《重拾首爾的味道-初雪炸雞🍗 玫瑰醬炒年糕🌹》
呢間炸雞店我哋喺韓國食過一次，因為當時喺外賣🥡所以點都係爭啲。而家冇得去旅行🧳，唯有喺香港食返餐回憶吓 韓國嘅味道🇰🇷。
.
📍玫瑰醬寬粉炒年糕($108)
Rose sauce rice cake with vermicelli noodles
嚟到韓式鋪頭點都一定要叫返個炒年糕食，呢個玫瑰醬係新口味🌹。雖然玫瑰味就食唔出，不過食惹味，味道的確係唔錯。年糕口感煙韌得嚟唔似食緊擦膠，薯粉同樣口感煙韌又滑溜，仲有外皮卜卜脆嘅芝士腸，真係令人食唔停口😋。
.
📍雙重滋味炸雞（無骨)($188）
Half & Half Chicken
呢間嘅炸雞有好多款口味🤩，草根樣樣都想試，最終叫咗叫炸雞雙拼🐥，一款喺初雪，另一款喺韓式甜辣🍗。初雪炸雞上面佈滿一層厚厚嘅芝士粉🧀，惹味之餘令人胃口大開👅，真係又邪惡又好食😋。
至於甜辣炸雞味道都OK🍗，一啲都唔辣，甜味較強，不過味道就冇初雪咁突出。勞雞肉質嫩滑😍，肉汁豐盈💧，外皮仲保持香脆 。另外份量夠晒多，三人分享再叫小食就啱啱好。
.
📍皇室豬肋骨(L)伴芝士火鍋及脆薯條($275）
UK Baby Pork Ribs with Cheese Fondue
主食點咗個好澎湃嘅芝士火鍋配豬肋骨🫕🐷，不得不說佢嘅份量真係好大份😱。有2排豬肋骨同大量薯條🍟。豬肋肉比想像中軟腍，基本上唔使咬就已經可以將骨同肉分離，外層塗上甜酸醬好入味👍🏻。旁邊有一個芝士火鍋可以用來點豬肋骨食🫕，不過芝士唔夠鹹香，麵粉感覺重😮💨，呢點需要改善。薯條表面加咗蜜糖🍯，炸得唔夠脆，而且感覺甜咗啲。
.
📍脆炸紫菜蝦卷（$90）
Fried Shrimp Rice Roll
卷物中間包咗炸蝦🍤、醃蘿蔔🥕、青瓜等等配料🥒，之後再炸過表面🔥，概念喺幾得意，外層香脆再淋上沙律醬。不過中間嘅炸蝦唔突出😢，有啲失望👉🏻👈🏻。
.
📍士多啤梨乳酪特飲($48)
Strawberry Yogurt Smoothie
士多啤梨味甜度自然🍓，飲落清爽，唔錯。
.
📍愛文芒果乳酪特飲($48)
Applemango Yogurt Smoothie
呢款特飲好有趣🥭，咪道有啲似蘿菝神啫喱粉號，相信呢個味道絕對係大家嘅兒童回憶🙌🏻，草根妹妹就好buy呢個味道啦，唔知你哋呢？
.
NeNe Chicken (新都會廣場) (葵芳)
葵芳興芳路223號新都會廣場L1層185號舖
飲
.
@nenechickenhk #NeNeChickenHK #韓國人氣炸雞品牌 #玫瑰醬寬粉炒年糕 #炒年糕滋味遊 #friedchicken
愛文芒果乳酪 在 田莊烘焙坊- ➡️愛文芒果乳酪歐包➡️芒果乳酪貝果 - Facebook 的推薦與評價
愛文芒果乳酪 歐包➡️芒果乳酪貝果 將帶有特殊香氣的愛文芒果乾加在麵糰裡，再包覆著新鮮芒果乳酪餡，濃郁香醇，充滿果香氣味的芒果乳酪餡讓麵包更加的出色。 ... <看更多>