啊～～ 謝謝 方以文 睇電視喇喂 的邀請，讓大家對神婆有多點認識呢💙
[方以文問兩句][ViuTV][詭探][楊偲泳]
各位觀眾，神婆嚟喇~ 如果話《詭探》今個星期結局之後，我最唔捨得嘅角色，一定有神婆份。自從神婆聽咗嗰個醫院打嚟嘅電話流咗第一滴眼淚之後，包括我在內嘅唔少觀眾都被 楊偲泳 Renci Yeung 收伏咗，想繼續睇佢表演。到底Renci佢點睇今次演神婆呢個經歷呢？
佢同Thor一樣又係飛咗去第二度做嘢，喺忙到傻嘅工作當中抽時間答我問題，好感動呀。
--------------------
問：我同埋好多觀眾都鍾意神婆呢個角色呀，你自己又鍾唔鍾意呢？
答：當然好鍾意啦！ 神婆不修邊幅嘅性格同我平時都幾似，最重要係慳返唔少梳化時間哈哈哈哈。如果我係神婆嘅朋友都會忍唔住恰佢，整蠱佢。
--------------------
問：點樣去準備神婆呢個角色？
答：學咗少少塔羅技術，去咗廟街睇下人哋真正嘅神婆會點講嘢、動靜、肢體動作等等。上網同睇書都學咗一啲迷信嘅習慣，對星座、生肖多咗啲熟悉。
--------------------
問：神婆傻傻哋，似唔似你？
答：應該調返轉係我似神婆，傻傻哋又亂衝，成日好似遊雲咁，不斷發呆，活係自己嘅世界哈哈。都幾開心吖！
--------------------
問：聽電話嗰場戲好正喎，呢場戲你自己滿唔滿意呢？
答：仲有好多不足，好怕大家怕節奏太慢，不過真係好開心聽到大家都喜歡，我會再畀十萬分心機下次再做好啲！
--------------------
問：同阿Thor夾難唔難？定同子豐難夾啲？
答：基本上全部都夾得好好，因為大家都玩到好熟，由《Se7en》到《詭探》，大家已經變咗兄弟咁。
按：Renci喺《Se7en》都係貫徹佢遊魂嘅特點。
--------------------
問：之前你喺Joman訪問個post度留言話Joman好好人。你有冇喺佢度偷師呀？（Joman訪問條link喺comment度）
答：當！然！有！ 佢好靚又有愛心，好錫我地每一個，而且同我一樣咁傻嘻嘻。 每次拍之前大家都會坐低傾吓應該點做先好，我有唔明亦會主動問佢，每個場口都夾到熟哂先會拍。
--------------------
問：主持、演員、model，對你嚟講邊個job nature易掌握啲？你又鍾意邊個多啲？
答：一直都冇做model嘅天份，人地又高又瘦，我會好自卑（哭）。而且本身說話技巧又笨，做主持會好緊張。 我嘅心願係成為一個有感染力嘅演員，宜家仲係bb班學習緊，仲有好多嘢要學啊！
--------------------
問：嚟緊有咩新搞作呀？
答：嚟緊都會喺其他平台有唔同嘅劇集演出，早兩星期參與咗香港電台嘅拍攝，飾演一個同性戀者，好緊張啊，好想快啲睇到。
--------------------
按：神婆做喊戲真係好出色，希望佢愈來愈進步，做其他戲都一樣咁好睇。大家有冇睇JW同坤哥首合唱歌《原來只因深愛著》呀，有Renci演出呀~~ 睇嘢呢度 >>> https://www.youtube.com/watch?v=F-7k3q_v7sA
#方以文問兩句 #楊偲泳 #ViuTV #詭探
