【Quote of the Day】#AreYouReady #MrBusiness
「逆境來臨前，我已經努力做好準備。所以問題唔係逆境，而係你自己！」― 莊偉忠
2020年，注定係難過嘅一年。辛苦搶得口罩，僥倖保住命仔，轉頭又要擔心經濟轉差，隨時飯碗不保。是福不是禍，是禍躲不過，面對今次「疫」境，與其等人打救，香港人必須自救，學會逆境中重生。
股神巴菲特有句名言：「退潮後便知誰沒穿泳褲」，原意形容股市退潮時，就知道邊個投資者有實力，但用來形容順境逆境，亦有異曲同工之妙。市道好時，百業興旺，公司爭住請人，東家唔打打西家，人人都係搶手貨；市道差時，百業蕭條，公司爭住炒人，可以留低笑到最後，先至係真正強者。不過自問唔係行業內強者，點樣先可以捱過逆境，退潮時力保不失呢？
無論環境幾惡劣，總有人能夠順利生存，成功之道取決於抗逆力。抗逆力可以分為「個人技能」同「職業」兩方面：個人技能方面，及早未雨綢繆，嘗試身兼多職，掌握多種工作技能，就可以成功分散風險，就算其中一瓣出現危機，都唔駛擔心收入會攬炒；而職業方面，搵份抗逆力高嘅職業，例如從事會計、法律、醫療相關工作，經濟差對服務需求都無大影響，自然唔怕失業問題，又或者考慮做公務員，「鐵飯碗」出名穩定，一直做到退休都係平常事。只要雙管齊下，抗逆力自然大增，逆境都無有怕喇！
最後祝大家，順風能保持，逆風能翻盤！
巴菲特 名言 會計 在 會計人的Excel小教室- 華倫巴菲特名言：「其他男人看《花花 ... 的推薦與評價
華倫巴菲特名言：「其他男人看《花花公子》，我看公司財務報告。」這位世所公認的股神長期穩健投資獲利，曾多次強調會計知識對於股票投資的重要性。本書作者為資深會計 ... ... <看更多>