「看雨水光映沖淡…淡雲月色的世態。」
你要知道打卡最緊要係咩呀？可能你會
話相機，係的確工欲善其事，必先利其器，
淨係傢餐都好重要啦。不過呢個年頭好多
人為左方便，一部電話走天下，擺下IG快
靚正，你又吹佢唔脹。但其實最最最最大
條件，就係日光既支配，如果無左呢種自然
光源，幾靚既器材都係咁先。所以希望今次
係銅鑼灣新開既打卡café「Apostrophe·Coffee」，
可以避過雨季既威脅，順利食正最完美既
日光，咁就無憾啦！👇
-
📌B r u n c h -
▪ Parma Ham · Egg Benedict - $108
▫ 一黎就整返個「巴馬火腿·班尼迪蛋」先咖啦，
流心蛋一切開蛋液瞬間爆發，一入口蛋香十足；
夾雜埋巴馬火腿、沙律菜，口感更加豐富，
絕對一個美滿既brunch time。
-
📌Toast it · on Sourdough - $88
▪ Poached Egg · on Avocado Toast -
▫ 賣相直頭滿分既「溫泉蛋·牛油果多士」，
成件事充滿綠色健康既感覺，睇見都覺得
好治癒。牛油果熟度岩岩好，配搭面頭既
溫泉蛋，兩者感覺好夾；而底層既酸種
麵包口感夠煙韌，值得一試。
-
📌S w e e t -
▪ Soft-Hearted Green Tea · Basque
Cheesecake - $62
▫ 而甜點方面亦係我黎呢到打卡最重要一環，
呢個「巴斯克·焦香綠茶芝士蛋糕」一上枱
先經聞到陣陣焦香；切開蛋糕外層相當軟綿
幼滑，食落帶有濃香既抹茶同花士味，
兩個人share就岩岩好。
-
▪ Crunchy · Canelé - $38
▫ 一定要試埋呢到招牌甜點「法式·可露麗」，
呢款賣相好似睇落平平無奇，實則食落表面
焦脆得黎，裡面切開好似蜂巢形狀，
仲有絲絲蛋香；而除左原味仲有伯爵茶、
綠茶味可以揀，唔錯。
-
📌C o f f e e -
▪ Espresso · Tonic - $55
▫ 識飲一定係飲「咖啡·通寧水」，將美式
咖啡配搭tonic，兩者大爆化學作用，入口
酸酸甜甜，將成個口感提升到最高點。
-
📌Non · Coffee -
▪ Kyoto UJI · Matcha Latte - $58
▫ 另一亮點一定要放落佢地既「京都宇治·
抹茶拿鐵」，barista將宇治抹茶配合牛奶
兩者完美結合，入口質感幼滑，甘而不苦；
加上精緻拉花，打卡一流呀！
-
📎 Apostrophe · Coffee
📍銅 鑼 灣 謝 斐 道 535 號 Tower 535 3樓
