環球膠報 【重播幾多次都會熱血到喊出來! 】Slam Dunk 3D版台灣張阿民花15小時超熱血製作 數萬人感動分享
好多80後都一定都記得《男兒當入樽》(Slam Dunk)呢套漫畫，當年曾經令青少年掀起一股籃球熱，學射波都一定記得「左手只是輕輕的扶著」，甚至令NBA同籃球鞋都多咗人留意，最近喺facebook上又開始瘋轉貼張阿民2010年喺無名小站上傳嘅片，嗰時佢特別花咗15個鐘，從NBA Live遊戲中改編，製作出呢款超逼真，同漫畫結合嘅3D動畫版《Slam Dunk》，無論係音樂、節奏、主角眼神表情，全都相當寫實，令人感動。
________________________________
睇住櫻木花道為了心愛嘅晴子開始打籃球，到後來真心咁愛上籃球，努力為自己夢想努力練習，不顧受傷不理一切，不管重播幾次都能讓人熱血起來。 因為就連櫻木呢個「傻仔」，都能憑著一股傻勁喺關鍵時刻發揮戰鬥力，開創出自己嘅時代，面對強大對手，原本以為冇得打嘅比賽，竟然可以創出奇蹟，世上仲咩慘得過冇努力而放棄，有咩熱血得過，明知不可為而為知，為不可能的任務投入200%努力？
《Slam Dunk》喺1990年起刊載於《週刊少年Jump》，雖然已經停刊16年，但仍被動漫迷捧為「運動漫畫之巔峰之作」，甚至喺日本漫畫名人堂中擊敗眾多漫畫，榮登第一寶座。整部漫畫不斷傳達「努力」、「永不放棄」等概念，讓漫畫迷也不禁跟著情節而熱血起來，甚至有更多人因漫畫的影響才開始打籃球。
平衡時空下，如果櫻木花道冇遇到赤木晴子，好可能成世都係個一事無成嘅古惑仔，而如果佢出世遲多十幾二十年，佢可能只係另一個天水圍陳浩南...
《Slam Dunk》令人大喊的永恆熱血，倒數10大金句
10.三井： 「起跳後身體在空中的平衡─ 手指與球面的絕佳觸感── 手腕的力道‧‧‧恰到好處‧‧‧ 綜合這些條件‧‧‧ 當然應聲入網─ 球離手後，我就有必進的感覺‧‧‧‧‧‧」
真正打過籃球才會明白的...
9.赤木：「我們並不算是好朋友,而且你們老是令我非常生氣 然而,這隊球隊卻是最好的...」
8.「雖然他對籃球認識很少...但也許終有一天,他會成為籃球部的救世主啊,哥哥!他就是櫻木同學了」赤木晴子最初對哥哥推介櫻木入籃球隊，赤木遇見櫻木後如是說。
7.全國大賽對山王時, 流川楓對櫻木:「若你不想被換走,便拼死的跟著來吧!」
6.三井壽:「安西教練,我想打籃球!」
5.櫻木被肉丸人推跌，櫻木:「不用道歉呀 肉丸人! 我們是在比賽呀 」
櫻木已經真正融入籃球
4.睛子問櫻木喜歡籃球嗎？櫻木捉住睛子雙膊，忍不住表白了：「喜歡 非常喜歡 這次絕對不是說謊！」明白佢真係非常非常熱愛籃球，甚至係生命最重要，已經重要過睛子
3.漫畫結局最後果幕，陽光射落櫻木臉上，櫻木從背後轉個頭，Chok住話:「因為我是天才嘛」 完全表現櫻木自信一面
2.櫻木受傷後，不想離場說：「老頭子，你最光輝的時刻是何時呢？是全日本時代嗎？而我呢…就是現在了！」
1. 第31卷，湘北對山王的最後一秒，流川風把持球傳給櫻木花道，櫻木想起一萬球jump shoot練習時，唸出︰「左手只需輕輕地扶著」，所有人的表情都凝固了，一切就像是慢動作，進球了！隨後裁判響起哨聲，櫻木拖著疲憊的身軀走向流川，與他一起擊出了這充滿著全部Slam Dunk迷激情的一掌…
(http://www.facebook.com/photo.php?fbid=402607559836478 )
左手上籃動漫 在 February 2nd 原創籃球動畫《左手上籃》終極預告發布！2月3 ... 的推薦與評價
Official Launch Trailer for mainland China| February 2nd 原創籃球動畫《 左手上籃 》終極預告發布！2月3日見！ 103K views · 5 months ago ...more ... ... <看更多>