【長文慎入】一直以嚟我都覺得攝影師同客人嘅關係真係可以好奇妙。大肚媽媽平時幾斯文保守都好，佢都可以好信任妳咁企喺你面前Nude住影相、幾怕醜嘅情侶都會真情留流露影婚紗照、婚禮大日子同攝影師嘅事前溝通一定係整個婚禮中數一數二最多。理性D講，其實本身係明買明賣，一個比錢買Service，另外一個收錢提供專業服務，影完相客人無義務講Thankyou，因為佢係比咗錢收到應得嘅服務，攝影師得到人地賞識講句Thankyou亦係禮貌，市劊D講，又未至於會大恩大德咁記一世，無以為報嗰D。但係呢個世界就係會有一班感性人「搞壞規矩」。🤣
我有一個習慣，每次影完相都會立刻Retouch幾張相Send比客人「止咳」，好記得初初開始影寵物，影完之後我就send咗幾張Preview比客人，客人好好，多謝我之餘仲同我講咗一句看似好普通，但係我呢世都唔會忘記嘅說話：「喂呀！妳影還影，小心條腰呀！見妳成日趴喺度，女人好傷㗎！」喂呀！其實一句「多謝呀！D相好靚呀！」我已經覺得好受寵若驚，可唔可以唔好咁Sweet呢？有D客又會Whatsapp我「記得食嘢呀！小心揸車呀！」。
呢D，我真係會記一世。
又，我係一個好好彩嘅人，有一班間唔中有錢無掟洗嘅客人會Keep住揾我影相，又手信又禮物，連我生日都會送禮物比我，試過影相收鑽石手練！喂，呢D唔係老奉，亦唔係要作狀討好我，Who the hell am I？講最真心嗰句，我影D相靚到要影咁多次咩？肯L定大L把人影相叻過我好過我！好老土講句，就係大家都拎咗個心出嚟，互相尊重，唔係明買明賣咁簡單，我個人Facebook上嘅Friends喺唔會Accept 唔識嘅人嘅Friends Requests情況下，多過一半都係由客人變成朋友。
又，我出名係超時王，原本影2個鐘嘅嘢可以影到3個鐘先完，唔係我進度慢，而係我真係影到覺得交凸比人我先收手，110分係基本。但係如果客人一開始就斤斤計較、未影就已經恩主上身，Sorry我只會做返本份，比返100分你。
仲有好多嘢想講，但係唔應該講。
-講完-
#如果小朋友扭計時間點計
#想問下點解我book左先出呢個優惠
#我而家係俾錢買難受
#就算你地真係大把生意都唔好咁既服務態度
