,而且你強調買股票應該採用價值投資法,而唔好只係為短炒波覆,呢一點真係好警醒我。
回顧過去買賣股票,因為只顧短線波覆,其實鑊利唔多,可以只係打和。
所以而家開始,我都希望自己可以跟從老師既方法去投資,請老師指教一下。
我今年32歲,月入3萬。存款100萬,月息可收約2%,股票約30萬(2388,2628,9988,3069)
以前買股票,短炒為主,波覆收入會儲一半,花一半。未來1-2年希望買樓,請問老師覺得我應該從現金再投資幾多去股票市場會比較好?
同埋想問一下3888,909呢類是否可以低吸儲貨?
謝謝
龔成老師︰
記住,我地投資股票,係希望長線持有一些優質企業,透過佢自然增長,達至財富增值目的。
而唔係做短炒,去賺差價,這個方法係好錯。
32歲計,你應先做好增值部份。但由於你1-2年內要置業,資金係有一個明確的使用目的。
而且時間太短,如果用來投資較有潛力股票,會有一定波動性,影響最終回報。
以你情況,資金最多可以投資一半在收息股,另一半則以現金或定期持有。再保守D,你可以只持有現金或定期都可以。
收息股︰港燈(2638)、香港電訊(6823)、工行(1398)、恆生(0011)、置富(0778)、陽光(0435)、深高速(0548)。收息基金(3110),都可以。
現有持股,華夏恒生生科(3069)和阿里巴巴(9988)波動性會較大。中國人壽(2628)質素只是中等。
如果置業時都需要贖回現有持股,我建議你減持部份﹐將佢換成收息股,定期或現金持有,會較好。
到你買樓後,新資金才投入較有增長力股票,幫你作財富增值。
金山軟件(3888)主要從事遊戲研發及提供網絡遊戲、手機遊戲及休閒遊戲服務;提供雲存儲及雲計算服務;設計、研發及銷售推廣辦公軟件產品及服務。
業務有質素,長遠發展力不差,不過擔心股價較為大上大落,現價合理區頂位,這股前景正面的。
明源雲(0909)有潛力。
佢主要係中國房地產開發商及房地產鏈參與者,提供企業級ERP解決方案及SaaS產品。
睇翻佢之前的資料,佢係中國房地產開發商的第一大軟件解決方案供應商,市佔率有約2成。係呢個市場裡面,按收入計,亦為ERP解決方案及SaaS產品的最大提供商。
其實,佢的角色可以話中國房地產行業的數字化轉型,為房地產開發商及其他參與者,開發了一套行業垂直的ERP解決方案及SaaS產品,以助其管理廣泛的業務運營。
包括銷售及營銷、採購、成本管理、項目管理、預算以及房地產資產管理,佢的SaaS產品包括雲客、雲鏈、雲採購及雲空間。
業務雖然有增長力,但股價都唔平,如果初步分析,處貴水平,值博率未算強,始終市場現時對這類股有好大期望。
但由於3888和909都係波動性高架股票,暫時不適宜你用來投資,等你置業完成才再考慮。
------------------------------------------------
Q21491:
龔成老師你好,本人36歲,單身,正職加freelance收入大約每月兩萬元。最近一年才認真開始儲錢。
現在儲了10萬元港幣,另有多年前買入的5萬元人民幣。有意分注買入股票作長線投資。很想請教您的意見!
現在我可以keep住每月儲一萬元。我打算平均一個月用大約$5000 分注買入股票。餘下的$5000儲起,等在大市回落時用來買平貨。
我初步的想法是:
1. 每月買一手安碩恆生科技(03067)
2. 大約每隔兩三個月買一手雅生活(03319)或者中國生物製藥(01177),你建議買哪一隻較佳?
請問我這樣方案可行嗎?定係有其他更加好的組合更適合我?
另外你會否建議初學投資的人先集中只買港股?其實我亦有意投資美股ETF,原因是我見它長缐的回報不錯,有不同成份股亦可分散風險。
只是現在我資金不多所以暫時不打算買。
我有信心半年後我的freelance收入會有所增加,到時可有多些資金投資,打算之後每月keep住用分注買入VOO,長期月供。這樣可以嗎?
感謝龔sir寶貴時間回答。
龔成老師︰
我地投資會運用「先增值,後現金流」作方法,初期應投資較多增值類資產,較後期則應投資較多保守類項目。所以係分配投資項目時,會因應番你的人生階段。
你現時36歲,應以增長力為主。現時你先用$5000分注,另外$5000儲起等大跌市機會,這策略係可以。
安碩恆生科技(3067)、雅生活(3319)和中國生物製藥(1177)都係有質素,和較有潛力股票。3319和1177相比,潛力度1177會高少少。
而現有人民幣,如果無特別用途,可以換回港幣,連同10萬元作投資之用。
但我地投資增值,唔係只係講求增長力和優質程度。同時間,我地都要考慮成個資產配置。唔可以太集中係個別資產、行業或者股票。
你所提到的股票,都係潛力股類別。佢雖然有增長潛力,同時風險都較高,不宜持有過多。
你每月分注,暫時集中係潛力股係可以,但現有資金,必需較集中在平穏增長股部份,去平衡個風險。
長線計,你要留意平穏增長股和潛力股比重,以你年紀,最多只可以50:50。而你只係初學者,要再打折扣,大約佔3成好了。
另外,50:50這個比重不是永遠。到你年紀日長,你要慢慢下調潛力股佔比,去平衡個風險。
平穏增長股:金沙(1928)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)、長建(1038)
至於初學者,無話一定要港股先,定美股先。個重點係你較了解邊個市場,和當中股票。
美股都有質素,若你對美股有一定認識,將來都可以將VOO加入月供組合之中。
------------------------------------------------
Q21492:
老師,20歲 Year2,我好希望大學畢業之前儲到半個百萬即係500,000!
龔成老師:
這是一個高目標,不過,不是不可能。
最基本你要你要做好理財,盡力儲蓄,之後就要睇下你點樣滾大財富。
主要方法有兩個,第一,投資,較集中投資增長力較高的股票,當然會有風險,但同時要求你有一定的投資實力,但只要付出,我相信$50萬目標不是不可能的。
第二,做生意,你現時大學生,應該能找到時間做生意,同時可以找一一個年輕人的市場,這是你的優勢,只要做得好,你可以有理想回報。
加油!我等你完成目標的好消息!
------------------------------------------------
Q21493:
似乎Alibaba 近况普通,想把它換了腾訊
1357聽講它買了很多Bitcoin, 我又無膽買Bitcoin, 所以考慮它,你覺得如何?
龔成老師:
我地分析企業時,最重要是睇翻企業的長遠發展,唔好單比這一刻的情況影響,要睇長遠。
阿里(9988)有質素,有增長力,之前貴,現價去翻合理區。其實仍不差的,佢同騰訊(0700)的質素,接近。
阿里係業務層面,擁有相當的優勢,不少業務處於壟斷狀態,同時增長理想。加上正不斷發展延伸業務,這都會成為企業增長的潛力,預期增長會持續,這是阿里最大的賣點。
以企業的長期發展計,這股的確優質,但股價都有一定的波動,現價算是合理翻D,但都不是大手時候。
始終將面對內地監管可能收緊,因此風險度增加左,不過,我相信佢的整體優質度仍在,內地不是不想佢賺錢,只是想規管佢。佢已建立好完善的業務,因此本身是無得輸,只是賺多賺少問題,現時監管多左,點都會影響賺錢能力。
對於這類優質、有發展,但現價未算特別平的股票,小注分注投資,或月供,是較好的方法,算是平衡了風險與增長的考慮。這股可以長線投資的。預佢現價約合理區中上部。
至於美圖公司(1357),佢的確有投資比特幣,你當間接投資,都可以的,但你預佢上落較大。這股業務都算正面,佢過左最差時期,現時正向好。
佢主要從事提供在線廣告及其他互聯網增值服務;以及開發、製造及銷售智能硬件產品。
見佢財務數據改善,這企業仍有發展力,有長線投資價值。不過業務變化始終大,不建議大注投資。
------------------------------------------------
Q21494:
你好,老師,有些問題想請教你:
本人30歲已婚,家庭月入約18萬,平均儲蓄每月13萬,現持有一幢樓齡約34年的物業,市值800萬,現欠按揭350萬。
目標想購置一個三房港島單位作永久居住使用, 現有物業則用作放租用途。
本人和太太現金約有420萬,由於理想單位大約需要1800-2000萬,首期不足,故此有兩個方案,還望老師指教:
1)儲蓄多3-4年和平穩投資,儲夠首期以買到心儀3房單位
2)投資一個兩房新樓,如康城/啟德/黃竹坑等,待物業升值後再發售並換上心儀單位
請問上述方案更好?定還是有其他可能?
謝謝
龔成老師:
其實兩個方案都可以,但從這刻的投資項目值博率考歲,方案(1)較好。
當我地考慮你長遠的置業計劃時,會考慮怎樣最有效達到,怎樣將現時的財富,最有機會及最快,能完成你的目標。現時股市的平貴度,相比起香港樓市為平,因此在增長力方面會較好。
再加上股票的流動性較強,以及買賣的成本比你物業買賣成本為低,因此,(1)對你來說是較好的。
另外,當你進行(1)的方法,其實不一定硬性規定要3-4年,如果你持有股票升值較快,同時樓市出現下跌,這已經可以買。
相反,如果資金未足,就可以遲少少先買,可彈性處理。
------------------------------------------------
Q21495:
呀Sir~我想加番多d潛力股落個組合到(暫時我只有盈富同六福)
想問問中生製藥1177,是否$8以下都可以入?
另外,福壽園1448係咪around $7.5以下都可以入呢?
我想暫時各入1-2手
另外,小米都想買一手,依家可否都入一手呢?
龔成老師:
這3隻都可以,你可以在適當位置加入。
褔壽園(1448)$7以下合理區頂,如果$7以上你小小注好了。
中生(1177)$8以下合理區頂。
小米(1810)$24以下合理區頂,如果在這價以上,你小小注,或月供好了。你可以買入一手,等跌再加。
另外,你可考慮安碩恒生科技(3067)。
這基金追蹤恆生科技指數之表現,而恆生科技指數,都是一些有質素的潛力股,例如阿里(9988)、騰訊(0700)、小米(1810)、美團(3690)等的新經濟類公司,長遠有潛力。所以有長線持有價值。由於基金有30隻股票,比起單一股票,風險能減低。
不過,現價都唔平,大約在合理區頂至略貴,因此,這刻不能大注投資。最好的策略,就是月供,或自行分注小注慢慢收貨(例如每月買一次、或2個月買可次),總之慢慢入,不能用盡現金,原理如同不斷儲貨,這樣就能平均買入價,減少風險。然後就長線持有。
------------------------------------------------
Q21496:
阿Sir 之前睇咗你嗰條片關於25歲再讀四年full time course, 好有少少問題想請教你。
我18年大學畢業主修英語研究。 畢咗業兩年半我都係做luxury零售業,因為我知道未來嘅路我唔係想做零售 我三月中辭咗職。
我計劃左打算今年8月考試CFA所以而家嘅時間溫習多。 而家暫時都係冇做嘢,有時會做兼職, 之前儲嘅錢都有做少少投資。
對於呢個轉變呢一刻我有少少迷惘 但係因為我選擇咗咁樣去做,所以都要硬着頭皮繼續去。
所以你對於例如考 CFA 或者FRM認為係點?
我之後都想會喺金融或者銀行個方面發展
我以前中學係讀商科 同埋都有考LCCI。因為而家疫症嘅關係我短期內都應該唔會搵到工 屋企人都為我有啲擔心。
龔成老師︰
我地考慮重點,應集中係你長線發展。
首先,你要了解CFA和FRM對你將來工作,會唔會有實際幫助。
如果有,你就努力去做。心態上,只要唔好為左有張沙紙,人有我有而去做。而係從實際作用出發,去考慮這件事。
另外,現時除左讀書和兼職外。你都可以睇下,有無一些工作,係可以吸收相關經驗。
可以幫助你將來,進入你心儀的工作,都值得去試一試。
短期可能因為讀書、學習,令收入偏少(當然,收入減少不致嚴重影響家人。)。但長遠係有利的話,你就應向這方向進行。
------------------------------------------------
Q21497:
你好龔成先生, 我想請問點樣可以增重增肌,同時又可以兼顧儲錢呢方面。
因為健身需要大量食物補充,是否只能降低少許儲蓄平衡。
龔成老師︰
如果增重增肌是你工作所需,而又對你工作有利。你係可以調整一下儲蓄部份。
但若果係個人興趣,你就要找出儲蓄增值和生活興趣中,取得一個平衡點。
若你放棄今天興趣的消費,去加大儲蓄,自然財富增值會較快。當財富累積較多,將來你就有更多資金實現你夢想和興趣。
當然,這個平衡點無一個絕對答案,你可以自己衡量。
------------------------------------------------
Q21498:
龔sir, 我持有以下股票,有乜評價,應否繼續持有?
3968
2319
3993
2628
5
941
861
1515
338
6869
588
1666
3613
3382
1
1113
龔成老師︰
首先,你持有組合好雜亂,而且太多隻。長線計,你要集中翻係8-10隻左右,會較易管理。
你組合配置上,算係一個偏保守的平穏增長型組合。若你係較中年,這個組合係可以。
整體而言,你持股質素都無大問題,但要留意翻以下幾隻。
洛陽鉬業(3993)、天津港發展(3382)質素上唔算最高,加上波動大,不宜大注。
中國人壽(2628)、質素只係中等,同樣不宜持有過多。
北京北辰實業股份(0588),本質不算差,但賺錢能力又不算好高,同埋企業規模較細,都是較負面的因素。如果你持有的股票不算多,可以繼續持有。
若持有較多,建議沽出部份,平衡個風險。
同仁堂科技(1666)有質素的,不過增長力比過往略減。唔值得投資太大注,小注等佢回勇係可以。
------------------------------------------------
Q21499:
龔sir想請教下你。
本人25歲,每月可儲蓄14000,其中月供股票8000,餘下6000等大跌市先用。
現有7萬現金,40萬股票組合如下︰
0257 光大環境 12.5%
1177 中國生物製藥 12.5%
1833 平安好醫生 5%
2800 盈富基金 20%
3067 安碩恒生科技 25%
3091 A日興電遊 25%
月供股票都係用這比例供,想問5年後累積200萬資產可能性大唔大。
同埋問如果資助配置係,每年做一次rebalancing 好定係用升一倍放一半好d?
謝謝
龔成老師︰
你現時持股都有質素,月供資金分配都可以,都係適合你年紀。
安碩恒生科技(3067)及A日興電遊(3091)有少少都是同類,因為有不少都是科技類別,因此,你持有的比例其實已開始多,你要留意翻(這刻問題未算大,加上你年輕,可承受風險),只是長遠要留意比例不能過多。
但留意光大環境(0257)業務本質不差的,不過負債不斷增加,令風險度提高左。
其實有長期投資價值計,只是太宜大注。現貨可持有,但唔好再加注。
我假設投資回報有10%(連股息再投資),你每月投資$14000 + 47萬(現金和持股),5年後大約會增值至170萬。
故你要再加大少少投入,每月大約去到月供$16000-17000,才有較大機會達至你的財務目標。
至於幾時重整組合比重,其實你1年左右做一次就可以。當你發現個別行業,或者潛力股比重開始過高,你就要作出調整。
調整唔一定係沽出現有股票,可以透過新資金的配置,去令組合平衡翻。同時睇下有無持股質素轉差,就要沽出部份,甚至全部持貨。
至於"升一倍、沽一半"這策略,但比人些不懂定平貴,或者好保守架投資者。讓他們先收回成本,所以唔係一定要做。
因為只要持股係優質,長線持有永遠都係最好。
------------------------------------------------
Q21500:
龔成老師你好 我想請問係没有會計基礎下 有無書藉可以推薦 讓我可以睇明白年報? 還是必須要去上會計課程?
我是澳門人 一直沒機會上你的課程 過去一年睇左各種各樣嘅書藉 但一睇公司年報就頭痛 基礎知識太差 希望老師可以指點一下
(其待有日你可以到澳門開班)
龔成老師:
你可以睇《年報勝經》,這是是寫比一些無乜會計知識,而又想學睇年報分析的人,相信是適合你的。
你睇完這書後,再試下睇企業年報,自行分析。
如果日後有需要,就再講會計課程。
另外,如果你想學股票基本知識,可以睇《股票勝經》。
其實我之前都有開過澳門班的,不過現時疫情,所以暫時停左,之後會再開翻的。
你或者可以預早留位,只要whatsapp 852-55457212我同事講,打「留位澳門班」就得。我地有具體資料就會 whatsapp你。
因為現時已有好多澳門人留左位。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
寶 贊 開發 評價 在 貝殼放大 Backer-Founder Facebook 的最佳貼文
【來自貝殼放大執行長 #林大涵 的一封信】
我的朋友們,和曾經參與過群眾集資的你,
請借我三分鐘分享這幾年來我們碰到的挑戰,
以及一件重要的事情。
--
#你相信群眾集資嗎
「寫寫文案就能割大批韭菜,佩服佩服。」
「噢,眾籌(集資)就是在圈錢,沒什麼道德可言。」
「做眾籌還能被選進名單裡?你不簡單哪。」
「這行業遲早會被整改的,早點做別的,別投入太深。」
2016 年,跟安婷一起參加富比世名單在新加坡的發布會時,英文不好的我一直躲在她背後,好不容易在頒獎會場滿滿的菁英裡找到一群操中文的獲獎者,進去自我介紹完,得到的回應讓人除了錯愕,還是傻眼。
「原來集資產業在台灣以外的中文圈是這樣被評價的。」
「幸好,在台灣的人不會這麼想。」
幾年過去,即使優質的專案一點都沒有變少,
但對於集資,輿論的風向悄悄改變了。
不論在論壇或社群網站,一看到集資相關的文章,
下方很快就會出現許多嘲諷和不看好的尖刻評語。
作為最早投入也投注最多資源的產業從業者,看了的確非常受傷,但遺憾的是,這些負評和冷言冷語,還真的不是沒有根據。
⚠ 淘寶貨變成了平台的主旋律 ⚠
2020 年,集資平台上的原創專案正式被非原創超車,
超過一半的金額來自於進口、代理和貼牌產品。
⚠ 假限時限量變成被鼓勵的SOP ⚠
明知有假卻宣傳的規格、不斷加開的假限量、
喊了最後倒數後又「好評延長」,提案者被鼓勵無所不用其極。
⚠ 發生爭議卻被放生求助無門 ⚠
延遲出貨、品質爭議、贊助爭議屢屢登上媒體
提案者神隱、業者消極處理,非得要走上法庭才有人理你。
進口好產品,沒有錯。
認真的行銷,沒有錯。
集資有不確定性,很難一切照預定實現,沒有錯,
如果一切都「沒有錯」,那又是因為誰、因為什麼原因,
讓理應充滿正向期待的群眾集資,
變成了看似爭議滿滿又不負責任的吸金產業?
我們還能相信群眾集資嗎?我們能怎麼做?
--
#比起用自己的標準要求別人不如用自己的行為改變他們
七年前,在 flyingV 任職的最後幾個月,達到工作量的最高峰。
同時間三十個案子在線上、以及差不多同樣數量將上架和待結案的專案。
看到許多很棒的專案創意,
但自己卻沒有足夠的時間協助專案好好的推進,
是當時最痛苦的事情。
雖然有向公司提出建立「顧問部門」的提案,
但在離開前都沒能實現。
沒來得及實現的想法,很快就有了機會,在許多貴人的協助和支持下,貝殼放大終於成立了。
一群由平台和相關行業出身,對群眾集資有著高度期待的年輕人,選擇了不同於平台的另一條路,把時間、知識、專業投入在精緻而負責的完成每個群眾集資專案裡。
七年來,貝殼放大參與的案子只佔了台灣總量的十分之一,累積的總金額卻有將近一半。
執行過的專案不是沒有遲到,但沒有不到的回饋,不是沒有瑕疵,但沒有被忽視的爭議。
感覺起來蠻不錯的,不是嗎?
這個超出市場平均五倍的成果,卻可以說是理所當然。
幾乎所有貝殼放大參與的專案,都花上了從前在平台時期工作時絕對無法想像動輒數百上千小時的奢侈人力。
評估國內或海外市場、從頭開始梳理客群與邏輯、製作內容素材影片網站、宣傳推廣策略擬定和執行、到後續的客服與履約跟進等等,我們盡力把每一個專案當成自己的作品來經營,絕大多數時候也收獲了彼此都滿意的成績。
從創立到現在,「集資顧問」這個產業曾經稀缺的角色,如今已經開始有了許多不同的選擇。彼此專長領域各有不同、執行專案風格各異,但我相信,僅以顧問角色來看,貝殼放大無庸置疑的是最全面、最專業、能同時以高道德標準行事又能達成商業目的的最好選擇。
為了繼續透過群眾的力量,讓有價值的事物得到更好的機會,我們更進一步的與文策院共同成立創投(天使放大)、整合行銷(加貝)、貿易進出口公司(海龜),也即將在下半年開始開展實體店面,繼續打通整個產業鏈乃至於產業圈。
我們一直努力,希望能尋找既務實又聰明的方式改變這個日漸複雜的產業與市場。但,三年來不論是公開或私下的倡議停止不當的宣傳行為、鼓勵提高篩選基準和後續處理的積極性、又或自己發動具體案例示範沒有道德負擔的行銷方式,在遲遲沒有得到平台方的認同、響應下,成果坦白說都相當有限。
我們所看到的狀況,一天一天日益增長,
我們所身處的產業,正面臨關鍵的叉路。
於是,今年年初,我們決定要成立新的集資平台,
並在第一季開始邀請了近百組優質提案者,舉辦閉門說明會分享平台成立的初衷、理念和核心機制,希望用務實的方法,獎勵做好事的人、解決既有的難題,實現理想的目標。
--
#因為我幸所以我信
投入群眾集資近十年,就像一場夢。
熱血紛擾彷彿還在昨天,回頭一看已經走的這麼遠。
火箭的阿伯,當上了國家太空中心主任;
手機隨身碟,被蘋果高層譽為台灣之光;
獸醫的鮮乳,變成了最被信賴的乳品牌;
南澳的茶樹,落地五年後終於成熟長大。
中文的字型,迎來前所未有的開發盛況;
台製工具機,成為全球創客的第一選擇;
網路脫口秀,北流錄影票能被瞬間秒殺;
齊導的理念,在淡水的紀念館靜靜傳達。
月釀杯的誕生解放了台灣法規、
紀錄片透過集資宣傳成為了常識、
教科書要有美感變成出版社的標配、
瑞莎有了群眾支持完成了韻律體操場館、
掃海機器人的概念被上市櫃公司支持肯定、
臺灣吧的角色甚至成為大型建案的主要號召。
從台灣到國際,
從在土耳其興建中心到在尼泊爾種植教育,
群眾力量不只支持在地許多夢想,
也真正實踐了國民外交的定義。
從科技到設計,
環保概念商品、大型家具再到遊戲出版品,
學生的作品除了得到第一桶金,
更變成了各個通路上暢銷的商品。
那些被認為很難實現的事,
如今以更好的方式一一實現了。
數以千計的專案、幾十億的累積金額、上百萬的贊助人。
有幸能參與其中的半數以上,是何等幸運。
我衷心希望,在這個領域裡努力的夥伴能把這樣的幸運和滿足帶給更多人,而不只是把自己的資產建立在外部的成本上。
說明會上,遇見了許多提案者,聽到了許多感動的回應,知道產業很多的問題跟狀況,其實其來有因。
一直以來的堅持,是有意義的,
一直以來的行為,是被看見的。
幸好我們沒有改變過,
幸好我們決定要改變。
--
#往對的路走就不怕人多
昨天深夜很多朋友敲我,告訴我:
「有平台搶先發佈了你們提倡的計畫、主張是全台首發。」
「你們的優質提結案制度被抄走了,這樣不會太委屈嗎?」
不算太委屈,因為這證明了這些行動終於產生的影響,如果我們不推出平台,這些事情很有可能都不會發生。
制度沒有專利,更多人做也不是件壞事。無論如何,都非常高興嘖嘖跟進了這個艱難的決定。
我們彼此心中都很清楚,這些問題的起源和改變的契機是因為什麼原因開始的。而要扭轉過往選擇種下的因,還需要更長的時間證明。
九年前,我參與的第一個集資平台就要成立。
九年後的今天,貝殼放大即將成立一個新的集資平台。
除了針對優質的提案結案當然的獎勵外、這個產業還能做的事情有很多,從機制、認證、服務到前後台工具等等,我們已經準備好了,敬請期待。
歡迎繼續跟進每一項我們想改變的事情,
也鼓勵 flyingV 和所有從業者一起加入。
期待從此之後,這個產業比拚的將不再是下限,
而是比誰能帶領大家往更好的方向前進。
而我們會一如既往的願意比別人走得更快一點。
https://landing.wabay.tw/
謝謝看到這裡的你,希望你也跟我們一樣對未來的日子充滿熱情。
期待你能把這段話分享給同樣對群眾集資仍然有所期待的朋友們。
#挖貝
#貝殼放大
#群眾集資
▬▬▬▬▬▬▬▬▬▬▬▬▬▬▬▬▬▬▬▬▬
🙌🏻 追蹤 #貝殼放大,告訴你更多集資新知!🐚
我們也有 YouTube:https://backme.tw/ref/bfyt/
Instagram 追起來:https://backme.tw/ref/bfig/
寶 贊 開發 評價 在 部長 Youtube 的最佳貼文
WELCOME TO THE CLUB!
歡迎加入YT線上電影直播節目首選!
電影新聞|近期串流推薦|主題討論
00:00 準備開始
01:21 歡迎收看!
11:43 上週票房冠軍:黑寡婦
14:20 本週新片推薦:叢林奇航
17:45 掰了星爵三度結婚!安娜法瑞絲證實成為人妻
22:42 《楚門的世界》+《一級玩家》?《脫稿玩家》首波評價一致推!
27:12 《破處女王》拍續集!艾瑪史東有可能回歸?
30:00 皮卡皮!Netflix開發《精靈寶可夢》真人版影集!
40:42 屍戰朝鮮:雅信傳|
1:42:42 Q&A LINE社群問題聊聊
⚠部員們注意!⚠
繼上次十萬訂閱的紀念部長T後,這次部長直接帶來一系列的主題設計啦!
購買這邊請👉https://bit.ly/2R6E6ze
🌟最後的BONUS🌟
部長為了感謝這些年各位部員的支持,
特別加開折扣優惠!
凡是單次購買超過2件以上的部員,
即可使用下方的折扣碼進行優惠抵用喲~!
🎁專屬折扣碼:bujo1984🎁
看完已經心動了的大家趕快上CAPSULE Cmer上下單,
把2021年度最有創意的低調酷時尚帶回家!
🟩官方LINE帳號加起來:@bujo
🟩LINE 討論群:https://bit.ly/bujolinechat
製播:CAPSULE
主持:部長
00:00 準備開始
01:12 歡迎收看!
04:10 上週票房冠軍:黑寡婦
07:45 本週新片推薦:厲陰宅3
11:18 《沙丘》全家福海報曝光啦!甜茶超manㄉ~
17:55 夏日大作戰+美女與野獸?《龍與雀斑公主》獲得坎城14分鐘掌聲
22:27 漫威《刀鋒戰士》重啟版最新進度!驚喜人選曝光
25:53 小勞勃道尼最新動向!合作大導朴贊郁改編《同情者》
29:31伊莉莎白歐森老公爆(放)料(閃):當你得知首次入圍艾美獎的表情…
34:24 金馬58主視覺:電影重新對焦,調整和世界的距離
36:37 本週串流推薦|屍戰朝鮮雅信傳
37:39 本週串流推薦|暴君養成指引
42:00 黑寡婦|D+暴雷禁止
45:20 黑寡婦|簡介
47:39 黑寡婦|電影整體表現
1:17:56 黑寡婦|漫威的操作與未來
1:48:29 Q&A LINE社群問題聊聊
🎙️電影酷拉部 Podcast🎙️
Apple Podcast:https://apple.co/308Jgvy
Spotify:https://spoti.fi/2ZtNFdv
SoundOn:https://sndn.link/bujomovieclub
Firstory:https://bit.ly/2WtVgXr
--------------------------------------------------
✨重要連結✨
➡️ 加入Telegram:http://bit.ly/bujoTelegram
➡️ 加入部長頻道會員:http://bit.ly/joinbujo
➡️ 贊助且部長不會被抽成: http://bit.ly/donatebujo
.
社群通通追蹤起來
➡️FB:http://bit.ly/BUJO_FB
➡️IG::http://bit.ly/BUJO_IG
.
-----📞合作邀約請洽📞-----
我的 Capsule Buddy➜思文
✉️Email : bujo@capsuleinc.cc
------------------★------------------
直播設備推薦!
▶️ 擷取卡 Cam Link 4K
- 可以將單眼數位相機變成視訊使用,大幅提高直播中人像的畫質以及觀影體驗
- 超簡單隨插即用!
DSLR相機相容表格https://www.elgato.com/en/gaming/cam-...)
- 支援4K超清晰畫質
- 商城連結: https://reurl.cc/31VyW9
▶️ 鍵盤 K95 RGB Platinum XT
- 航空級鋁合金髮絲紋框架
- 業界頂級Cherry MX櫻桃機械軸(銀/茶/青)
- iCUE軟體控制全鍵RGB動態背光、巨集設定,6顆支援Elgato Stream Deck專用按鍵
- 耐用不沾髒污PBT雙料注塑鍵帽
- 商城連結: https://reurl.cc/xDqemV
▶️ 無線藍芽耳機 Virtuoso
- RGB燈效可自由調整、超耐用金屬框體
- 無線、USB、3.5mm 三種模式
- 獨家Slipstream無線傳輸技術,更穩更快更遠
- 16+小時電池容量
- 語音清晰、可拆卸、指向性麥克風
- 7.1環繞、50mm音效驅動
- 商城連結: https://reurl.cc/qDeaeq
#電影酷拉部 #雅信傳 #屍戰朝鮮
![post-title](https://i.ytimg.com/vi/IjSjXkGPvkI/hqdefault.jpg)
寶 贊 開發 評價 在 遊戲皮卡嚕 PikaLu Youtube 的最佳貼文
✅狂暴三國2021真三國動作MMO預約遊戲:https://e.movergames.com/Ntc5S
也感謝開發者贊助這支影片播出喔~
2021真三國無雙割草MMO《狂暴三國》,現在預約就送「魔 絕影」坐騎、神兵「青龍破敵」
預先創建軍團挑戰最強無雙戰將,全港澳台 比拼殺敵數,拿限定稱號、海量虛寶獎勵!
#狂暴三國 #動作MMO #無雙割草 #這才是真三國 #連擊Combo
狂暴三國粉絲團:https://www.facebook.com/3kings.mover
加入皮卡軍團👌先按訂閱🎬再按小鈴鐺喔🔔
⚔️皮卡軍團✪Discord➔ https://discord.gg/qgt5d9mjBx
⚔️皮卡軍團✪FB➔ https://www.facebook.com/PikaLuGame/
⚔️皮卡軍團✪Twitter➔ https://twitter.com/PikaLu_Game
⚔️皮卡軍團✪微博➔ http://weibo.com/pikalugame
⚔️皮卡軍團✪IG➔ https://www.instagram.com/pikalu_game/
⚔️合作請洽 (Business Contact) : pikalu@zoho.eu
-----
This channel is used only to recommend games and spread awareness of all the positive possibilities of gaming.
All videos are not intended to infringe any copyright law, only to assist commentary and recommendation.
If any producer or label has an issue with any of the uploads please get in contact (pikalu@zoho.eu) with me and I will delete it immediately (this includes artists of the images used).
資料Credits連結:
https://docs.google.com/document/d/1HSGSohAufDZ9yr1gFD6Y-BoDYKio-2t3LKFI5pJWoi0/edit?usp=sharing
BGM:
🎵Road Taken Fire Emblem Warriors Music
🎵Thatched Villagers by Kevin MacLeod
🎵Dedede´s Royal Payback - Kirby Triple Deluxe
🎵Dance till You're Dead (FULL REMIX)
#遊戲皮卡嚕 #皮卡嚕 #PikaLu 遊戲介紹 聊Game
![post-title](https://i.ytimg.com/vi/UnvTFEsVLXA/hqdefault.jpg)
寶 贊 開發 評價 在 [請益] 請教麗寶的房子 - PTT評價 的推薦與評價
近期開始認真看房看了幾個建案其中有看到寶咖咖的朋友告知這家不ok 上來版上一看發現真的很多討論看的過程有看到麗寶集團的房子-寶贊開發事業原本以為 ... ... <看更多>
寶 贊 開發 評價 在 麗寶集團寶贊開發-福容One | Tainan - Facebook 的推薦與評價
麗寶集團曠世名作#福容ONE,敬邀鑑賞! - 大器四房/ #邊間75坪 / 耐震地標 #絕版釋 ... ... <看更多>
寶 贊 開發 評價 在 看板home-sale - [請益] 請教麗寶的房子 - 批踢踢實業坊 的推薦與評價
近期開始認真看房 看了幾個建案
其中有看到寶咖咖的 朋友告知這家不ok
上來版上一看發現真的很多討論
看的過程有看到 麗寶集團的房子-寶贊開發事業
原本以為 寶贊也是寶咖咖旗下的建設公司
但發現寶咖咖子公司清單沒他
想請教大家 對 寶贊 熟知嗎 麗寶的房子品質?
感謝大家幫忙~
--
※ 發信站: 批踢踢實業坊(ptt.cc), 來自: 163.23.75.180 (臺灣)
※ 文章網址: https://www.ptt.cc/bbs/home-sale/M.1617088483.A.6F0.html
... <看更多>