【純粹懸疑】
今次些牙呢套，同往時有好大分別。分別就係成套戲都：無鬼，係齋賣懸疑既啫。套戲黎自韓國，戲名叫《侵入者》（又譯「詭妹」），係由《Running Man》既智孝，仲有金武烈主演。
故事講述男主角响車禍中死左個老婆，但就响同一時間，搵返自細失蹤左廿年既妹妹。而成件事最「詭」既地方係：自從「細妹」返左黎之後，成頭家唔同晒：年老既阿爸阿媽眼中就只有個妹，就連主角唯一個女，都痴姑姐多過痴自己。忽然之間，男主角好似失去左成個世界咁，好困惑。
困惑到佢的起心肝去查下個「細妹」到底係咩人黎，卻發現原來聲稱幫佢搵返個妹果間中心係假既，响「細妹」身邊出現既人，佢地既身分，都唔係「細妹」口中所講咁既！但最弊既係，當男主角竭力去同阿爸阿媽、警察去講呢件事既時候，竟然無人肯信佢，個個就好似被人灌左迷湯咁！
全套戲最令人肉緊既地方，當然就係「細妹」响阿爸阿媽面前就扮到楚楚可憐，但對住阿哥就由鵪鶉，慢慢露出真面目果段啦！講真，雖然橋唔算新，但係女主角都演得出令人好想知道佢底細，好想佢俾人拆穿而大快人心果種感覺既。之但係男主角就無咁好彩喇，要挨到最後一分鐘都⋯⋯
你放心，我無劇透既！事實係你真係要自己睇過，至會判斷到個「細妹」係咪真係男主角既細妹黎。仲有，佢同男主角老婆有咩關係？佢突然之間走出黎，到底係為左咩？雖然，背後既原因確實係有些少天馬行空既，但套戲並唔淨只係為左嚇而嚇個渦，而係有message有大道理响入面架！
#恐怖影評 #侵入者 #詭妹
恐怖影評 在 《不!》到底想演什麼? 今年最難以形容的恐怖電影| 影評| Nope! 的推薦與評價
逃出絕命鎮導演喬登皮爾的最新巨作，有符合眾人期望嗎?【2022台北城市博覽會】邀請你一起來感受台北的進步與轉變！-實體展覽期間：2022年8月27日(六) ... ... <看更多>