［茶走人涼］林建名一走，法國佬就反枱了
明報link ：鱷魚恤遭終止「LACOSTE」分銷協議， https://bityl.co/7HBA
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
1. 「坤叔過咗身，我咩嘢都冇興趣傾喎」
2. 《無間道2》（＊）嘅敘事好快，一開始已經係倪坤（張同祖）被殺，四大馬仔即時埋夾造反，想另起爐灶玩歐超聯新和聯勝咁。然後介紹倪永孝（吳鎮宇）出場，安居平五路。
3. 亦都話你知，人走茶涼嘅道理。當然表面上我地都講「法人」，上市公司更加係，ownership同management 分開，唔係啲老撚土華資（其實日資韓資都係）企業咁 朕即天下， 大股東CEO執行董事創辦人都係區區在下我本人。
4. 甚至有一期，覺得根本唔需要有「靈魂人物」。公司嘅core value先係永續，傳承與壯大，相信一個人不如相信每一個人。所以有一期呢，股權分散晒，冇大股東，然後外面請專業經理人，先係王道咁話。未有咩ESG之前，咪就飛機呢啲企業管治。
5. 邊間最出名？匯豐咯！然後就真係the rest is history
6. 然後唔知係咁啱定點解，就變咗吹捧科企嘅創辦人，個人魅力（但，李澤楷廿年前都鏟青著卡其褲啦）。反過嚟就變咗你華爾街識條撚 股東識條撚 本人先最識間公司 冇我唔掂。所以創辧人要永續，同股不同權萬歲，大把人吹奏。然後而家DropBox之類做到一pat屎，但對沖基金都係趕佢唔走的，正如小朱一年唔知使幾多億做保安，一樣趕佢唔走。（＊＊＊）
7. 講返，咁多教科書嘢背後，大家忽略咗，唔少嘢，都係「人」傾返嚟嘅。
8. 我在星展，去到坡國，淡馬錫都會見我—就梗係因為畀面我公司（反正都係半國企），唔係畀面我啦，know me mouse．但，我在康宏，人地開個專欄畀我寫，就梗係因為我，唔係畀面康宏啦（＊＊＊＊＊）
9. 上次先寫過林建名（https://fbook.cc/3TFV），一死咗就有人炒私有化。正如之前鄧成波，一死咗對家金朝陽已經要出通告講，可能close唔到刁
10. 今次呢，就到法國佬。以前話同LaCoste有商標糾紛，後來講掂數，出嚟行求財唔係求氣，不如畀你賣埋。鱷魚恤就改Logo，變咗左邊開口嘅金鱷魚，La Coste就右邊開口綠色
11. 但，邊個同法國佬傾？梗係林建名啦。「傾完做乜就自己心照」
12. 理論上個rights去到20205年，「合約精神跟法人唔係跟林建名」。但而家，大將軍一去，後人就壓唔住場了。對家咪借機玩嘢反枱。
13. 當然誰是誰非唔知啦，睇返通告內容，係法國佬話公司冇「履行分銷協議項下一項的責任」，傾唔掂，就法庭見了。
14. 影響？都大㗎，都佔收入成20%．其他業務？就係賣鱷魚恤，仲有收租，觀塘嘛。
（＊）的確拍得好，但，亦真係好多情節都抄《教父》抄得好明顯。包括後來倪永孝隊冧四個大佬，就照抄《教父》結尾了。同樣地，倪永孝係唔係大仔（有冇人留意到？），正如《教父》入面阿爾伯仙奴都唔係大仔（＊＊）。
（＊＊）又我而家越嚟越少寫任何同電影有關嘅嘢，唔係因為唔識（不嬲都唔識都係咁寫），而係大家冇共鳴。問題係例如寫《無間道2》之類，都真係好多人睇過。但到現家嘅，觀影經驗係十分碎片化的。除咗超級英雄片外（而我係唔睇的），就冇乜嘢大家都會睇過。
（＊＊＊）呢度都要講，有人就用 Steve Jobs咁叻都要畀人趕走做例子。但我覺得正好相反，正好畀你見到是金子就會發光。趕完佢走，咪之後發現唔掂，死死地氣搵返佢返嚟，然後就係全世界最值錢企業。同樣地，Jeff Bezos一樣冇同股不同權，Elon Musk一樣冇呢回事，但你見唔見「短視」嘅股東趕佢地走？（＊＊＊＊）
（＊＊＊＊）不過亦講返轉頭，有話當時Elon Musk忽然話私有化，除咗係high大咗，亦因為怕畀人趕走。但後來股價升咗N倍，咁講真你要狙擊Amazon 或 Telsa，用既錢都真係唔少 — 而既然而家都唔係同股不同權，現有啲股東係不滿管理層嘅，理論上都可以踢走。
（＊＊＊＊＊）你去落廣告買個專欄就另計，你畀多多錢嘅，日日畀全版你鳩up都得添，請睇《新喜劇之王》：表姐！都叫咗你唔好吸毒㗎啦！害死你呀！—呢段戲真係冇得頂
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
張同祖 在 張同祖 的推薦與評價
【獲獎影片】《九月二十八日▫晴》（導演：應亮/ 香港、荷蘭/ 25分鐘/演員：張同祖、彭珮嵐/ 原著小說:《第十六分鐘》、《味道· ... From the video description ... ... <看更多>