【賽後分析】
聯賽五連勝,令車路士壓過仲未踢既李斯特城升上聯賽榜第三位,今場波喺比數上雖然睇落平平無奇,但其實場面都相當驚險,尤其係去到賽事75分鐘之後階段,基本上屈福特浪接浪既攻勢令藍軍毫無喘息機會,再加上一個受爭議既十二碼拉近比數,令唔少車迷需要「救心」再次出動。
.
喺正選名單當中,相比於上場聯賽對般尼就只係安排左傷癒復出既艾馬臣接替馬高斯阿朗素作首選,其餘位置人手未有作出變動,今場波屈福特以三中堅應戰,其實大部份時間佢都刻意囤積於自己半場防守,好多時都寧願比個波車仔控都唔想輸反擊,加上雙方大部份球員身型上存在明顯差距,令藍軍長時間出現推進乏力既情況。
.
林伯特同樣地係以4231陣式作賽,不過今場波佐真奴同高華錫既活動空間相對較大,始終對手未有好似對般尼果陣比咁大壓迫我地,而開賽好快就憑佐真奴一下一針見血既傳送助攻比艾巴咸射入領先,如果單睇成場波的話,其實由中場中位置挖個直線入禁區而成功就真係得哩一下,亦咁岩就係哩一下令我地領先,而艾巴咸今場波得到既機會就真係唔係好多無乜肉食,大多數時間佢都要一打二什至一打三,基本上對手喺禁區頂既位置都唔比佢停波。
.
而哩射門既機會就反而落左喺艾巴咸身後既蒙特身上,先有禁區頂施射被賓科士打救出再中眉,再有韋利安右路橫傳蒙特喺禁區內射中龍,如果哩幾球都把握得再好啲的話相信比數都唔止咁少,雖然係咁,不過蒙治今場波專注於攻中位置再加上上場對曼聯既聯賽盃賽事休息左大部份時間,今場波明顯差足電表現都好番啲。
.
不過對於場波既換人時間就真係有啲唔太滿意,當領先到兩球既時間其實對手喺前場都加強左唔少壓力,佐真奴同高華錫喺體能下降下亦開始出現莫氣,而前場韋利安等亦減少左回防頻率,但林伯特要數到第一個臨場調動都去到成83分鐘,之後就到88分鐘同93分鐘,其實如果早少少喺70幾分鐘換入巴舒亞伊加強番前場壓迫會唔會啲?理解到因為簡迪受傷後備得返Gilmour哩名年輕中場球員,不過唔需要咁保守去到咁遲先換人,你叫巴舒亞伊88分鐘先入場其實同唔換無乜太大分別,而艾巴臣岩岩傷癒復出喺下半段時間都已經無乜力追波,加上個人失誤多左,何解又唔換入阿朗素去頂替?
.
最後都要比番啲Credit基柏化解左屈福特完場前最後一下頭槌攻勢,否則就真係痛失多兩分,林伯特喺賽前都有講到黎緊週中喺主場對阿積士既賽事簡迪係有1/2機會能夠上陣,希望佢真係傷癒十足先至復出,始終依加藍軍中場人手有限,雖然聯賽五連勝,但簡迪斷斷續續既傷患對車路士既影響其實都相當之大。
.
《岩睇既比個Like支持我地啊!》
作者 : 藍獅 BluexLion
圖片來源 : Daily Mail
-------------------------------
同場加映《一球世界波成名的背後 全因大衛雷斯離開而造就今日的湯姆利》
https://bit.ly/2mkw4nF
.
#Chelsea #車路士 #屈福特
屈福特球員名單 在 BluexLion車迷手記 Facebook 的最佳解答
【賽後分析】
好耐未見過咁熱血既賽事了 錯過左既球迷一定要睇番
作者 : 藍獅 BluexLion
屈福特球員名單 在 BluexLion車迷手記 Facebook 的最讚貼文
【國家隊資訊】
英格蘭國家隊亦相繼公怖最新一期大軍名單 缺乏本土球員既車路士陣中只有隊長卡希爾入選三獅軍團 而今個轉會窗轉投到屈福特既查路巴亦有入選 恭喜哂
屈福特球員名單 在 #不專業足球頻道- YouTube 的推薦與評價
英超第十九周睇波指南10場重點分析預測陣容球員踢法戰術漏洞個人預測英超足球中文分析 ... 地方的屈福特需要甸尼接班人|一分鐘分析英超熱刺vs屈福特|英超第三輪. ... <看更多>
屈福特球員名單 在 看板FPF - 葡萄牙足球[歐洲] - PTT體育區 的推薦與評價
[國家] 山帥公佈Confed Cup大名單,C朗領銜! ... [閒聊] 波圖領隊下課,傳聞中領隊將加入屈福特? ... [球員] 前教練曝拜仁新援R.Sanchez年齡造假. ... <看更多>
屈福特球員名單 在 為正選而戰- 2019-2020屈福特球員名單今季代表作 - فيسبوك 的推薦與評價
2019-2020屈福特球員名單今季代表作:三零食「譜」,高普煩惱 希望佢哋今季護級成功 題外話:聽日開學,唔可以再喺12:15出post 要20:45 #屈福特#利物浦#復課#英超# ... ... <看更多>