【週末好去處】日日運動身體好
#免費入場 #超放電 #體驗多種運動
曾經身為一個運動員，自然明白做運動嘅好處喇，好多媽媽都想幫小朋友培養一技之長，但又唔知點入手好，宜家機會嚟喇‼️
今日我就率先帶左阿桃🍑去到香港體育學院開放日，入面有好多攤位遊戲玩，由比較common嘅單車🚲網球🎾乒乓球🏓保齡球🎳欖球🏈甚至係輪椅劍擊都可以俾小朋友親身試玩體驗😆
阿桃仲有幸俾專業運動員捉住手教佢擊球，超級開心呀😁😁
但最令我Surprise嘅係呢度仲有4⃣項體能測試，完成測試之後可以憑成績發掘小朋友嘅運動潛能，阿桃🍑原來肌力好好，可以向d需要力量嘅運動發展💪
我地仲參加左導賞團，參觀體育學院嘅設施同配套，實在令我眼界大開👀設施專業就唔在講，就連膳食到傷患治療都有專人跟進，令到運動員可以專注訓練同準備參加國際比賽，全力為港爭光✨
同時，體育學院仲同各大中學及大專院校合作，令到在學運動員可以同時兼顧學業同運動訓練✌包括彈性嘅番學時間，額外補習時間及課堂支援，支持佢地考DSE入大學📖為未來多加一重保障👍體院仲會為運動員提供經濟支援，咁家人就可以更加放心，全力Support佢地力爭獎牌🏅
好多人都會覺得做運動員將來養唔起頭家，好唔贊成小朋友做職業運動員，但經過左今日的確令我改觀左🧒👧每個小朋友嘅潛能都唔同，家長可以發掘仔女嘅長處，加以裁培，如果真係發現小朋友有運動天份，就唔應該埋抹佢，積極參加康文署舉辦嘅兒童訓練班，為未來踏入體院鍛煉好基礎，香港運動員加油🇭🇰
如果你地有興趣參加開放日，聽日仲可以免費Walk-in，時間由上午11時至下午6時，千奇唔好錯過呀👋
#香港體育學院 #香港體育學院開放日 #假日好去處 #香港運動員 #香港加油
