【呢個套房真心推介,又新淨又有大圓型浴缸!】優惠詳情:https://www.runhotel.hk/park-hotel
小編啱啱去尖沙咀百樂酒店睇過翻新完嘅套房,成間房都用暖色 Tone 設計,感覺好舒服!客廳仲有個小吧台位連 Nespresso 膠囊咖啡機,坐低飲返杯咖啡或者酒都好好 Feel~最正就係廁所有個大圓型浴缸,啱晒用嚟打卡!情侶一齊嚟亦都好有情調~另外,門口側邊都仲有多個客廁,多個人一齊住都唔使爭住廁所用啦!呢個房型最新 Package 二人房價 HK$1,961(連服務費後 HK$2,158)起,回贈 HK$1,961 餐飲消費額,可以用嚟食 Park café 或客房送餐,仲有送迎賓果盤同紅酒一支,星期一至四入住會保證延遲退房至下午 4 點添,咁嘅價錢住到新淨套房超抵啦!
即日起至 11 月 30 日期間,Park café 仲會有鮑魚盛「燕」海鮮主題自助晚餐,可以任食長腳蟹、紐西蘭青口、翡翠螺等 6 款凍海鮮,仲有超多款鮑魚同燕窩入饌美食,包括燕窩鮑魚雞粒撻、牛乾菌杞子鮑魚烏雞湯、燕窩鮑魚龍蝦粥等等,每位仲會送花膠鮑魚煲一份,淨係咁都夠晒回本!另外仲有洋蔥煙肉焗生蠔、燒紐西蘭肉眼扒、香煎鴨肝同限量供應的片皮鴨等供應,都真係有好多款嘢食揀,甜品仲有 MÖVENPICK 雪糕任食,官網預訂時,見到「1961」套房住宿計劃就係今次優惠,詳情:https://www.runhotel.hk/park-hotel
同時也有10部Youtube影片,追蹤數超過80萬的網紅果籽,也在其Youtube影片中提到,|富養狗|近萬元豪住5星酒店 $2,000訂造寵物晚裝只着一次 曾任職3星米芝蓮餐廳廚師炮製狗狗香檳魚 潮流興富養,經常在網上看到有主人帶狗狗到酒店Dogcation打卡,呃到不少like。香港可以讓狗狗住宿的高檔酒店,過往來來去去就只有幾間,上個月,位於尖沙嘴的香港朗廷酒店(The Langham...
尖沙咀 廁所 在 Facebook 的最讚貼文
《我做外賣仔的日子》
呼,尋日又做左半日外賣仔,比起第一次做,第二次做明顯有好多唔同既感受,就好似愛情咁,第一次約會總係令人感到新鮮,但新鮮過後,就需要面對現實了,同各位報告下感受,去點:
1)是日都係半日,六個小時,地點係尖沙咀區,南至海旁,北至窩打老道,東至尖東,西至柯士甸站
2)總單數,13單,收入,360蚊
3)當晚約左大學同學食飯,消費400……俾錢個一刻,我好想再打開個apps去補多一鐘,令當日收支平衡
4)極度懷疑系統係有新手優惠,派得特別多單,暗示你聽,好好搵啊,記得做多D!
5)上星期因為被退單,有蝦餃、薄餅、雞翼、肉醬意粉食,原來術語係叫福利餐,而今次我已經成長喇,所有派送成功,無任何福利……
6)是日來回柏麗大道三次,短期內我都唔會再想行呢條路……
7)尖沙咀區比起旺角區舒服好多,我指環境,明顯綠化同公園長椅都有唔少,整體無旺角咁壓抑,而且搵廁所係相對輕鬆好多
8)請叫我渡船街小霸王,呢個範圍,我送左五單,雖然每單既等待時間都有五至十分鐘,但送餐距離極短,短到點呢?就係間餐廳係樓下但客戶都唔想落街咁既距離,每單都有25蚊以上,當時我感覺原來賺錢就係咁簡單
9)距離短,錢好似好易搵,但計返數,原來重點係唔停手地做先係搵到錢,今次只有一次同時拎兩份外賣,比起上次連續3次搵住3個外賣比,感覺到付出幾多,收獲幾多
10)是日最遠派送,係尖沙咀I Square去佐敦永安,仲要係4人餐,果斷搭巴士,車費6.8,點知去到佐敦再次陷入漫長等待,早知慢慢行過去……
11)無單既時候,我企左係譚仔門口,希望譚仔可以賜單比我,點知旁邊有個南亞同事都係度等緊單,你無聽錯,自從成為外賣仔之後,我係街上面見到外賣仔都會心諗,又有同事開工,會給予佢地一個加油既微笑!
12)閒來無事同南亞同事吹開水,佢都係步兵,已經做左兩年,比起我呢個做左兩日既,佢絕對係大師兄,佢一日最少做12個鐘,鋼條既身型,比起我呢個行半日就去按腳既廢柴,我諗佢做完12個鐘都仲可以去兼職按腳多幾個鐘!送外賣用腳,手唔攰可以再用埋佢
13)南亞同事月入差唔多三萬,同幾個同鄉夾租,每月2500,佢夢想係搵到錢開間雜貨店!感覺就好似香港人移民硬係想開埋小食店賣雞蛋仔,文青總係夢想開間Cafe咁
14)問佢公餘有咩做,佢話打排球,剛好小弟年輕都係排球校隊打過學界,但我見佢差唔多一米八,壯碩既身型,強勁既臂彎,我婉拒左佢邀請我閒時打友誼波,我怕比佢打死
15)傾傾下系統派單比佢先,佢同我講,因為佢係老鬼,同地點有多過一個人都會派單比佢先,我當時心諗,頂,你唔早講,佢用一個朋友,你返印度食蕉既表情同我講,下次同到佢班南亞兄弟就記得唔好一齊等
16)佢工作好認真,真係當係職業,而我就係玩味性質,原因好簡單,因為佢係巴基斯坦搵幾千蚊都做到成隻狗咁,依家派外賣比起以前搵多成十倍,感覺好似當年我去澳洲工作假期比當地人問我點解咁鍾意返工,當時我答佢,香港做麥記20蚊一個鐘,澳洲做又係20蚊一個鐘,但係澳紙既分別
17)是日太無聊,所以我係七仔特登買d平時唔飲既冷門或者新飲品,林家謙代言既清。麥茶都唔錯,紅茶花傳既檸檬紅茶幾好飲,但原來成15.3g糖……
18)尖沙咀區送The Austin同Grand Austin最花時間,要落隧道來回,荒島黎,但大型屋苑既保安服務真係做得比較全面,拉門既都好有禮貌,同日送窩8,樓下阿姐真係有少少無禮貌,唔係對我,而係一個順豐哥哥佢拉住貨入黎,佢嘈左幾句,但順豐哥哥無理佢就入左lift
19)今次我比上次做多左樣野,想睇下分別,就係我今次拎到外賣,同送到樓下,我都會Msg客人同佢講我出發喇,我差唔多到喇,送到我都會msg佢地用餐愉快,到底呢個行為會唔會令我多左Tips呢!!??
20)答案係無既,可能我既服務仲未夠好,但我又覺得咁send個msg比客,都係認真對待呢份工作,令客人多左一份安心,自我感覺良好,下次我會再接再厲睇下點先有tips!
21)收到張單係送食材,蕃茄薯仔豬骨,應該係煲湯,平時我自己買只係50蚊左右,但有人用差唔多高一倍既價錢去享受服務
22)外賣呢樣野,真係一種時間同金錢既交換,有人分分鐘幾十萬上落,佢花費幾十蚊去慳返時間搵更多錢,或者休息,一路送我一路覺得係對整體社會發展係好事,因為人可以做更有價值既事
23)感覺到外賣都不斷升級緊,係外賣盒、外賣速度、包裝等等都感到比幾年前好太多,以前你食個麵要分湯?真係叫都未必有!依家分湯好多唔講明都會分比你,感覺外賣自取同埋派送對於一個人食飯都係一種趨勢
24)睇返譚仔上市資料,幾年前堂食外賣比重都係8:2,依家已經差唔多6:4,世界唔同左,仲記得當年沙士打開左網購既潮流,而上年疫情就改變左堂食習慣,有好多野唔迫到埋身真係唔會成長
25)是日趣事,我左手拎住電話,右手拎住外賣,個客開門之後我遞左電話比佢佢呆左;一個上身赤裸既男人拎外賣,我覺得睇到佢身體要加錢囉
26)暫時對我講,送外賣都係有趣既,而我分析過,因為我係兼職,又唔係靠佢養家,收工時我計一計數,360蚊,如果我等佢開飯既,我真係要加多半日做到夠數先可以收工,而唔係收工仲去食餐比今日搵既錢更多既飯,今次已經比起上星期無咁腳痛,唔駛按腳,但起左水泡,
27)興趣同職業,真係兩個層次,將興趣變成職業係一種漫長既過程,唔係人人做到,當你既興趣超過左一定既數量,就會量變引起質變,即時變質,需要一個覺悟!
28)我會唔會繼續做?會啊,下星期六強勢回歸旺角區!每次有人問我都係咁答,依家每個星期有人比錢我做gym,真係唔做就蝕啦!
29)但同時我係送外賣既時候諗,其實全職炒散真係幾適合我,黎緊我會有新動向,試下其他唔同既工作,分享多少少大家平時成日見既職業,當真係做既時候係咩感受,如果你地有咩特別職業想我去破地獄既,歡迎留言!
30)兩次既步兵經驗,我升級喇!步兵將會轉職成騎兵,點樣升級得快d!比個like啦!like數就好似經驗值咁,令我有動力去冒險!!!!
尖沙咀 廁所 在 Facebook 的最佳解答
【你識屙屎嗎?】
細個嘅時候每次屙屎都好大陣仗,我會擔張櫈仔入去,然後呢我畫畫嗰本簿,拎埋支筆,或者我要睇嘅雜誌;好似趕去班房上堂咁行入廁所(但講緊當時我未開始返學,根本唔會有一個概念叫做拎啲書入班房😂)
跟住我就會坐上馬桶,揭開本畫簿,一邊畫畫一邊屙屎。唔好問我搞咁多嘢點解篤屎仲未走,或者究竟要屙幾耐,就係因為呢個習慣,我自細就覺得屙屎係一件好嚴重嘅事,佢分分鐘要十幾廿分鐘,所以細個唔會響條街屙屎,因為一來以前啲廁所好恐怖,二來就係都冇得畫公仔,我點屙屎?
人越大越要掌握咩叫做時機。
飲完杯咖啡啱啱急屎,如果人在銅鑼灣,會知道去邊幾個廁所最安全。尖沙咀我都有選擇,但去到旺角呢啲地方我根本唔會飲咖啡😂嗱,屎呢樣嘢留响身體其實冇意義,佢係meant to leave。而時機呢樣嘢仲吊詭,因為唔係你話見到有個廁所好乾淨可以屙屎,你舊屎就會出現;而當你急嘅時候,又唔等於附近會有廁所。咁如果你覺得返屋企先可以去廁所嘅話,你就會錯過一次又一次嘅時機,明明係最適合嘅時候應該放佢走,但係你偏偏留住佢。返到屋企佢已經唔係最當造嗰舊屎。
細個嘅時候搞咁大場龍鳳就係為咗去廁所,甚至以為咁樣嘅狀況之下先至可以屙屎。後來發現只要急而你又有去得嘅廁所,及時放手先至係最爽嘅事情。每次都覺得感謝天主,有咩好得過呢件事要放低嘅一刻,你放低到!又放低咗。
由秋分當日我個腦入邊就有一場又一場嘅戰爭,到最後估唔到透過屙屎參透咗少少人生。
尖沙咀 廁所 在 果籽 Youtube 的最佳解答
|富養狗|近萬元豪住5星酒店 $2,000訂造寵物晚裝只着一次 曾任職3星米芝蓮餐廳廚師炮製狗狗香檳魚
潮流興富養,經常在網上看到有主人帶狗狗到酒店Dogcation打卡,呃到不少like。香港可以讓狗狗住宿的高檔酒店,過往來來去去就只有幾間,上個月,位於尖沙嘴的香港朗廷酒店(The Langham Hotel)就新推出寵物住宿套餐,從此狗奴們就多了一間五星級酒店選擇。
朗廷酒店於3月首度加入Dogcation行列,推出「萬千寵愛」寵物住宿套餐。分普通客房及套房兩個房價,普通客房由HK$2,600起,套房HK$4,500起。房價包括30分鐘Ruff & Fetch個別寵物造型諮詢、45分鐘專屬寵物攝影服務、寵物頸帶、24小時免費泊車、房內早餐,房內有寵物床、碗和寵物廁所可供使用,預訂套房更包括寵物主題下午茶一份。相比其他有推出寵物住宿的酒店,朗廷酒店的房價不算特別優惠,但包含寵物造型及寵物攝影的一條龍服務很方便,這點頗吸引。
https://hk.appledaily.com/lifestyle/20210410/QE7FVLBBEVB7VKC2VPATGRBUEY/
影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋:愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始:兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店:呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)
果籽 :http://as.appledaily.com
籽想旅行:http://travelseed.hk
健康蘋台: http://applehealth.com.hk
動物蘋台: http://applepetform.com
#果籽 #StayHome #WithMe #跟我一樣 #宅在家
![post-title](https://i.ytimg.com/vi/5Awh25i95VY/hqdefault.jpg)
尖沙咀 廁所 在 Edmond Poon Youtube 的最佳貼文
尖沙咀地盤材料離奇消失!業主出錢請500個和尚,三個月無間斷超渡亡魂!(恐怖在線重溫 第2234集)
第2234集 (24 May 2017)
尖沙咀商業大廈建築材料離奇消失 業主封10層請500個和尚超度亡魂
恐怖在線 www.edmondpoon.com
逢星期一至五 晚上十一點半到凌晨一點
每日免費收睇直播
視像月費重溫$40
聲音月費重溫$30
相關影片:
1. 旺角商場黃色旗袍靈體!尖沙咀某五星商廈,靈體廁所玩M巾!(恐怖在線重溫 第2223集) (https://www.youtube.com/watch?v=37A1ii8ahPI)
2. 灣仔三里屯餐廳靈異廁所!家中煮食險失火,女靈體從睡夢中叫醒!(恐怖在線重溫 第2220集) (https://www.youtube.com/watch?v=Ca2YkMpfyyY)
3. 衛詩雅著名荒廢政府宿舍拍電影,外景遇百厭小朋友靈體!泰國寺廟送佛牌奇遇!(恐怖在線重溫) (https://www.youtube.com/watch?v=zX8UXwIiNhE)
#恐怖在線 #潘紹聰 #尖沙咀 #StayHome #WithMe #跟我一樣 #宅在家
![post-title](https://i.ytimg.com/vi/FqJH0tSzZnE/hqdefault.jpg)
尖沙咀 廁所 在 Edmond Poon Youtube 的最讚貼文
旺角商場黃色旗袍靈體!尖沙咀某五星商廈,靈體廁所玩M巾!(恐怖在線重溫 第2223集)
第2223集 (09 May 2017)
尖沙咀五星商廈鬼玩M巾
恐怖在線 www.edmondpoon.com
逢星期一至五 晚上十一點半到凌晨一點
每日免費收睇直播
視像月費重溫$40
聲音月費重溫$30
相關影片:
1. AP靈探後撞鬼身體出詭異狀況師傅即場判斷 〈恐怖在線〉[嘉賓 劉定立師傅 @AP人生 ] 第3192集 2021-01-26 (https://www.youtube.com/watch?v=H2OZqiAiuwE)
2. 好恐怖!電話號碼有這種組合唔係撞鬼就會中降頭〈恐怖在線〉[嘉賓 蔡偉雄師傅]第3190集 2021-01-22 (https://www.youtube.com/watch?v=MztgRwEOHLY)
3. 一條片睇晒泰國祈福團多年來發生過種種的不可思議事件〈恐怖在線〉[嘉賓 Carmen BB Frankie師傅]第3121集 2020-10-19 (https://www.youtube.com/watch?v=m5RfdTimRkE)
#恐怖在線 #潘紹聰 #旺角 #StayHome #WithMe #跟我一樣 #宅在家
![post-title](https://i.ytimg.com/vi/37A1ii8ahPI/hqdefault.jpg)