【#愛情冷知識 - 夫妻相係真！情侶一齊愈耐愈似樣】
有時喺IG放閃或者帶男朋友見啲fd子，佢哋都會話我哋愈嚟愈似樣～ 開頭我都當佢哋豬噏，或者心入面暗爽：「嘻～即係覺得我哋好襯！」不過自從愈嚟愈多人咁講，我就忍唔住諗，唔通一齊愈耐真係會愈似樣，咁大獲...我BB隻眼大過小剛少少咋啵... 而最近外國有研究證實，原來夫妻相呢樣嘢係真（驚）！
.
美國社會心理學家羅伯特（Rpbert Zanjonc）進行咗項研究，分別向110對情侶收集佢哋結婚當日嘅照片，同25年後兩人嘅合照，再交畀事先唔知道實驗內容嘅受訪者，要求佢哋評價兩人相似程度。結果發現所得結果幾乎清一色證實，兩人喺長時間相處後，會明顯愈嚟愈似樣～ 而相處得愈幸福嘅情侶，相似度就愈高！
.
呢個情況又叫做 「米開朗基羅現象」，講緊當兩人相愛嗰陣，會無意識模仿對方表情、肌肉運動，達致移情效果。久而久之，兩人甚至會連體重、皺紋位置、微笑幅度都非常類似！另外情侶透過肢體接觸，連皮膚細菌都變得相似，電腦甚至可以透過研究呢啲細菌樣本，配對返邊個係一pair，準確率有86%咁高（認真驚）
.
不過都有另一種說法係，其實本身我哋揀伴侶嗰陣，已經會傾向揀同我哋外表相似嘅人。所以所謂夫妻相，其實都有先天因素，只係相處耐咗更加似咁解囉！其實單嘢係幾浪漫㗎，就好似佢身上會留低你嘅印記咁，等佢成世都唔會唔記得我～ 你就好喇...有得似我，羨慕死人咩！
.
#唔怪得啲fd話我呢排肥咗 #塊面又圓咗 #原來係因為見得你多 #體重都似埋 #點收科 #拍拖 #情侶 #研究 #傾計 #男朋友 #香港
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm介紹拍拖好去處，我哋等緊你㗎😙！
情侶相似度 在 Smile Life 維媽育兒生活- 有科學證明情侶「在一起越久外貌越 ... 的推薦與評價
有科學證明情侶「在一起越久外貌越相似」 也有另一說法是夫妻兩的外表相似度會因婚姻幸福程度有關感情越好～就會長得越像大家認為呢?！ But我和黃爸在被說夫妻臉 ... ... <看更多>