【#幼兒食譜】迷你冬瓜盅配意粉
午餐通常我哋都會食粉麵或意粉為主，不過就以西式煮法為多… 其實意粉唔一定要配西式煮法嘅... 😌 所以今次我就用咗中式煮法同迷你冬瓜盅，再去配撘Alfred好鍾意由意大利製造嘅Bruno Choice嘅有機太空意粉去做我哋嘅午餐😋！
如果有時間的話，可以將個迷你冬瓜邊緣切成鋸齒形，整靚啲成個冬瓜盅上，小朋友第一次見會覺得好新奇😆。另外，大人食嘅話，更可以加啲乾貝、蝦乾或咸蛋嚟提味添！👍🏻
《迷你冬瓜盅配意粉》
材料：
1. Bruno Choice有機意粉 寶寶一餐份量
2. 迷你冬瓜半個（連末端）
3. 豬絞肉3湯匙
4. 粟米粒2湯匙
5. 紅蘿蔔 適量
6. 本菇 適量
7. 水 2-3碗
8. 夜香花 適量 （可省略）
9. 鹽 適量（可省略）
做法:
1. 冬瓜洗淨，先將底部一小部分切平。
2. 再將冬瓜切半，用刀或鐵匙刮走瓜囊，取出適量嘅冬瓜肉切粒備用。為免弄穿瓜皮，建議邊緣要留約1.5cm嘅厚度。如果想靚啲，可以把冬瓜邊緣切成鋸齒形邊。
3. 冬瓜盅放喺小碗內固定好，水滾後，建議先以大火隔水蒸8分鐘，再轉小火蒸5分鐘，把裡面嘅水份倒掉，備用。（蒸煮嘅時間需視乎冬瓜大小而需作出調整）。
4. 將紅蘿蔔或本菇切成大小適中嘅塊狀或薄片。
5. 另一邊廂，小煲加適量水煲滾，加入意粉煮10分鐘，於最後數分數加入冬瓜粒、粟米粒、紅蘿蔔、本菇及豬絞肉一併煮熟，備用。
6. 冬瓜湯及意粉倒進瓜盅內，可享用。（如省略步驟7及8）。
7. 加入一部份夜香花熄火蓋煲蓋焗十分鐘。（此步驟可省略）。
8. 最後，加上小許鹽提味 及 放上剩餘的夜香花裝飾即成。（此步驟可省略）。
備註：
- 如果買唔到迷你冬瓜，可以用一般大小嘅冬瓜代替，材料份量同蒸煮嘅時間就要作出相對調整。
- 如大人食嘅話，可以加啲乾貝、蝦乾或咸蛋嚟提味。
- 以上份量及蒸煮時間只供參考，需視乎材料多小而作出適當調整。
- 請確保小朋友對以上食材沒有過敏。
- 其實唔加意粉嘅話，用冬瓜粒滾湯，都好啱平時飲架。
*註：共有4款唔同造型，包括：*
🐻小熊 🦋蝴蝶🦖恐龍🌔太空
❌無添加鹽❌無色素❌無防腐劑*
Bruno Choice
#Brunochoice #小熊寶樂
#Alfred媽食譜 #幼兒飲食 #食譜 #寶副食 #寶寶食譜 #兒童食譜
#迷你冬瓜盅配意粉
