定底線同著底褲一樣咁低就無得輸💪🏼
不知不覺原來2腳姐姐黎左年幾,經過一年嘅磨合,大家開始知彼此脾性,相處融洽❤️❤️
雖然大家都話新手爸媽幸運請到好姐姐,但其實新手媽都試過激到喊,又鬧到佢喊,大家都好唔開心😔😔
話說事發係新年連放嘅幾日假,當時2腳黃豆約9個月,由於食固食得唔好,新手媽特別緊張,每日都詳細寫低黃豆嘅菜譜,無奈姐姐嘅讀寫同認知都有障礙,無論寫得幾仔細,總係會睇漏、記唔到、做錯😡😡
年初三個日,新手媽交低要係晚上6點半煮好粥俾我地帶出街,但到5點9仍然未見姐姐開始煮,一問之下發現佢唔記得左,但佢實牙實齒話自己趕得切煲,結果係煲左唔夠15分鐘,啲米仲係生生地就放入保溫壺😰😰
新手媽絮絮叨叨左一輪,到左年初四,依舊詳細寫明材料步驟煲西蘭花甘筍雞肉粥,寫明 CONGEE,姐姐已經煲過無數次粥,新手媽真係無諗過因爲我寫漏左加米同加水,姐姐就真係無落,只係將雞肉西蘭花同甘筍烚熟打爛,情況就好比我教你煮焗豬扒飯,無叫你煲飯就無飯一樣😑😑
呢一次新手媽徹底崩潰,瘋狂爆鬧姐姐,但之後冷靜落黎,諗返姐姐平日其實都做得唔錯,除左同4腳毛孩相處得好好,仲好錫2腳黃豆,好肯教佢嘢同佢玩,起居生活亦照顧得周到🤔🤔
既然唔係打算炒佢,就要諗方法解決大家為黃豆準備食物嘅矛盾,個一次新手媽將底線抹走,與其我點寫姐姐都係跟唔到,與其我嘅菜式點花心思去諗,黃豆都係唔願食,不如我俾自由度姐姐鍾意煮咩就煮咩,只要事前message我材料就可以,阿仔食就食唔食就算😤😤
結果出乎意料,姐姐雖然都係煲粥為主,但就無再出現無落米呢啲蝦碌嘢,黃豆亦進步左,可以半個鐘食到一大碗粥,我亦樂得清閒唔使煩每日煮咩,簡直係3贏✌🏻️✌🏻️✌🏻️
自此新手媽明白無論對住姐姐定小朋友,都要放低無謂嘅執著,底線規矩要有,但就要靈活變通,與其框死自己,不如退一步試下其他方法,講嘅容易,做起上黎好難,一齊加油⭐️⭐️
#EQ進一步提升
#底線同底褲一樣都係好低
Search