【一連七集,第五】哈佛知識分享: Trade-offs 如何「取捨」?
你要取得更多,就要捨棄更多。「取捨」is tough, but you have to do it!
股神巴菲特 Warren Buffett 有句名言好影響我:
"The difference between successful people and really successful people is that really successful people say no to almost everything.‘’
成功及非常成功嘅人分別就係非常成功嘅人對絕大部分事情都係 say No.
識我嘅朋友都知道,我經常講:「我乜都唔識、乜都唔買! 我只買幾千萬以下香港嘅街舖。 我唔買樓、唔買工廈、唔買商廈、唔買農地、唔買車位/骨灰龕位、唔買大灣區、英國樓、非洲農地、 火星月球。 全部都唔買,送畀我都唔要。Again … 我只買港幣五六千萬以下香港的街舖仔。 香港有十萬間,買十世我都買唔晒! 呢世我只想買一千間。」
哈佛大學教授 Michael Porter 亦講過: “Strategy is making trade-offs in competing. The essence of strategy is choosing what not to do."
策略就係要以「取捨」去競爭。 策略嘅精髓就係要知道唔做乜!
上一集講過,何謂一個好嘅策略 Good Strategy? 教授 Michael Porter 話要經得起五個 Tests:
A distinctive value proposition 獨特的價值主張
A tailored value chain 度身訂造的企業價值鏈
Trade-offs different from rivals 同競爭對手不同的「取捨」
Fit across value chain 成條企業價值鏈的活動要配合
Continuity over time 持續性、持續性,不能一時一樣
今集同你講第(3) Trade-offs different from rivals 要贏,就要有同競爭對手不同的「取捨」。
What are trade-offs?
"Trade-offs are the strategic equivalent of a fork in the road. If you take one path, you cannot simultaneously take the other." by Michael Porter
「取捨就好似去咗一個交叉路口咁, 你只可以二選其一,唔可以兩條路都行晒。」
做生意,唔係多啲,就好啲。 多啲產品、 多啲服務、多啲客戶, 唔代表你就係好啲。 因為你營業額可能多咗三成, 但利潤反而可能無咗一半。 咁我就情願營業額細啲,利潤多一倍好過。 記住一開始嘅時候我話 Michael Porter 講過:
"Competition is not about being the BEST, not about MARKET SHARE. Competition is about being UNIQUE, about earning PROFITS" by Michael Porter
競爭唔係要做到最好,最大嘅市佔率。競爭係要做到最獨特,同埋賺到錢,長遠地賺錢。
幾年前我講過,香港週街都係髮廊,但點解有間特別唔同?
video …
QB House (Quick Barber) 就係做咗好多「取捨」 trade-offs , 好多嘢唔做,但反而吸引咗一班想「快、靚、正」 ,但又唔想求求其其、 污糟邋遢剪個頭髮嘅繁忙上班一族, most likely 男士們、三四五十歲左近。10 minutes, just cut!
QB House 專注培訓、建立系統,令呢班目標顧客群由原本一兩三個月先剪個頭髮,而家一兩三個星期就去剪轉一轉。 剪快咗、剪多咗,就令QB House 同佢嘅髮型師雖然做少咗嘢,但反而收入及利潤上升。This is what I call "trade-offs", LESS IS MORE!
就係因為 QB House 嘅 Trades-offs 同一般髮廊嘅競爭對手唔同,當初首創新嘅經營模式係日本做到最獨特, 亦都解釋咗點解佢1996年由東京一間開始, 短短幾年間就能夠開到全球幾百間分店,2018年仲係東京証交所主板上市, 依家市值近20億港幣。 雖然有好多人想抄佢,QB House 嘅專注,佢 make 嘅 trade-offs 至今依然令佢每年生意額都上升,到今日都保持住係「速剪」行業嘅領導地位。
我成日都話,「當你乜都做,等如你乜都唔做!」 …. 因為你無樣嘢做得好、無樣嘢做得專。When you please everybody, you please nobody. 做生意要「取捨」,唔放手,唔會得到更多。
可能你會覺得 Just-Cut, QB House 都做咗啦。 做髮廊仲可以點變? 根據 Michael Porter,大把方法變。 最緊要就係,唔係人做你做。Your trade-offs have to be different from your rivals, then you have a strategy.
你嘅「取捨」要同你競爭對手唔同,咁你就有好策略。人哋 Just-Cut, 咁你可唔可以 Just Perm 電髮? Just Color 染髮? Just Blow Dry 吹頭?
唉! Just Blow Dry? 美國加州有間咁嘅髮廊 …
佢就好似係 QB House 嘅翻版,但係 No Cuts No Color, Just Blowouts. 齋吹頭! 美金$40,45分鐘時間,班目標顧客群,即係長頭髮嘅二三四五十歲女士們, 就可以 enjoy 喺個輕鬆嘅環境洗下頭、按下頭、吹下頭、飲杯 champagne、聽下音樂、Relax 下,就有個清神爽利嘅頭見人!
因為做得夠專,懂得運用 Michael Porter 所指嘅 trade-offs ,同一般髮廊競爭對手唔同嘅 trade-offs, 好多女士就個個禮拜去幫襯,relax relax 下。2010年由美國加州第一間店開始, 十年間,全美開超過一百間分店, 擁有超過5000個髮型師, 每次美金$40,每個月幫緊20萬個客人吹頭。 淨係吹頭,依家營業額每年超過一億美金。
全球最大嘅傢俬公司,IKEA, 又係另一個Michael Porter 所指 Trade-Offs 嘅典型例子。佢由產品設計 (自己裝嵌)、產品種類 (簡單得來又多幾樣選擇)、 自己推住架車嘅購物模式、至到客戶服務 (間舖頭永遠唔易搵到人幫手,人客自己搞掂,慳番啲成本,換取平啲價錢),到最後排隊畀錢、自己包裝、抬件貨返屋企 …. 如果唔係送貨要額外收費 (無得免費)。IKEA 成條嘅企業價值鏈 value chain 都係同其他一般嘅傢俬公司好唔同,有好唔同嘅 Trade-offs 取捨。
IKEA 嘅「取捨」,就能夠吸引咗一班 “with a thin wallet" 想價錢平,但又想 good design, 唔介意自己辛苦做多啲, 工餘時間,甚至乎自己花成日裝嵌埋嘅顧客。IKEA 明白佢唔會 serve 晒所有人。 我以前係美國讀大學、 或者啱啱出嚟 New York 做嘢,都好鍾意去 IKEA 買嘢,因為平! 而家? 叫我花成日嵌件傢俬,睬你都傻! I was an IKEA Customer, but not anymore! It's OK, you cannot please everybody! 做生意就係個「取捨」! 賺到錢就得啦。
美國最賺錢嘅航空公司 Southwest Airlines 西南航空都係一樣,No first class, No meals, No assigned seats, No baggage transfer, No planes other than Boeing 737s, No International Flight … so on and so forth.
無頭等、無飛機餐、無預設定座位、無行李轉運 、除咗波音737乜嘢客機都無、無國際航線。 仲有好多都比一般其他航空公司無。
但就係因為「冇」, 運動複雜程度及成本下降,Southwest 就可以專注做以下幾樣嘢特別好,就係「平」、「快」、「準時」、員工做得開心自然服務態度更好。其他乜都無, 但未必個個客人都啱!
於是 Southwest 有個好出名嘅 "Pen Pal" 故事,就有位乘客 Mrs. Crabapple, 經常好唔滿意 Southwest Airlines 乜都冇,無頭等、無飛機餐、無預設定座位、無行李轉運等等等等, 經常寫信去 Southwest 投訴,呢個「筆友」"Pen Pal" 個個客戶服務部同事都怕咗佢, 寫完又寫, 回覆左又寫,投訴完又投訴。 直至客戶服務 部嘅同事們都冇計, 叫當時嘅CEO/創辦人 Herb Kelleher 回覆。佢點寫? 真人真事! 60秒內,佢回覆:
“Dear Mrs. Crabapple. We will miss you. Love, Herb." 即係話,請佢走, 唔好再返來!
聽落好似好搞笑,但Michael Porter 話呢個係一個典型嘅 trade-offs 例子,you cannot please everyone. 記住,一開始嘅時候,我講過:
"Strategy is making trade-offs in competing. The essence of strategy is choosing what not to do." by Michael Porter.
策略就係要以「取捨」去競爭。 取捨嘅精髓就係要知道唔做乜!
"When you try to offer something for everybody, you tend to relax the trade-offs that underpin your competitive advantage." by Michael Porter.
當您嘗試做曬所有嘢去服務每一個人,你嘅「取捨」就會減少, 同時亦都會減少你嘅競爭優勢。
善用 Trade-offs 「取捨」去增強自己競爭力嘅機會隨處都係,爭在你願唔願意「放手」,先能夠取得「更多」。
包括我自己在內, 如果我乜嘢地產項目都投資,有賺錢就買, 甚至乎集資錢多地盤都搞埋, 我只係一個三四流嘅地產發展商。 我點同新鴻基/恒基/長實打呢? 但我專注幾千萬以下嘅香港街舖,我就係一個一流嘅商舖基金公司, 全香港人, 包括所有大嘅地產發展商,係街舖買賣都唔會夠我來。 社運/肺炎後,全香港買賣舖無人夠我哋多,呢個係事實!
"Trade-offs are choices that make strategies sustainable because they are not easy to match or to neutralize." by Michael Porter.
「取捨」會令到策略更有持續性,因為競爭對手 好難去複製或抵消你嘅優勢。特別是你嘅 first mover advantage 先行者優勢。
我係香港第一個商舖基金,就永遠都係香港第一個商舖基金。只我哋專注,未來幾十年,我知道係香港嘅街舖,無人會動搖到我哋嘅領導地位。
即是有人入嚟炒,Michael Porter 話新入嚟嘅 「模仿者」好多時都只係做 Straddling 跨騎, 即係好似「一腳踏兩船」咁, 自己本身嘅本業又做,商舖又做,結果兩邊都做唔「專」。
就係因為有自信我先咁講。因為好似今集一開始咁講,根據 Michael Porter 嘅 "Trade-offs different from rivals", 我哋係放棄咗好多嘅嘢,同競爭對手大大唔同,先能夠建立到我哋今日係香港街舖嘅領導地位。 只要我哋專注,我哋嘅基金投資者會賺錢! I know it. 但如果有一日,我開始搞工廈、搞商廈、搞地盤、搞英國樓、搞埋茶餐廳、 補習社 、 酒樓、酒店等, 就係投資者應該攞錢走嘅時候! 乜都做,就開始等如乜都唔做!
你呢? What are your trade-offs? 你的「取捨」同競爭對手有咩唔同呢? 抑或人做你做,人客想要乜,你就俾佢乜呢?
There is no problem with that! 第一集一開始我就話,99%嘅公司都係咁,養家活兒可能好多年都冇問題, 但根據 Michael Porter,你只係停留係第二個 S - Sustaining 持續緊嘅階段。 做好多年,搵到食,但可能仍然冇人識你,無突破。Survive, Sustain, 但要去到第三個 S, Succeed, I mean Super Successful 好似一支箭咁標上去,等如以上 QB House, DryBar, IKEA, Southwest Airlines 咁,你就要有 strategy 策略。 你嘅「取捨」trade-offs 要同競爭對手截然不同。
李小龍嘅名言,亦都係掛喺我公司office嘅唯一名言: "I fear not the man who has practiced 10,000 kicks once, but I fear the man who has practiced one kick 10,000 times."
李小龍唔怕嗰啲踢過一萬種唔同腳法嘅人。但佢怕嗰啲踢過一種腳法一萬次嘅人。 你嘅腳法又點呢? 有興趣一齊研究下點做? 聽多啲 Michael Porter,就來我星期六嘅早餐會啦! 下集我再同你講 (4) Fit across value chain 成條企業價值鏈的活動,如何配合去增強你的競爭優勢?
。。。。。
My hobby 《星期六早餐會》!
九/十月份早餐會 Topic: Applying "Michael Porter" to your business: How to compete and win!
哈佛分享: 如何應用「米高波特」於你盤生意? 點競爭? 點贏?
講起哈佛策略教授, 無人出名過 Michael Porter. 有幸我2017年在哈佛親身上過他教的課程, 今次早餐會同你分享,希望對你做生意亦有所啟發。
有興趣參加啦 😃 每次限四位 (包括我)。 人多傾唔到計。
9月份,逢星期六早上9時開始,約三小時。地點中環。
對象: 中小企老闆/創業者/公司管理層,連我限4位。
有興趣參加的話,請 whatsapp 你的名片給 Suki (我助手) (+852) 5566 1335。
我唔係靠呢行搵食,免費,我請食早餐 😉 Be friends ..... 有機會到時見你。李根興 Edwin
www.edwinlee.com.hk
www.bwfund.com
聯絡李根興 whatsapp (+852) 90361143
#michael_porter #競爭策略
同時也有107部Youtube影片,追蹤數超過3萬的網紅Brian Cha Motivation,也在其Youtube影片中提到,做銷售嘅時候,有冇成日聽到呢啲說話? ⠀⠀⠀ ?? 冇呢個需要 ?? 要問家人意見 ?? 要再考慮一下 ?? 不如下個月再買 ?? 可唔可以平啲? ⠀⠀⠀ 如果有的話,這個銷售方式應該出好大問題... ? ⠀⠀⠀ https://www.briancha.me/usm-live ⠀⠀⠀ 因為你喺度「...
「平啲」的推薦目錄:
- 關於平啲 在 Facebook 的精選貼文
- 關於平啲 在 RunHotel.hk,專注酒店情報和旅遊資訊 Facebook 的最佳解答
- 關於平啲 在 MeetHK.com 旅遊情報網 Facebook 的最佳解答
- 關於平啲 在 Brian Cha Motivation Youtube 的精選貼文
- 關於平啲 在 麗英 LaiYing Youtube 的最佳解答
- 關於平啲 在 李根興 Edwin商舖創業及投資分享 Youtube 的最佳解答
- 關於平啲 在 娛樂新聞|《食平D》肥媽教你一雞十吃 - YouTube 的評價
- 關於平啲 在 食平啲 的評價
- 關於平啲 在 自己煮飯真係平啲咩? - 港澳日常板 的評價
- 關於平啲 在 甜蜜愛戀顏值爆表/棉花糖牛軋糖-肥媽超簡DIY食好 ... 的評價
平啲 在 RunHotel.hk,專注酒店情報和旅遊資訊 Facebook 的最佳解答
近期越來越多 Staycation 快閃,真係睇到花多眼亂,所以簡單快速同大家做個 Update :
▶️西貢 WM 新酒店,房價 HK$2,459 起入住豪華海景露台客房,包雙人早餐、雙人下午茶套餐及免費泊車!
結語:呢間酒店好多人都想訂,星期五早上 10 點有快閃,仲要係海景同埋有露台既房,想訂既話就 Mark 實。
https://www.runhotel.hk/wm-hotel
▶️九龍海逸君綽酒店快閃,房價 $1,500 起入住海景房,包自助早餐、下午茶、黃昏無限暢飲及 $1,000 餐飲消費額。
結語:係幾抵,可惜只限星期一至四入住,無星期五六,$1,000 蚊唔夠兩個人食自助晚餐,要補錢,唔想俾多 $1 蚊出黎食平啲可以去水雲間,咁成個 Staycation 就好抵。
https://www.runhotel.hk/Kowloon-Harbour-Grand-flash
▶️維港凱悅尚萃酒店有史諾比主題房,二人房價 HK$2,398起入住史諾比主題標準客房,包雙人自助晚餐及自助早餐、歎史諾比二人甜點套餐、送禮品包!
結語:Snoopy 係幾可愛既,無論係咪 Snoopy Fans 入到房都會好開心,叫做較為罕有既主題房,Book 黎氹吓女朋友開心唔錯。
https://www.runhotel.hk/hyatt-centric-snoopy
▶️瑞吉酒店訂兩間豪華客房,第二間即享半價優惠
結語:想約埋朋友,又或同父母去Staycation,需要訂兩間房,St. Regis 今期最平,快閃期間訂再送額外餐飲消費額。
https://www.runhotel.hk/st.regis-flash
▶️香港康得思酒店「零」房價
結語:Cordis 餐廳多,房價變左 Dining credit 之後好多餐廳可以用,不過星期六已滿,星期日至五入住仲有,用文章既連結去訂,入住時送紅酒一支
https://www.runhotel.hk/cordis-sales2
▶️逸東酒店快閃,房價 HK$899 起,包自助早餐、滋味套餐、Terrible Baby HK$100 餐飲消費額、免費房內飲品,仲有得睇埋英超直播。
結語:今次優惠需於下午 6 點或之後 Check-in,翌日可延遲至下午 6 點 Check-out,岩晒返工先去 Checkin 都唔洗蝕左半日。
https://www.runhotel.hk/eaton-flash
▶️The Upper House 奕居,二人房價 HK$2,585 起入住Studio 80 豪華房、連雙人早餐、免費享用 Maxi-Bar。
結語:訂定 12月、下年 1 月住房價最平。
https://www.runhotel.hk/upperhouse
▶️六國酒店房價 HK$1,150 起,包早餐及粵軒 8 道菜晚餐
結語:9月29日6pm 前要打去酒店訂先有。粵軒真係一間禾稈冚珍珠既中菜廳,其實水準好高,今次呢個價晚餐有佛跳牆、焗蟹蓋、招牌蜜汁叉燒,所以好推介大家一試。
https://www.runhotel.hk/Gloucester-Luk-Kwok-flash
百樂酒店住宿計劃二人房價 HK$1,961(連服務費後 HK$2,158)起,連續兩晚入住豪華客房,包雙人自助晚餐、兩餐雙人早餐及雙人下午茶,食足 4 餐!
結語:酒店番新左客房,所以而家既房好新淨,酒店自助晚餐以「鮑魚盛燕海鮮」為主題,提供多款以鮑魚及燕窩入饌美食。
https://www.runhotel.hk/park-hotel
暫時同大家 Update 住咁多先...... 收到其它酒店減價消息再出 Post 報料
平啲 在 MeetHK.com 旅遊情報網 Facebook 的最佳解答
海景房歎自助晚餐+自助早餐+下午小點+黃昏雞尾酒,一晚連服務費$1,870起!轉食四道菜晚餐兼享三重升級歎圓形浴缸都係$1,936咋!
詳情:https://meethk.net/3f1bNeZ
預訂網址:https://meethk.net/3nXw0HN
又再平咗!港島海逸君綽酒店三個餐飲住宿package任揀!升級入住豪華海景客房,享自助晚餐+自助早餐+下午小點+黃昏雞尾酒,連服務費$1,870起!送埋iiJin Hyra-X隨意貼急救面膜一盒(價值$590) 以及IIJIN $100禮劵!想食好啲可以揀Le 188四道菜晚餐,仲免費三重升級至尊貴海㬌客房,有圓形浴缸,連服務費$1,936起!鐘意坐定定慢慢食嘅話,可以揀君綽軒鮑參翅晚膳,平啲㖭!
平啲 在 Brian Cha Motivation Youtube 的精選貼文
做銷售嘅時候,有冇成日聽到呢啲說話?
⠀⠀⠀
?? 冇呢個需要
?? 要問家人意見
?? 要再考慮一下
?? 不如下個月再買
?? 可唔可以平啲?
⠀⠀⠀
如果有的話,這個銷售方式應該出好大問題... ?
⠀⠀⠀
https://www.briancha.me/usm-live
⠀⠀⠀
因為你喺度「Sell · 緊 · 客」!
客戶,其實係唔鍾意俾人sell嘅...
佢哋鍾意 “自己 Sell 自己”
佢哋最鍾意講一句:「我覺得啱就會買。」
⠀⠀⠀
其實又啱㗎喎...
因為你自己買嘢都係咁樣,
唔鍾意俾人逼你買嘢,
你覺得啱自然就會買,
唔鍾意個sales講咁多嘢...
⠀⠀⠀
但係當個客係已經喺你面前,
你都要講啲嘢,做啲野,係咪?
咁究竟講啲乜嘢先唔算係sell客,
而最後個客又覺得...
自己應該去買你嘅產品呢?
喺呢度三言兩語解釋唔到俾你聽...
所以我特別拍左條片關於《5 大銷售秘訣》
⠀⠀⠀
想學的話你可以按以下連結,便可以免費學到?
⠀⠀⠀
https://www.briancha.me/usm-live
⠀⠀⠀
無論係做銷售嘅,或者係靠銷售團隊搵生意嘅老闆,
呢個方法非常啱用!
⠀⠀⠀
P.S. 記得要睇到尾,因為我會教你點樣令你銷售額喺 60 日內 Double!千祈唔好錯過!
⠀⠀⠀
#BCM #briancha #motivation #success #business #mentality #mindset #coaching #consulting #usmlive #usm #unlimitedsalesmachine #live #event #sales #team #life #motivational #onlineevent #goals #Legend #impact #entrepreneur #sme #strategy #leader #leadership #entrepreneurship #management
.
.
.
Brian Cha 車志健是一位擁有超強影響力的人物,以及亞洲其中一位最著名的演講家。Brian 創辦商業顧問事業,其學員遍佈全球 30 多個國家和地區,每月接觸人數超過 5 百萬人次。
►Facebook : https://www.facebook.com/BrianChaMotivation
►Instagram : https://www.instagram.com/brian_cha/
►Website : http://www.brianchamotivation.com/
►Linkedin : https://www.linkedin.com/in/brianchamotivation
►Podcast : https://www.briancha.com/podcast-links
►Email : support@brianchamotivation.com
![post-title](https://i.ytimg.com/vi/2mAKHEcng4s/hqdefault.jpg)
平啲 在 麗英 LaiYing Youtube 的最佳解答
Hello 各位小薯茄!!《矮妹正傳》係我喺2021年第一首嘅派台歌~!係因為我真係好想幫矮妹!發!聲!呀!??
我哋成日買衫又唔啱Size,褲又要改短褲腳,個頭又要成日畀班高人當扶手咁樣...... 所以呢首歌就係畀我哋呢一班身受其害嘅矮妹一齊圍爐取暖嘅!雖然矮真係有諸多不便,但我都係幾開心嘅,因為生得矮都會經歷一啲高人冇嘅好處~A_A ((好似買童裝又可以平啲
所以無論你幾矮都好都要識得欣賞自己~希望你哋鍾意呢首歌啦!!
#矮妹正傳 #麗英 #Laiying
監製:Vito Ko
主唱:麗英
作曲:麗英
填詞:Krince Mak
編曲:Franky Cheng
混音:Henry Cheng
錄音:Henry Cheng
錄音室:FYS Studio Production
矮得得 仍是滿分
矮得很 憑我高度張三呎睡床跟我極襯
矮得好 誰也當寶
矮先好 行到邊度都總有巨人想照料細路
誰又要鈣質贏在有氣質
唯獨靠身高 唔係太得
身高差夠四十 oppa先會抱實
頭被你晾手從未會撤走
長六呎身軀成日顫抖
撞凹天花邊有人救~
一米五亦畀多我
卻永遠後生無從識破
高腰褲亦畀多我
怎麼穿衣都似做錯
嗰啲catwalk model全部太難攀
若是現實日日望實點睇得慣
細粒 似我 才會驚嘆
英姐褲腳 就係長
英姐搵嘢 用凳仔
你班怪獸無用阻我唱
誰又要鈣質 贏在有氣質
從未覺缺失從未怕黑
我身軀太細路 心胸廣闊夠做
時代在變更誰亦要更真
除掉那高踭才是最真
這位矮妹不作陪襯~
一米五亦畀多我
卻永遠後生無從識破
高腰褲亦畀多我
怎麼穿衣都似做錯
我明㗎,我影相都係排第一行
使乜理其他人吖
呢個世界仲有好多矮人陪住你
矮都可以拍拖;矮仔多計
矮多⋯⋯褸死象
你係最正㗎!
不需再高
的骰更好
得我望到
枱底至寶
高姿態無謂我怕太虛無
不需進補
King size更糟
假使着草
匿得最好
鬧市走失想你望到
一米五亦畀多我
卻永遠後生無從識破
高腰褲亦畀多我
怎麼穿衣都似做錯
身高我絕不失禮
矮妹正傳寫一世
-------------------------------------------
睇完記得Like,Share,同埋「訂閱」我同小薯茄呀!
麗英Facebook page:
https://www.facebook.com/laiyingdesu
IG @laiyingdesu:
https://www.instagram.com/laiyingdesu
小薯茄 Facebook page:
https://www.facebook.com/pomatohk
IG @pomatohk:
https://www.instagram.com/pomatohk
![post-title](https://i.ytimg.com/vi/_OYtCeZsGBk/hqdefault.jpg?sqp=-oaymwEbCKgBEF5IVfKriqkDDggBFQAAiEIYAXABwAEG&rs=AOn4CLAzAOsLk9cXf34UuaZBTuPa1Ilzwg)
平啲 在 李根興 Edwin商舖創業及投資分享 Youtube 的最佳解答
【做生意 - 寧做第一、莫做更佳】如何定位 positioning?
大家記唔記得,邊個人係第二個踏上月球? 邊個人係中國第二個太空人? 唔記住? 我都唔知。 我只記得美國岩士唐及中國楊利偉係第一人。
Why? 做生意同樣道理。做生意,positioning (定位) 好重要。 好嘅 positioning,唔單止要比行家做得更好,而是要比行家做到「第一」。
「第一」嘅意思是「第一個」。"Be the first in a category, not just better." 如果你唔係個 category (類別)嘅第一個,就從新定義一個新嘅 category,做到第一個。
後面係我沙咀道新租客「鋿晶館」, 佢點心的確好好味。 短短開業一兩個月,Openrice 就已經好多笑臉,街坊不斷回頭幫襯。
但得罪講句,我覺得從 positioning (定位)角度,係辛苦錢。 因為佢樣樣嘢都好係味啲,啱街坊口味,但冇一樣嘢係「第一個」,因此價錢唔收得貴。 呢番說話我都有同佢講, 佢容許我同你分享。
如果我係佢, 除了好味以外, 我會推出啲香港首創嘅點心經營模式。例如,大大件字係門口寫住:
- 香港首間拳頭咁大個的蝦餃/燒賣店,或者成米長嘅腸粉/油炸鬼店,咁客人打咭放上網都吸引啲,又或者:
- 香港首間只用十分一份量味精 的點心專門店,因為唔用太無味,大家不如做個老實人。又或者:
- 香港首間立食嘅點心店,5分鐘上菜承諾,廿分鐘內埋單九折。收平啲,但用料更靚, 翻枱速度可以加快好多。
.... Whatever it is, 可能你覺得以上好白痴,總之 my point is 唔單只要做更好,而是要做行內重新定義 New Category 的第一個,咁傳媒報導嘅吸引力,網上打咭,人哋記得你及慕名而來嘅機會率都大好多。
老實說,如果我只係一個普通商舖投資,即使我投資回報高過人,你唔會識我, 我身家仲要差大地產發展商十九條街。 但我,李根興,係香港首間證監會持牌嘅商舖基金創辦人,你一定記得。個個傳媒都搵我,行過條街好多人都認得我,點解? 因為我開咗個新地產 category 叫「商舖基金」,一開咗,我永遠都係你哋心中的第一個, 無人能夠代替。 但投資回報好啲或者點心整得好味啲, 聽日馬上可能有人叻過我。
你做生意都要記住,唔單止要比行家做得更好,而是要比行家創造一個新的 category 做到「第一個」,咁人哋呢世都記得你。 記得就自然會特登會嚟幫襯你,到時價錢就自然可以收貴啲。
無人會記得邊個係第二個上月球或者中國第二個太空人。
點都好,佢兩公婆好有心做,你有時間就來試下佢哋巧手點心啦! 起碼係「平靚正」過人! ?
鋿晶館嘅阿正、Janice 加油!
#鋿晶館 (點心/燉湯專門店)
網址: https://s.openrice.com/QrbS0dgCA00~uCaz-Ag
地址: 荃灣沙咀道130號地舖
電話: 23828292
#生意定位
![post-title](https://i.ytimg.com/vi/l7HZmCBOddM/hqdefault.jpg)
平啲 在 食平啲 的推薦與評價
食平啲, Hong Kong. 1192 likes · 2 talking about this · 4 were here. 優質食材不等於需要高消費~ 我們專業團隊盡全力為大家搜羅世界各地優質. ... <看更多>
平啲 在 自己煮飯真係平啲咩? - 港澳日常板 的推薦與評價
自己煮飯真係平啲咩? 港澳日常. 2022年8月29日02:27. 呢排開始自己煮飯但而家買餸都覺得好貴日頭又要返工冇辦法去街市買去超級市場點都會貴少少計落其實我食返平價兩 ... ... <看更多>
平啲 在 娛樂新聞|《食平D》肥媽教你一雞十吃 - YouTube 的推薦與評價
娛樂新聞|《食 平D 》肥媽教你一雞十吃(此片段來自娛樂新聞台) ❤ 訂閱訂起來➔ https://bit.ly/2TSYLXo 即時娛樂新聞▻http://bit.ly/2RQsX3D ... ... <看更多>