Question 1

幸福里的故事維基龔成 在Facebook 的評價

Accepted Answer

【龔成問答信箱】（Q21581-Q21600）Q21581：你好，龔sir ,有啲迷惘，想請教下；由於疫情持續、生意收入大減一半、現在每個月收入勉強只能養活一家四口、已經沒有額外金錢作投資...手頭上有三份保險，大人那兩份供了10年及小朋友的只供了兩年....我諗緊應唔應該cut 左份保單....用來供股又好、其他投資也好....現在保險變成好似每個月的消耗品、好大負擔⋯⋯兩公婆以前沒有考慮周長便買左，一供便供了10 年....小朋友成長，開去只會越來越多，生意不滯下、開始愈來愈擔心希望老師能夠比小小意見或方向，屋企得我一個人搵錢。開始感到有壓力龔成老師︰其實保險主要係用來防守，透過當中保障，去將你的人生風險分左比保險公司。因此，保險你係要買的，但只要買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。但用來做財富增值，效率就不算太理想。你要先了解翻，你保險係保障，還是儲蓄類。如果係保障，我建議保留。因為你取消左，唔一定可以用以往條件買翻。如果係儲蓄類，又就供完，我建議你供埋佢較好。若你覺得保險供款，對你造成好大壓力。你可以了解翻你持有保單，有無短期停供的方法。如果有，你可以考慮短期停供，去減輕你生活壓力，詳細你可以向保險公司了解。另外，你要記住我地投資，永遠都係先做好防守，才會去進攻。記住，成個財富增值，係一個全面和長線計劃，當中包括考慮你家庭開支、生意、和其他投資項目等。現時你收入受疫情影響，資金應優先處理好日常生活部份，再預留半年開支，作應急錢。你唔好急住去投資，要先處理好家庭。之後，就係你生意部份。最後再有餘力，才用優質股去增值。總之，你唔好操之過急。你要明白，一盤生意做得好，回報係會比投資優質股大。所以，我會建議將生意，放在較前位置去考慮。現時疫情造成的經濟問題，相信只會係中短期，長線會重回正軌。只要你保持正面心態，事情就會自然變好，加油。------------------------------------------------Q21582：老師早晨！我是投資新手，2月頭開始接觸股票。入手了1137（$15），0175（$25）和3690（$396）。不幸地入手不久後就開始跌。由於第一次接觸股票即失利，心情十分徬徨！究竟應該止蝕離場還是堅守？而它們的前景又如何？求老師你為我指點指點。龔成老師︰投資前，做好估值去避免買貴貨，係重要。但當你已入貨（不論買平左，定貴左），其實你都唔應該太睇重買入價。因為當你買入一隻股票之後，你是否繼續持有，關鍵位應該係企業質素、前景。買入價，已變成一個心理因素。這3隻股票都有質素，有長線投資價值。吉利（0175）無問題，但美團（3690）架業務係較新，不確定性都高，持有無問題，但不建議太多，同時要明白股價上落較大。而香港電視（1137）則有兩點都存有風險的。第一，佢都會依靠人的因素，王維基成為了公司最值錢的資產，佢的想法好多，有生意頭腦，但我對這類太依靠個人的企業，不建議太過大注。另外，這企業現時搞網購，有增長力的，但同時存有一定的未知數。。佢多年來不斷在燒銀紙，雖然佢的業務的確增長中，並初見盈利，但長線能否維持，還需觀察。所以，這2隻股票不宜太大注。如果佢地只佔你組合很少比重，長線持有係無問題。------------------------------------------------Q21583：龔成老師，你好，我今年33歲，搵$22000一個月，我之前有短炒港股，但計返玩左咁耐，無乜點贏，宜家買左你本股票勝經，想學多啲投資知識我有買美股作長遠投資，每月會買3-4股，因為美股可一股一股買，成本低，可輕易設組合，等同月供股票咁。以下組合唯獨百度高位入左，現在跌左近30%，未知要唔要調一調倉，同埋我個組合新舊經濟都有，唔知啱唔啱，麻煩老師比少少意見，感謝感謝。股票如下；百度265 入嗶哩嗶哩 110 入愛奇藝 16.7 入ARKK 123.99入AMC 9.69 入台積電 118.55 入美國運通147 入卡夫亨氏 38.9入可口可樂 51.9 入龔成老師︰我想你先清晰2個概念，首先，我地投資股票，係希望買入一些優質企業，透過佢自然增長，達至財富增值目的。重點係長線持有隻優質股﹐唔係去做短炒，因為中短期走勢無人知。但長線持有，企業質素一定會反映在股價當中。第二，唔好覺得買入一隻股票入場費低，就係抵。我地是否買一隻股票，要從質素作考量，而唔係買入成本。若你買的是優質股，可能1手要5萬蚊，入場費係貴，但因為有質素，所以可以再升。相反，如果係劣質股，就算入場費只要$100，都可以再跌。所以，我地重點應放係「質素」上。我唔係話你1股股買美股，當係做月供儲貨的方法有問題。只係想提提你，唔好用買入成本多少，去判斷投資價值，而是要以「質素」來作判斷。你組合中股票，大致上都係有質素，可以長線持有，不過科技相關股的持股比例開始有少少多，你要注意會否出現集中風險。另外，有以下3隻，想你留意翻。愛奇藝(IQ)有質素，但現時尚在未有盈利階段，不確定性較大，不宜持有太多。AMC Entertainment Holdings(AMC.NYSE)業務主要是經營劇院，市場包括美國、多個歐洲國家、沙特阿拉伯等。質素都算有，但唔係好高。近年受疫情影響，2020年出現大幅度虧損，出現破產風險。此股有一定風險存在，投資與否，你要自己衡量。同時，你預佢中短期都會較波動，長線才會慢慢轉好。整體而言，此股只宜小注投資。百度（9888）有質素，有獨特性，長遠發展不差。佢係全球最大的中文搜索引擎「百度」的營運商，係內地用家搜尋資訊主要對口，用戶規模突破10億，百度App日活潑用戶超過2億，多個指標都處中國第一。業務上，佢擁有好強大互聯網基礎的領先AI公司。自2010年起一直投資AI以提升搜索及變現能力，並使用核心AI技術引擎「百度大腦」開發新AI業務。我睇翻一些報告：1. 佢擁有中國最多的AI專利數量以及AI專利申請數量。2. 按累計拉取請求計，百度的深度學習框架飛槳居中國深度學習框架榜首，全球排名第二，僅次於Facebook Pytorch。3. 按開發者數目計，百度開放式AI平台擁有超過數百萬名開發者，係中國最大的開放式AI平台。4.按開發者數目計，係百度雲基礎設施上運行的Baidu OSChina是中國最大的開源活動開發平台，全球排名第三。百度核心業務（唔包括愛奇藝）由AI驅動，為其貢獻超過70%的總收入，主要提供基於搜索、信息流及其他在線營銷服務，以及來自AI新領域的產品及服務。並廣泛使用AI技術開發創新營銷服務（例如動態廣告），為各搜索用戶推薦最適合的營銷客戶產品。現時佢坐擁不少資訊和客戶群，就可以利用佢地去發展很多不同業務，可以話係一個好大的優勢。佢收入不差，長遠有發展，但由於本身有相當規模，因此，未必是高速增長型。百度在規模和質素上，一定係有。但近期科網股波動，風險高左。雖然你係高位入左貨，但此股長線有增長力，只要唔係佔你組合太高比重，持有係無問題。若佔比重偏高，就最好沽少少，去平衡下個風險。------------------------------------------------Q21584：Hello ar sir！剛剛完成了你的8堂基礎班，坦白講，放工後再上3至4個鍾堂真係幾攰，不過8堂我都非常專心，至少比我以往讀書專心，哈哈。首先課程係自己揀，我亦知道內容甚至影響一生。黎緊呢個月要再重溫整合你的筆記，謝謝你既分享。雖然我唔敢講課程能夠令我馬上致富，但以下幾點對我最大影響：1. 你個句“要將數字意義化”，我覺得係精粹，意義化即係分析，分析不單能夠解讀過去，甚至預判將來。不只股票投資，工作生活等事情上同樣有幫助。2. 分散投資，考慮風險再考慮回報。3. 耐性同堅持。等機會入巿，等企業成長，有耐性同堅持既人比較大機會成功。4. 我喜歡你的正面思想及不斷吸收別人的長處為已用。我跟你一樣公屋出身，我的親友都係基層巿民，我細個就發現我d親友一d都唔蠢，至少係賭錢同出古滑上佢地係高手，但佢哋不敢訂立大目標，沒有偉大的理想，結果貧窮限制他們的發展。我覺得除了理財的書籍，我覺得你亦十分適合寫勵志書或舉辦人生規劃課程。城市生活令人壓抑，不少人多多少少都有d情緒病，精神健康欠佳或缺乏人生方向。相信你能幫到這些人。希望以上既回饋，可以比到你參考，繼續在課程內容或者你既教學範疇上更進一步。龔成老師︰無錯，就算係日常生活，好多事情我地都唔好只睇表面。要認真了解眼前資訊，在背後所代表的意義。其實好多人都有目標，知道未來想自己變成一個怎樣的人。但實行上，未必用對正確方法。特別係投資範疇，好多人希望透過投資股票致富，但認知上，都停留係大部份散戶，那種「一般人」的思維。因此，希望透過課程，灌輸一些經驗、正確投資理念和知識。希望可以幫助佢地，從「一般人」思維，跳進「有錢人」思維，從而增高成功致富機會。我好多謝你寶貴的意見，但因時間關係，相信未來一段時間內，我都會先以投資理財作主導。希望先從我專業範疇，去幫助有需要的人。但你的建議好有意思，我會認真考慮，謝謝你。加油，記得多溫書，保持進步！------------------------------------------------Q21585：你好 龔老師，之前有睇開你的理財真人SHOW，直至今年2月先開始投資股票。我經富途牛牛買股票，想學習老師講嘅長線投資 ，應該放邊幾隻或增持邊幾隻。我的資產分佈及投資未來方向可以點改善。謝謝老師25歲港股:6690.HK: 1000股 $32.86 (想沽)6993.HK: 2000股 $11.08 (想沽)2382.HK: 100股 $160.403067.HK: 600股 $17.58美股:AAPL.US: 10股 $134.30DIS.US: 5股 $188JNJ.US: 5股 $162TME.US: 40股 $19.575 (想沽)ARKX.US: 30股 $20.875 (想沽)另打算增加個別港美股1177.HK1810.HKBRK.B.US龔成老師︰當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。以你現時25歲去計，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。策略上，你應以增值為主，可以用一些「平穏增長股」和「潛力股」作目標。你現時持有股票，都係有質素，建議你長線持有。至於3隻新增目標，都可以考慮。但留意，ARK Space Exploration & Innovation ETF(ARKX)不確定較大，不宜持有太多。另外，藍月亮集團（6993）、海爾智家（6690）其實都有質素的，你都可以長線持有，只要貨不過多就得。在你衡量是否持有一隻股票時，不要著重短期的股價表現，要睇翻長期的企業價值。由於你無太多投資經驗，未必對平貴估值方法，有太深了解。建議你先用月供，去儲優質股，這樣有助你降低買貴貨風險。你每月先用5成儲蓄做月供，其餘先儲起，用一邊月供一邊儲蓄的策略。選股上，你可以投資在平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、煤氣(0003)、長建(1038)、粵海(0270)、領展(0823)。增長力較強的，可選安碩恒生科技(3067)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）。但佢地波動性和風險會較高，你要自己平衡。你現時投資經驗不多，可以先集中係平穏增長股，甚至盈富(2800)。到你有一定投資經驗﹐才慢慢加大潛力股比重，最多佔組合3-5成，視乎你當時投資經驗和了解這些股票程度而定。餘下的另一半現金，我地就等機會，當大市出現較大回調，就加大力度掃貨，然後作長線投資。------------------------------------------------Q21586：老師你好,本人現年33歲 有兩子 想用他們的利是錢投資 (約30000)應該買那隻長線股好？另外正在開始月供股票 (2000盈富) 尚有1000元可用 但銀行無3067月供。龔成老師︰小朋友儲錢方面，你可以儲盈富(2800)，佢係包括55間質素不錯上市公司股票的組合，有一定增長力。若你想增長力較高，可以儲安碩恒生科技(3067)。但此股波動性會較大，要睇翻你自已風險承受能力。基本上，以你小朋友年紀計，持有以上股票都係可以，但你明白當中風險。現價計3067無得月供，你可以每2個月自行買1手，都可以做到月供效果。但緊記，現時大市只在合理區，每月儲蓄不要盡用。要儲起部份，等大跌市時才出手。------------------------------------------------Q21587：早晨，龔sir 請問2158應現在放嗎? 係64蚊買完話跌到32，今日升返上45應該止蝕嗎龔成老師︰唔好太睇重買入價，因為當你購入一隻股票後，你是否繼續持有，關鍵位是企業質素、前景。買入價，只係一個心理因素。醫渡科技（2158）有潛力的。可長線。提供基於大數據和人工智能（AI）技術的醫療解決方案。集團主要向醫療行業的主要參與者（如醫院、製藥、生物技術及醫療設備公司、研究機構、保險公司、醫生和患者以及監管機構及政策制定者）提供服務和合作。根據大行報告，於2019年，集團收入在中國所有醫療大數據解決方案提供商中排名第一，在中國醫療大數據解決方案市場中的市場份額為5.0%。睇翻大行對佢2020-23年預測，收入和毛利增長分別為73%和83%，增長力唔錯。佢平台有一定擴張性，長遠受惠更多醫療保健客戶使用平台。不過公司客戶過度集中，以及依賴公共部門。但佢依然係在燒銀紙狀態，係一個扣分架地方。整體算係有質素，但要注意風險，投資時唔建議大注。若你現時持貨不多，無問題，作長線投資就可以。但如果佔比重較高，最好沽少少，去平衡翻個風險。------------------------------------------------Q21588：龔sir，你好!Follow咗你個page好耐，學咗好多野同埋亦深受你的鼓勵，今次係第一次pm你。我想問吓你對VR產業未來嘅睇法係點? 我認為佢嘅發展不會差於電動車，雖然現在大多只用於娛樂，但係未來在教育，醫療層面的使用相信也不少。但是距離技術成熟還有一段路。請問阿SIR如果我看好這個產業，會推薦投資哪一間公司?謝謝!龔成老師︰其實現時虛擬實境(VR)產業，除了娛樂，已應用在不少行業上，例如建設、設計、教育等方面。這種技術可塑性好高，相信不久將來，會有更多不同行業和場景，會應用到VR技術，前景是正面的。暫時我未有特別研究，唔清楚邊間企業，會較直接受惠。但你可以從不同行業，特別係已應用VR技術的行業中找尋。有邊D企業或行業，會因為VR技術，令佢本身價值或者成個營運效益有較大提升。你可以進一步研究，了解佢是否有投資價值。------------------------------------------------Q21589：龔大哥，求教 493 同9997點玩好 兩隻都炒落咁款 我想玩反彈岩唔岩？龔成老師︰我地投資股票，係希望買入一些優質企業，透過佢自然增長，達至財富增值目的。重點係長線持有優質股﹐唔係去做短炒。我地唔會去估走勢，因為中短期走勢好難估。佢可以受好多因素影響，好似資金流向、市場氣氛等等。但長線持有，企業質素一定會反映在股價當中。國美零售（0493），從過往分析，質素只是一般。企業連續出現虧損，品牌價值遠不及從前，優勢不強，雖然正加強網上網售網絡。唯一的賣點是創始人黃光裕回歸，可能帶公司變強，但發展仍有未知數，如果以這刻的業務、發展、現價，整體的投資價值唔算高。當然黃生可能帶領公司變到好唔同，但這點真的無得計。此股不宜持有太多，若你持股較多，應先沽出部份。餘下的持股，可以守。康基醫療（9997）睇翻佢的資料，佢係中國最大的國內微創外科手術器械及配件(MISIA)平台。根據資料，按銷售收入計，2019年中國MISIA市場規模達到人民幣185億元，集團在國內廠商中排名第 一，在所有廠商（包括國際和國內廠商）中排名第四，所佔市場份額為2.7%。根據資料，2019年銷量計，集團在中MISIA市場的多個細分領域，包括一次性套 管穿刺器、高分子結紮夾、第三類一次性電凝鉗以及重複性套管穿刺器和鉗中亦排名 第一。佢不是無質素，現時回調，主要係因為上市定價唔平，現時只係回調至較合理水平，但都仲有少少貴。若你持貨不多，可以守。但持貨較多的話，建議你沽出部份，去平衡個風險。------------------------------------------------Q21590：龔sir，你好。今年30，月入35000，得我一人收入，有两個小朋。太太就間唔中就買下，手上都有隻2186綠葉制藥6000幾股。佢之前放咗幾隻唔知咩股蝕咗4萬幾 而我自己就冇乜投資經驗，但都會睇你facebook同下財經新聞以及同聽身邊啲人取下經因為以前又冇乜點理財同儲錢習慣，宜家我哋就開始想學習你嘅長遠投資組合當儲蓄。 希望學習到同得到一個好嘅理財習慣。常見龔sir你都推介2800盈富基金，3067安碩恆生，1177中國生物做月供而我都有幾隻想請教阿sir你提議下可否做月供?1308海豐國際2269 藥明生物1810小米5滙豐控股2800盈富基金3067安碩恆生1177中國生物請阿sir指教月供邊隻好，月供咩組合好?同月供每隻供嘅資金分布係幾多，每月應該可抽$8000月供。最後一問太太隻2186可以放出。龔成老師︰我地做財富增值，最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。你要分析你的投資目標，你想潛力股的比例多少？平穩股的比例多少？組合風險程度如果？即是你想設計一個怎樣的投資組合？長期、優質、平衡、適合你。由於你無投資經驗，用月供會以避免左買貴貨的風險。只要你月供組合，係選對一些優質，而又適合你的股票，其實成個增值效果，已經會係唔錯。我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。你30歲，應以增值為主。你所講的月供股票，都有質素。但匯控(0005)只係收息股，增長力唔高，唔建議你用。而你組合當中，不少係潛力股類別(2269, 1810, 3067, 1177)。佢地增長力高，但同樣波動性都好大，你投資經驗不多，不宜太大注。月供配置上，你可以先用$4000供盈富(2800)，用佢作主力。再月供$1000海豐國際(1308)和其中3隻潛力股。現時大市只在合理區，除了月供$8000外，你都要額外預留一些資金，等出現大跌市時，可以動用來買平貨。至於綠葉製藥（2186），都有質素。佢主要銷售腫瘤科、心血管系統以及消化與代謝三個領域的新藥品，基本上都係有市場的，其實長遠又不是太差，只是市場有時對佢的增長力會有不同。但近年佢質素的確有少少轉弱，但相信最差時間已過，這股本身的風險較高，唔建議投資得太多。若你持股佔組合比例唔多，你可以長線持有。如果佔比重較大，就最好沽少少，去平衡個組合風險。------------------------------------------------Q21591：你好！我們一家四口，現金有$100萬，沒有自住物業。現在有2難，應否拿100萬作首期買樓？但用了便沒有餘錢投資。如果月供股票，那隻較好？龔成老師︰每個人都有自住需要，長遠最好都有一個自住居所，以免承受租金波動的影響。但由於你現時資金不多，如果買樓後，完全不能維持投資增值，就唔係咁理想。我建議你先用優質股，去累積一筆資金。之後，再去考慮買自住居所，咁會較好。(詳細方法，你可以睇我本5年買樓4步曲)月供方面，你可以選擇一些「平穩增值股」+「潛力股」作投資目標。以現時大市合理區狀況，你可以考慮用部份儲蓄，進行月供股票。你可以每月先用一半儲蓄，另一半就先儲起架策略。由於「潛力股」係需要一定經驗，如果你經驗較淺或較年長，只宜小注，大約3成左右。若你係較年青，而且已有一定經驗，你可以投資到約5成比重。餘下現金，我地就是等大跌市時，才出手掃平貨。------------------------------------------------Q21592：我每月可以儲$8500，比例上咁安排適合嗎3067，$50002800，$2000現金，$1500每月月供因為我本身係中銀月供，但中銀冇3067可月供頭先上網search過有間XX證券行有3067可月供，免存倉費，佣金收0.0675%，比其他證券行平Sir，唔好意思比較多問題，頭先上網睇過證券行同銀行比較月供股票，如果係證券行月供股票，會有風險，有機會倒閉。但銀行又月供唔到3067，只可一手手買，但銀行買，手續費貴。可否比d建議如果想供3067應該點做。龔成老師︰其實香港對金融機構監管係唔錯，證券行出問題機會，唔算好大，可以用佢作投資渠道。如果你都係覺得銀行穏陣D，安碩恒生科技（3067）你每月直接一手手買就可以，都做到月供效果。至於你資金分配上，有少少進取。以你近30歲年紀，安碩恒生科技（3067）這類潛力股，最多佔5成左右好了。若你自問投資經驗較一般，最好再調低多少少(至3-4成)，到你有經驗才重新調高。因為潛力股增長力係有，但風險同樣高，故不建議初階投資者持有過多。而預留現金比例，都可以調高翻少少。因為大市未算開始平，只係合理水平，不宜投入過大資金比重。------------------------------------------------Q21593：我用咗幾萬元買咗1653 Mos House，當初係喺1.13買入，但現時價位已跌到0.41！1. 請問呢隻股穩陣的嗎？2.你覺得是否老仟股？3.我現時已蝕了幾萬元，請問我現正是否應該放嗎？還是放住喺度先？龔成老師：MOS HOUSE（1653）於香港銷售及供應外國製瓷磚，即石英、陶質及馬賽克瓷磚。此外，亦銷售衛浴潔具（浴缸、臉盆及其他配件）。產品均由意大利及西班牙進口。企業無乜獨特性，加上近年出現虧損，而佢過往一直都唔太賺錢，整體的投資價值不高。你的買入價明顯只炒作的價，佢根本唔會值該價，現時的股價算是合理價，你等佢有反彈宜減持部分，之後再等機會賣晒。這股長線持有的價值不高。------------------------------------------------Q21594：龔成老師，上年我買左掃管笏Oma by the sea 一個471尺兩房的單位，584萬，老師覺得嗰區發展如何?會唔會有機會升到$17000，一尺?我諗住長線投資的，謝謝老師的分析和建議！龔成老師︰屯門是大型的住宅區，商業活動少。始終離市區較遠，因此樓價與市區有距離。但隨屯門港鐵通車，屯門區交通變得便利。但始終屯門跟市區有一定隔離，而掃管笏雖在屯門﹐但隔離港鐵站較遠，未能明顯受惠。因此，掃管笏升值潛力有少少，但唔會話好高。因為所有的利好因素其實已經反映左，而掃管笏各方的配套都唔會再有明顯改善。------------------------------------------------Q21595：Sir,還有一個買賣問題想請教下，如果一隻股票賺了錢，賣取一部分獲利，一部分持有，這是容易做到的。但相反買入一隻股票賠了錢，應該要怎樣做龔成老師︰你要明白一個概念，我地持有一隻股票與否，關鍵位是企業質素、前景，不要被買入價影響。因為我地買股票就是買企業，重點永遠都係企業質素。買入價，你的賺蝕，只是一個心理因素，該企業長遠的發展，才是我地是否值得持有的重點。如果企業有質素，但股價短期下跌，就不用擔心，照持有就可以。如果企業無質素，但你現時蝕錢中，繼續持有只會令你財富繼續貶值，因此要賣出。如果企業質素轉差，就有可能要減持，因為這股佔你組合的比例，未必值得太多。------------------------------------------------Q21596：龔sir 你好。有個疑問想問,本人現時已月供股票$4000 領展同盈富如果每個月還有$6000剩。咁月供日本樓收租好還是加碼月供股票好呢？thx龔成老師︰日本樓，我無特別研究，你可以從佢租金回報率和對日本樓認知度，去決定是否投資。而日本樓認知度，會是你投資的其中一個關鍵，到底你有多認識這項目?「不認識就不投資」，如果你真的已了解當地的物業市場、租務市場、法例、經濟發展，那可說是過了第一關。土地是有限資源，所以長期一定上升，但你都要分析這地方的長期土地供應。另外就是匯價如何，就算物業有穩定租金，以及樓價上升，但若然匯價不穩，都會對你的投資造成打擊，這方面不能忽視。你應該了解當地貨幣過去的變化，以及將來的強弱分析。如果你對日本樓唔係咁了解，或者回報唔算高的話，你$6000用來月供股票會較好。現時大市在合理區，每月儲蓄唔好盡用。這$6000中的$4000，建議先儲起，用來等大跌市機會。而餘下$2000，你可以因應你年紀，去決定加入邊隻股票去月供。若你係年青人，可加入一隻潛力股。如果你中年至退休人士，或者你投資取態較保守，你可以加一隻平穏增長股。------------------------------------------------Q21597：龔成老師，有一些問題很急切的想請教您：我好朋友的父親，在十幾年前某些原因，所以將部分資金轉移到他的妹妹（中銀），即我朋友姑姐的戶口。但存摺和提款卡和密碼，以及買賣股票的密碼都在她父親手上，所以十幾年來都能賣買，但她爸爸幾個月前突然離世，搞父親的遺產需要一段時間。現在已知的是父親有一個股票戶口（中銀），另外幾個儲蓄戶口，和大陸有一個定期戶口。現在能動用的資金可能就是她姑姐戶口的股票，不過，這十多年來，世伯已買入不少股票，而她初步問過銀行，整個股票戶口不能直接轉名。世伯離世後，她姑姐有說過可以繼續用她戶口買賣，但伯母對錢很擔心，很想轉回戶口的股票，又不知能否全部轉名，或者是先賣出一些比較不優質的，然後再轉名，而她們對這些又不太熟悉，又不知該問誰，所以，很想請教一下您的意見。以下是她爸爸這十多年來買的股票，以及買入價：0123 越秀 40000股    買入價：20000股1.67、20000股0.990386 中國石油化工股份 2600股   買入價；2000股7..190536 貿易通 30000股   買入價：1.960579 京能清潔能源 4000股。買入價：3.420732 信利國際 6000股   買入價：3.691171 兗州煤業 6000股   買入價：2000股11.86、4000股13.621415 高偉電子 10000股    買入價：2.11418盛諾集團 20000股      買入價：1.231508 中國再保險 3000股    買入價：2000股2.51、1000股2.49 1569民生教育 10000股      買入價：1.81618中國中治 3000股         買入價：2.32038 富智康集團 6000股    買入價：1.422369酷派集團 16000股        買入價：8000股3.79，另外8000唔知買入價2638 港燈-SS 1000股    買入價：5.23由於她爸爸之前一直都是賣出一些賺錢的股票來維持生計，而她看過以上的股票大部分都未到買入價，帳面已蝕十幾萬，想問問老師以上那些股票可賣出吐現、止賺、止蝕。以及那些是優質股票，那些值得保留，以及轉名等等。還是她可以以現價賣出，然後再用另一戶口以現價買入，這樣會不會蝕很多？她們現在很惆悵，真的很需要老師的意見，懇請老師幫忙。另外，以下是她媽媽股票戶口的股票，也是世伯幫她買的，想問問老師那些可以賣出止蝕，以及保留一些優質的股票：0005 匯豐控股 713股     買入價：買了多年，我找不到買入價0718 莎莎國際 6000股    買入價：1.730347 鞍鋼股份 5200股     買入價：8.930476 中國動力控股 10000股    買入價：找不到買入價0536 貿易通6000股   買入價：2.0300732 信利國際 4000股      買入價：3.691398工商銀行 6000股       買入價：6.151415高偉電子 10000股       買入價：4000股3.74、6000股2.991638 中國中治 4000股       買入價：2.31638佳兆業集團 2111股       買入價：3.451898中媒能源 6000股  買入價：3.252362 金川國際 6000股   買入價：1.232800盈富基金 2500股   買入價：28.12845 GX中國電車 50股    買入價：123.83067 安碩恆生科技 200股     買入價： 19.263338中國龍工 5000股    買入價：4.49她這幾個月實在很徬徨無助，所以，盼望老師能幫忙。謝謝老師。龔成老師︰全部轉名到你朋友媽媽戶口，係可以。一般用這個方法，費用會較平。但你要問翻中銀，因為每間銀行和證券行收費，都不一樣。若你打算用同時間一買一賣，去變相轉戶，都係一個方法。但變相要支付雙倍經紀佣金，而且可能買入和賣出價未必一致，會有價格波動的風險。另外，你要緊記一個投資重點。我地持有一隻股票與否，關鍵位是企業質素、前景，不要被買入價影響。因為我地買股票就是買企業。買入價，你的賺蝕，只是一個心理因素，該企業長遠的發展，才是我地是否值得持有的重點。如果企業有質素，但股價短期下跌，就不用擔心，照持有就可以。如果企業無質素，但你現時蝕錢中，繼續持有只會令你財富繼續貶值，因此要賣出。如果企業質素轉差，就有可能要減持，因為這股佔你組合的比例，未必值得太多。唔係因為佢帳面賺，就覺得佢長線一定好。唔好因為而一刻帳面蝕，就覺得此股無投資價值。記住我地係睇質素，唔係睇價位去做決定。先講你朋友爸爸戶口︰京能清潔能源（0579）、信利國際（00732）、兗州煤業股份(1171)、高偉電子（1415）、中國中冶（1618）、富智康集團（2038）質素較一般或者波動性偏高，都不宜持有太多，建議最少要減持部份。盛諾集團(1418)投資價值不高，換至其他優質股，長線會較理想。酷派集團（2369）在幾年前我已經有點怕佢，第一，玩財技，第二，2016年核數師意見為「不表示意見」，2017年為「保留意見」，反映核數師對盤數有問題，第三，非常多散戶炒這股，而散戶永遠是輸的一方，因此我對這股一直有保留，就算數年前有讀者問我都是。佢之前仲要停過牌，其中一個原因，是由於賬目問題，我見佢2018年度的核數師部分，出現「修定報告」，反映盤數有可能有小小古怪，投資價值不算高，建議沽出較好。你朋友媽媽戶口︰鞍鋼股份(0347)、信利國際（00732）、高偉電子（1415）、中國中冶（1618）、佳兆業集團(1638)、中煤能源（1898）、金川國際（2362）、中國龍工(3339)質素較一般或者波動性偏高，都不宜持有太多，建議最少要減持部份。中國動力控股(0476)佢營業額好細，而且一直處嚴重虧損狀態，暫時唔見有明顯投資價值。其餘無提及的股票，都有質素，她長線持有就可以。當中絕大部份，都係提供現金流的收息股。由於持有目的係收息，所以佢不需要太在意帳面賺蝕，只要長線持有收息，就可以了。------------------------------------------------Q21598：其實我都唔明，你隻1211，自己都計到股價貴，點解你之前唔放大部份？龔成老師：因為無人能預期股價升跌，如果我賣出，而佢股價一直唔跌，當企業價值不斷向上，我就會買唔翻，佢會由貴去翻合理。我擔心買唔翻的風險，多過股價跌的風險，我著重資產，不著重短期股價。記住，現金不是真財富，資產才是。------------------------------------------------Q21599：龔sir,請問我地應該點樣解讀股東增持，同減持嘅動作？同睇好/吾睇好企業有冇關？龔成老師：如果股東增持或減持的%好少，就不用理會，佢可能自己都要取現金，或現金多想投資。但如果%較大，就反映佢都睇好/睇淡公司，或反映現價處平/貴。這些動作，參考下好了。我地一定以「企業」作為分析的核心。------------------------------------------------Q21600：成哥，第一次膽粗粗傳訊息俾你，我只有26歲，今年我快29歲了。咁就3年，時間真不留人。當年26歲，戶口只有10萬現金，一份供梗既儲蓄保，0股票。今日，我快29歲了，戶口中有38萬現金，18萬左右港股，5萬8左右美股，總資產為60多萬港元。儲蓄保險亦供完，當然並不是一個咩大數，或者一件咩值得驕傲既事，只係隨住時月，我除左老左之外，戶口都叫隨年漸長，都係一件值得安慰既事。多謝你當年啟發左我，3年來我都係用月供股票既方式買入股票，不論港股或美股，由買入果一刻開始就無放過。結果，感恩既係我付出既時間好少，甚至我一個月先打開個股票戶口睇一次，但每次睇都會見到有賺。反而身邊短線投資既朋友，會跟住個市場買入GME丫，晚晚睇住個市，但都仲蝕梗本金。就好似我一年前既訊息所言﹕「身邊聲音煩擾，但我步伐仍舊」。講講下，好似打日記咁，多謝你繼續睇到呢度。我想問下下一步我應該點樣做，或者除左股票以外，我仲可以投資D咩去令我既資產平穩增值？收入﹕4萬多支出﹕15000港股(月供金額)﹕盈富($4000)、煤氣($1500)、港交所($1500)、領展($1500)美股(每月手動買一手，約$9000多)﹕VOO、QQQ、ARKK、SQ、MCD成哥，我相信好人有好報，多謝你詳細解答陌生人既問題。衷心祝你身體健康，生活幸福美滿。龔成老師︰我教的理財知識，只係為你提供一個指引和方向。最終能變成點樣，其實很大程度，係睇你本身所付出的努力，我純粹係助你一把。我經常講，投資一定係做長線，但其實好多人會唔明白，唔相信。因為佢地依然停留係賺差價的思維。你身體力行，去證明左長線投資價值，才是最有效的財富增值方法。希望你保持學習，令自己一直進步之餘，都用你的故事，去感染依然短炒中的朋友，幫佢地重回正軌。你現時投資組合，係可以。但緊記現時只係合理區，每月資金唔好盡用，要儲起部份。連同現有資金，一齊等大跌市機會出現，才入市掃平貨。而我地成個財富配置，係講求增長力就餘，都要有平衡性。除了優質股外，都要加入一些其他不同資產，如物業類。但由於你現時資金不多，可先用優質股增值住先。到有較多資金，可以考慮買較小型物業作跳板，最後買大屋。我本，會有較詳細解釋，你可以買黎睇下。----------------------------------------------若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

Question 2

幸福里的故事維基蔣薇 在Facebook 的評價

Accepted Answer

第七回－－起步把不能完成的東西完成，這是偉人，我不同，我只是把說過的東西完成，這只是男人應該做的。一百公里的路，以平均步速五公里來說，少說要走二十小時，但這一百公里不是平路，而是山路，加上中途不能離開，很可能我要用五十小時才能完成。回想起之前鍛煉時抽筋的情況，這次的挑戰是保存好肌肉力量，如果抽筋的話，我肯定會失敗的。「我會堅持挑戰！」我合上雙眼，幻想著這段困難的路程，調整好自己的心態。岑佩兒好好的打量了我一身，然後嘆了口氣：「你這人啊，心態是好，但為什麼你不肯動動腦子，曉如的挑戰不是想你死，那就一定有可以過關的方法啊！還是曉如清楚你，她早為你準備好東西了！白天行體力消耗得特別快，你就沒有想過在晚上開始走，反正第一段路是平路，你晚上走也沒什麼危險！然後你一天兩天走不完，不會多走兩天，在路上的營地過夜嗎？就算你分三天走，也是可以完成啊！好了，過來拿背囊吧，這是曉如要我交給你的，裡面有水、食物和露營用品！還有，這電話也是給你的，裡面有曉如的音訊，你按她的指示走吧！」岑佩兒給我遞上一個背囊和電話：「你開始了便可以打開電話，按指示聽音訊，我們能幫你的只有這樣多，少崇，你要加油！我在終點等你！」我有點愕然，因為這背囊是曉如的，裡面少說也有差不多十五公斤的重量，但我真的沒有想過要分開走和在路途中露營休息，如此的算過來，我每晚休息補充體力，慢慢的走的確很大機會完成！一天不行，兩天，兩天不行，三天，三天不行就四天好了！！！！突然我覺得一切都有可能，整個人都變得輕鬆了，接過裝備後，我放下了重覆的物品，便從北潭涌出發了。打開電話，看到背景是我和曉如的合照，這是她以前用過的電話，密碼？是她生日啊，我熟悉的按下了密碼便打開了電話，也是我和曉如的合照，電話上每天打開都看到的背景，應該是那個人最想念的東西吧。按下了第一段音訊，曉如的聲音緩緩的說話：「少崇，厲害啊，你接受了挑戰，很多人害怕失敗，逃避失敗，以為不去做便不會失敗，可惜他們卻同時失去了成功的機會，人啊，不論男女，到了一定年紀便會留在自己的舒適圈，因為太了解自己了，所以他們很易就知道什麼事行，什麼事不行，最後好聽便是權衡輕重，不好聽便是逃避，留在了舒適圈中。這一次的挑戰，無論你能完成與否，也對你是好事，我不在了，不能陪著你走，但這段路，不會少了我的，我會陪著你。為什麼這樣多的人會行山，因為在生活中太多煩事，就算在家也有做不完的事，行山不同，你只有一個目的地，你只要慢慢的走，過程中，你會有時間去思考很多東西，而人在痛苦之時，能夠想得更多，什麼喜歡，什麼不喜歡，在行山也會特別易知道。好了，先調整呼吸，背囊裡面是我為你準備的東西，應該可以讓你完成這個挑戰的，你先不用急，跟著我，我帶你一起走吧。首先，我們先慢慢的跑去東壩吧，你可以打開我的音樂，找到跑步的歌，輕輕鬆鬆的跑吧，不用急，跟著節奏就好了。少崇，我很高興，因為這段路程，就只有我們兩個，我們有多久沒有一起做一件事了？少崇，加油啊！」兩個人在一起久了，也習慣了對方的存在，老夫老妻也少了很多節目，也沒以前熱戀般的珍惜相處時間，就算一起去旅行的話，也各自有各自的東西做，玩玩手機也好，上上網也好，兩個人之間，還多了一部電話和俗事。在曉如病重時，雖然我陪伴她的時間很多，但她也很難作出回應，也不像以前一樣可以隨心的聊天，我常常安慰她，堅持治療，到時身體好了，我們再一起去不同的地方，她答應了，但我也知道，這機會太渺茫了……二人世界，對於老夫老妻來說，既是二人世界，又不是二人世界。這次的行山，的確就只有我和曉如兩個了……很久之前她有說過叫我一起行毅行者，但一來我懶，二來我真的不太明白當中的樂趣是什麼，所以我拒絕了，現在這挑戰，也總算還了她的一個心願了吧，雖然，遲了很多，人都不在了……我一邊走一邊的思考了路線規劃，如果定在三天完成的話，第一天走到大老山附近，第二天再走到大帽山，最後一天完成最後的平路應該是可行的；如果體力不支的話，便第一天走到西貢邊緣，第二天獅子山，第三天大帽山，第四天下山到元朗也是可以，但我真的不知道自己體能在這樣長的距離可以走多遠，那就以三天為目標，四天為後備吧！露營，對我來說也是第一次吧……我翻看了曉如的音樂清單，打開了第一首歌：起風了。「我曾將青春翻湧成她也曾指尖彈出盛夏心之所動 且就隨緣去吧這一路上走走停停 順著少年漂流的痕跡」 腳步放得更輕了，我呼吸著清晨帶點水氣的空氣，嗅到了草木的清香，輕輕跑動的讓我呼吸到更多新鮮的空氣。第一天上午十一點左右，我成功的到了東壩。我依照提示的打開了下一段音訊：「東壩啊，是我們第一次行山時的終點，唉，嚴格來說不算行山吧，全都是平路，但那時候的我們體力也很不濟，這段路的回程，我們坐了的士才能回去啊。那時候的行山，只是我們其中一種約會，醉翁之意不在酒啊。記不記得我們當時聊了些什麼？我們一起了十二年，說過無數的話，每句也記得，那肯定是不可能，我們太多太多的聊話家常，你會記得嗎？我只記得當時好像爭論過香港地方的位置，你知道我曾經是個路痴，連西貢在馬鞍山方向也能進都不知道，你好像說了很多地方旁邊的是什麼。你說我這樣是不行，等一下迷路了要怎麼辦，我說，有你在便行啊！我可以當個小廢物！當時大家都沒覺得什麼，只是笑了笑算，但這些年啊，有你在，我真的當了一個小廢物，總覺得有你在便會少煩很多東西，雖然你不解風情，但有你在身邊，很有安全感。有時啊，記憶不需要完全記得，真正記得的東西，在特定的時候地點便會記起，有時忘記，也不是真的忘記了，只是暫時沒記起。少崇，開始真正的行山了，加油啊！越過西灣山後記得去吃個餐蛋麵，到時你便聽下一段錄音吧！」東壩真的很漂亮，而我也要開始爬升了，第一個難關到了。行山的意義在哪？看著像是沒有盡頭的山路，一個人的走著，即使有人在身邊，我也恐怕連說話都沒有氣，只是默默的撐著走，體力情況也還好，因為只是高度三百米的西灣山，算是頭盤吧。西灣山是第一個難關，由平地上升到三百米高，雖然只有有兩三公里的路程，但滿滿都是台階。為了保留體力，我二百級左右便休息一下，斷斷續續的走了一個多小時，終於到達了山頂，看著山頂的高度牌，我征服了它了！在山頂我迎著山風，大叫了起來，嚇到了旁人，或者對很多人來說，這是很簡單的一條路，但以我這年紀，加上沒有什麼訓練的情況，真的值得高興。我突然發現了一點樂趣，原來成就對於旁人來說不值一提，但對於自己卻是天大的事了，旁人不會明白你高興、不會明白你失落的原因，為此而叫，對自己來說很值得就夠了！曉如你平日行山時的快樂，我只是從旁人的角度去看，也許聽到二百米的山不怎麼樣，用了多少時間也沒有概念是快是慢，稱讚再多，也不及走一次去感受一下來得實在。這風景，可以看到西貢的海岸線，辛苦的走上來，這風景總覺得特別的漂亮。越過西灣山後，走到西灣村那邊，因為西灣有個小食亭有曉如說的餐蛋麵，我坐在小食亭內休息，然後打開了第二段的錄音：「好不好吃啊，這餐蛋麵是我最喜歡的，有時候我甚至覺得這段路便是為了吃這個毫無特色，但卻好吃到不行的餐蛋麵。第一座山怎麼樣？痛苦吧，但你只完成了十分一不到的路程，而且還是最易的那一截，以你的體能……唉，我曾經想過不進行這個挑戰，但我又很想知道你會不會走得完，或者這段錄音永遠都不會讓你聽到，但如果你聽到的話。我只想說，痛苦，第一座山很痛，第二座山也很痛，直到最後也很痛，但痛著痛著，便會麻木了，當年我走到這裡時，我很悲觀，雖然準備了很久，但也很累了，只是十分一的路，還有十分九，我有想過放棄，只是我看到其他人也是一直走，我不好意思說不走。不放棄，不放棄，不放棄，只要一直的走，便會完成，行山的開心之處正是如此，世界上有什麼難事是你堅持就會成功？不多啊，因為太多你掌握不到的事，但行山不同，你努力便能完成，對於疲憊的城市人來說，也許這就是一種久違了的快樂吧！一步一步，踏實了，你人也踏實了！少崇，接下來的路，西灣山算不上什麼，你要朝更高的地方去走啊！看看那座山，你的目標，走吧！休息夠了，再走吧，迎接更大的目標吧！加油！」我終於明白為什麼這家餐蛋麵是如此的出名，因為在你累和餓時，吃什麼也是絕對的美食，明知那湯汁只是味精，我也將那咸咸的湯都喝光了。我想起了曉如她還在時，每次煮麵也總是落一半的湯包，她說健康一點，但永遠都是不夠味的，湯也不會讓我喝，說沒益，女人當成為了老婆後，她便成了你另一個媽媽。她不在了，我喝光了，我心中笑說：要是健康便不吃麵算了，要吃便要吃最邪惡的，妳現在管不到我，我便再次放縱了，但妳原諒我一次吧，這實在太好吃了！我忍不住！這時候我的背都幾乎是濕透了，體力幾乎都用上一半了，我心想每個毅行者都是怪物……摸著我的腿，看看時間，已經下午兩點了，我看看地圖，接下來有三個可以露營的地方，最近的是北潭坳，然後是嶂上，最遠的是水浪窩，我拍了拍我的腿，水浪窩應該不行了，看看到了北潭坳的時間如何吧，可以的便走到嶂上好了。走著走著就到，我心中不斷重覆著曉如說的話，走吧，她說的對，人生不是太多事可以努力便一定能完成，曾經的我也想著要一路晉升，當個可以被人叫出口的高官，但官場險惡，我的出身不是太好，學校也不是傳統名校，上司們第一個考慮也是跟自己同校的後輩，他們做得沒我好也有更好的機遇，這些二十多來，我就只是跳了八個薪酬級，對於平常人來說已經是不錯了，但目標，唉，早放棄了，那不是我可以觸及的高度。當我發現了這殘酷的現實時，我便沒以前有衝勁了，只想著平平穩穩的儲錢等退休，總是憧憬著退休的生活自己能夠掌控，但現在真的退休了，心中卻沒有輕鬆了，反而覺得人生更乏味了……一路上想起自己的仕途，我不禁的比之前走得快，在一小段下山坡的路，我跑了起來，我想證明我是行的，我能做到，但結果……膝蓋的內側傳來拉扯的感覺，我收慢了腳步，感覺好一點，但每次我再提速時，卻傳來更麻痺的感覺，慘了……人老了，精神在，但身體卻跟不上了，這些年來我到底把身體弄成什麼樣子了……應該是在上下階級時用錯力在膝蓋，一個多小時我走走停停，進度極為緩慢，在山路中，你不能說放棄便放棄，即使走回頭路也要走，沒有即時投降離開的選項，除非……你想動用到飛行服務隊吧……現在每上一級，我也會叫上曉如的名字，就像是台階是她的樣子，這一步一步都是她讓我走的，在旁人眼中應該像個神經病吧。有沒有可能在曉如行山時，她也會一樣叫著我的名字呢？當身邊有人離開了，我們總會突然冒出很多問題，但可以答你問題的人卻不在了，而我們卻一直在這自問自答之中得到安慰。愛得太遲在很多人心中是一首珍惜現在的歌，可是我並不是這樣想，說真的，這道理有誰不知道，只是大部份人都做不到歌中說的珍惜，誰聽過後會將每天活成最後一天的樣子去愛去珍惜？更多人是得到一絲感動後，改變了一點，過一陣之便回復正常。這是現實，但這不是錯，而是大家對於失去的觸動，跟珍惜擁有是兩個層次。梵高在生的時候，他的畫作連換一瓶酒也換不了，直到他死了，畫作被大家認識，再加上一個被埋沒的故事，讓畫更令人動容；我不是說梵高的畫不好，而是如果他有好機遇，在生時成名，那這個故事便顯得沒有如此的淒美了。想念死者，愛得太遲，一切一切都是一個在世的人自我救贖的過程罷了。曉如說得沒錯，行山時真的可以想很多事，你控制著身體緩緩前進，只有腦袋屬於自己控制的範圍，而我現在的腦海中，滿滿都是曉如……我放棄了比較遠的兩個營地，到達北潭坳營地時，我已經忍不住的坐了下來，今天晚上，我們便在這裡渡過吧。看過地圖後，我苦笑了起來，原來自己只走了五分一的路，按這路途走，看來我要花五天才能走完了，背囊中有水和食物，還有睡袋和帳篷，我拖著完成不聽使喚的腿，搭起了人生的第一個帳篷，完成後總覺得隨時有倒塌的危險，但我也不管了。晚上十點，我吃過東西和拉筋後，滿身汗臭的躺在草地上，拿出了曉如的錄音聽了起來，這是我第一天晚上要聽的錄音。「少崇晚安，不知道你走到哪裡了，希望進度還好吧，以我對你的估計，你應該花三天便可以完成吧，所以我給你錄了兩晚的聲音，在山上過夜應該是你的第一次吧，那便好好享受你這城市人從沒感受過的晚上吧。記不記得，我曾經說過想去看極光，但最終我們也去不到，因為你的工作走不開這樣長的時間，你亦覺得極光沒有什麼好看，不就是磁場所引發的自然現象吧，我懂，我都懂，我也會看維基百科好不好，但你為人就是這樣，明明一件浪漫的事卻要說得如此的無聊，你就是個冷場高手。有時候抬頭看滿月也好，我在驚嘆，你卻說每個月也會有滿月，難道你就沒有想過，凡事在表面以外，還有每個人的獨有意義嗎？毅行者比賽中，我很記得當然休息的地方是在獅子山上，應該是凌晨四點左右，我們停下休息，打算看到日出再前進，當時的月光很美，我多麼想你在我身邊陪我看這特別累，特別美的月光，可是你應該在家中睡得像一頭豬吧！！！！你這豬頭！！！！來，看看天空，你看得到月光嗎？希望你能看到吧，要是沒月光，幸運的話你也有機會看到星空，要是陰天的話……那只好說是你倒霉了！這個晚上，你應該很累了，記得拉拉筋，早點休息。以前我睡不著的時候，總會叫你說個睡前故事給我聽，當然以你的創意和幽默感，總是說一些很無聊的故事。這個晚上，如果你躺下了，那就戴上耳機，由我給你說個睡前故事吧。來，準備好沒有？『曾經有一個男人他晚上趕路，最後要在山上露宿，他找了一個自以為很安全的地方，打算休息一下便繼續上路，可是沒有露宿過的他大小看山了，在很多憑藉熱能和氣味的動物和昆蟲，也被這個外來的奇特生物所吸引，還好，他生了個火讓動物們都不敢靠近，可是他忽略了一件事，不小心睡著後沒有人添加柴火，當火焰燃盡時，昆蟲們便率先靠別了他。一條有麻繩粗的蜈蚣正向他走近，兩條觸角不停的探視著男子，另一邊青竹蛇正在吐舌靠近，然後突然一個美女出現在男子跟前，為他趕走了一切害蟲動物，這美女是他剛剛救過的免子精所化成的，為了報恩，兔子跟毒物搏鬥，最後雖然成功趕走了其他，但也因為毒而失去生命了！完！』有沒有一種熟悉的感覺！章少崇，這種故事就是你平日給我說的那些睡前故事質素了！什麼過著幸福快樂的日子，什麼壞人被好人打敗世界回復和平！還有一些說到一半你自己都悶得睡著了的斷尾故！好好感受一下你的創意是多麼『動人』吧！雖然明知道你為人又悶又無聊，但我總是想聽你說故事，那些無聊的小故事。沒有我的晚上，我會想你會不會睡得不習慣，你會不會覺得輕鬆了很多，你會不會很快便有另一個枕邊人，你會不會想我……死亡，到底是怎樣的？你聽到的時候，我已經死了，應該也知道了，如果我死了變成鬼的話，便可以在這個時候嚇你了。好了，不嚇你了，我給你唱首歡樂一點的歌吧！哈姆太郎，明天一定會更加開心的！」聽著葉曉如唱著那首跅跅步哈姆太郎，她是真心的唱得很開心，每句都讓我感到溫暖。今天晚上，沒有極光，也沒有月光，亦沒有星星，只有樹林中的蟲嗚，看來我是不走運的人。如果這晚曉如跟我一起露營的話，一定是整晚也找事做，也許在山中冒險，也許在懸崖旁看星，也許在深夜煮麵吃，也許說著笑話和鬼故，直到她累了，我才能好好靜一下。嗯，曉如你一直的病，也真的累了，現在靜下來，真的太靜了。如果妳真的變成鬼，你就壓壓我吧，讓我知道你還在，好嗎？曉如，晚安。－－－－－－－－－－－－－－－－－－－－－有興趣購買《弊傢伙，我女朋友有咗》的朋友，可以經以下連結購買：Payme, FPS, Alipay連結：https://forms.gle/UEdH32PfVD2cp5nK6掌鋪，可以使用Visa Master Card連結：https://maydreaming.boutir.com/i/WDnmnPAAA舊作《那天，我出席了一個葬禮》《同學會重遇的那個人》《南極》亦可以同時購買，有興趣的可留言式inbox查詢第八回－高峰傳送門：http://bit.ly/3szljKn未Like既，記得like一下啊

Question 3

幸福里的故事維基君子馬蘭頭 - Ivan Li 李聲揚 在Facebook 的評價

Accepted Answer

［快意江湖令狐沖，活得瀟灑許冠傑］1. 其實原本冇諗住寫，即使見到 Yickhong Lam寫咗-反正佢都講咗大部份我想講嘅嘢（https://bit.ly/2JZyZKD）。所以只係在個人Facebook寫咗幾句（即係，幾千字咁）。但今朝 陳祉俊 Christopher ChanPM我話覺得寫得好。嘩，咁就不如整理埋一篇啦（但可能整埋一篇反而失望）2. 正所謂Don’t make stupid people famous，一大堆目無尊長（我是廢老）嘅小朋友講，反而令我走去睇/聽許冠傑場show。感覺當然係唔掂，雖則歌神都七張嘢，但我見鬼佬嗰啲好似keep得好啲，表演當然係水準之下—但你話我死士都好，正係話你知歌神享福，唔使出嚟R撈，所以唔會係最好狀態。呢啲先係福氣。時時保持住戰鬥格嘅女人，好大壓力的說。有得揀都最好幸福肥3. 你講歌神唱得唔好，甚至啲歌唔好，詞唔好（呢個都有得挑剔？），通通miss the whole point。歌神係英華仔，港大畢業，中文高材生 -你估而家啲濕鳩副學士毅進仔？然後你啲中文Cret都未有嘅網友出嚟點評人地啲詞，真係茶餐廳阿叔頂住個肚腩教美斯踢波咁有喜感。歌神係無可爭議嘅歌神，從來唔係因為佢作曲填詞演出或者手結他特別叻（雖然填詞我覺得神級），甚至唔係因為佢啲歌極流行（雖然都係，但未必後無來者），或者好多歌迷（同上）。4. 歌神係神，係因為佢對廣東歌呢樣嘢嘅貢獻，甚至推遠少少，佢對成個所謂「廣東文化」，「香港身份認同」嘅貢獻。新一代講乜柒本土而去批評許冠傑，就真係搞笑。要不是歌神？你聽緊Kpop咋（其實而家都係）。呢啲種種，睇維基百科有，當然而家啲友係維基都唔睇的5. 但當然，新一代話無感，好合理。首先許冠傑嘅歌唔少係貼近民生，有人話維穩（唔通叫你去殺白皮豬？監躉局長派傳單都坐監呀），咩都好，但佢嘅歌詞係比較貼近社會—所以難免你幾十年後聽返無感。掉返轉，你唱《幻影》唱《Monica》可能幾十年都如一，我換個編曲呃你係新歌都仲得。所以本人話，都係古典音樂好，明明係幾百年前嘅巴哈，因為冇歌詞，中坑可以當Vanessa Mae（https://bit.ly/2wD6tLN），新一代可以當太鼓之達人（https://bit.ly/3cgKBos），有代入感。6. 所以，其實就係沒有誰比誰高尚。新一代無感，正常。但去批評歌神，就戇鳩。冇人叫你要好有代入感，出嚟吹奏歌神點勁。但點解就不能shut the fuck up？（而你就想叫我唔好批評新一代批評歌神）7. 但再講一次，其實無感係好正常，甚至唔使講社會變咗乜之類。網友話係阿爺嗰代，的確係。非正式統計，一個人最鍾意嘅，應該係佢十歲八歲，至到出嚟做嘢冇耐嗰期嘅歌。許冠傑退出歌壇係1992年。我就14歲，有幸小學年代都聽佢啲歌。但講緊係三十年前啦大佬。唔好話而家啲中學生。就算三十歲以下，應該係一無所知的。許冠傑個仔都仲老過我喎，咁你話佢係咪新一代嘅阿爺級先？8. 事實上最鍾意許冠傑嘅，係我老豆。而仲要係佢地讀書年代—亦都合理，家母家父六十出頭，許冠傑大佢地十年，計下係啱晒的。而我老豆老母亦都順利過度到去聽譚詠麟張國榮—去到四大天王就唔係佢地所愛了，生咗仔嘛，正所謂「文藝女青年這種病 生個孩子就好了」。正如四大天王之類，咪大我十年多啲。只係某啲原因，後來呢個咁嘅「流動性」冇咗。你見紅到去陳奕迅容祖兒嗰浸之後，就沒有然後了。拿，佢兩位就四十左右，我教書啲學生就三十幾，吻合的。但佢地一路紅到而家（算係），打後就唔知變乜了。喂，何韻詩都四張幾啦，《天使藍》都廿年啦喎9. 但又同時， Yickhong Lam提 出一個現象：會聽歐美60、70年代流行樂或搖滾樂既西方新一代，好似要比香港到今時今日會回溯70、80年代粵語流行音樂既要多。佢話唔知呢個觀察係咪真，我話係。佢話冇答案，我話答案好簡單：咪就係香港人自己都冇尊重過自己嘅流行產業咯，都話早十幾年，個個上選秀節目都唱英文日文蝗語歌，女文青全部以唔睇港片為榮。係呢幾年有政治理由，先由垃圾桶搵返個凍晒嘅condom，拎返啲變晒透明嘅精液，搽落自己度循環再用之嘛。你計老嘅，Beatles Queen之類仲老啦。但你同鬼妹（或架妹）講你鍾意，絶對冇問題，舊年都仲要拍戲出嚟J（https://bit.ly/2xpP1uo），啲精好暖，仲係白色—但香港你同人講鍾意許冠傑？下？？全世界得返我一個識唱「成條入晒眼淚水都標」？哦。10. 仲有一點，就真係live fast and die young。香港地，真係老就係罪，當然你可能搵到錢，但一定畀人咒你生仔冇屎忽（所以我唔生仔）。陰功，我見歌神畀人話覺得佢出嚟乞食—雖則佢個look的確比較頹。但，許冠傑應該十層八層（有人話係十層加八層）供滿嘅樓，大佬，你咪撚玩啦。有啲友真係以為自己放無薪假就有錢人都好唔掂。11. 許冠傑唔知邊度爆出嚟（甚至我估有新一代諗：原來仲未死？），本身亦有趣。許冠傑退出樂壇，1992年。不敢對歌神不敬，但在流行文化中，佢就好似死咗一樣—未必係壞事。佢退出，就好徹底。你冇見佢又出嚟唱下歌咁，亦不見佢去指點江山，冇上《我是歌手》，唔去《流行經典五十年》，冇幫佢個仔做宣傳，甚至戲佢都近乎冇再拍。就真係消失咗。可能真係好事，《急流勇退》，佢就真係做到咗。真係差不多高峰時自我收皮，不拖泥帶水，楢山節考咁。而許冠文都仲拍緊戲喎，就難免畀人覺得廢老阻住地球轉。你睇歌神N咁多年出嚟唱一次都要畀人鬧，證明啲新一代幾咁玻璃心。12. 真係唔係講笑，你要忘記歷史，歷史唔會忘記你嘛。許冠傑演《笑傲江湖》演令狐沖就演得好，因為真係做到金庸筆下嘅「遁入空門」。而你知，江湖腥風血雨嘛。正係因為許冠傑「死得早」，佢就永遠都係聖潔嘅。所以你見啲新一代出嚟噴一輪口水，主流（本人睇就係主流）意見都係反擊佢地。護航許冠傑嘅多，新一代亦都反正唔識就收聲，亦犯不著拎條老鹹魚出嚟鞭屍。要鞭嘅大把仲生猛有反應嘅可以鞭，鍾意姦屍嘅，可以試下打電話去取消有線。13. 《笑傲江湖》其實係乜，個名點嚟？有睇書或劇嘅應該記得，係歌嚟的。劉正風曲洋嘛，甚至可以話係成個故事嘅開始。你想退隱，但總有麻煩找上門。亦係無數咁多特工片拍續集嘅故事。14. 對比係乜？有人就有江湖啦。你講金曲之多，許冠傑其實不及倫伯張國榮，甚至不及張學友陳奕迅李克勤。計受歡迎，都可能只係阿爺級嗰班人，甚至有啲轉投咗倫伯張國榮。但許冠傑叻在，死得早嘛！如果仲在江湖，就好難獨善其身了。你上過高位就知（我冇，唔知），話急流勇退真係咁易？點解要讓個位畀你？錢固然搵夠，但我個仔呢？我個孫呢？另外，退咗落嚟，仲有啲人鍾意指點下江山咁嘛。就當你自己唔會，都有人會借你過橋。你見許冠傑一出嚟都畀人借嚟過橋啦（我相信佢並不特別要做維穩show）15. 所以，真係接近許冠傑地位嘅，其實係Beyond，黃家駒（我都算係歌迷，但都係唔好就咁叫家駒咁肉麻）。絶無半點不敬，但事後諗，黃家駒死得早真係可能係福氣。你睇Beyond打後咁多年嘅嘢，的確令人反胃。而「假如黃家駒冇死」，係一個幾好嘅自由創作題。但佢會變咗黃耀明？定係劉以達？定係BONO咁？定係劉華？都唔好咁老定。不過我估可能變埋許冠傑，話晒都街坊嘛。而如果佢變埋許冠傑，咁其實如果黃家駒變咗許冠傑，咁黃家強可能就變許懷欣，可能就冇後來嗰啲反大面呀食人血饅頭呀，「永遠高唱我歌，走騙千里」（或曰「走騙，千你」）嘅東西了。16. 結果都係寫得太長。最後講下，許冠傑嘅歌，的確反映咗當年嘅社會。甚麼《加價熱潮》《半斤八兩》好多人講過。但我更愛係《日本娃娃》（https://bit.ly/3batQeK）17. MV固然要劃出腸，紫色太陽鏡，就真係整個紫色太陽鏡出嚟。爭在我認唔到佢係咪真係跳上架TOYOTA。父權，自戀（不過係許冠傑就冇咁惡頂嘅），物化女性，仲有我地對日本妹嘅想像。嘻。當然，你係許冠傑咪真係 「1997個陣就無有駛怕，實行住原宿開間SUSHI BAR」，可以搵架妹洗衫煲湯DUM骨鏈背脊遞茶（see？當年已經粵文填詞，但人地係中文高材生）。許冠傑啲日文啦喎，照計好多新一代都好過佢，不過唔緊要，而家你一樣可以去飛田新地的。有錢嘅咪去吉原，貴啲咁咯。18. 仲有，萬惡嘅，《話之你97》（https://bit.ly/2K24weL）。呢度容許我自引舊文作結（https://bit.ly/2yTpY3f）。其實篇文講阿叻，但許冠傑只係香港另一面相。唔服？個別例子？咁我講多首歌。早少少，但一樣值得討論，就係歌神，許冠傑嘅《話知你97》，1990年嘅歌。許冠傑嘅地位形象，遠比阿叻為好，但《話知你97》表達嘅心態，同《我至叻》其實相當相似。許冠傑呢位香港之子，講嘅係「我話知你97 其實使乜驚到求神又拜佛」嘅盲目安心；係「已經預冇法走得甩（又冇Short Cut） 移民外國 亦係聽糟質」嘅無奈；係「咪匿响屋企 速速Call機 Call班知己 睇返齣無厘頭攪笑戲 卡拉OK 隊樽拔蘭地 High High地 高聲亂唱 再去旺角打機」嘅消費主義；係「明日懶鬼理 最緊要依家Happy 話知佢死」嘅今朝有酒今朝醉；係「斷估或者到咗97（實刮多筆） 人人暴發 My friend good luck」嘅金錢至上。 你睇呢一切一切，其實同《我至叻》，唔係好大分別，頂多係少咗浮誇惡俗。前途？政治？下一代？歌神冇提過啵。嗱，至少「我至叻」都仲講「示威投訴任你噏 唔係犯法點都得 基本法去昅一昅 肯定唔會俾人屈」。19. Oh, one more thing。應該冇乜人知，周潤發都演過令狐沖。但又如何？倫伯唱過TVB 《笑傲江湖》（呂頌賢版）主題曲添（https://bit.ly/2K15N5I），幾好聽的。證明都係自己選擇，冇咁多身不由己。20. 冇法唔分開兩篇，其實下一篇我會寫，許冠傑嘅電影。好似個個只係講佢啲歌。——————————————————版務：收費專欄已推出，支持埃汾高質文章。幾舊水睇三個月，一星期三篇請去呢度訂：bit.ly/2wVXndj課程編號填: CC01科咗水後後有Login及Password畀你逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。

關於 幸福里的故事維基 ，我們在網路上蒐集到這些相關的討論、資訊與評價

「幸福里的故事維基」的推薦目錄：

幸福里的故事維基 在 龔成 Facebook 的最佳貼文

About author

幸福里的故事維基 在 蔣薇 Facebook 的最讚貼文

About author

幸福里的故事維基 在 君子馬蘭頭 - Ivan Li 李聲揚 Facebook 的精選貼文

About author

幸福里的故事維基 在 志祺七七 X 圖文不符 Youtube 的最佳解答

About author

幸福里的故事維基 在 啟點文化 Youtube 的最讚貼文

About author

幸福里的故事維基 在 啟點文化 Youtube 的最佳貼文

About author

你可能也想看看

搜尋相關連結

關於幸福里的故事維基，我們在網路上蒐集到這些相關的討論、資訊與評價

幸福里的故事維基在龔成 Facebook 的最佳貼文

幸福里的故事維基在蔣薇 Facebook 的最讚貼文

幸福里的故事維基在君子馬蘭頭 - Ivan Li 李聲揚 Facebook 的精選貼文

幸福里的故事維基在志祺七七 X 圖文不符 Youtube 的最佳解答

幸福里的故事維基在啟點文化 Youtube 的最讚貼文

幸福里的故事維基在啟點文化 Youtube 的最佳貼文