我老婆唔肯剪指甲（下）
上集：https://bit.ly/304f31n
如果我繼續留指甲，我都會逐漸失去自己嘅意志，死都唔肯剪指甲。
留指甲嘅人愈嚟愈多，大家再將呢件事包裝為潮流，吸引更多人留指甲，最終呢個世界會被指甲佔領。
洞悉真相嘅我毛骨悚然，我要做嘅第一件事，就係剪自己嘅指甲。
指甲似乎都知道危險，拚命控制我嘅身體，遠離指甲鉗。
眼見自己離指甲鉗愈嚟愈遠，我一咬牙，抓住自己左手食指嘅指甲，用力掰斷佢。
好彩，我可能唔多夠鈣，啲長指甲都幾脆弱。
掰斷咗一隻指甲之後，指甲控制我嘅力度減弱咗，我快手解決埋第二隻指甲……一番搏鬥後，我終於整斷晒十隻長指甲。
指甲斷咗，我個腦都清醒番，望住地下斷咗嘅指甲，只覺得好噁心，唔再有「指甲好靚」嘅幻覺。
拯救咗自己，我當然想拯救埋我老婆，令佢擺脫指甲嘅控制，拯救我哋嘅婚姻。
但老婆依加好防備我，連電話都唔聽，我就咁走埋去，肯定冇機會剪佢嘅指甲。
於是，我上網買咗一套好長嘅假指甲，痴喺自己嘅手指上。
既然老婆已經被指甲控制，我都要扮成「指甲人」，作為同類，先會得到佢嘅信任。
我去到老婆嘅娘家，佢一見到我，就想掉頭走。
我連忙伸出手，展露長長嘅假指甲，佢先肯同我講嘢：「你終於諗通咗，識欣賞指甲嘅美麗。」
「係啊，長長嘅指甲，先係美麗嘅真諦，每個人都有資格追求……」我將喺「華麗指甲團」學番嚟嘅嘢，講番晒出嚟。
老婆靜靜咁聽，等我講完，佢先講：「咁你點解要用假指甲嚟呃我呢？」
我呆一呆。
老婆繼續講：「我嘅指甲夠長，我已經成為『指甲人』，我可以感受到附近嘅『指甲人』，當然分得出真假。」
我唔知點答好。
老婆問：「你好愛『佢』？你唔想同『佢』離婚？」
佢口中嘅「佢」，明顯係我老婆原本嘅靈魂，我連忙點頭。
老婆微笑：「好簡單，你真真正正咁留指甲，到你成為『指甲人』，我哋就一齊番。」
「吓？」我理解唔到，老婆依加被指甲操控，應該好討厭我至啱架。
佢向我解釋，指甲唔會完全取代人嘅意識，依加老婆嘅身體內，老婆嘅靈魂依然存在，同指甲嘅意志共享一個身體。
指甲只係想生存同生長，喺一般情況下，指甲都唔會強行控制人類，除非有事威脅到指甲嘅安危。
又係喎，我之前留咗指甲，但平日都係馬照跑、舞照跳，只係增加咗對指甲嘅喜愛，同埋想剪指甲嘅時候，身體會被指甲操控。
老婆繼續講：「你老婆好愛你，我要操控佢同你分開，都好晒力，之前你想剪我嘅指甲，我逼於無奈，先要同你分居。」
佢言下之意，只要我留指甲，同指甲嘅靈魂共享身體，唔會再威脅指甲嘅安全，佢就肯畀老婆同番我一齊。
我忍唔住講：「但有另一個靈魂喺我老婆嘅身體裡面，點諗都唔妥……」
老婆笑一笑，伸出手，示意我摸吓佢啲指甲。
我摸一摸，全部都好堅硬。
老婆講：「分居期間，我都做咗好多嘢，例如令我嘅指甲變得堅硬，唔再係一個指甲鉗可以搞掂。」
唉，以佢依加指甲嘅硬度，就算我可以接近佢，都冇可能一下子剪晒佢所有指甲。
如果我拒絕，佢就會操控我老婆嘅身體，離我遠一遠，我同老婆嘅愛情就咁玩完。
結果，我選擇留指甲。
我知道，等指甲慢慢生長，佢就會有自己嘅靈魂，同我共享我嘅身體，並且愈嚟愈強大，從此我冇辦法再擺脫指甲。
我知道，呢個係陰謀，係指甲操控人類嘅陰謀。
但為咗繼續同我老婆一齊，我只可以選擇被操控。
知道真相，唔代表唔會墮入陷阱。
最完美嘅陷阱，係你睇得一清二楚，
但你仍然會跳落去，心甘情願。
—完—
將專頁設定為「搶先看」/ "See first"，最新故仔馬上睇！
新書《筍工重生高科技》已經出版了，現正發售中，
詳情可點擊這裡：https://bit.ly/32hgoSN
你的支持是我最大的動力！
#短故 #短篇 #小說 #陳美濤 #廣東話 #粵語 #tomatochan #我老婆唔肯剪指甲
愛的真諦粵語 在 愛的真諦-粵語 的推薦與評價
愛是恆久忍耐又有恩慈有愛就不嫉妒愛是不自誇不張狂，不做害羞的事，不求自己的益處，不輕易動怒，不計算別人的過錯，不喜歡不義只喜歡真理； ... ... <看更多>