千呼萬喚，小巴終於批准增加至19座，之前青年新政睇黎堅係早收三日風，而唔係天真無邪咁去全力爭取，呢個組織咁後生就走去學建制飯民玩埋呢啲污糟辣撻嘢，失望之餘想同佢地講聲，咁樣其實好唔健康……
但Anyway，一個咁撚簡單嘅要求，尤其係本身好多新型小巴已可裝倒19個位，都要搞咁撚耐，浪費咁多金錢整個研究報告先做倒，你可以知道，運輸署係一個幾撚廢嘅部門，而航運交通界係一個利益瓜葛幾撚複雜、幾撚黑暗嘅世界。
但運輸署嘅七事並未因為佢「皇恩浩蕩」加位而完結，當小巴業界進一步要求加位至20至24座時，運輸署又自以為自己最撚識市場、最撚識運輸咁回：
「若容許專線小巴座位增加3個以上，整體專線小巴服務會過剩，也需要修訂小巴尺寸限制，或引致增加路面負荷，配套設施也無法配合。加上其他專營巴士及的士，擔心大幅加小巴座位會破壞現有公共運輸系統平衡，故不同意加超過3個座位。」
你老味依照呢個邏輯，咁最撚「阿咋」就一定係雙層巴士啦，屌你將佢地改咗做單層，係咪就會減少路面負荷呀ON9？而家最撚多就係大陸遊客啲巨型旅遊巴呀，又唔撚見你話要限制佢地剩係准坐16座？
專線小巴服務過唔過剩，個老闆唔撚識計數？唔撚夠客咪用住慳油細車先囉，啲爆哂線嘅先用大車囉，唔撚通要你班運輸署去教？都係尾幾句最老實，講到尾就係保護專營巴士同的士嘅既得利益，廢撚事的士佬又威脅燒車堵路，又廢撚事啲港鐵巴士公司高層唔撚高興。
然後？香港嘅交通咪繼續比呢班友把持住囉，至於青年新政、新民黨、民建聯之流，叫做成功爭取架啦，仲撚同你玩落去咩！咪傻啦！
