可能因為寫得多 #小牆食評 嘅關係，今日真係有一個去食好西嘅機會，跟住 @dont_steph_onmyfooddd 一齊去咗 #蜜庵本膳 。一去到就問下staff有乜係好signature㗎，佢話pancake同雪糕，咁我好烚地就諗住叫個雪糕pancake，點知佢話其實呢度啲pancake係配炸雞、漢堡扒等等嘅，ok柒咗，但我心諗唔是咁奇怪啩，不過話晒都係第一次做偽 · foodie，當然要大膽啲乜都試。所以叫咗個 #唐揚雞腿肉米粉班戟 、 #開心果士多啤梨米粉班戟 (好聽話轉咗時令蜜餞芒果)、#咖啡京茶軟雪糕 、#活力人蔘 (熱飲來)。原本以為食落個味一定點都有啲違和，但食落又真係幾夾，原來因為佢哋嘅pancake係用米粉代替一般小麥粉，食落係冇咁甜，帶點煙韌，炸雞亦唔濃味，所以係夾嘅幾surprise，但之後食個甜嘅開心果pancake時個感覺又似返dessert，好難捉摸呀！到最後食個雪糕，唔是用雞蛋同牛奶整，是豆乳同甘酒，味道好似飲緊杯好濃味嘅凍鴛鴦，口感比較滑同比普通雪糕黏，幾特別，鍾意飲咖啡同茶嘅一定要試下呢個。總括而言，第一次嚟呢度感覺幾良好，環境清靜地方整潔，食物有驚喜，希望下次去試埋佢晚巿嘅丼，因為今次食得太飽冇叫到。
#我冇收錢㗎淨係去食 #唔是廣告 #唔知我有冇本錢做一個真嘅foodie呢 #感謝carry #食好西 #杯嘢飲普通冇乜特別所以講漏咗 #其實我寫咁多嘢會唔會累人哋冇咗個飯碗 #想去試嘅自己Openrice搵啦
想去試嘅自己openrice搵啦 在 openrice-senti/valid.tsv at master - GitHub 的推薦與評價
梗係即刻叫想試好耐嘅牛肉麵啦！ 湯底清，有淡淡嘅牛肉味。拉麵QQ可口，質感唔錯。牛肉嘛⋯質感一般，有啲似打邊爐式嘅牛肉，牛味又未算突出。 可能自己好大期望，又 ... ... <看更多>