Search
海洋公園哈囉喂全日祭2017正式揭幕！
今日好好玩，羅蘭姐、阿sa蔡卓妍同埋楊天宇，盛智文，連同威威以及一眾嘩鬼，為海洋公園哈囉喂全日祭 2017 揭開序幕。
由 10 月 5 日至 31 日期間指定的 16 天，早上 11 時至晚上 11
時體驗哈囉喂各大景點。今年，哈囉喂全日祭首度引入繁忙日子，遊人須於 10 月 21、22、28 及 29 日購買「哈囉喂門票」，以進入哈囉喂各景點及欣賞【猛鬼戲院最終回】。
所有適用於 10 月 5 日至 31 日的門票由即日起於海洋公園網頁有售，遊人於網上購票可享 95 折優惠。持有優越門票的遊人可於網上預約名額有限的【恐．慌】體驗。
香港海洋公園 Ocean Park Hong Kong
《知唔知點解鬼屋咁恐怖？因為佢哋會請「鬼屋調整員」……》
唔知各位有冇聽過「鬼屋調整員」？話說每年就快萬聖節嘅時候，世界各地幾乎每個樂園都會整鬼屋嚟做主打活動。為咗增加鬼屋嘅驚嚇程度，有唔少主辦單位都會請鬼屋調整員嚟做測試再調整，務求令到啲鬼屋可以滿足一眾自命膽大嘅旅客……
而要做鬼屋調整員，最大嘅條件──就係要好細膽。各位一定會覺得好奇怪，唔係應該相反先啱咩？其實我同大家都一樣，當初見到嘅時候都諗唔明白，然而時薪實在非常吸引，所以最後都係選擇去打呢份「工」。
記得當日去到現場，除咗我之外，現場仲有另一個男測試員，睇落年紀都同我差唔多。見佢高高大大，實在好難想像佢會係一個細膽嘅人。
「我叫做阿澤，妳呢？」等緊職員嚟嘅時候，男人問我。
「小芳。」我點咗下頭。
「妳係第一次做鬼屋調整員？」阿澤好奇咁問。
「嗯。」認真望多眼，竟然覺得阿澤佢有種熟悉嘅感覺？
「我都係，咁一陣要多多指教啦。」佢露出一個爽朗嘅笑容。
無耐就有職員嚟向我哋解說流程，呢日我同阿澤主要係測試三間鬼屋。一知道係兩人一齊行動嘅時候我都有少少鬆口氣。
而事實上，有佢結伴同行，第一間叫做《迷宮》嘅鬼屋都總算係無驚無險咁闖過咗。第二間叫做《埋葬》嘅鬼屋雖然驚嚇好多，但每次有嚇位嘅時候，阿澤佢都願意借出佢嘅手臂同肩膀……或者吊橋效應係確實存在，我居然開始對阿澤產生一種微妙嘅感覺。
終於去到最後一間鬼屋《慌宅》，一行入呢間據說經過精密設計嘅鬼屋，阿澤佢忍唔住問我：
「其實妳咁細膽，點解仲會願意嚟做調整員呢？」阿澤笑一笑，「斷估唔會為咗筆錢掛？」
「我唔否認筆錢的確係吸引，但其實……吖！」講到中途，我俾前面埋伏嘅一位扮鬼職員嚇咗一跳。
「哈，睇嚟呢間鬼屋嘅難度真係高好多，繼續行囉。」見阿澤表現得興奮起嚟，我決定暫時將說話放低一邊先。
就係咁，我哋一步步深入呢個可怕嘅怪宅。雖然越嚟越恐怖，但我哋總算喺呢種恐怖裡面搵到一種樂趣……當我知道終點在望，好快要離開呢間鬼屋嘅時候。我鼓起勇氣拉住咗阿澤，將頭先未完嘅說話講落去：
「阿澤，其實我……一見到呢個求職廣告嘅時候，就有種好強烈嘅感覺，覺得我會喺呢件事上面遇到一個人……我……我估呢個人就係你！」
心跳得越嚟越快。雖然我冇講得好白，但相信阿澤佢一定會知道我嘅意思……
「阿澤，我希望離開呢度之後，仲可以繼續同你……」
「離開唔到。」阿澤突然甩開我隻手，然後向出口嗰邊退後一步，「小芳……妳嘅感覺亦都係錯誤嘅。」
「吓？」我不解，「你到底講咩……」
「妳係時候記返起喇……」喺微弱嘅燈光照顧下，我見到阿澤嘅臉頰掠過一層陰影，「妳係離開唔到呢度，我同妳亦都唔會有『繼續』嘅可能……」
聽到呢度，我心臟就好似被嚇到突然停止一樣。而實際上……
「因為妳一早已經死咗……妳係一隻鬼。」
「唔係……唔係咁……阿澤……你只係講笑……」我忍唔住跪喺地上，腦海開始出現一幕幕回憶片段，同阿澤接住落嚟嘅說話不謀而合……
「三年前，妳死咗喺美國嘅一間鬼屋裡面，一直冤魂不散，而且總係唔記得自己嘅『真正真份』……慢慢我哋就發現到，利用妳可以令到鬼屋更加得人驚。只要喺最後一刻令妳記返起所有嘢……」
「我唔係鬼……我唔係……」
「妳嘅恨意同絕望，將會令到呢間鬼屋變成最得人驚嘅鬼屋。」講到呢度，阿澤已經退到去出口嘅位置，打開大門，「再見喇，小芳……」
雖然見到外面傳嚟燈光，仲可以聽到人來人往嘅聲音。但我知道，外面世界確實係距離自己好遠……
「唔好關門……唔好……」
「……等到下次有鬼屋搵我幫手嘅時候，我就會再帶妳體驗一次心跳嘅旅程……再賦予妳絕望嘅感覺。」
「……唔好啊啊啊啊啊啊啊啊啊啊啊啊啊啊啊啊啊啊啊啊！！！！！」
砰！
終於，怪宅嘅大門關上咗。
清脆而又冰冷嘅關門聲話畀我知，我嘅任務係要嚇倒入嚟呢度嘅係每一個人……直到有一個人做咗我嘅「替死鬼」，先可以擺脫呢個輪迴……
歡迎你哋大駕光臨……嘻嘻。
（完）
鍾意呢啲小故事就幫手俾個 Like 同 share 呀！
【睇埋呢度！】
海洋公園哈囉喂優越門票持票人士，優先尊享三大「恐。慌」體驗。包括全新《慌宅17》鬼屋，挑戰恐懼極限！仲有《暗黑迷途》和《凶降》挑戰「怕黑」同「畏高」兩大恐懼！名額有限，提早網上購票可享額外 5% 優惠。
詳情可以入呢條 Link 睇下： https://goo.gl/BD6e4W
#慌宅17 #海洋公園 #哈囉喂 #幽閉恐懼 #密集恐懼 #恐慌體驗
＊本故事與實際鬼屋活動無關（好似係），請勿誤會。
你對乜嘢有恐懼症？
我無畏高症，對離心力、密集、黑暗、昆蟲、鬼怪嘢都無咩感覺
我反而最怕睇核突嘢，好似人體解剖、酷刑之類
因為同理心作祟，我第一反應一定幻想：如果嗰個係我
當年為咗約一個女仔去戲院睇《恐懼鬥室6》
於是我獨自屈係屋企苦練煲曬頭5集
話咁快又Halloween，行鬼屋係在所難免
唔想咁失威要扯人衫尾行就預早訓練定先喇
揸住哈囉喂優越門票可以獨家尊享全新三大「恐。慌」體驗
挑戰「慌宅17」鬼屋入面各種恐懼，以及「怕黑」同「畏高」兩大恐慌!
網上購票仲可以平多5%。>> https://goo.gl/aLXL4H
#哈囉喂 #恐慌體驗
FB: https://www.facebook.com/hayakutang/
BLOG: http://www.dayanlife.com/2017/09/17-halloween.html
「慌宅17」:下午1時開放
**須於網上或現場購票時預約, 下午2時至4時進入【恐．慌】體驗的三個景點
#留意﹗演員有機會與你有身體接觸﹗
海洋公園哈囉喂全日祭2017
日期：（非繁忙日子）5-8、13-15、19-20、26-27、31/10（11am-11pm）；（繁忙日子）21、22、28、29/10
開放時間：11am-11pm
票價：
（日間票）成人$438、小童$219；
（哈囉喂普通門票）成人$538、小童$269；
（哈囉喂優越門票+非繁忙日子）成人$800、小童$400；
（哈囉喂優越門票+繁忙日子）成人$900、小童$450
