【蜜兒廚房】食後報告 | 屯門餃子縣 — 冰花煎餃&酸辣粉
放左工喺屯門市中心附近搵野食都有難度，好多都收晒，又熱行到出晒汗💦💦終於由市中心行到新墟
今日又想食辣野真係好難搵，「餃子縣餃子專門店」打救左我個胃啊～😋（人地仲有半個鐘就閂門，我就衝左入去阻人收工🙊） 咩都唔好講，醫左個肚先！
💚五隻餃子餐 + 冰花 — $32 + 3
💚重慶酸辣粉 — $29
叫左碗酸辣粉同日式紫菜豬肉餃，加左3蚊轉做冰花煎餃，個脆皮煎到金黃色好靚，但餃子味道一般，皮比較厚未做到皮薄爆汁嘅效果。不過本身我抱住個心態係「唉... 酸辣粉未必好食啦」，佢就俾個驚喜我☺️☺️（因為之前食過一間酸辣粉不知所謂跟本唔係果樣野）哩個係算好食，但落左比較多醋，偏酸唔係人人都接受到，但佢個中辣都已經好似大辣咁，辣到個咀紅晒💋（性感咀唇咁～）。
用日式餃子機調校溫度到200度，掃一層油放入餃子，15秒落麵粉水，做成左通花薄脆，3分鐘後就可以鏟起上碟，哩個做法就叫冰花❄️，但佢嘅通花效果唔係次次都做得靚（後期睇返佢個tag）。
👩🏻🍳👩🏻🍳哩個技巧好多時fine dining都有應用到擺盤裝飾到架，但佢地嘅麵粉水通常都加左顏色例如綠色同紅色或者黑色就加左墨汁咁嘅，叫Tuile，透過油份可以阻隔麵粉接觸餃子機表面，形成氣孔做出好似雪花一樣嘅網狀花紋。
完美啊哩個收工晚餐👍
因為收工唔想返屋企食公仔面，帶住咁攰嘅身軀山長水遠熱辣辣咁行左咁耐搵野食，都好應該打篇長文講一講丫...
（此貼並非廣告）
等我遲下包餃子再同大家分享啦(｡･ω･｡)ﾉ
#餃子縣 #蜜兒廚房 #食後報告 #冰花煎餃 #酸辣粉 #屯門一個人嘅收工晚餐 #宵夜 #屯門友 #餃子 #吃貨 #相機食先
屯門一個人嘅收工晚餐 在 屯門cafe 的推薦與評價
【屯門隱藏美食】情侶小店Cafe，屯門性價比高質美食，足料三文治，抵食All Day ... 棠紅葉打卡之旅帶你用$1,024親民價食Omakase質素晚餐嘆日本直送海鮮｜#旅遊止癮#4K. ... <看更多>