關於 平行心間沙田 ，我們在網路上蒐集到這些相關的討論、資訊與評價

【老鬼成日諗起UA沙田】

每次行過Movie Town，講真疫情前唔知呢幅草地做乜，人流唔多、疫情後簡直好似鬼城咁，可能原意係想做一個好chill嘅感覺，或者咁大諗頭會喺度搞首映？開幕初期係有搞過一兩場，但好似同草地冇乜關，而呢個位日曬雨淋，呢排行過更覺有少少詭異。

值得一讚係Movie Town唔係求求其其「執二攤」就算（即係「後UA沙田」得兩個院，真係重新搞過間戲院，但總會諗返起呢個位嘅UA沙田、有12個院果陣嘅UA沙田，仲未有網上售票嘅年代。

當然，都有期望，如果某個平行時空成功到，UA沙田IMAX會唔會做到香港第一家真IMAX？

每當大時大節、暑假等等，個票房堅係會打曬蛇餅，場面超熱鬧，記憶中遇上《午夜凶鈴》，有好大隻貞子嘅反白眼喺度，行過都心驚驚。果時同屋企人睇乜戲已經唔記得，只記得《午夜凶鈴》幾乎場場爆滿，仲未變成恐怖片迷嘅我，心諗乜你班哥哥姐姐咁大膽... 😂

當年《午夜凶鈴》狂收千幾萬破盡紀錄，呢個年頭幾日已經可以千幾萬，戲飛貴咗幾多倍？

又，早排終於試咗Movie Town個Onyx院，感覺上果部係咪大電視嚟，入場見唔到白色銀幕係咩玩法😂

老人家懷緬完畢。

📣即訂Patreon加強版，閱讀更多精選深度獨家電影文章：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【IG請follow】www.instagram.com/travelerwithmovie

2019年6月19日寫的。
———————————
【N95之味】

其實只有臭味。
來自自己把口的臭味。
可以咁講，如果不是戴了口罩，從來冇諗過自己把口原來咁臭。
應該是踏入千禧後才有戴口罩的體驗。
2003年，戴在沙士蔓延時。那段日子，首次感到自己條命除了賤，仲好脆弱——每一天返工前，都有種隨時冇命返屋企的預感；為了避免自己瀨嘢，一定戴口罩，但那時候戴的不是N95，而只是那種一面白色一面藍色，診所醫生姑娘常用的類型。
那一年，大步檻過。
2014年9月28日。
記憶中，那一天很悶熱，我上了沙田道風山，不是去玩，而是工作。
站在道風山上，那個刻有「成了」的十字架下，遙望沙田，內心很平靜。平靜，是因為我還不知道，對面海的「戰爭」開始了。
落山時已近傍晚，由頭濕到落腳的我在一間士多買汽水，士多的電視機，播放著政府總部不久前的情況：差佬發射催淚彈清場。
我完全不知道怎樣形容自己那一刻的心情，只知道好想沖個涼；沖個凍水涼後，去沙田大會堂的美心皇宮同屋企人食晚飯。
期間一直睇fb，希望得到多一點資訊，愈看，愈不安，而當我把目光抽離iPhone 5屏幕、看看周圍時，看見一個很正常但又很怪異的景象：酒樓內每一張枱的食客，不是在開懷地夾餸，就是在開懷地食飯，務求盡情享受這個Blue Monday來臨前的周日晚上，而冇一個人得閒去理對面海正發生著的事——那件事，同他們無關；那班被催淚彈驅趕的人，同他們更加無關。
明明存在於同一個香港的金鐘與美心皇宮，好似變成了兩個平行時空。
你有你被暴力驅趕，我有我食得好爽。
一種頂唔順的感覺突然從體內唔知邊一忽湧出來，我拋下一句「有嘢做，走先」，便離開了美心皇宮的時空，走到沙田中心某藥房，問老闆有冇口罩賣，老闆只回了句「去金鐘吖？」，便遞來一個N95口罩；臨走時，聽到背後傳來一句：「小心啲呀。」
當我想回頭道謝，只見他已在忙於招呼幾個大陸客人。
到了中環港鐡站（本來想在金鐘站落車，但據聞那裡很混亂），還未上地面，已感到呼吸困難，而且Keep住想咳——只有Keep住咳出來，才能令喉嚨舒服一點……
我與同行友人立即戴上N95。
上了地面，霎時間不知應去哪裡；行到金鐘道，面前不遠處站著一大班差佬，一字排開，築成人牆，各人手上都拿著盾牌……我根本完全不知道他們下一步會做甚麼，只知道一點：我驚，而面前這一群本應為你服務的公僕，竟然正是我驚的理由。
由那一天開始，很多東西瓦解了。
跟一班中學同學的友誼也完結了。因為某同學一句「而家正正係買樓掃平貨好時機」以及其他幾個同學的吶喊附和，我離開了WhatsApp Group，老死不相往來。
估不到，五年後，我們再一次有機會戴上N95。
因為有五個人被認為正在暴動，差佬便動用了150枚催淚彈（另加20發布袋彈 & 數發橡膠子彈），比起五年前只用了87枚，豪爽得多，好似唔使錢咁——的而且確，唔使佢哋俾錢，俾錢的是納稅人，整件事可理解為：納稅人自行俾錢供政府買催淚彈讓差佬發射以便驅趕納稅人自己。簡稱自作孽，或攞嚟賤。
或許我那班中學同學才正確。既然世間事注定由不得我們去改變，不如專心吃喝玩樂享受生活，仲好。
但鬼叫你唔忿氣。點解唔忿氣？因為個世界唔應該係咁。

2019年6月19日寫的。
———————————
【N95之味】

其實只有臭味。
來自自己把口的臭味。
可以咁講，如果不是戴了口罩，從來冇諗過自己把口原來咁臭。
應該是踏入千禧後才有戴口罩的體驗。
2003年，戴在沙士蔓延時。那段日子，首次感到自己條命除了賤，仲好脆弱——每一天返工前，都有種隨時冇命返屋企的預感；為了避免自己瀨嘢，一定戴口罩，但那時候戴的不是N95，而只是那種一面白色一面藍色，診所醫生姑娘常用的類型。
那一年，大步檻過。
2014年9月28日。
記憶中，那一天很悶熱，我上了沙田道風山，不是去玩，而是工作。
站在道風山上，那個刻有「成了」的十字架下，遙望沙田，內心很平靜。平靜，是因為我還不知道，對面海的「戰爭」開始了。
落山時已近傍晚，由頭濕到落腳的我在一間士多買汽水，士多的電視機，播放著政府總部不久前的情況：差佬發射催淚彈清場。
我完全不知道怎樣形容自己那一刻的心情，只知道好想沖個涼；沖個凍水涼後，去沙田大會堂的美心皇宮同屋企人食晚飯。
期間一直睇fb，希望得到多一點資訊，愈看，愈不安，而當我把目光抽離iPhone 5屏幕、看看周圍時，看見一個很正常但又很怪異的景象：酒樓內每一張枱的食客，不是在開懷地夾餸，就是在開懷地食飯，務求盡情享受這個Blue Monday來臨前的周日晚上，而冇一個人得閒去理對面海正發生著的事——那件事，同他們無關；那班被催淚彈驅趕的人，同他們更加無關。
明明存在於同一個香港的金鐘與美心皇宮，好似變成了兩個平行時空。
你有你被暴力驅趕，我有我食得好爽。
一種頂唔順的感覺突然從體內唔知邊一忽湧出來，我拋下一句「有嘢做，走先」，便離開了美心皇宮的時空，走到沙田中心某藥房，問老闆有冇口罩賣，老闆只回了句「去金鐘吖？」，便遞來一個N95口罩；臨走時，聽到背後傳來一句：「小心啲呀。」
當我想回頭道謝，只見他已在忙於招呼幾個大陸客人。
到了中環港鐡站（本來想在金鐘站落車，但據聞那裡很混亂），還未上地面，已感到呼吸困難，而且Keep住想咳——只有Keep住咳出來，才能令喉嚨舒服一點……
我與同行友人立即戴上N95。
上了地面，霎時間不知應去哪裡；行到金鐘道，面前不遠處站著一大班差佬，一字排開，築成人牆，各人手上都拿著盾牌……我根本完全不知道他們下一步會做甚麼，只知道一點：我驚，而面前這一群本應為你服務的公僕，竟然正是我驚的理由。
由那一天開始，很多東西瓦解了。
跟一班中學同學的友誼也完結了。因為某同學一句「而家正正係買樓掃平貨好時機」以及其他幾個同學的吶喊附和，我離開了WhatsApp Group，老死不相往來。
估不到，五年後，我們再一次有機會戴上N95。
因為有五個人被認為正在暴動，差佬便動用了150枚催淚彈（另加20發布袋彈 & 數發橡膠子彈），比起五年前只用了87枚，豪爽得多，好似唔使錢咁——的而且確，唔使佢哋俾錢，俾錢的是納稅人，整件事可理解為：納稅人自行俾錢供政府買催淚彈讓差佬發射以便驅趕納稅人自己。簡稱自作孽，或攞嚟賤。
或許我那班中學同學才正確。既然世間事注定由不得我們去改變，不如專心吃喝玩樂享受生活，仲好。
但鬼叫你唔忿氣。點解唔忿氣？因為個世界唔應該係咁。