十一年前我去左美國既一個summer camp做暑期工
係我第一次真真正正感受咩叫American culture
記得第一個禮拜 我就同兩個鬼妹做左好朋友
佢地對我好好 weekend唔想我自己留係camp
話帶我去玩
我心諗「正呀！可以出去玩！」
佢哋一定係帶我行下景點shopping下咁
我仲記得我果時袋左對高踭鞋同兩條裙入背囊
然後我地就上左其中一個女仔架車
我仲記得我地下午完晒d活動就出發
駕左兩個鐘車度
我哋就去左一間超市
兩個鬼妹話要教我整S’more(呢個係我人生第一個S’more)
又買左d司華力腸呀 薯片咁
然後我就被車左入一個森林
係 係真係一個森林
果時我得果廿歲 果兩個女仔仲要細我兩三年
我果刻心諗「咩我地唔係去shopping mall行街同去餐廳食下漢堡包呀食下西餐咁架咩？點解會黎左個森林？」
佢兩個細過我 但佢哋果種鬼妹既自理能力同獨立性
已經叫我對美國人有好大感受
「我地真係好唔同」😎
原來果度係其中一個女仔屋企人既Cabin
即係佢同屋企人夏天會黎呢度渡下假咁既地方
唔好諗到好fancy 但都係一個正正常常既小屋
最fancy係佢有隻好靚既快艇
果個黃昏一到埗
佢就駕住快艇帶我遊下個好靚好靚既湖
果晚食完d好簡單既sandwiches做晚餐
我地三個女仔就睇左套 “50 First Dates”就訓覺
第二朝 我滿心期待佢哋會帶我出去行下shopping
話晒佢哋都知我第一次黎呢個地方
應該想show me around 既
點知朝早一起身 其中一個女仔唔見左
原來佢自己走左去跑山
另一個女仔就係太陽下睇緊書
（堅係好typically 果d西人訓係沙灘度睇書果d畫面）
果時未有iphone 莫講話有得荒山野嶺上網
我個袋除左兩條裙同對高踭鞋 真係咩都無
我心諗 食完lunch會出去啦卦
點知佢地原來話camping就係stay係cabin周圍休息 睇書同行下附近山路 😨
呢件事對我黎講 係一個人生轉捩點
我第一次咁赤裸體驗到咩叫鬼妹生活
佢哋嘅思維同lifestyle 真係同我地係兩個世界
亦因為咁我愛上左同美國人相處（當然唔係個個美國人都係咁 但我果三個月識果幾十個friends都係呢type)
點解無端端講返十年前既事
係因為今日我自己坐喺屋企個後花園
令我諗返 原來所有野既發生都有一個原因
點解我呢個土生土長既屯門妹呢刻會望住呢個景
呼吸緊呢啖空氣
原來都係有原因
我好記得我當時同自己講 我好鐘意呢個lifestyle
好希望有日真係可以有呢個生活模式
但我唔知點做先可以
就算比你日日落老蘭
都唔代表你會遇到一個the one既right white guy
就算比妳同到個鬼佬拍左拖
都會有100萬個原因 令呢件事唔work
但當你好明確知道自己想要咩
有個好正確既意識形態同思維
然後好努力咁生活
兜兜轉轉 跌跌撞撞
最終要去到目的地並唔係無可能
而所謂既「目的地」亦唔代表「你想中六合彩」就日日諗住自己會中就會中既意思
唔知大家明唔明我講咩
可能我自己都唔係好明自己講咩
或者當你有時間空間
個天藍d闊d就會寫埋d咁既奇怪野
#希望大家都去到你的目的地
