如欲取得更佳閱讀效果,請瀏覽網誌之連結
.
《條女很清楚收兵好過嫁人》
https://www.youtube.com/watch?v=OWt-7KDemnk
.
呢首歌我相信唔需要多作介紹,大家都係知道係咩黎。
.
事先聲明,其實成首歌並唔係我一個人寫哂,當中亦歸功不少創意無限既高登巴打(可能有絲打掛),亦要感謝子如巴打主唱,以及用心極速製作MV既巴打們。
.
由於寫 呢首歌個CHORUS之時正正係小弟脫離兵役之時,所以根本就唔預計首歌會有咁大迴響,不但上左網典,佔左最神級二次創作選舉既一席位,去年更加有BOARDGAME以同名推出一個體驗女神兵仔既遊戲,影響後世之深,事前根本無諗過,猶幸首歌受網民歡迎,所以小弟個朵都叫做有d巴打認識。
.
延伸閱讀:
.
香港網絡大典 – 《條女很清楚收兵好過嫁人》
http://evchk.wikia.com/…/%E6%A2%9D%E5%A5%B3%E5%BE%88%E6%B8%…
.
香港網絡大典 – 最神級二次創作選舉
http://evchk.wikia.com/…/%E6%9C%80%E7%A5%9E%E7%B4%9A%E7%9A%…
.
《 條女很清楚收兵好過嫁人 》 港版Board Game 30分鐘體驗當兵感覺
http://sina.com.hk/…/%E6%A2%9D%E5%A5%B3%E5%BE%88%E6%B8%85%E…
.
.
好喇,消費完首歌,係時候講返正題。到底有d咩因素,令一首膠歌/口水歌容易令人記住,一記就記你幾年呢?
.
我寫《條女很清楚…》之時,同過一個女仔發生左d唔開心既事,總之某程度上就係覺得佢成日同我好close但事實上佢又唔係對我有feel,想行埋d就被拒絕之類,從心態上出發,當時既心情寫呢首歌,正好適合。
.
.
條女很清楚收兵好過嫁人 真的身份不過女神
只要女神未夠開心 便集齊萬馬千軍
好聽D佢當係熟人 衰D講係用黎犧牲
落力辛勞過 亦不能步近
.
一首歌成功之處,至少,Hook Line要寫得好,咁咩係Hook Line呢? 即係個中心思想,例如中學時代作議論文,進入論證陼段你係一段既開頭必然係寫個論點係乜,咁廣東歌就無作文咁複雜,無需要3個論點,只求一句你記得既歌詞,而呢句歌詞,學我師父咁講,愈似原詞愈好。
.
用其他比較更出名既歌黎做例子,相信呢首好難未聽過:
.
《失暖王》
https://www.youtube.com/watch?v=P_qOY0H91qQ
.
「我是一個西伯利亞人 冬天的冠軍」,唔好睇少呢14個字,因為係呢14個字入面,完完全全地利用左大家對《失戀王》既認識去建築自己個主題
.
每段戀愛都會認錯人 失戀的冠軍
.
我是一個西伯利亞人 冬天的冠軍
.
為方便大家閱讀,我用不同顏色去將呢首歌既Hook Line分拆成上面咁樣,雖然大家既詞性未做到平行,但結構上係完全一樣,既然大家對《失戀王》耳熟能詳,咁「我是一個西伯利亞人,冬天的冠軍」就十分容易入腦。
.
.
咁講返自己首歌,其實道理一樣:
.
流水很清楚惜花這個責任
.
條女很清楚收兵好過嫁人
.
純粹學術討論角度,呢一句Hook Line比西伯利亞人更加利用到大家對舊詞既認識,神奇之處係《落花流水》都係寫緊類似既野,只係手法上融情入景,但二次創作當然唔會咁玩,開門見山從來都係最入耳既方法,而「條女很清楚收兵好過嫁人」呢一句,結構同舊詞一樣之餘,係詞性唔一樣既相同結構當中,其實係用返同一個韻(「這個」VS「好過」,「責任」VS「嫁人」),所以,不難解釋個標題係有聲,呢個亦係不少歌曲成功之處。
.
Chorus之中,其實《條女…》亦都沿襲舊詞既結構
.
流水很清楚 惜花這個責任 條女很清楚 收兵好過嫁人
真的身份不過送運 真的身份不過女神
這趟旅行若算開心 只要女神未夠開心
亦是無負這一生 便集齊萬馬千軍
水點蒸發變做白雲 好聽D佢當係熟人
花瓣飄落下游生根 衰D講係用黎犧牲
淡淡交會過 各不留下印 落力辛勞過 亦不能步近
.
一般既改編歌詞,通常都盡量避免帶子原詞影子,但改膠歌,的確,愈似愈好,基本上成個CHORUS都係跟原曲一樣PATTERN,只要原曲夠HIT,改出黎既野有文有路,包無死 。
.
.
至於最後一段CHORUS,的確唔係我寫,唔係話我要SHOW OFF,但一睇歌詞就知咩事:
.
條女終一天清醒遣散眾人 天兵身份急降蟻民
只要女神又有心癮 霎眼期盼再轉生
偏偏一走已是罪人 她都只會渴求新軍
再次孤獨了 害傷痕淚滲
.
但是兵役過 在心頭怒憤
.
文句不順已經出事,去刊中間直情連結構都保唔住,難怪身邊有D朋友都會問,「做乜最後個段咁既?」
.
「咁我返到屋企個MV都出左世,唔通要人再改過咩?」
.
.
.
下一集講下用Verse做Hook Line既膠歌
.
.
.
最後送多條片比大家,首歌正正係我師父所寫,若果對覺得粗言穢語好多Dirty既,請係按下讚後點擊上一頁。
.
《賭撚成熟時》 詞:雙魚已歿 唱:硬道理
https://www.youtube.com/watch?v=i8RFohg5XnY
.
============================================
.
aamsictravel 音樂頻道:
https://www.youtube.com/channel/UCxKy4U8sJbtRcZezs8BbYdw…
.
.
其他音樂相關網誌:
.
《香港樂壇已死? 現在才是百家爭鳴的時代》
https://aamusictravel.com/…/%E9%A6%99%E6%B8%AF%E6%A8%82%E5…/
.
《我始終需要情歌 – 情歌呢?》
https://aamusictravel.com/…/%E6%88%91%E5%A7%8B%E7%B5%82%E9…/
.
《填詞技巧 – 淺談0243》
https://aamusictravel.com/…/%E5%A1%AB%E8%A9%9E%E6%8A%80%E5…/
.
《填詞技巧 – 進階版0243》
https://aamusictravel.com/…/%E9%80%B2%E9%9A%8E%E7%89%88024…/
建築用 ab膠 在 記者陳曉蕾 Facebook 的精選貼文
櫻花似的學校路
長洲櫻花開,遊客一窩蜂似的湧上山頂關公忠義亭看花,學校路很久沒有這樣熱鬧了。
這條其實不是「路」,幾乎全部都是樓梯級。穿過商鋪林立的大新街,來到學校路,首先看到的是開揚滿有氣派的大彎位,由右邊三級樓梯,順著地勢砌出左邊五級樓梯,昔日這是金龍戲院,大家總是興高采烈地踏上這幾級樓梯,滿心期待看好戲。
學校路走上山頂,足足有一百級樓梯,兩邊就是長洲官立中學、長洲公立學校、順德公立學校,上下課時擠滿學生。
「朋友都很記得這條梯:『細個時讀順德小學,日日都要上樓梯一次,有時唔記得帶功課,趕係上堂前番屋企拎,可能仲要來回兩次!最深刻係,我自己同好多同學放學時,唔知係書包太重、定係啲樓梯級太窄,定係放學太心急?經常會有人放學時落樓梯腳軟跌倒,我印象中自己跌過兩次,膝頭損哂,而其他同學更加數唔到幾多次……』」Harmony笑著說,眼前,卻是雜草叢生的舊校舍。
........
學生數目大減
.........
公立學校、順德學校這兩間小學,在千禧後先後被「殺校」,官立中學接收順德學校的校舍,變成長洲最大的中學,而公立學校就一直丟空。Harmony在長洲出生,爸媽都是教師注重教育,她小時唸的是長洲名校「聖心學校」:「我小時長洲有六間小學,每班收足四十二人,每級都有三、四班,一間小學成千人的。可是,長洲現在只有三間小學,就算最受歡迎的聖心,一級得一班,一班才二十五人。不過二十年,長洲的小學生人數可能得番十份一。」
全長洲三間中學,Harmony爸爸任教的明愛聖保祿中學,最先被「殺校」;佛教慧因法師紀念中學轉直資學校,街坊都說入學即派三千元,但全校學生還是得幾十位。較有規模的就是長洲官立中學,今年慶祝一百零八年校慶。
Harmony走到一間平房:「官中的舊生,都喜歡在這屋仔前拍照,但這裡不是校舍啊。」這平房好別緻,牆身是弧形的,門前的樓梯呈扇形,這以前是郵政局,現在傳聞是食環署職員的休息室,兩邊房間長年累月都門開冷氣,老舊冷氣機轟轟響。「係喎,幾凍都開冷氣,晚上也開著,我記憶中這兩部冷氣沒關過。」Harmony說。
這條路,她還記得曾經有好多士多,起碼有三、四間,用衣夾夾著薯片等一包包零食,擠滿了學生:「我小時的零食有蛋糕仔、豬腸粉,長洲可能多一些零食是親手做的,但我最想吃的是糖,士多把包裝拆散,放在膠桶仔裡一粒粒散賣,阿媽就不讓我買:『好髒!都不知道放了幾耐!』」
.............
遊客數目大增
.............
學校路是漂亮的,除了這些舊建築,有好幾棵大型的木棉樹,三四月時全部開紅花,之後雪白的棉絮鋪滿荒廢的學校操場;公立學校也有一棵很高的鳳凰木,炎夏盛放把天空燒紅了;這條樓級路向下走時還對著大海,黃昏時漫天紅霞。
然而,這些在遊客眼中,通通都比不上學校路盡頭,山頂關公忠義亭的櫻花。
那天去看,只得一棵櫻花開得燦爛,其他幾棵零零落落,甚至看來快要枯死了,樹身都是蟲洞。一棵花樹,擠了近百遊客,個個都在擺款拍照,一時把花技拉下貼近臉,一時又「低炒」扮置身花海……
「其實我小時候也來這樣寫生,也常看見櫻花,但老師都叫我們畫關公亭。」Harmony說完全是某年傳媒報導,才引來這麼多遊客:「現在櫻花開變成大事,也好,很多搬走了的親戚朋友,都借口看花,回來再聚。學校路也是每年這個時候最多人經過。」
這櫻花還能撐多久?關公亭裡的巨型關公像,是六七十年代長洲居民去台灣興祝雙十國慶後帶回來的,由於廟的設計像亭子一樣,所以不叫關公廟。關公值理會主席何炳釗接受傳媒訪問時說七十年代從台灣引入三十五棵山櫻樹,使亭的兩旁一片櫻花林,可是先後枯掉,希望政府接手保育。可是樹木專家指山櫻樹本來就要生在更高的山上,要救活,就要重找地方種植。
如果,這最後的山櫻也留不住,會否像林村放一棵塑膠許願樹?「塑膠櫻」可能上鏡!
關公亭對開的房子,爬滿了炮仗花,也是橙色一片花海,遊客卻沒看一眼。
.......
最後的「士多」
.......
迎著大海,由學校路回到大街,戲院早變成三層丁屋的「金龍花園」,旁邊的士多最近也沒有開門了。老闆朱太剛做了腳部手術,家裡樓梯多不方便,把床搬到士多裡暫住。
士多拉上鐵閘,可是門前放著好多朱太收集回來的舊椅子。「大家可以坐吓,行長樓梯之前,可以休息一下。」朱太告訴Harmony。
.....
原刊
https://eweekly.hk/…/%E5%B0%88%E6%AC%84%E6%AB%BB%E8%8A%B1%E…