【由《#李屍朝鮮》睇到《#屍戰朝鮮》：似睇戲多過睇劇】
#晞Netflix記事
終於一嘗一日煲一季劇，再由《李屍朝鮮》睇到變成《屍戰朝鮮》，Netflix個「下一集」設計好邪惡。真心呢套嘢我係當電影唔係當劇睇，由第一季嘅圍城、稻田戰（稻田果場超靚），到第二季嘅「三年前回憶」、重頭大戰，鏡頭調度、畫面美感同場面氣勢，根本就係套電影嚟。一般睇劇，點都要有時間鋪排下人物角色同支節，但呢套劇由第一季一路殺到落第二季，簡直係一氣呵成，即使第二季中段有少少變咗宮鬥劇，都完全唔覺悶。
喪屍片甚至喪屍劇都有好多，用古代出發已經夠新鮮，當中喪屍（劇中叫怪物／瘟疫）嘅弱點、點樣攻敵，喺冇現代用機關槍下下爆頭時，絕對係個好新鮮嘅玩法，雖然個人覺得點樣「醫瘟疫」方法好似牽強咗少少，都無礙可觀性。
一班主要角色，個個人物個性鮮明，過程都係會牽動人心，為佢哋嘅下場而緊張，呢一點《Walking Dead》之後愈搞愈亂就做唔到，而班角色嘅背景都「應瞞得瞞」，鋪得到應有嘅懸念落下季，第二季大結局最後果十分鐘睇到屏息。時勢造英雄，睇住個開頭疑似廢廢地落難王子，慢慢變成個有血有肉真英雄，呢個過程都鋪得唔錯。頭兩季個人覺得要一齊睇，第二季最後一集疑似可以獨立完事，又鋪出新花款，期待可以點樣玩。
瘟疫從來唔係天災係人禍，當權者一個決定可以拯救萬民，同時一個決定都可以將百姓置於深海，成為自己鞏權工具。大家講到同武漢肺炎扯上關係係如有雷同，但相信林奠都有認真參考過中殿娘娘嘅行事同處理手法，仲有個笑容，攬炒之母完美演繹。
又，演中殿娘娘果位妹妹金慧峻寒氣迫人，原來係青龍獎最佳新演員。
金成圭由《犯罪都市》到《惡霸．魔警．殺人狂》，演癲佬演到出神入化，印象中第一次睇佢演好人（暫時應該係），但都要係一個癲嘅好人，型到呢。
柳承龍同陳善奎喺《炸雞特攻隊》一齊扮傻仔（前者仲有《戇爸的禮物》），呢套嘢入面一忠一奸，正正經經完全係兩個style，尤其前者演得好入骨。
裴斗娜同「隔離果套熱門劇」嘅孫藝珍（真）一樣，點解可以冇老過咁。
個人覺得第一季係爽過第二季，睇返第一季導演原來係《黑仔刑警》同《活埋35夜》果位金成勳。第二季係唔差，只不過珠玉在前差咗少少囉。
最後一個鏡頭，全民劇透，首播當日已經知道曬咩事，依然好震撼！第三季可以點玩？
《炸雞特攻隊》、《犯罪都市》、《黑仔刑警》、《活埋35夜》觀後感可看留言連結。
📣文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過payme課金以作支持🥳：payme.hsbc/jackyhei 或使用QR code亦可：http://bit.ly/3aKpFX8
‼最後機會‼小弟執筆之原創小說已賣剩最後一批，售完即止，請即訂購：http://bit.ly/2PKXYFA
【IG請follow】www.instagram.com/travelerwithmovie
從邪惡中拯救我netflix 在 魔鬼對決從邪惡中拯救我Deliver Us From Evil 最新電影預告 ... 的推薦與評價
魔鬼對決 從邪惡中拯救我 Deliver Us From Evil 最新電影預告黃晸玟&李政宰主演. ... Bodyguard | Official Trailer [HD] | Netflix. Netflix. Netflix. ... <看更多>