《 寒戰 · 第689集 》
上亞厘畢道，G4特工分成三人一小組，由警務處（行動組）副處長李文彬帶隊，响禮賓府外圍佈防。
禮賓府花園，烽煙四起……
CY滿頭大汗， 廉記老頂白揾七笨（ “白揾”是複姓，好似司徒夾帶、 夏蕙BB）在旁替他抹汗。
「 你老母吖，養狗咬自己春袋。」CY 怒氣沖天，將條腸轉嚟轉去，「 我當時點吩咐你㗎。」
白搵7笨口震震，「 萬歲爺，奴才記得……你話…… 你話順我者娼、逆我者亡……」
「 咁嗰個臭四仲咬住我唔放？」
「 我……我……已經迫到佢自動被辭職。」
CY拎起一條滾熱辣嘅香腸想食嗰陣， 差啲辣親口唇。
白搵7笨馬上陪笑:「 萬歲爺， 等我同你吹下條腸先……」
「狗奴才！」CY一臉不屑。
「 萬歲爺，世衛話唔好食咁多香腸煙肉，」白搵7一邊吹，一邊獻媚，「有毒㗎！」
「毒得過共產黨？ 吹你就吹喇，啲口水唔好整濕我條腸呀！」
白搵7低頭猛吹 :「話事話，萬歲爺，點解你去沙灘夾完垃圾嗰一支鉗，仲帶返嚟燒嘢食嘅？」
「環保呢味嘢，你識條鐵咩？」CY 飲一啖燕京，「做得我呢個位，一定要應節。」
「萬歲爺，下次燒烤不如轉食海鮮，我買啲龍蝦過嚟。」 白搵7將條腸塞入CY個口。
「龍蝦？我見到龍蝦都想嘔呀，仆街！」
「微臣罪該萬死！罪該萬死！ 望皇上恕罪！」
「恕你老母，你同我醒醒定定，遲啲周潤發如果用特權法查我，你準備墊屍底都得啦……」
這個時候，上亞厘畢道人聲鼎沸，大約有二三千人聚集，在禮賓府外高喊口號。
" Hugely Cunning ! "
" Hugely Cunning ! "
人群中，站在最前揮動拳頭的，是綽號老狐狸的 Chairman 。
震天的呼喊聲，傳到西環都能清楚聽得見。
「 曉明，你看著辦……」電話筒的另一邊，傳來一句捲舌的北京話。
張主任收起平日在記者面前的笑容，徐徐脫下他的金絲眼鏡，輕力放在案上。
他雙手放在背後， 緩步行到窗邊，臉色凝重。
望著漆黑的西環海面， 曉明心裏知道， 寒戰，一觸即發……
李懂媽
