【睇離騷幻覺前先睇離騷：讀屈原《離騷》】
#古典文學
#詩詞歌賦
#離騷幻覺
話說近排香港漫畫家江記嘅本土獨立動畫作品《離騷幻覺》搞緊Kickstarter眾籌，分八個階段進行，而家暫時成功籌到十分鐘嘅動畫成本。成套動畫80分鐘，仲有廿幾日，唔知到最後會籌到幾多錢呢？ #利申 #金已科
不過討論《離騷幻覺》之前，你知唔知離騷係咩？
就嚟端午節，一講起端午節你會諗起邊個？無錯，就係屈原。《離騷》其實就係屈原最重要嘅文學作品，係過端午節、爬龍舟、食糉之前，不如 #我地試下 #留意返 《離騷》係乜野？屈原又想講乜？
仲有一個好多人關心嘅問題，楚懷王同屈原究竟有冇 #hehe ？
▍離騷想講咩？
《離騷》就咁聽個名，就已經覺得有淡淡嘅哀愁。有人（包括江記本人:P）會照面將佢解作「離別既牢騷」，雖然意思接近，但其實個「騷」字解作「憂愁」嘅話會比較準確；而「離」字呢，可以直接解作「離別」，但亦有人認為係解作「遭受」——所以《離騷》意思就係「遭受憂愁」或者「離別嘅憂愁」——又或者「Why Not Both?」。總之，就係一首抒發屈原離愁別緒嘅詩作。
《離騷》係楚辭入面，寫得最好亦都係最出名嘅作品，佢融合左真實同虛擬——係現實嘅政治反思，同時又係充滿浪漫主義嘅幻想，可以話係一首好高技巧嘅作品。
《離騷》開頭講述屈原生平，以及佢被貶嘅過程：因為屈原堅持佢嘅政治理想，唔願意同流合污，因此被貶官並且流放。屈原嘅政治信念，基於當時既「政治現實」實在難以實現，諗極都諗唔通，於是佢開始尋求神明、仙家嘅指引，同唔同嘅神話人物辯論。正當好多人都提議屈原將就，唔好再咁固執，但屈原依然深信，為人正直皇天自有公道。
去到尾聲，思前想後之下，屈原都係發現無機會實現理想，打算遠走高飛進入天界——但係最後關頭，佢都係決定返去祖國——只有楚國，先係佢嘅一切．不過，既然心目中嘅美政達唔到，佢寧願以死殉國——屈原雖然咁寫，但當時佢並無實行。好多年之後，屈原先真係如佢係《離騷》當中所講，投江自盡，以死殉國。
▍時代背景係？
當時困擾屈原嘅問題，同好多戰國時代文人都一樣，就係 #生於亂世有種責任 。面對強大嘅秦國，屈原主張改革國內政治、強硬對抗敵人，但楚國統治者一心只想和平，不斷向秦國議和，令楚國日漸衰弱，屈原因為反對議和而被貶官、流放。佢相當失意，滿懷報國熱誠但又不被重用，於是，佢就寫左好多出色嘅文學作品出嚟抒發情懷，《離騷》就係其中之一。
《離騷》係屈原年青時候寫成嘅作品，佢當時已經表露咗佢以死明志，願意以死殉國嘅決心。到後來，楚國首都淪陷，雖然未完全滅亡，但屈原大受打擊，於是就投身汨羅江自盡。
▍楚懷王同屈原有無hehe？
唔少人都話，楚懷王同屈原兩個其實係Hehe嘅關係，並且以《離騷》作為證據。屈原係《離騷》入面大談對美女嘅追求，但又追極都追唔到。大家一般會將美女解讀為「政治理念」，認為屈原係想講自己追求心目中嘅「美政」，但又做唔到，所以好痛苦。
至於hehe解讀呢，就係認為所謂嘅美女就係講緊楚懷王。戰國時代同性戀並唔太出奇，亦相傳屈原係楚國數一數二嘅美男子。可惜，楚懷王同屈原得唔到美滿嘅結局，楚懷王早死，屈原因思念戀人而傷心過度，最終自盡……至於真相係點？就要留比大家想像了。
#屈原屈原 #屈完再屈
▍重要句子
「路漫漫其修遠兮，吾將上下而求索。飲餘馬於咸池兮，總餘轡乎扶桑。」
「國無人莫我知兮，又何懷乎故都！既莫足與爲美政兮，吾將從彭咸之所居！」
_______
大家如果對《離騷》有興趣，不妨留意埋江記嘅《離騷幻覺》。秦王追求永生、屈原執意尋死，《離騷》現實與虛擬嘅結合，引發漫畫家江家推動《離騷幻覺》動畫化計劃，佢地仲係Kickstarter集緊資，香港人緊係要支持香港動畫！香港做創意唔容易，再講自己人撐自己人就太 # cliché 了，行動最實際！
傳送門：https://www.kickstarter.com/projects/kongkee/dragons-delusion-the-animated-sci-fi-project
#利申 #無收錢 #真心撐
江記 離騷幻覺 Dragon's Delusion
============================
#DSE範文 系列：
#1【賄賂敵人只會令自己滅亡：陪你讀《六國論》】
https://goo.gl/xnpwiV
#2【想溝女定為國為民？辛棄疾《青玉案•元夕》】
https://goo.gl/mwBBty
#3【如果有得打三國無雙，蘇東坡一定會用周瑜：陪你讀《念奴嬌•赤壁懷古》】
https://goo.gl/sNNxWV
#4【如何情緒勒索你老細：諸葛亮《出師表》】
https://goo.gl/dsxGXM
#5【面對無恥強敵，弱國只能強硬應對：陪你讀《廉頗藺相如列傳》】
https://goo.gl/3Pjvz4
#6 【寧為玉碎，不為瓦全：陪你讀《魚我所欲也》】
https://goo.gl/KtqE4i
#7【「佛系」生活態度嘅始祖：陪你讀《莊子．逍遙遊》】
https://goo.gl/odKZgh
============================
"Oh Readly?" - Flip a page everyday.
#一班鐘意睇書又想荼毒大家睇書嘅90後
#多多指教
============================
有文學野想分享？
歡迎各位Reader Inbox我地😉
