佢做嗰啲嘢有啲都係我想做，不過能力有限，呢啲工廠實業唔係我強項
—-
逢一、三、四出刊登文章，另設特別環節：每週解答觀眾問題、100萬模擬倉投資部署
訂閱《金融經濟精神食糧》：https://prime.fortuneinsight.com/web/muddydirtywater
Patreon: https://www.patreon.com/muddywaterfinance
【你癲夠未？我都唔知你搞黎做乜？】(煽情長文慎入)
話說今日大佬羅庭輝 Dream Law左腿麻痺作痛，朝早出完商台錄節目講高雄罷韓（今晚9pm #903國民教育 有佢）後番屋企抖陣，唔抖都仲好啲，抖完仲嚴重，痛到行都行唔到，仲不斷9叫嗌痛，無辦法要叫白車入廠，我地問係咪因為過勞？呢幾個月來佢日日又街站又通宵處理Admin野，醫生話唔知係咪過勞咁簡單，要留院幾日，照晒全身睇下入面內臟有無五勞七傷，究竟呢排佢做咩搞成咁呢？
咁就要由我地搞「本土經濟」開始講起......
有留意開我地Fb嘅朋友都知道，我地好希望重振香港嘅實業，有經濟自主先有實力去實現我地喊過嘅口號，咁依家香港做實業有咩問題啊？
錢同政策都不在話下，即使依家有人肯扔10億8億出嚟復興香港工業、農業，有無人可以有能力收呢10億8億搞啲野出嚟？我地香港人被回歸呢20年來慣左「務虛」，乜鬼實業嘅人才都走晒啦，營運又斷層，技術又斷層，淨低又肯耕田又肯堅持做實業嘅人都係唔認命痴線佬，但佢地無政策支援，又無「爹哋」無限銀彈燃燒，都係苦苦掙扎搵兩餐飯食，又無人肯入行，做嚟做去都係圍內一班人做......
好喇，咁實有人話你兩兄弟要搞生意咪搞飽去囉，選乜鬼議員啫？啱啊，不過原因有二
一來香港仲有呢多年命？我地好叻振興一個行業，但要幾多年？3年？5年？定10年？咁仲有第2、第3個行業呢？振興得來都死啦，共產黨殺到嚟香港九龍新界無得避......咁有多個公共身份咪有助多啲人關注呢件事，可以快啲成事，減慢香港沉淪速度.....
二來要搞實業除左營商智慧同錢銀，都真係要講究政策支援，我想搞間Gin酒廠，要成6,7個牌組合埋一齊，一陣又話要防火，一陣又話酒精過30度要危險品倉庫，點解咁煩？因為呢幾十年來立法會又禮崩樂壞，泛民建制政工作者又拎晒D資源落袋或者做埋啲競逐連任野(蛇齌餅糉或者養網絡打手吹風)，錄段發言片講左當做左，實業法規無Update過，你要耕田都要有塊地，咁塊地又邊度嚟？你要搞酒廠都要有工廠，啲工廠做晒劏房或者唔合條例，要做生產買保險要買晒成棟大廈，咁呢啲政策野係咪要有政治代表去同部門Deal？當然你可以話個政府係廢，但事實係建制好識得利用政界身份去幫助紅底企業，咁我地所謂黃營呢邊又有無邊位政治代表去改善過Start-up營商環境？係無啊！
咁既然見到檯面無人做，我地咪出嚟揼石仔，做一個政商背景嘅所謂黃營政工作者囉，利用薪津同僅有嘅政治能量做下Line Up，咁呢個月講講下的確認識左好多香港品牌仍願意堅持，好多有心人願意去幫助，仍有政府部門願意係去配合。
籠統嚟講，近來大佬Dream搞緊三個有關振興本土經濟嘅Project︰
#1 「調理農務 + 工場生產」實習計劃
我地傾左8間香港品牌提供實習機會，希望培養班後生仔入去工作兩個月充實實業視野，咁多批人幫手咪可以各行各業都同步進行復興計劃囉~~~~
詳情︰https://bit.ly/37aIkK5
#2 搶佔民生工業
香港其實有能力製造啤酒、洗頭水、牙膏等等嘅民生用品，試諗下所謂黃營品牌如果可以搶佔到藍x啤酒、燕X啤酒等等嘅幾%市佔率，又可以養多幾多個黃底員工？香港有幾多人係身在曹營心在漢，係紅底公司工作無法自由講話，想辭職但佢嘅工種又有無黃底公司可以接收？個個嗌完口號去黃店做Waiter同廚師？可唔可以有完整產業鏈去提供多元職位？
#3 社區代購計劃
雖則話香港製造產品質量未到家，但都係雞生蛋蛋生雞嘅問題，前面苦無銷售通路，黃Brand搞得起又要比連鎖店封殺，唯有打開社區缺口，利用呢場運動與黃營業委會合作，直接銷售，方有望打破缺口，詳情仍在構思中......
咁除左搞呢堆拓展性野，仲要定期去唔同品牌工廠視察擴充眼界，擺街站講解國安法同本土經濟計劃、處理選舉呈請......咪就係呢堆工作加加埋埋做到五勞七傷，又有精神壓力咁囉。
好好地有間創科公司Manager唔做，都要拋個身出嚟混政治污水，搞到依家咩過勞仲未知咩事，雖則我都係個圈入面，但好多時都會問下大佬你癲夠未？我都唔知你搞黎做乜？
呢個問題問佢亦都係問自己，咁我地兩兄弟又會開始嘈下交，講番自己初心，講下香港，然後訓醒唔知點解又繼續做，做到有時好灰又嘈過.....
有朋友話Google搜尋羅庭德羅庭輝，關鍵字聯想多數彈「羅庭德背景」出嚟，其實我地兩兄弟都真係幾單純為左「光復香港」四個字出嚟，想將上面有用但又無人做緊嘅野帶入議程，平時咪都係普通後生仔住公屋、讀Band2,3中學、做過下生意，有啲諗法咁囉......
如果你睇到呢度真係羅氏兄弟die hard fans，多謝您❤️ 講咁多都係想多啲人明下我地做緊咩，有興趣幫手做義工嘅朋友可以與我聯絡，等我呢個大佬可以抖多幾日先......
無咩事留低埋大佬輸2票選舉呈請眾籌條Link，我都係番出去做野先，聽日開區議會大會~
香 港 人 One More Choice
支持 羅庭輝👇🏻
——————————————
🏋🏻 成為義工｜ https://bit.ly/2Uau3bl
📽 Yotube Channel | https://bit.ly/2Uc0TIK
📺 Instagram｜https://bit.ly/2Xx56ca
🐦 Twitter｜https://bit.ly/2XxM6tW
✈️ TG｜https://bit.ly/2MxAlgS
--------------------
💰選舉呈請眾籌 維護公義
轉數快
1.) 加入羅庭輝的電話5744 3445
2.) 輸入捐款金額+姓名+電話
3.) 輝仔便會聯絡您
——————————
ATM 過數
1.)請存入以下銀行戶口並保留紀錄: 518-88130-110 Law Ting Fai（東亞銀行）
2.) 過數後可以pm羅庭輝專頁
工廠實業 在 自強文具工廠實業(股)公司STRONG STATIONERY ... - YouTube 的推薦與評價
自強文具 工廠實業 (股)公司STRONG STATIONERY MFG.CO., LTD. Watch later. Share. Copy link. Info. Shopping. Tap to unmute. ... <看更多>