女讀者投稿《親阿媽甘對我母親篇》
大家一路以黎，投稿故事對象都係數字人，但今日我想同大家分享我和阿媽的故事。。。
我屋企唔係有錢但唔算窮。有阿爸阿媽阿妹。自細就親阿爸多啲，同阿媽阿妹關係普通。
10年前，爸爸因急病過身，喺死前一星期我媽揸住垂死阿爸隻手要佢簽遺囑，唯一受益人係我媽一個。
之後機緣巧合，我阿媽透過中間人介紹識左個家境比我地好嘅男仔（點解我要咁強調呢樣野繼續睇落去就知）。之後我哋好快拍拖，半年之後，有一日。。。
我阿媽問我：你哋幾時結婚？
（我嚇咗一跳，因為當時仲後生，從來冇諗過需要呢一樣野）
我答佢：冇諗過喎！
我媽：嗱！我教你，你快啲同佢上床，然後有佢嘅骨肉，咁佢唔要你都唔得啦！
我：痴線！
（點解一個阿媽會同個女講啲咁嘅嘢？！呢半年佢從來冇關心過男朋友錫唔錫我，或者我對男朋友嘅睇法）
又過咗半年，我男朋友同我講佢父母發現我手掌係‘川’字紋，好反對我哋一齊（話對婚姻唔好喎）。我好唔開心，返到屋企同阿媽講⋯
我阿媽即刻話：傻㗎咩？今時今日仲邊度有人會睇掌紋定婚姻㗎！
（我心即時得到安慰）
我媽繼續講：梗係你唔知做咗啲乜或者講錯咗乜嘢衰嘢，人哋搵個藉口唔要你啦！你小心因住變籮底橙呀！
（我頂你吖！我係出邊俾人烚，返到屋企仲要俾你踩多兩腳？人哋錫個女錫到錫唔切，你就反而同外人一樣咁樣無理質疑我？？）
P.s. 男朋友冇話要同我分手，佢只係直腸直肚冇過濾過就同我講屋企啲嘢，而家已經結咗婚幾年，老爺奶奶嗰part仲精彩，待續。
結咗婚之後，老公俾我家用唔多，但我阿媽要求我加家用俾佢，一路每個月俾開6千，我俾到佢8千，逢生日、過節我都俾double 。有時佢突然要我比幾萬蚊佢洗，雖然我唔明點解要成日問我攞，但我都俾佢（私己錢） ，因為阿爸已經唔喺度，我將雙倍孝順擺係你身上，俾得甘心情願。佢好慳，屋企住私樓，唔洗供，有個已出身嘅阿妹。但之後一次俾我無意發現，原來佢已經立咗遺囑 ，上面只有我妹名、冇我名。佢就話一山不能藏二虎 （咩意思？？）
（之前我有問佢要唔要立定先，唔好好似阿爸咁匆忙，佢即刻燈大隻眼望住我話：你依家係咪咒我快啲死？我未有耐！）
令人心寒嘅係，份遺囑日期係喺我生第一個仔嘅第二日，我仲瞓係醫院嘅時候。佢黎咗第一日之後，成個坐月時期淨係見過佢一次，因為佢話唔鍾意見到個陪月，而且要同朋友去台灣旅行，探朋友。
我冇怨你冇寫我嘅名，但係點解你唔知會我一聲？你自己都曾經被前夫拋棄，應該知道做女人應該要有自己私己錢保障自己，但你就要淘盡我所有去滿足你，同你個細女！周圍同人講，我母憑子貴！有冇咁老土呀！
我最痛心係聽到嗰句：d錢係你自己要俾我 ，我想講，你呢句仲難聽過粗口吖！
如果係故事嘅結尾，我話我唔係呢個阿媽嘅親生女，可能會合理啲。但事實係，我出世紙母親嗰欄，的的確確係佢個名。
東窗事發之後，家用都一直有俾，但我哋已經冇再聯絡，我唔想再俾佢hurt。。。
退一步海闊天高。
川字掌紋女 在 川字掌紋的手相 - 靈異板 | Dcard 的推薦與評價
〖呈現川字的手相〗 相信若是有稍微研究過手相的朋友都會聽聞過一些特殊 ... 就是感情線關於感情方面許多網路文章是這樣描述的女性若有川字掌則多為女 ... ... <看更多>