「飛天南」從來都是閒角,但在 #721 事件中,卻成為襲襲升級的「奇點」。心臟病發,幸得救護員全力即場救治。大難不死,卻不悔改。以下是《元朗黑夜》第20節詳盡的記錄經過,至於如何成為「奇點」則在21節記載。
—————————
20·英龍圍事件
一件歷史事件的發生,有遠因,有近因;有可控的條件,也有不可控的條件。如果說西鐵站內的第一次衝擊是一次有組織的罪案,那第二次衝擊就比較像隨機地發生的事件,摻雜了很多偶然和不能預計的情緒。英龍圍事件,是奇點,是發酵的關鍵。
快速應變部隊離開前,並沒有驅散聚集在 J 出口下面英龍圍的持械白衣人和村民。午夜過後,警察離開,英龍圍、東頭村、南邊圍一帶,又再有人聚集。
Colin 是一名在元朗居住的武術教練,個子並不高大,卻有種處變不驚的氣質。他在直播中看到元朗站的襲擊事件後,拿起了一把長遮,立即從家裡趕赴現場。在票務大堂目擊憤怒市民包圍遲到的警隊,他主動協助維持秩序,呼籲市民保持距離。
快速應變部隊離開後不久,Colin 在大堂近 J 出口位置觀察,當時群眾議論紛紛,為數不少的市民表示擔心元朗區內會有白衣人埋伏,不知道如何安全回家;亦有人走向地面,希望繼續向警察質詢。
大約十五分鐘後, J 出口傳來爭吵聲,Colin 循樓梯下去,發現場面一片混亂:以年長村民為主的一群人,正與從月台下去的市民爭執拉扯。在村民的後面,有大約十名白衣男子在場,所以有市民指責在場村民是白衣人的同黨。年長村民則反指在場市民是來「搞事」,當下要判斷誰是誰非?十分之困難。的確,在場是年老村民佔多,他們未必清楚西鐵站較早前發生的事件,卻成為群眾洩憤對象。現場有記者正在拍攝採訪,也被村民指罵。雖然有救護員在場協助調停,但憤怒的人們似乎不太理會勸阻,間中更互有推撞。
Colin 看見兩名村民用力扯著一名黑衣青年,並用雙手捏著他的頸;救護員嘗試拉開,但不成功。Colin 立即上前解開村民的喉鎖,並把青年拉回到人群中間。
也有幾名中年男子從中調停,看似和村民有一點交情,要求雙方冷靜。這時群眾之中亦有人大聲挑釁村民,一名戴橙色頭盔的男子表現十分激動,不斷向村民叫囂:「夠膽就吹雞!全香港人入嚟玩你!」這名男子是月台襲擊事件後到場的市民,在指罵指揮官時,也是站在最前和呼叫最大聲的其中一人。在場有人把他拉開,相勸他不要挑釁,但他一直沒有收斂。
雙方僵持不下,村民要求在場人士離開,中間幾名市民也極力勸阻:「大家香港人!大家要冷靜!」亦有村民比較溫和:「你哋走啦,唔好搞我哋!」
可是沒有人願意散去,兩邊繼續互相指罵。情況持續大約三分鐘,一名中年白衣男子從村民後面上前,用手推開在場人士,破口大罵,警告人群立即離開(這名男子後來被傳媒認出是綽號「飛天南」的江湖人士吳偉南)。未幾,「飛天南」轉身,向其他白衣男子示意:「擸架撐!」幾名男子轉身返回村內。
幾十秒後,多名較年輕的男子從村內出來,手持藤條和木棍走向人群,並開始攻擊。市民雖偶有還擊,但明顯由手持武器的白衣人佔優。群眾退到馬路對面的西鐵站下範圍,白衣人得勢不饒人,繼續拿雜物擲向群眾,又用棍棒追打。現場附近是工程工地,白衣人把水馬上的指示燈拆出,不斷扔向眾人,威力有如投石,險象環生。
這時現場有一輛白色私家車響起警號,相信是便衣警員的車輛,但白衣人未有理會,繼續施以攻擊,車上的人員亦沒有下車。
Colin 見一位女記者走得較慢,於是擋在女記者前面,用長遮為她阻擋攻擊,一度和「飛天南」對峙。混亂之間,他聽到木棍打在女記者的頭盔上,女記者亦跌倒在地上。
怒火街頭,每一分每一秒都在挑戰每個人的心臟負荷。
00:08 am 白衣人追擊至 J 出口底下,離開人群獨自站著的「飛天南」突然失去知覺,整個人向後倒下。救護員懷疑他是心臟病發,立即上前為他急救。
「停咗呀,停咗!」救護員向同僚示意男子心臟停頓,立即為他戴上氧氣罩,並進行心外壓急救。
在場白衣人指責群眾「打死人」,雙方又展開一輪對罵。
經過兩次電擊,在生死邊緣遊走了六分鐘,「飛天南」心臟恢復跳動,救護員合力將他抬上救護車送院。當時「飛天南」仍然昏迷。
誰又會預計得到,這一晚會有黑社會人物心臟病發?這就是第二次衝擊的奇點。
「心臟停頓20分鐘」的推薦目錄:
- 關於心臟停頓20分鐘 在 Facebook 的最讚貼文
- 關於心臟停頓20分鐘 在 逆嘶亭 Facebook 的最佳解答
- 關於心臟停頓20分鐘 在 Dr 文科生 Facebook 的最佳貼文
- 關於心臟停頓20分鐘 在 Medical Inspire 醫.思維- 【死而復生】6旬翁心臟驟停90分鐘 ... 的評價
- 關於心臟停頓20分鐘 在 [見證]心臟停頓腦缺氧全復原|| 2022.12.20 - YouTube 的評價
- 關於心臟停頓20分鐘 在 心臟停頓15分鐘的問題包括PTT、Dcard、Mobile01,我們都能 ... 的評價
- 關於心臟停頓20分鐘 在 心臟停頓15分鐘的問題包括PTT、Dcard、Mobile01,我們都能 ... 的評價
- 關於心臟停頓20分鐘 在 心臟停頓15分鐘的問題包括PTT、Dcard、Mobile01,我們都能 ... 的評價
心臟停頓20分鐘 在 逆嘶亭 Facebook 的最佳解答
不枉
喪葬俗務告一段落,生活重歸平淡,因事發突然而無法調整嘅神經劇痛本已逐漸消退,但嗰啲人生中本應難得一遇嘅狀況,三不五時,都係會無預警襲擊大腦,擾亂舊人舊事嘅沉澱過程。世事無常之語,宣之於口從來可以輕描淡寫,但當親歷其境,接受然後認領,我始終無法保持異鄉人應有嘅冷漠,而係崩裂如山裂石破,然後粉碎成灰。
預想中嘅天人相隔,本應係以年計算,但二月三號嘅夜晚,將我殺得措手不及。當晚黃昏,我專誠載家母出旺角花墟,原本計劃係同因店務繁忙而久未露面嘅細妹一齊食飯,但沿路家母顯得精神恍惚,萎靡不振,更嘔吐大作。當時我地都以為佢係感冒,完全預料唔到嘔吐係可能同腦壓上升有關嘅噴發式嘔吐,直至佢舉步無力,跌跌撞撞,連由座駕行去食肆嘅十米路都延續唔到,我地至意識到佢病得有幾嚴重。我同細妹二人決定送佢返元朗診所睇醫生,於是倉促告別,而呢十五分鐘,雖然家母意識模糊,已經係佢同幼女嘅最後一段相處時間。
因為一心以為家母極其量只係重感冒,我選擇護送佢返屋企,睇佢自己意向如何再作打算,出乎意料,佢盡最後努力步入廳堂中央,軟攤落張梳化之後,就開始不省人事,聽唔到人講嘢。我同家父束手無策,認為若然以感冒視之,未免過於樂觀,於是打九九九,等救護人員到場處理。冇幾耐,白車到達村屋門外,家母聽從救護人員指令自行落樓,但出門口前,一直來回廚房,試圖處理家事,明顯意識已經極之混亂。生離死別在即,而我陪佢坐上我人生第二次坐嘅白車之際,我並冇把握僅有時間同佢傾偈,只係叫佢唔好東張西望,好好攤定,對於眼前人將要早逝毫無預感。
大約十點十一點,我地抵達醫院,其時急症室內人丁單薄,護士少,病症少,我一貫安靜,家母喃喃自語,家父則無言可對。家母經醫生初步檢查之後,要驗尿以及掃描腦部,我無所事事,等待時間異常漫長,但都只係㩒電話,耽天望地,未有爭取時間親近病塌,回應一直嗌頭痛但又無法連繫外界嘅佢。後來回想,當時佢嘅神經功能已經嚴重受阻,語無倫次,張目無力,只差未有癲癇發作。
當晚我急忙幫佢整理入院物品,然後獨自歸家休息準備第日接力,但佢嘅病情去到第二日已經急轉而下。主診醫生召集我一家三口,條陳病情,而我地一開始討論畀唔畀家母安詳離去,就泣不成聲,不能自已。若然世界真有神明,我相信神明必定係借助死亡之無預警以及難以招架,以最兇猛嘅方式制服我嘅不羈放縱,催迫我及早上路,自我療救。殘酷練就寬容,就喺未準備接受嘅剎那,我意識到失去一切之乾脆,亦意識到nothing can be worse已經置入我嘅系統。
二月四日,農曆年三十晚,床前房外親友同事聚首,目視家母心臟停頓,腦幹死亡。我企喺佢左邊,感受佢臉色由紅潤褪為白晰,直至旁人提醒屍氣無益,要我後退。一個月過去,我依然記得當時自己點樣同佢講我以後會努力向上,與人為善,保持元氣,以及會照顧包容我一直極為抗拒嘅嘅世人他者。我一面淚如泉湧,提醒自己面對情緒,好好記住無力挽回嘅感覺,一面為家母將要成為我人生嘅助力而靈力大作,有種向前通往無邊搜索,向上則直插天際闖蕩嘅暢達開闊。我用力記錄無力,積極調解消極,絕處可以逢生,大概正係如此意思。
往後三兩日,我足不出戶,食不知味,終日以淚洗臉,不論係闔眼養神定抬目張望,都完全走唔出傷痛。認知到向內自憐有害,我放任回憶,肆意分享,將我自識性以黎同家母之間發生過每一件事,加以整理,然後賦予意義。假若世俗常見嘅相簿紀念冊之物真有療效,我憑空編輯舊事嘅過程,必然比活頁釘裝更有血有汗。從亡者毫無保留嘅關顧之中,我深刻體會到自己成長中嘅自我設限以及自我厭惡,會令到佢幾咁痛苦,而以佢之名,要學識接受自我嘅念頭亦應運而生——否定自己,唔愛自己,即係等同否定亡者堅持多年嘅付出同厚望,因此只有變得強大,強大得足以無所不包,至有資格講出願君安息瞑目之語,無悔無愧。
一輪儀式過去,泣笑之中,我見到儀式點樣將所有人一度粉碎嘅心靈重建,而我非但未有痛不欲生之意志消沉,反而係更睇得清生之羅網,世之規律,以及自己與世界嘅千絲萬縷。紙製金銀珠寶侍從大屋裊裊飄散,我企喺化寶爐前,聽住身邊嘅人提醒亡者收嘢,十幾廿人摺咗成個下晝嘅心意化成輕煙,我心裡面只有默念:假如世界真有天堂地府,你一定要享受,亦要貫徹多年以黎對我嘅信任,繼續信任我會以最好嘅姿態戰勝一切,珍惜生命,為成為更好嘅自己而努力不懈。熱力迫人,燻到我雙眼又再一陣溫熱,但呢種溫熱,已經變得節制有度,收放自如。
物質生命嘅消亡,其實對於現世未必係壞事,因為冇死亡,人亦難以察覺生命之奧義。多得亡者賦予我生命,為我生命加以裝嵌,再容許我喺佢有兒有女嘅後半世再次為佢啟蒙,呢種以愛為前提而發展出嘅能量互通,將會以強大嘅靈力,喺我身上留低輻射穿透式斑痕,鑄成永遠。由此,我嘅存在,成為佢生命嘅延伸,而佢嘅生命,亦得我嘅存在,超越現世,超越時間,超越物質。佢嘅生命雖然短促,但佢比無數高壽之人都更能詮釋生命真義,相比起英年早逝,佢更值得嘅一句,係不枉此生。
我記得認領遺體嗰一分鐘,停屍間內只有我同執事人員,我鼓起勇氣集中精力凝望家母,佢當時瘦得不似人形,口鼻以無以名狀嘅異物搪塞,已經遠非我心目中嘅佢。空氣中無色無味,我心無旁騖,既係一片空白,又彷佛置身於烈陽之下,白中有光,有熱有火。我從未如此接近屍體,但越接近屍體,我就越感應到何謂雖死猶生,於是堅定,於是接受,於是更覺自己受到使命感全權支配,必須奮力救世,代理世人同真理不停擦身而過。尋找真理以及對抗宿命係我人生中嘅最大命題,而過去我一直都無法排解,於是感覺自陷永劫,無法自拔。如今經此一役,我已經唔再退縮,而探見到輕裝上陣即可破除宿命嘅進路,我只想向前,無意回頭。人太畏懼連界失效,就會高傲,太嫌惡低等生物,就會鄙夷,因此只有真正無懼,至可以成就自己,然後成就他人;而只有傾盡全力自愛,再扶掖他人自愛,個體至會令群體都可以所有作為,以及死而無憾——但願我可以創造有價值嘅死亡,成為有貢獻嘅個體,如同家母一樣,學識以最適當嘅方式善待世界,成為身邊世人未來日子嘅頑強後盾。
http://gnimmm.com/2019/03/04/in_memory/
心臟停頓20分鐘 在 Dr 文科生 Facebook 的最佳貼文
《心臟停頓時CPR。係。唔。會。搓。死。人。》
自從消防處任何人campaign出咗之後就好多網民批評話消防處條短片無教得好清楚全個急救程序。
首先文科生想講,清防處係教緊C。P。R。同A。E。D。 唔係教緊你basic life support (基本生命支援)同Advance life support (高級生命支援)
係幾分鐘短片洗唔洗教埋DRABCDE, 教埋primary survey 同 secondary survey, trauma assessment?
最基本的
(1) 5cm 深度
(2) 1秒2下
(3) 雙手合上
(4) AED機貼pad
全部係條短片同首歌都講得好清楚,首歌個rhythm同羅蘭姐的表演更異常地洗腦
深度、深度、5cm的深度仲用埋身份證長度做reference
速度、速度、一秒兩下的速度配合埋首歌的速度。
所有key message出哂,全港仲瘋傳,完美地做到public health的效果。
係香港,我地唔難發現仲會有些人經常會智者上身,當我地推廣疫苗時,會話疫苗會令人自閉、推廣CPR時,話會搓死人。Please, get your facts right
當一個人係街外心跳停頓時,個人已經係臨床上死亡了(clinically dead), 你係唔可能搓死一個已經臨床上死亡的人。就算救護哥哥八分鐘內到達,病人已經有八分鐘的腦部係缺氧。美國心臟病學會的研究話比我地聽院前路人bystanders心外壓(CPR)和使用AED係最能拯救心跳停頓的病人的方法。無嘢好得過最基本的CPR同AED,即使無學過都可以提高生存機率。
好多時我地都會慢慢建立咗「少做少錯」的概念,為咗怕出事而唔敢伸出援手。試想像下如果心跳停頓的是你愛人,而街上的路人無人敢伸出援手你又會有咩感覺?當有人想伸出援手時就有其他路人話「喂,你無救急牌會搓死人嫁」,而最後無搓到,你愛人失救而死,你會點諗?
今時今日,網上言論唔需要負責,但你要諗清楚當你在網上散播錯誤訊息的時候,個影響到底係乜嘢。 我唔係好明白點解咁多持急救證書的網民會反對全民CPR並係咁reinforce CPR會搓死人。係咪個急救課程無講清楚CPR係搓唔死一個cardiac arrest的人,定係急救課程令佢地有個莫名其妙的優越感,只准急救牌救人,唔准「任何仁」救人?
容許我再重申一次,some CPR is always better than no CPR。AED的設計就係比路人同無受過訓練的人使用。圖文並茂你只需要跟住指示去貼,部機自己會分析電流再建議電擊。無論係街邊買菜的陳師奶、中環返Big 4的OL姐姐定係報紙檔的阿偉都會識得用。從今日開始唔好再怕會搓死人,「任何仁」都應該勇敢地伸出援手。
* 好多人都擔心法律責任,香港雖然無Good Samaritan Law,但係common law的制度底下,除非你故意傷害病人,否則急救一個心跳停頓的病人係難以負上任何的法律責任。當然希望政府可以立法清晰地保障市民
* 強烈建議政府將急救納入中學課程達至全民急救
* 香港可以提供更多門檻較低 好似外國的短期(1-2日)的CPR&AED急救課程。老實講,現時市面上的急救課程要成20個鐘教一堆如何包三角巾同繃帶,到底吸引到幾多人去報讀?
* 好多網民都話如果路人走去跟條短片救人會推死人,但從來無解釋點解會推死。好有素人父母的影子。
#任何仁
#全民CPR
#全民AED
#5cm的深度
#1秒2下的速度
香港消防處 Hong Kong Fire Services Department
—————————————————
記住follow我IG: artstudentinmed ❤️
心臟停頓20分鐘 在 [見證]心臟停頓腦缺氧全復原|| 2022.12.20 - YouTube 的推薦與評價
![影片讀取中](/images/youtube.png)
平常地在內科病房飲水「落錯隔」,叫唔到出聲求助,7~8分鐘後才被發現,面已發紫,心臟停頓;心肺復甦法救番有呼吸脈膊而矣,而且因腦試過缺氧, ... ... <看更多>
心臟停頓20分鐘 在 心臟停頓15分鐘的問題包括PTT、Dcard、Mobile01,我們都能 ... 的推薦與評價
想知道心臟停頓15分鐘更多一定要看下面主題 · 心臟停頓30分鐘 · 心跳停止多久會腦部缺氧 · 心臟停頓20分鐘 · 心臟停頓時間 · 心臟停頓後遺症 · 心臟停頓急救 · 心臟停頓9分鐘 ... ... <看更多>
心臟停頓20分鐘 在 Medical Inspire 醫.思維- 【死而復生】6旬翁心臟驟停90分鐘 ... 的推薦與評價
起初,Melinda以為是鼻鼾聲,但很快發現丈夫心跳停頓,於是立即叫救護車,並為Alistair施行了20分鐘的心肺復甦法,惟醫護人員趕至後,發現他仍沒有生命 ... ... <看更多>