幾句有關《L風暴》嘅觀後感
（睇唔睇套戲都好，可以睇睇我嘅肺腑之言）
—
首先，我係真心希望《L風暴》或者之後類似系列類型嘅電影，可以喺中國大陸收到好好嘅票房，真係拍齊二十六集我都唔介意。
—
無睇過Z同S風暴，但入場前大抵都知道《風暴》系列係大銀幕嘅《廉政行動》，而離場之後發現自己都忽略咗，原來係《廉政行動》＋《警訊》。
—
喺電影入面，兩位主角古天樂同張智霖化身為香港嘅超級英雄，任務以外有情有義，得閒會探呀婆借錢比老友交冷氣費，任務內上天下海、深入虎穴、槍戰擋車、跳樓比人狂電、精通多國語言同駕駛工具、隻揪食腦、比人拉咗入臭格都堅持做掌上壓，勇猛無匹，樣樣都齊。為嘅係啲咩？原來只係為咗搗破洗黑錢嘅中港集團，伸張正義。
—
呢種「主旋律」比香港人睇到，大概會有啲不是味兒嘅感覺，無辦法投入。因為以我哋所認識嘅警察同廉政公署，並唔係咁完美，唔貪埋一份就算你好彩，清醒嘅香港人又點會認同呢種純乎硬銷嘅主旋律呢？
—
但我諗以古仔作為主演嘅《風暴》系列，劍指嘅唔係香港，而係大陸市場，以呢個角度去睇，《L風暴》嘅存在又有好大嘅誘因同貢獻。
—
唔講官式嘅劇情住，《L風暴》一個令我驚艷嘅地方係電影運用咗大量極具實力同潛質嘅演員，每一個人都可以獨當一面，群星演出嘅情況不亞於年頭嘅《棟篤特工》，而電影亦拍到演員們有獨特嘅魅力。呢班演員可能無對白，甚至得一兩個鏡頭，又或者比人秒殺，但電影都盡可能比佢哋有上鏡嘅機會，希望佢哋嘅面孔可以比大陸市場記住，呢一個做法意義非凡。
—
而如果講主旋律之弊，再令香港唔受落都好，但我仍然睇到《L風暴》嘅風骨。某君身為香港人，有警察故事唔再拍，走去拍城管故事，呢個係身份認同嘅放棄；但《L風暴》雖然立意平實，但佢仍然係講緊香港嘅故事，頌讚緊香港嘅公職團隊。雖然中國勢力喺戲中有介入，但佢哋嘅重要性無被強調，反而係求助於香港同屬「補尾刀」之流。本位仍然係香港，祖國借鏡於香港發展嘅成熟，實有強化「一國兩制」嘅畫外音。
—
喺今時今日，就算比你拍到一套好好，兼有共鳴口碑嘅香港電影，可能票房最後都只係打個和，蝕錢嘅作品不計其數。但仍然有人願意為好嘅作品努力而唔理今時今日係賺定蝕，《L風暴》呢類戲就算係一個潤滑劑。
—
以戲論戲，《L風暴》一定唔算係好好嘅作品，甚至劇本屢有過於順理成章嘅缺點（但中國人應該對呢類爆谷片好受落），但難能可貴嘅地方在於，電影仍然堅守本位，可以推動好多有才嘅演員比同胞認識，或者真正可以賺到錢，再投資落本土有心有力但無資金嘅作品上面。呢種戲，我會投下支持嘅一票。
—
L風暴 LStorm
廉政英雄z 在 [廉政] 2016/02/05 第226集Live - 看板FTV - 批踢踢實業坊 的推薦與評價
知名旅遊公司的富豪董娘 家大業大 為什麼找不到繼承人?
今晚請鎖定收看『廉政英雄』最新單元之『誰是繼承人』！
廉政英雄第226回 家大業大 為什麼找不到繼承人?
預告連結 ： https://www.youtube.com/watch?v=PHfVfeLfUJc
【廉政英雄】播出時間
民視頻道 每週五晚間 22:15 (首播)
【廉政英雄】官網
https://program.ftv.com.tw/Drama/JusticeHeroes
【廉政英雄】Facebook
https://www.facebook.com/Justice.Heroes
--
--
※ 發信站: 批踢踢實業坊(ptt.cc), 來自: 116.87.214.234
※ 文章網址: https://www.ptt.cc/bbs/FTV/M.1454628785.A.A43.html
... <看更多>