【Bling Empire 與 Gossip Girl】
噚晚一口氣睇晒Netflix套真人show《璀璨帝國》(Bling Empire),打住真人版《我的超豪男友》(Crazy Rich Asian)旗號,講一班喺LA比華利山嘅亞裔富X代奢華生活,半個鐘左右一集,三四個鐘就睇晒。
其中一個最多人討厭,叫Christine嘅台裔名媛話佢老公係宋朝皇室第24代血脈,如果而家中國仲有帝制嘅話(其實又真係有),佢老爺就係皇帝,佢老公就係皇位繼承人(咁係咪叫富24代)。
雖然聽起上嚟好好笑,但係細心諗下就知道Christine活得幾小心翼翼,一般人可能會口快快話「我老公就係皇帝」,但佢係先話老爺係皇帝,然後話老公係繼承人。睇埋落去先知道,原來Christine嫁入豪門後一直努力都生唔到小朋友,而夫家嘅人經常強調留香火係做老婆嘅本份,慢慢喺家庭聚會上唔單止將佢調去小朋友嗰檯坐,仲叫佢幫手洗碗,試咗好多年先用人工授孕終於成功傳宗接代,叫做可以喺夫家面前抬起頭做人。
所謂一入侯門深似海,就算Christine喺節目中講咗幾多看似無腦嘅炫富豪言,其實講到真正重要嘅事,佢比所有觀眾都更謹慎。
節目其他主角都好有爆點,家族唔係賣軍火就係經營石油房地產生意,總之個個都身家上億,除咗一個叫Kevin嘅韓裔大隻靚仔model。
Kevin係成個節目嘅靈魂人物,節目一開始就已經用佢把聲做narration,從佢作為一個混跡喺富豪朋友圈中嘅窮人視角出發,以一個outsider嘅角度,去睇呢班crazy rich asian。
Kevin令我諗起Gossip Girl入面嘅Dan,因為Dan係劇入面都係一個夾喺Upper East Side上流社會嘅窮小子,佢就曾經將佢班貴族高中同學嘅秘聞寫成一本叫Inside嘅書出版。Kevin同Dan都係以outsider嘅眼光,一邊有啲不屑呢班有錢人揮霍糜爛嘅生活,一邊又好嚮往可以擠入佢哋嘅inside circle。
另一方面,據講節目播出後有人起底,發現Kevin真身並唔係節目所講嘅窮人,而係身家過千萬嘅有錢仔;而喺Gossip Girl結局,原來Dan居然就係gossip girl本尊(唔好怪我劇透,套劇都播完差唔多十年了),觀眾一樣係俾呢兩個故事嘅敍述者玩到氹氹轉。
節目仲有好多笑點,例如班有錢人搵咗個薩滿(可以簡單理解為巫師)嚟療癒情傷,大家喺沙灘圍住個火堆好認真聽佢又唸咒又感應咁,本身我都諗住睇下薩滿會講啲咩靈性說話,點知薩滿突然合埋眼話:「精靈幫我download佢嘅file去我個作業系統。」我大笑到懷疑隔籬屋都聽到。
總括嚟講,Bling Empire都係一個幾有娛樂性嘅消閒節目,但講到真人show究竟有幾真,其實由我哋撳個play掣嗰刻已經唔需要再問,大家都係想要片刻娛樂而已。
=============
新開Patreon有獨家小說連載及雜文,三本已出版小說足本重溫:
https://www.patreon.com/chanfan
MeWe:https://mewe.com/p/chanfanwriting
IG:https://www.instagram.com/annoyingchan
FB: 陳煩
同時也有1部Youtube影片,追蹤數超過4萬的網紅李根興 Edwin商舖創業及投資分享,也在其Youtube影片中提到,人棄我取,量力而為 - 2019年第4季《盛滙商舖增值基金》推介會 錄影時間: 2019年11月29日(星期五)下午1時10分 上環利街 我最近用咗二千萬買咗後面綠色招牌呢間舖。 唔好講平定貴,here are some facts: 這個係差餉物業估價署由1997年起編製的各類型物業嘅指...
帝皇地產好唔好 在 無神論者的巴別塔 Facebook 的最讚貼文
【大嶼皇帝本紀(四)明日大嶼:香港空前絕後的遷都計劃】
之前一連三篇一直提出,所有反對明日大嶼人士嘅問題,就係成日都孤注一擲作為反對填海嘅最強論點:咁作為共產黨好簡單,只需要令成個計劃唔超支,又或者斬件上檯令市民感覺上有利可圖,咁反對聲音就會減滅大半──於是香港我哋家有限公司主席王兟就撲出黎提出眾籌分擔政府開支成本,完全將董建華套老舊基建方案比下去。
即使目前政府無話全盤接收王兟建議,但已就公私合營大開綠燈,咁剩番落黎嘅問題就只剩番:憑空起一個人工島點會值錢?王兟計劃眾籌成千億邊有發展商咁蠢會落搭?
呢樣嘢我地可以由紅色資本早排響香港不停投地開始講起。眾所周知,中共而家對香港就係實行殖民換血策略,其中一個手段就係搶哂香港啲黃金地段,將傳統華資地產商邊緣化。
後來佢地發現,咁樣做好無效率之餘,華資地產商本身囤地嘅數量係就算佢地停止投地幾十年,都一樣可以響土地供應上面扮演舉足輕重嘅角色。而更加唔駛講嘅就係因為內地經濟放緩,好多紅色鉅企接連爆煲,又或者要將資金調去其他地方救火,所以搞搞下,你又發現紅資搶地熱潮比起幾年前冷卻咗唔少。
但咁樣並唔代表中共經已放棄紅色資本搶地計劃,只不過與其同有大把地揸手嘅四大地產商競爭,點解唔索性填海起個新城市出黎?而家政府就響度呃大家話明日大嶼主要係愛黎起公屋,然後就有班傻西走去附和「起完啲公屋夠50萬人住,咪就係比呢十年申請黎香港嘅大陸人住哂囉!」
當你以為明日大嶼會係第二個天水圍?人地經已打算成為第二個中環。
喂而家明日大嶼講緊嘅配套係用高鐵連結大灣區,人地大陸人落黎香港直頭唔駛驚羅湖皇崗過關,而係直入人工島入境;作為典範,響人工島落成一刻,成個政治總部、立法會同高等法院就會集體搬哂入去;各大中資鉅企自然都會將總部設響島上面;島上大部份起成高密度商業區兼中上產住宅,再加部份公屋養住班為有錢人服務嘅基層。
跟住我想問,任何響中環、西九呢啲商業區攞住哂啲甲級寫字樓,仲有乜嘢意思?中資如果可以一舉控制香港新首都,相比起黎幾千億又算得係乜嘢?到時四大地產商大量拋售囤地套現,香港高地價政策亦可正式宣佈玩完,唔計大量中產跳樓燒炭,香港人人有平樓住,都未嘗唔係一件好事。
聽落好似好理想,但問題仲有一個,就係香港對中央究竟有乜取態。明日大嶼提出當日,香港仲未有反送中抗爭,中共可能仍然對於香港嘅獨特性有所期待。但而家蒼天已死,國安當立,香港特殊價值消失,中共可能索性將香港矮化成一個邊緣城市;中產爭相賣樓移民、外商撤資,亦可能令興建新首都嘅重要性大減。
但政治一日都嫌長,明日大嶼要正式動工,起碼仲要幾年時間進行各式各樣嘅前期工作,如果到時中共態度有變,王兟嘅眾籌計劃就可以立刻上馬,到時一戰功成令香港建新都,佢作為大嶼皇帝自然名留千古,響各大報章刊登嘅頭版廣告費,自然係濕濕碎了。
https://www.patreon.com/posts/da-yu-huang-di-46605151
帝皇地產好唔好 在 無神論者的巴別塔 Facebook 的最佳貼文
大嶼皇帝王兟提出全港市民一人一股成立起動明日大嶼基金,不花政府一分錢就能完成填海計劃;後期甚至提到如果政府以發行公債形式再注入「全體香港人合資有限公司」,就能夠每年分得300億年息,真係要幾瘋狂有幾瘋狂。然而所有針對王兟計劃可行性嘅抨擊,個方向全部都係錯哂。
其中一個代表性例子,就係文章水平一向低劣嘅《眾新聞》刊登嘅一篇文章〈明日大嶼公私營合作:問題總比解答多〉。作者關間聞響文章入面不斷質疑,王兟提倡嘅每個市民供股一萬嘅可行性問題,又質問持股市民是否擁有股東權力、政府需否包底──根本完全捉錯哂成個計劃嘅重心。
事實上好多計劃由概念去到實行,通常都已改到面目全非,我地真正需要留意嘅應該係計劃嘅中心思想係邊幾樣:
一、以公私合營方式取代政府單獨出資,呢樣嘢最近已獲得政府正面回應;
二、以明日大嶼土地權益引誘發展商落搭。只要政府響呢方面開綠燈,剩番落黎就只係利益交換多少嘅問題。無錯,成個明日大嶼嘅開支一定係天價,因為佢係包括哂填海、交通網絡舖設、水電煤基礎設施、醫院消防局差館學校呢啲公營建築物──咪睇下邊幾樣由政府承包番囉。
三、所謂全港市民每人派一股只係綽頭,你可以當呢啲股份只有分紅權而無表決權。其實當日政府推明日大嶼果陣,都有諗過推定息債券,比班中產每人買幾手,人人有息收,大嶼皇帝只不過將呢個概念轉為每位市民無成本擁有一手可轉讓認股權,用Crypto概念就係Airdrop啲糖果比你,無成本係因為佢係宣傳嘅一種,你信個計劃會賺倒錢,咪自己dup錢認購,甚至收購股權;你唔信嘅亦可以拎去市面拋售,個重點都係為咗炒熱個市,人人有錢賺亦只為爭取民意支持。
四、大嶼皇帝大雞唔食細米,一般市民只佔極小股本,真真正正想吸引資金落搭嘅,始終係大型發展商。同大家計一計盤數:成個明日大嶼填海計劃而家姚松炎、本土研究社果堆都係吹緊一萬億,當中有五千億係填海工程,另外五千億就係人工島上面嘅各種基建。
王兟而家就係打算用人工島完成哂所有工程後嘅土地作為期貨,要大孖沙注資認投:測量師工會預計將來七成土地作為公營房屋,三成作為私人用途,拍賣出黎嘅總額都可達1萬1千億。我保守啲計,改為七成土地作私人用途,預注資嘅發展商籌旗5000億換取呢批私人土地使用權,咁即係等如填海開支由發展商全數認投,政府再出另外5000億作為其他基建工程,咁對公眾解釋嘅時候就容易接受得多(因為就算用棕地、農地發展,一樣係要起呢啲公共基建)。
五、仲有一樣我係同意王兟所講,就係如果明日大嶼真係落實推行,而家地產商同班地主鄉黑一直Hold住嘅囤積土地,一定急急腳響填海完成前推出,變相增加短期土地供應。所以相比起明日大嶼係咪真Work,比班囤地撚覺得可能會Work係更加重要。
講到呢度,好似好理想係咪?但點解班發展商會願意買個荒島嘅地?大幅增加土地供應的話,一個無雷公咁遠嘅大嶼人工島地價又有乜可能炒得起?呢個就係因為好多人唔明,明日大嶼唔單止係一個Cap水計劃,仲係要將中環果班華資地產商一網打盡嘅遷都計劃,大嶼皇帝,係真係要響人工島稱帝──一切留待下回分解。
https://www.patreon.com/posts/46495480
帝皇地產好唔好 在 李根興 Edwin商舖創業及投資分享 Youtube 的最佳貼文
人棄我取,量力而為 - 2019年第4季《盛滙商舖增值基金》推介會
錄影時間: 2019年11月29日(星期五)下午1時10分 上環利街
我最近用咗二千萬買咗後面綠色招牌呢間舖。 唔好講平定貴,here are some facts:
這個係差餉物業估價署由1997年起編製的各類型物業嘅指數,以1999年為100做基數, 最新報告截至2019年5月份, 啱啱好係社運前, 過去22年, 工廈其實升得最多,升咗8.3倍。因為你記得工廠北移,工廈以前係無人要。
商舖同寫字樓,升咗大約5倍。 住宅升得最少,因為一向貴,其實只係升咗3倍。
2014年9月份開始佔中, 如果你以嗰陣時為基數計, 去到今次社運前,4年零8個月時間,住宅升得最多,升咗53%, 工廈排第二,升咗36%, 寫字樓都升咗26%。
商舖則大幅跑輸大市,只係11%。 減埋double stamp duty 8.5%,經紀來回佣金2%, 同1%手續費,即係等於無升過。
爸爸教我,樂觀時不要太樂觀。 2013年舖市最瘋狂嘅時候, 我已經係《東周刊》專欄話, 「你身邊係咪有個神仙? 」 因為上帝要你滅亡,必先令你瘋狂。 嗰陣時嘅舖市,真係個個瘋狂。 依家市場上所有嘅蝕讓,都係12/13/14年嘅時候買入。 好似我後面呢間禧利街14號嘅舖, 嗰陣時業主索價4000萬都未必肯賣, 前兩日我就用二千萬買咗。無咗一半。
我爸爸都教我,悲觀時也不要太悲觀。 香港始終地少人多,地產有價。 最緊要知道自己做緊乜。 如果政府嘅商舖指數同期升咗11%,反而我哋用平咗5成嘅價入貨, 兼且手上已經有租客洽租, 我相信錯極有個譜。
未來世界係點冇人知, 但係投資嘅市場長遠要贏嘅都係「人棄我取,量力而為」。襯今個星期市況平靜啲,2019年第四季我哋會集資3000萬港幣,低位買舖。基金投資三百萬起。
有興趣以低位撈舖來分散風險,了解更多我哋基金過往的投資回報,條款及未來舖市的預測,可以來我們12月4日,6日,或10日 lunch time 係中環新世界大廈office 嘅商舖基金推介會。 詳情喺度, 證監會要求,只適合持有八百萬以上流動資產(非物業)人士或公司參與。
巴菲特話「別人貪婪時我恐懼,別人恐懼時我貪婪」。人棄我取,量力而為。希望到時見到你。
《盛滙商舖增值基金》推介會:
日期: 2019年12月4日(星期四)、6日(五)或10日(二)
時間: 下午1時至2時半
地點: 中環皇后大道中大16至18號新世界大廈1502-03室
登記:
每場限約十位,免費,包簡單午餐。
只適合持有八百萬以上流動資產(非物業)人士或公司參與
報名方法:
電話: (852) 2830 1111 (Suki/Monica)
電郵: cs@bwfund.com
Whatsapp: (852) 9218 5223
#商舖基金推介會, #人棄我取
![post-title](https://i.ytimg.com/vi/FL4vIYKfH1E/hqdefault.jpg)
帝皇地產好唔好 在 胡志明市收租回報逾6厘有乜因素睇好當地樓市? - YouTube 的推薦與評價
![影片讀取中](/images/youtube.png)
唔好 錯過由 帝皇地產 舉辦嘅「全港首個最大越南胡志明市物業投資博覽會」喇!雲集頂尖越南發展商樓盤,提供唔同價位既物業,由上車盤到豪宅都有, ... ... <看更多>
帝皇地產好唔好 在 外國樓買家權益關注組 - Facebook 的推薦與評價
呢d公司到今日都仲未執笠就知有幾多人做左水魚 我地都盡左力提醒大家條路自己揀,仆街唔好喊 ... FMI 嗰條馬拉老食水好深, 帝皇地產都係馬拉老都係食水應該是Noble ... <看更多>