最近朋友話佢睇唔知邊度見到荃灣有間酒店自助餐做緊半價優惠😏我同幾個朋友就決定做白老鼠去試下半價嘅質素如何。
訂位情況暫時唔算好爆，可能因為地點唔算太就腳，因為酒店確實位置係汀九橋底，要去嘅話搭的士固然最方便，但亦可選擇酒店提供嘅穿梭巴士服務，於荃灣地鐵站B3出口落樓梯就見㗎啦！班次每四個字一班，由穿梭巴開車到酒店需時大約20分鐘，繁忙時段有點塞車就約30分鐘，QT自己就覺得坐穿梭巴較方便👍🏻
去到酒店搭lift 上一層就係自助餐餐廳位置，地方唔算好大，但齊整座位尚屬有足夠嘅走動空間。食物方面分咗四邊個區域，近門口位嘅係刺身同雪糕區，刺生方面款式唔多但新鮮而且係即點即切唔會預先切定😌三文魚、吞拿魚等等～
雪糕係haagen-dazs～ 有朱古力、士多啤梨、雲呢拿三款口味。
行入少少係甜品區，令QT意想不到嘅係甜品區嘅款式超多！數上手有30款以上，有馬卡龍、多款小蛋糕、果撻等等。仲有pancake 機😂 按個制就會自動煎好一塊塊即時放上牛油蜜糖就食得！超方便！ 另一賣點係甜品區嘅朱古力噴泉～可配上棉花糖或生果食用，依度嘅朱古力噴泉味道偏向黑朱古力味，如果偏愛牛奶朱古力嘅人士就未必合心水。
中間位置係熱盤區，總共有12款。必食嘅係蒜燒蠔、砵酒焗爽蠔！其次係花膠煙肉長通粉😍好蛋花膠！超多花膠入口滑嫩！其實款式雖說普通但味噌同新鮮度都滿意度有7/10 分～ 廚師refill返菜單速度夠快手👍🏻要大讚！
最入嘅位置係沙律區以及海鮮區～ 不得不提依間酒店嘅沙律菜呢係佢哋自己係天台種嘅，因為佢哋參加左一個綠化計劃會有個小小嘅Sky Farm ☺️ 每日要用幾多菜，廚師就會到天台摘幾多！保證新鮮絕無農藥而且好嫩😍！海鮮款或分別係：麵包膏蟹、扇貝、藍青口、海蝦
再行入海鮮區少少會見到有中西式湯水各一以及豆腐花
總括來講以半價後，論環境、食物質素合格滿意。如果同朋友或者屋企人想以自助餐形式小餐敘係不錯嘅選擇。
星期一至五 成人$438（半價後$219），小童$338（半價後$169）
星期六、日 成人$488（半價後$244），小童$388（半價後$194）
需加一服務費
地址： 帝景軒 (荃灣)
荃灣汀九青山公路353號帝景酒店
電話：3716 2898
