【下集】
承上題
話說星期日落街一打𨋢門又撞到佢
我眼見架𨋢係上，我都狗衝入去
點知佢頂住左對𨋢門：「上次您無畀電話我」
我喺𨋢入面，佢喺𨋢外面
後無退路，我諗住是但啦畀電話您啦let me go!
點知我畀左佢之後佢叫我幫佢加入埋電話簿
我地繼續對峙喺𨋢內𨋢外⋯
我話我趕時間，佢話好快啫我唔識加呀！
於是我幫佢入埋電話⋯糾纏左幾分鐘
我覺得管理員應該鬧緊我hold住架𨋢
又或者以為我係藍可兒，對住𨋢外唔知講乜⋯
終於脫身離開
我以為可以告一段落⋯
點知尋日番工時間！佢打畀我
我一開始唔知係佢（我無入佢電話）
當我察覺到係佢，我已經好嚴肅話我做緊野
佢都繼續講「我加唔到您wechat呀⋯blablabla⋯」
原來我有兩個number，佢得到果個係無wechat/whatsapp
於是我話您whatsapp我啦拜拜。
我相信未完，一日我仲係佢鄰居都唔會完
如何可以懶有禮貌地ko佢？
IG: hkgirlfriend
【做傳銷既人真係好有愛心】
我諗好多女仔都遇過做傳銷既人
佢地果種無微不至既關心，猶如親切的金子
同做保險既人一樣，關心您一舉一動
死人塌樓時保險佬溫馨提您買保險
而傳銷就係您痾屎唔出訓唔著時介紹產品畀您
幸好我已經唔係生於康寶萊最豐盛既年代
不然我應該每日都有人問我買唔買減肥奶昔⋯
話說今日出去撞見同層師奶
搬入去幾年見過無十次，但每次都會hi bye講兩句
「出街呀？」「放工呀？」保安員式寒暄
今日又撞到一齊搭𨋢落街⋯
𨋢程3分鐘都無，佢不斷望住我（以為想娶我做新抱）
然後出𨋢佢問我有無化妝
而事實我今日面腫眼腫素顏（7頭皮as usual）
跟住佢就介紹隻藥畀我，食完會後生幾年
皮膚咩問題都無，身體都好左添呀！
不如我whatsapp同您傾，您幾號電話⋯
有時我傾向相信人性本善，相信別人都係真心
但真關心～假關心～
有時貼心過男朋友，溫柔過我媽既問候
我真係有點不安。
P.S 最後我話您畀電話我啦我搵您啦
但拎完就無再搵佢。希望唔會再撞到啦⋯（好似幾難）
康寶萊傳銷 在 直銷傳銷背後真相- <食用康寶萊之前先睇呢一篇> 唔少人幫襯 ... 的推薦與評價
食用康寶萊之前先睇呢一篇> 唔少人幫襯直銷賣產品, 認為"產品好用買嚟用有乜所謂?", 但當你買嘅係健康產品, sell 畀你嘅人用各種方法叫你食多啲食多啲 ... ... <看更多>