【100大最多物業的業主：退差餉好搵過你番工】
財委會問題回覆新鮮出爐，揭發左今年度100大持有最多物業的業主，所獲得差餉寛免的總額，短短5年間升咗足足200% 。佢地獲得差餉寛免，由2014/15年度嘅1.7億，大幅增加增加至今年度嘅5.1億（註1）。
全港最多物業果位業主，今年就可以寛免1.02億差餉，頭100大業主平均每人/公司就收到510萬（註2），依批業主一年從政府得來嘅資助已經多過小市民辛苦工作一世可以賺到嘅薪金，點解咁傾斜嘅政策可以一直維持呢？
政府話：改變政策行政費用「太高」
上年有議員提議限制每個業主可以寛減的物業數目，但係政府代表就話，差估署沒有備存業主資料，改變做法就要更新資料系統，因為未諗通可以點改，連議員方案嘅成本效益都唔肯計，最後無做任何修訂就順利通過咗 (註3）。
翻查資料，早喺2012年陳偉業曾經提出過限制每個業主只可以寬減3個物業，當年政府交出的估算，覆查所有差餉人資料的行政成本大約是4800萬元 (註4)；相比當年差餉豁免總額117億(註5)，相關成本只係九牛一毛，到今日相信都會繼續合乎成本效益，不過政府多年來以「行政繁複」為由，企到硬一律免曬所有人，背後原因耐人尋味。
政府又話：大業主會退番差餉比「租客」
政府堅持政策唔變第二個理由係話有部分差餉由租客交，唔容許持有大量物業的業主退全部分單位的差餉，會令到一些租客受惠唔到。政府在2012年提供的資料顯示私人住宅23萬個出租單位中，只有1萬個單位由租客繳交差餉，只餘21萬單位均由業主繳交(註5) 。事實上，租住市場的租金普遍都包括咗差餉，退差餉的錢大部分只會落咗去業主手中，話用退差餉來幫租樓嘅人會唔會假咗少少，租管呢，租住權呢？
即使商鋪市場可能較常由租戶繳交差餉，只要簡單將住宅單位與非住宅市場分開處理，都可以處理到商鋪租戶的差餉寛免。
不堵塞漏洞，其實即係公帑資助炒家省稅，令佢地愈買愈多，導致樓價飆升，一般市民就要付出更高的房屋成本，增加公營房屋體系的負擔，寛免差餉除咗比政府官員向地主朋友示好，其實仲令到房屋問題更加難解決到。
註1：2019年4月9日，，立法會，特別財委會文件，管制人員的答覆，答覆編號：FSTB(Tsy)053。
註2：2019年4月9日，立法會，財委會文件，管制人員的答覆，答覆編號：FSTB(Tsy)054。
註3：2018年4月27日，立法會，內務委員會會議文件，《2018年差餉(豁免)令》小組委員會報告。
註4：2018年3月27日，《2018 年差餉(豁免)令》小組委員會，首次會議紀要。
註5：2012年2月23日，《2012年差餉(豁免)令》小組委員會，首次會議的紀要。
#藍藍天空高掛我的夢
#差餉免左五億咁多確與眾不同
⚔️ 不再亂用公帑 請支持民間土地研究
https://liber-research.com/research-category/land-supply/
💪 了解更多: http://liber-research.com/about-us
參考資料
https://www.legco.gov.hk/…/su…/sc07/minutes/sc0720180327.pdf
https://en.wikipedia.org/wiki/Local_property_tax_(Ireland)
https://www.legco.gov.hk/…/su…/sc07/minutes/sc0720180327.pdf
差餉免左五億咁多確與眾不同 在 退差餉好搵過你番工】... - 本土研究社Liber Research Community 的推薦與評價
藍藍天空高掛我的夢 #差餉免左五億咁多確與眾不同 ⚔️ 不再亂用公帑請支持民間土地研究 https://liber-research.com/research-category/land- supply/ 了解更多: ... ... <看更多>