琴日工作有點唔開心,臨收工好想將課堂取消(心裡嘅👹叫我返屋企睇電視、或者搵人呻)
想咗5分鐘,最後都去咗上堂💪💪💪
工作本來就唔係人生嘅全部,我唔想被佢控制同影響;偶爾工作唔開心係好正常,重點在於如何改善同解決問題,而唔係無限呻、不停胡思亂想。
另外,課堂係一週一次,如果取消了又等下一星期,練幾多、做幾多都係自己。呢段時間我最想唔係跑返同跑快啲,而係改善自己弱點,雖然好悶,但每堂我都十分珍惜。
「心沒有放棄,身體就會跟隨」
我感覺到身體正在為我好好凖備👍🏻
Top @nikehkg
Bottom @hygeiactive
Shoes #superrep @nikehkg
#早安 #小分享 #長文慎入
#負能量系列 #多謝收看🙆♂️
#瞓醒又係新一天 #週末愉快❤️
#心沒有放棄身體便會跟隨🤘
#fridaynight #冷清清的
同時也有1部Youtube影片,追蹤數超過9萬的網紅Hak Me,也在其Youtube影片中提到,早前同大家Instagram Live (@iamhakme) 收到一個我覺得都會多人遇到既情況,就係而家工作唔開心,想轉工,但係又好擔心將來既自己會後悔。 我今日就想用少少時間去同大家分享我既想法。 我希望我講得清楚亦都會幫到某一部份既你去克服恐懼,踏出屬於你既第一步! 希望幫到大家少少啦~~ ...
工作唔開心 在 我是公關仔 Facebook 的最佳貼文
#公關仔的家書
話說接二連三俾人complain我啲post hate speech、fake news(話時話佢當我係傳媒就真係唔該晒),咩都好。又令公關仔再次諗下呢個page嘅意義。
最初真係想講下行業八卦嘢,漸漸得到好多行家嘅鼓勵。公關行業就係咁,好多時外人睇我哋講啲case,好好笑咁。但當場自己心臟病發唔知幾多勻,忙到急屎都唔得閒除褲,真係局內人先至最明白。
感謝得到大家嘅認同,我覺得呢度就好似同啲好朋友吹水咁,可以咩都講;慢慢都係呢個page講咗好多自己嘅睇法,無論做野定做人,定係八卦嘢。講真,公司真係咁多人真係同你做朋友咩?客戶真係咁多人真心對你好咩?我同意好多職場上嘅拍擋,大家一齊拍住上,真心真意;但仆街就一定更加多。有呢個page訴下苦,講下八卦嘢,真係陪我度過好多工作唔開心嘅日子。
但依家好耐都無講過公關野囉,希望大家唔好見怪。老實,有時睇到外邊嘅情況咁,真係自己發生咩事都唔想講。相比各位手足,果啲咁嘅辦公室政治,或者阿客嘅無厘頭request,又算得係咩?即使返工點激氣都好,一睇政府press con,嬲怒指數即時可以直線上升無限倍。
其實公關仔漸漸都唔知道應該點好好經營呢個page,既唔關心fans數目,又唔理啲人留咩言。早排有朋友話過,仲好耐唔見你有廣告添。
是但啦,其實一向都無乜,又唔係靠個page嚟搵食。老實吖,如果有個Brand幫佢做過嘢,算係食過人茶禮,下次想鬧佢到底要就住,定係可以繼續火力全開?(唔駛我答,你都知道啦) 所以肯喺公關仔度賣廣告嘅,佢應該對自己嘅產品同service充滿信心,嘩哈哈!
輕輕鬆鬆鄧梓峰,其實廣告有又開心無又無所謂。我最最最珍惜同希望,係有一個平台我仲可以講我想講嘅嘢。至於仲係咪關於公關,其實我都唔知點寫。呢個年頭仲係度講個客點on9,咁又點?依家分分鐘出咗街,返唔到屋企架!
講講下又知自己講乜春。總之暫時無諗住同大家say byebye,一齊頂得幾耐得幾耐。
多謝收睇。
愛你們的公關仔
工作唔開心 在 有故事的旅人 (澳洲首都不是悉尼) Facebook 的最佳解答
【先唔好講移民,外國生活係咪咁難?🤔】
首先,無謂嗌交,如果你接受唔到working holiday或者講一句移民,哪怕你只係講吓諗吓都嘈嘅,呢篇文請唔好篤入嚟睇,罵戰不回。
先有英國,再有澳洲,雖然一切未落實,或者講十劃都未有一撇,但我相信呢兩個地方,有好大機會俾你移民到,都成為咗好多人眼中嘅救生圈,或者講係一個出路,尤其當大家睇唔到香港有咩前途時。如是者,我收到唔少讀者問我外國生活嘅問題。
我相信無論澳洲或英國,有好多基本「問題」,大家出發前都諗多咗,先唔好理Working Holiday或移民,最基本最日常嘅生活習慣,我諗大家都要先調整個心態。
👉🏻去到做二等公民喎,我要搵返好似香港咁title架!
其實我會覺得好多時候係馬死落地行,Working holiday又好,長期移居都好,有時冇話搵唔搵到心儀工作,但餓唔死你之餘仲有多個錢,喺香港冇乜可能搵得到。舉個例丫,如果有睇我小說都知道,我曾經有一排朝早執房、夜晚洗碗,係,呢兩份工係好辛苦好累,但果時我兌8.5(我知依家跌到乜咁🚬),講緊20蚊一個鐘,我有成170蚊港紙一個鐘,仲有人哋紅日有double pay,我一星期已等於香港一個月人工。
係呀,係身水身汗,都有唔開心時,但如我成日分享會所講,我喺澳洲學到嘅係職業無分貴賤,人地唔會歧視你係執房仔、洗碗仔、屌你冇career path,辛苦之餘你仲有work-life balance,落場時去海灘坐喺樹下面睇書,幾咁梳乎。成日話稅重、租貴,但果時我交埋稅、租埋屋(冇記錯AU$135兩星期,單人房包曬水電),我仲儲得到錢。你香港拎果萬幾兩萬人工,有返工冇收工,收工日日夜夜奪命追魂call,精神嘅累對比起體力嘅累,你揀邊樣?咪當做運動囉。明白Working holiday同長住,諗嘅係兩條路,我想講嘅係,放低身段只要你肯做labour intensive,香港人眼中可能睇唔起你嘅工,正常時期(當然唔係講疫情啦)你起碼唔會餓死,生活艱難都活得比香港開心。搵唔到心目中嘅title,做住先頂一頂真係唔會死。
👉🏻我唔識英文喎,點樣去呀?
估唔到由八年前澳洲返嚟到八年後,都有人問呢個問題。雖然我自問英文溝通完全冇問題,但同期見到好多日本人台灣人韓國人,完全唔識得英文,都一樣死唔去。好多時,生活智慧嘅嘢,全在乎你肯唔肯學、肯唔肯嘗試、肯唔肯溝通,你日日喺Chinatown打工、放工又群埋香港人,英文一定唔會好,但放膽出去識吓朋友、日常生活講多幾句,英文自自然然都會好。正如我去南美一粒西班牙文都唔識,初期連買張地鐵飛都買唔到,行咗五個站,到最後邊講邊學,識得基本幾句用語,溝通到之餘,一樣完成到旅程。
👉🏻果邊天氣好凍/好熱喎,我頂唔順喎!
英國我唔知啦,但如果講澳洲,你點凍點熱都一定舒服過香港。係呀,我喺Queensland、Northern Territory果邊,溫度可以高達超過40度,但你行出條街都唔會好似香港30度咁辛苦。一來人哋係乾熱,就算好似Queensland偏濕熱,最少空氣極好,天氣嘅嘢,其實唔駛擔心得太多。當然,澳洲北部烏蠅過多,另計,要克服要習慣,都唔係問題嘅。
👉🏻果邊冇曬朋友喎,點算好?
呢樣嘢以前唔敢講,今時今日當你身邊朋友個個都話走時,分分鐘你去到果邊仲多朋友過香港,隨時成個圈子搬埋過去。咁當然,英國同澳洲都極大,一南一北直頭要搭飛機,但諗返果時我同澳洲識嘅朋友要見面,又唔係想像中咁難。
同埋,當你「落地生根」一個地方後,自自然然就會搵到圈子,加埋網路發達,自會有好多唔同群組俾你交流。我認當年陷入過一段零朋友低潮期,但喺個舒適環境下,你冇朋友行下山望下海,一個人精神狀態,都好過你香港有成堆朋友,但最後只不過星期五晚出嚟啤啤佢呻工作唔開心。當年我都慢慢搵到所屬圈子,有啲直頭值得深交落去,又唔係話一定要群埋間全部香港人sharehouse先得嘅。當然啦,文化差異初頭點都會唔習慣,群外國人同群返亞洲人,都係兩種唔同生活態度。你問我,我係鍾意群亞洲人(先唔好講識唔識廣東話/國語,起碼生活文化相近),但有時接受吓外國文化,都係一件幾有趣嘅事丫。
👉🏻果邊物價好貴喎
以澳洲嚟講,物價絕非如你想像中咁貴,好多時仲會覺得,喂貴得過香港咩?餐餐出街食,當然貴,但如果自己買嚟煮,我曾經試過令自己一日只需五蚊澳紙,就解決得到曬三餐。好多西方國家,無論係歐洲定美國,如果你有經歷過自己煮,並不如你想像:西方國家物價一定貴。今時今日你甚至可能覺得,好難貴得過香港喎!
諗返當年去working holiday,我反而冇今時今日大家諗咁多,去咗先算,總會有自己條路。的確我都經歷過搵唔到工、冇曬朋友(直頭係長期一個人,但有筍工時,你想要工定朋友?),最後都成功到,仲有段好難忘旅程。當然,我明白working holiday同下決心要永遠走、打散工同打長工,絕對係兩回事,而當我哋再唔係十八廿二,要放棄要抉擇時,都真係要諗多好多嘢,但有時要得到外國生活嘅美好,有啲嘢都要取捨、要嘗試。要點樣維生、要點樣長居,呢啲問題當然要諗,但比較minor嘅生活議題,事後回想,又唔係想像中咁困難嘅。
我諗近排大部份香港人或多或少都諗緊走唔走、開始睇緊外國生活嘅相關資訊,甚至有朋友賣樓都話要走,收到inbox問我澳洲生活嘅嘢都大增。未來係點冇人知道,現刻世界各地疫情爆到七彩,相信話走都唔係聽日突然間嘅事,不過有好多外國生活嘅心態調節,你睇再多「攻略文」都未必有用,最緊要自己接受到,亦都要有個後備方案,喂搞唔掂喎搵唔到工,返香港好丫,定點樣呢?呢類問題都可以諗諗嘅。
當然,小弟當年超級黑仔,好多突發意外,例如電腦突然壞咗、行李喼爆咗、全身突然生曬唔知咩瘡,呢類問題真係唔似香港你落街就搵到有人幫你整幫你醫--最諷刺曾住過地方好多蛇,俾佢咬到10分鐘內會死,但最近醫院要20分鐘車程、維修中心原來要搭飛機,不如買過部新,但當你解決得到呢類奇奇怪怪問題同疑難,我會覺得,都係人生一個成就解鎖。
後記:呢張相係我最無聊最寂寞嘅日子,但依家諗返,可能係我人生中最逍遙最自在嘅日子。果時你覺得攤喺沙灘放空好無聊,今時今日自會懷念。
📣文字工作者也得要吃飯,你的支持是我的原動力。請給點心意,給小弟寫更多好文章,歡迎透過payme課金以作支持🥳:https://payme.hsbc/jackyhei
或使用QR code:https://bit.ly/3a9wOzy
或透過Paypal捐款:paypal.me/jackyhei
🙏感謝各位支持,小弟執筆之原創小說私人貨存已全部售罄,有意者可到此文章內的連結購買:https://bit.ly/3dRuUWu
【IG請follow】www.instagram.com/travelerwithmovie
工作唔開心 在 Hak Me Youtube 的最讚貼文
早前同大家Instagram Live (@iamhakme) 收到一個我覺得都會多人遇到既情況,就係而家工作唔開心,想轉工,但係又好擔心將來既自己會後悔。 我今日就想用少少時間去同大家分享我既想法。 我希望我講得清楚亦都會幫到某一部份既你去克服恐懼,踏出屬於你既第一步! 希望幫到大家少少啦~~
Hope you enjoy this #hakmetalktime so far and be sure to stayed tuned for more! I do two videos a week on Tuesday and Thursday at 9.00am (Hong Kong Time). Do subscribe as I'd love to see you again! Xoxo.
What Am I Wearing:-
Top: Etre Cecile from http://bit.ly/2IPRhMx
Accessories: Dinh Van Bracelet + Cartier Love Bracelet SM (Blog: http://tinyurl.com/mgs7o2c) + DPT Endless Diamonds Bracelet (Link: http://bit.ly/2BQz11h)
♡黑咪店地址: http://www.hakmebeauty.com/store-locations
♡黑咪店Online: https://shop.hakmebeauty.com
♡黑咪店Instagram: @hakmebeauty
*************************************************************
Where To Find Me:-
♥ Blog: www.hakmebeauty.com
♥ Facebook: www.facebook.com/hakmebeauty
♥ Instagram: @iamhakme
♥ Snapchat: iamhakme
♥ Shop My Collection at Depop: @iamhakme
♥ Twitter: twitter.com/iamhakme
♥ Weibo: www.weibo.com/iamhakme
Disclaimer: This video is created and edited by me. All the content are my own thoughts. As always, all opinions are based on my experience and honest. Products are either purchased by me or for those which are sent by PR are marked with an “*”. For any collaboration with brands which involves monetary payment, “#Ad” will be in the title of the video so that you are aware of the collaboration. Some of the links used above might be affiliate links and please be aware that I will earn a % of commission if you decide to buy through the affiliate links.
![post-title](https://i.ytimg.com/vi/c-7mlS01Kfw/hqdefault.jpg)