【#岡山 著牛仔和服，玩 #豆柴 #貓頭鷹 #豹貓！】
岡山行第二日，聲些好似被讚咗一生人份量嘅「可愛い」！🙈
嚟到 #倉敷美観地区，梗係要試下 #牛仔布和服 啦！6600円就可以扮日本公仔到黃昏，沿途每隔15分鐘就有日本遊客猛讚好睇，難爲情到一個點啊！景區內有大量牛仔布精品，仲竟然發現牛仔布西裝專門店 #inBlue，店員身上嘅西裝都帥到不得了啊！🤩
著住和服去 #有鄰庵 食晏，先試下岡山農民飼養嘅 #山豬肉定食，再嚟就係聞名已久嘅 #幸福布甸。
店員笑住話，先爲布甸影張靚相，兩星期後要開番出嚟睇，再回想岡山發生嘅開心事，就會有意想不到嘅好事發生！嗒住濃郁雞蛋布甸心諗，唔駛兩星期啦，我全家都已經好幸福啦～
尾聲係一口氣連玩四間動物CAFE： #豆柴、 #刺蝟、 #貓頭鷹 大家都見得多， #豹貓 真係難得至極；CAFE內任摸但嚴禁抱抱，雖然如此仍然不減客人滿滿愛意，貓頭鷹同豹貓都意外滑溜好摸，而且溫馴黐人，感動先啦。
聽日繼續響岡山食好西，12月係靚蠔季節，鍾意蠔食嘅同學千祈咪走雞啦。
#牛仔布就是酷
#俾途人讚到行唔到路
#山豬肉原來咁香
#岡山人同貓都好相遇啊
#peggysensei
#PEGGY先生
岡山人同貓都好相遇啊 在 Cateye_pr - पोस्टहरू | Facebook 的推薦與評價
與「小手」相遇，是在一個偶然的機會，憑一個草莓 蛋糕認識到Haylie。 ... 唔少人都中意食#西菜，其中#西班牙菜 又以口味nice、擺盤夠創意而深受港人歡迎。 ... <看更多>