【由一開始話黑煙等如廢鐵，你已經錯咗】
我指出你錯處，你問我係咪無嘢好撈？基本上就係佢同佢個Friend「時事評論員二人組」嘅慣常把戲：每逢比人踢爆佢地唔識或者講錯嘢，最叻就係東拉西扯去啲九唔搭七嘅話題度，然後再起底加人身攻擊，一方面淡化咗自己原本七咗嘅嘢，另一方面又等踢爆佢嘅人投鼠忌器，唔好再質疑佢地，但當然（至少去到目前為止），我係唔會買佢兩個怕啦。
其實兩條友入面，我算係比較「尊敬」黃世澤；姑勿論佢成日講埋啲膠嘢同亂咁屈人係熱狗，但起碼佢啲人身攻擊無咁陰險先；同埋佢好多時都真係自己花錢走去查呢查路，又結果查倒啲嘢出黎吹佢唔漲，例如幫查倒毓民住個義德步道單位好可能只係5萬蚊租，以佢當時議員收入絕對住得起，還毓民一個清白（雖然開頭係想害佢），可以話係網絡界黃碧雲。
但係今次錯就係錯，由一開始話一見倒黑煙就判定遼寧號係廢鐵，再進一步話黑煙就好似當年黃海海戰咁，妨害佢嘅匿蹤隱藏性能，我經已斷定係無得再兜。當然你仲要死拗嘅仲可以係孔乙己式回應：「人地美日英果啲航母果啲唔係叫黑煙……係叫灰煙！灰煙這回事……能叫黑煙麼」咁對於呢啲垃撚圾，基本上都無乜好回應。
其實根本留言一多，我都唔想花太多時間逐一回應，反正係on9死要面嘅，你點撚化佢都唔會迫到佢承認自己錯誤，不過有兩個「建設性」問題都可以姑且答下嘅：
1. 小鷹號除役左好耐啦，而家放番佢出黎最多都係夠打啲東南亞小國咋：
首先大家要明白，航母響一個大餐入面，佢比較似一個「托盤」角色，個盤夠唔夠大、輕唔輕身、花唔花肖，都係為咗襯托菜色嘅美味。你問我而家小鷹號出黎，如果係用番美國航母戰鬥群建制，一撚樣可以贏哂全世界；而對美國海軍黎講，我諗真係假設比佢用番小鷹級，佢會擔心航管系統會多過啲煙黑定唔黑。
2. 人地西人一樣笑尻俄羅斯姊妹艦庫茲涅佐夫號噴煙
咁無話on9嘅只限於香港人，而且《每日電訊報》都特登寫咗篇文講，唔好因為庫茲涅佐夫號噴黑煙就因此睇少俄羅斯軍力；而且英國佬自己架伊莉莎伯女王號有排先投入倒實戰，而家亦然處於「裸航母狀態」，都真係無乜資格笑人
3. 仲有「遼寧號」從來只係訓練艦，其實軍武撚會睇嘅，係睇埋
今次隨隊而黎嘅幾艘護航艦係咩料，同埋將來中國航母係會點樣同其他戰艦混編，因為呢個先揭示將來中國航母戰略路線會係點。（我唔係軍武撚，所以唔識睇）
